樂壽新漁村酒家 (已結業)

我和家人叫了砂煲爆魚卜，好香口又唔腥；四隻蒜蓉蒸聖子，每只有6-8吋長，好好味但鼓油咸了點；還有浸波菜同佢嘅招牌菜煎釀鯪魚；最後有好滑好香嘅雙皮奶。每道菜都好好味，份量都好足夠，十分滿足！

我個人唔太鐘意食魚, 因為覺得蒸魚魚皮滑潺潺好核酸, 魚骨多處理唔到, 有腥味, 河鮮如鯇魚, 魽魚這些就係好例子, 所以我通常只會揀大魚/ 深海魚食.  朋友生日, 他是愛魚之人, 很懂得吃魚, 什麼魚都喜歡, 尤其河鮮! 他可以將一條多骨魚, 細心地食得乾乾淨淨, 只剩魚骨!!! 今次所以特地選了一間佐敦食河鮮的食店 - 樂壽新漁村酒家自己唔食魚又揀呢間??? 雖然我唔太吃魚, 但我本身都好順得人 . 講真, 有事我覺得每個人都有喜歡同唔喜歡食的東西, 但當出外食要根據各人口味去選的話, 基本上很難找到一間合晒心意的. 所以我覺得只要主角開心, 食飯氣氛好都係一個好重要條件呢. 當晚, 主角知道我唔太食魚, 佢都很窩心地選了一些無魚小菜! I LOVE YOU! 大大個煲載著熱騰騰的芥蘭以啫啫方法上枱, 芥蘭鮮甜同時配上啫啫這種惹味煮法, 芥蘭的清中和了啫啫的上火感覺. 成件事都好得宜! 另一招牌銀盆雞, 將雞平均放在這銀盤上 再灑上紅棗, 再以鍚紙蓋面焗. 我覺得視覺上享受會多過味覺, 看似很多風味. 但我會較喜歡老媽常作的金針雲耳蒸雞, 因為味道真的沒有什麼特別!奇怪的名字,

臨近中國人節日中秋, 酒家訂位常滿, 此時最好就係幫襯”非中式”食肆, 但無奈老人家要選傳統食物, 唯有照來. 剛不夠兩個月前才幫襯過, 今天完全是另一回事, 中國人經營的生意就是如此, 全都只看短期利益, 有得兼就兼咗先, 話之佢聲名受損.門口沒有寫明菜色與平日不同, 坐下來才知道, 這兩三個星期都只是供應有限小菜, 一張A4紙寫晒. 而且價錢也多了一截.選擇有限, 叫了一個名為”特價晚飯孖寶”的雙味菜, 煎焗魽魚+上湯浸時蔬, 收$228, 真不知道”特價”了甚麼, “上湯浸時蔬”, 其實就是波菜一碟, 平時大約收費五、六十蚊, 扣起了六十, 即係平日收$120左右的煎焗魽魚, 今天特價要收$170, 真有香港超級市場減價FEEL, 然而, 質素卻也算不錯, 以大煲上檯, 來到時還有滋滋聲, 熱騰騰, 魚肉份量也足, 魚肉入口彈牙, 唯以此方式煎煮, 魚味欠奉, 試不出其新鮮程度.勒流欖角骨 $98, 名稱怪怪, ”勒流”是應指順德的”勒流鎮”, 那裡的欖角特別出名? 唔太清楚. 美其名, 這碟其實只是普通的”欖角豬肉”, 但吃不出有濃郁的欖角味, 所用的又不是排骨, 基本上是只有

訂左枱同朋友食生日飯, 叫左:污糟雞半隻有D普通的家庭式蒸雞啜魚兩食 有子薑欖角蒸魚頭同炸魚腩兩味, 第一次食呢隻魚, 怕腥的朋友都話無問題, 好味西蘭花帶子花枝片呢個幾抵食, $138都幾多帶子同花枝片, 望落好多料, 不過我地9個人, 夾到最後原來唔夠每人一件帶子同花枝的薑蔥蠔煲 呢個超好食! 上菜時個煲仲滋滋聲, 我地仲要炒下佢免痴底. 好香好濃味, D桶蠔亦新鮮. 最好味的菜.金銀蛋浸莧菜普通, 不過不失樂壽拼盤umm...唔抵. 細份.粉絲海蝦煲好香口, 蝦都新鮮.金銀菜豬肺湯訂枱時, 餐廳方面話呢個跟另外一個天麻魚頭湯都最好預訂. 因為有朋友飲唔到魚湯, 所以我地訂左豬肺湯. $108兩人份; $180四人份; $380大煲的. 餐廳見我9個人, 當然叫我留份大的. 我話只要4人份的就好, 雙方耍太極來回兩三次後, 終於肯幫我留4人份的SIZE. 點知...我電話訂時講左3, 4次要4人份; 入座寫菜時, 侍應問我係咪留左個豬肺湯, 我話係, 留左個4人份的. 後尾個湯上時, 個貌似部長的姐姐喺我地枱旁邊的餐車度幫我地分湯, 上埋湯渣, 9碗湯之後仲有幾個可以添多碗,

今晚得三個人食飯，驚突然下雨， 唔去遠， 的我媽坐兩蚊巴士， 281A 兩個站德成洛車行埋去，問阿媽食釀青椒，釀蓮藕餅，定係炸鯪魚球，佢想試下釀青椒。點埋大良炒鮮奶、中蝦粉絲煲、薑蕙炒雞片。大良炒鮮奶:足料(有帶子、蝦)，推蛋白推得幾滑!!!(讚中蝦粉絲煲:蝦唔霉，煲仔夠惹味!薑蕙炒雞片:其實即係紫薑、菠蘿、馬蹄炒雞片。咁唔仲2食紫薑都食左幾塊

我們五人一起到這酒家食中午飯，不需等位已可入坐。內裏地方清潔寛趟，待應招呼周到，感覺良好。我們點選了一個四人餐再加一碟瑤柱蛋白炒飯，等了十數分鐘已經上第一道菜，跟著陸續上了其他的菜及點心，各樣餸菜及點心的味道都不錯，水準之上，猶其是那碟炒飯，瑤柱份量十足，米飯炒得有水準，粒粒飯都分得開的，值得推介。

I've tried other Shun Tak cuisine restaurants in Hong Kong but this one is by far the best! I come here quite regularly, almost once every month!Their double-boiled soup, especially the one with fish head, chicken feet, pork, and some Chinese medicinal herb (天麻大魚頭湯) is really good. I've also tried their (銀盤雞), pieces of chicken mixed with dates and ginger, wrapped in tin foil and cooked in a stainless steel plate. The chicken is so tender and flavorful, even the dates are sweet and tasty. I high

1月28日約左朋友食生日飯,我地四個人一早訂左位,酒樓係中式裝修,唔算大,原來係食順德菜既,餐牌係圖片的,好COLOUFUL,還有一些必食推介,我地諗左一陣點左幾樣嘢,大蝦粉絲煲,蒸扇貝每人一隻,煎蓮藕餅,啫啫介蘭煲,仕應推介我地食鉗魚,就叫左一個煎鉗魚煲,另外例湯係夏枯草煲豬橫脷,朋友話係正嘢,我第一次聽豬橫脷炸.例湯都好多料及湯,好甜好甜呀,豬橫脷都幾特別,好淋好味呀,GOOD. 煎蓮藕餅有五件的,都好香口,入面係一些魚肉,朋友話咁樣食蓮藕幾好味,因佢平時係唔食架.蝦煲好香好濃的味道,入面好多隻大蝦,真的幾大隻架,還有一些芹菜,蔥等及粉絲配料,粉絲吸晒D汁好好味,蝦肉都好爽口好味道. 仕應推介的鉗魚煲都好香喎,真係好味,魚肉好香同埋都幾滑身呀,都好多架,好味.啫啫介蘭煲個煲好大呀,但入面原來只有三分之一的介蘭,有點雷聲大雨點小的感覺,不過都好香及惹味的,唔老,有些應該係咸魚,配撘幾好.蒸扇貝好大隻,有些粉絲及蒜蓉蔥花,一口成晒成隻,嘩,好味,不過可能太大隻,朋友果隻有點未熟透.最後叫甜品,我地每人分別叫左杏仁露及雙皮奶,雙皮奶唔係好甜不過滑香及好味道的,朋友話佢既杏仁茶都OK呀.仕

係上月中就同爸爸慶祝生日,去左食飯啦今次揀呢間就位於佐敦既---"樂壽"間鋪頭名又改得幾好,快樂又長壽...間鋪招牌又大又光,遠遠都望到!!!入到去睇下先裝潢新得來又有中式既風味再睇下野食佢送既開胃小食一般都係送花生咁,佢就送呢d欖,好特別!!!之後睇下叫左咩先煎藕餅,係開飯印既coupom送既豬肺雞菜湯,呢個湯入晒味,正!!!鮮蝦炒鮮奶,真係炒到好滑滑,又唔肥蒜蓉炒通菜薑蔥田雞煲,夠惹味雞蛋焗魚腸食完主菜就到甜品啦石榴露雙皮奶,呢個必食,好滑,又夠味食完夠養顏,白白滑滑

朋友生日，一行十三人去試下呢間。因為見啲評論都ok!我地訂左個湯，食鮑魚，蟶子 講左$1900，訂檯果陣佢仲好主動話俾間房我,入房要​最低消費三千幾蚊冇問題！但你唔好亂開價錢囉！去到叫餸只係​叫左幾個"普通"小菜,佢話：例牌幫你再加大小小!最終​我地埋單$4622!! 佢可以過分到例牌一個啫啫芥蘭煲原本$78 佢收我$248, 咕嚕肉例牌$88佢收我$278, 銀盆雞例牌$108佢收我$256, 欖角骨例牌$88又收我$278，總之我地叫左咩菜佢就​＂即時幫你作左圍＂酒席＂收你$3688仲要係埋單個刻​你先知! 但係d小食，白飯，汽水又唔計落張＂酒席＂度！你一早同​我講明我ok,但你依家咁就有濫收成份囉！

咦... 順德菜... 我好似未食過喎... 餐廳內得3排枱, 小菜館格局... 一坐低就聞到隔離枱D煲仔菜超超超香!!! 忍唔住勁昅... 之後問侍應生隔離枱食咩, 佢就話係薑蔥焗魚... 雖然我唔多食魚, 之但係真係好香, 所以都決定試吓... 我地D煲仔菜一到, 隔離枱啱啱坐低, 聞到好香, 又好似我地咁, 議論紛紛, 哈哈, 好似一枱Sell一枱咁, 循環不息, 感覺好攪笑... 瓦罉煎焗魚咀--好好好香呀!!! 我地第一時間係夾D薑蔥o黎食囉, 之後先食魚... 我食咗面珠登, 滑到夾唔起, 味道都OK喎, 一D都唔腥, 好掂呀!!! 薑蔥桶蠔煲--又係好好好香呀!!! D蠔仲好巨型, 我冒病食咗一隻, 好Juicy呀, 啖啖肉, 又香又冶味, Ichiban呀!!! 重點係, 我唔鐘意食蠔都覺得佢好食!!! 問過專業人士, 煮完都咁大隻咁Juicy, 應該係美國桶蠔!!! 漁村肥仔雞--冇得傾, 情意結嘅關係, 呢味係我地心目中係最好味嘅!!! 因為細時都係咁樣食雞, 好有懷舊Feel... 冬菜, 紅蔥頭, 紅棗, 杞子, 簡簡單單, 味道極之豐富!!! 讚! 讚!! 讚

明火煲靚湯...........好味招牌銀盆雞(半隻)...........普通聖子皇................正煎焗鮑魚............推介勒流欖角骨................下下之選杏仁茶.................普通脆麻花.................普通大良双皮奶............................壞(有異味)

事緣上次同朋友來試過一頓晚餐後剛好兩三天後太座想同老爸及大姐出外用膳,於是乎又來一次了, 是日14 Apr. 散叫如下:金銀菜燉白肺湯- 湯頭清甜, 色澤清晰, 可見功夫有做足, 我們一行五人, 每人足足兩碗份量夠孖寶推介$198..煎焗啜魚金錢片- 表面炸得幾脆口下,但肉質似乎有點嚡而且重幾多骨下, 不是自己杯茶, 另一道菜則是子薑欖角蒸啜魚頭腩, 這道比較啱咀形, 魚肉幼滑, 但仍然是多骨!薑蔥桶蠔煲$138- 多蒜, 多蔥係呢度個嘅特色, 但蠔就得五隻, 計起嚟要$27.6/隻, 抵唔抵見仁見智吧, 不過其中一, 兩隻嘅蠔就好大隻, 長度超過一隻男人中指, 本人則比較喜好那些入晒味嘅下欄嘢(蔥/蒜頭/薑片)砵仔焗魚腸$68- 魚腸完全癖走魚腥味夠專業, 睇得出係焗出來而沒有走過油, 比一般大排檔的顧及客人健康, 蛋的香味比較一般, 不過將莞茜就咁搣一截放上焗蛋上就未免有點隨意一點吧了咕嚕肉之類- 今晚這碟好大碟,同上次的比較起碼係1.3倍的肉, 只要各位將今次幅相同上次食評幅相片比較之下, 中間堆肉同碟邊嘅距離就會清楚明白了, 份量大之餘, 肉的味道同外層嘅脆口程度依然不減, 但

是夜少婦A相約晚飯, 選了這家似乎好評如潮的河鮮酒家,9點多到達現場, 客人也有八成滿吧, 所以幾嘈吵下, 但中式酒家8成都係咁架啦, 這晚只是普通晚飯,高價河鮮”飛OUT”家常小菜如下:生炒骨夠脆口似經過兩次走油雜菜海鮮煲嘅海鮮無花假, 每一件海鮮都鮮味十足, 湯同菜都很甜(天然那種)煎釀鯪魚, 十分之原汁原味, 好有以前阿媽那種功架而且煎得相當香口,價錢雖然係”貴”但好耐才一次, 由它吧炒桂花翅, 這個餸第一次食,唔識得分好壞只係覺得好似炒得比想像中乾身,桂花糕四件, 亦幾好味道,總括而言: 菜做得OK, 服務亦唔太差, 下次有機會還是會再來試其他的

母親是順德人，年輕時燒得一手好的順德菜，可能基於自幼的訓練，所以筆者亦特別鍾愛家母的故鄉美食。適逢每月一次的食友飯局，友人提議去佐敦的「樂壽」吃順德菜，我當然樂意奉陪。其實順德菜屬家常小菜，既不是甚麼珍饈百味，也沒有花巧的賣相，但是吃過後，總是令人念念不忘那份實而不華的美味。「樂壽」 座落於佐敦地鐵站附近的德成街，地點屬旺中帶靜，門面和內裡裝潢雖並不算豪華，但整體環境頗不俗，加上友人訂了房間，所以亦坐得甚是舒適。由於要等齊一眾食友才可開餐，先看看檯面放了甚麼小吃。原來這裡的前菜是一碟四粒的銀稔。記得小時候母親愛以銀稔椒醬來蒸排骨，味道酸中又帶點辛辣，吃起來十分醒胃。至於這兒的銀稔，質感爽脆，酸中略帶微甘，入口有股獨特的清新香氣，是不錯的餐前開胃小碟。主菜方面，由食友發辦，寫了近十道菜式，先上的當然是 "湯王" 至愛的金銀菜燉白肺。原以為這道以菜乾、大白菜、雞腳及豬肺組合而成的白肺湯，只適合夏季飲用，喝上一口，入口湯味清香甜潤，而豬肺口感更十分軟滑，果真不俗。第二道菜是樂壽特式拼盆，內裡分別是煎釀藕餅、米通鯪魚球、鯪魚釀尖椒。先試藕餅，以兩塊厚薄適中的蓮藕片，釀入新鮮鯪魚肉，再用慢火煎香