影片
營業時間
今日營業
11:30 - 22:00
星期一至五
11:30 - 22:00
星期六至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
優惠
85折
【樂天皇朝】$100現金券 **無限兌換**
$85
$100
2025年3月26日 星期三呢日喺啟德附近收工，打算一邊喺airside行吓街，一邊等老婆放工一齊食飯，餐廳就選擇咗商場4樓嘅樂天皇朝，因為都好耐冇食過上海菜餐廳樓底好高，而且好空曠，仲有落地大玻璃有足夠嘅自然光滲透，所以坐落去令人覺得好舒服餐牌有好多唔同種類嘅上海菜，最吸引嘅當然係特色皇朝小籠包，有八種唔同顏色，不過擔心兩個人會食唔晒，而且希望嘗試原味小籠包，應該更加食得出小籠包嘅味道，另外我哋再要咗前菜同點心，價錢都唔算太貴一點完餐，店員就立即送上開胃小菜，栗子花生，栗子同花生都煮得好入味，又夠晒腍，越食越開胃之後有前菜，陳皮五香牛肉，份量都唔少，起碼有十塊以上，全部都浸得好入味，食得到有陳皮香添，而且牛肉一啲都唔韌呢個係上海黑豚肉生煎包，每個包都好飽滿，而且咬落去皮薄餡靚，裏面嘅豬肉仍然有好多汁，加上外皮煎到脆卜卜，無論味道同賣相都一流！！呢一杯飲品係秘製小吊梨茶，飲落去甜甜地，幾清新，正好可以解去食物既油膩感，上面仲放左一片檸檬乾添之後有木樨肉炒拉麵，炒得好夠火候，拉麵炒到好乾身而且一條條無痴埋一齊，又夠彈牙，至於個肉就鹹鹹地幾惹味最後當然唔少得有黑豚肉小籠包啦，每隻小籠包都大小一樣，一咬落去湯汁即刻爆晒出嚟，唔需要再點其他醬汁都已經夠味，食到停唔到口埋單每人二百蚊左右連加一，食到正宗既上海菜都算抵食
繼續閱讀
餐廳主打上海菜，以招牌八色小籠包聞名，外皮採用全天然色素製作，入口滿滿肉汁，多款口味，由淡食到濃。除咗小籠包之外其他菜式都一樣咁高質，私心推介蘿蔔絲酥餅，酥皮一層層，咬落酥脆，唔油膩，蘿蔔一絲絲，口感豐富，濕潤程度適中，唔易散、另外有聞香蔥油餅，超級鬆化，濃濃蔥香氣，食落有層次，越嚼越香。家鄉素菜包新鮮熱辣辣出爐，份量唔細，外層軟熟，餡料足，作為小食最合適不過。主食有上海炒年糕，以醬油調味，顏色濃，年糕煙韌軟糯，軟滑Q彈，令人回味無窮。木樨肉炒拉麵配料十足，豬肉絲、蛋、芽菜等，軟硬程度適中，乾身而唔膩，調味同年糕差唔多，甜甜哋，兩款性價比高，飽肚又好味，適合分享😆
繼續閱讀
樂天皇朝一直都係屋企長輩好滿意嘅餐廳，佢哋唔單止裝修華麗，而且嘢食永遠都熱辣辣又好味，所以我同屋企人一直都都係佢哋嘅捧場客～黑松露雞肉帶子燒賣（3個）$58嚟到呢度我通常都食小籠包，今日想試吓新嘢，所以就叫咗呢一個帶子燒賣，比想像中有驚喜，雞肉餡嘅燒賣非常彈牙，加埋鮮甜嘅帶子同埋黑松露點綴，令到味道更加有層次，推薦推薦！菠蘿咕嚕肉🍍$120佢哋嘅咕嚕肉同樣都好出色，食得出豬肉絕對唔係千年雪藏肉，而且炸粉唔會太厚～最緊要係佢哋係即叫即炒，上到枱嘅時候仲係出晒煙㗎！椰汁燕窩🥥$68阿媽話女人唔補好易老，聽完即刻嗌返個椰汁燕窩補補佢～補唔補到就唔知道，但係椰汁味道就真係好香好濃郁！燕窩腰果露🫘 $68好少見有地方有腰果露，見到呢度有就貪得意試吓，阿媽話腰果好有益可以食多啲喎～😆😆
繼續閱讀
位於Airside 4樓的樂天皇朝，座位寬敞舒適，食物高質💗同母親嚟到呢度食上海菜，媽咪非常滿意，值得推介🫶🏻🌶️ 紅油黑豚肉抄手拌麵抄手皮薄餡飽，選用黑毛豬後腿肉，肉餡鮮甜👍🏻紅油醬汁麻而不燥，拌入細麵後掛汁力強🧄蒜香排骨豬骨湯拉麵濃白湯頭濃郁，蒜酥炸得金黃不苦✨排骨炸得外酥內軟能輕鬆脫骨😋粗麵條吸湯不爛，有韌度👍🏻🍲雲吞雞經典上海菜，半隻雞與金華火腿同燉，雲吞皮薄如綃🤤湯色清而味厚，雞肉保持嫩度，上桌時另附一碟薑蔥醬油蘸雞肉，體現傳統吃法。
繼續閱讀
🌸芝麻醬油麥菜 $72🌟🌟🌟🌟🌟估唔到油麥菜生吃可以咁好味，青瓜片包裹着油麥菜卷再點芝麻醬，口感油麥菜爽脆帶點鹹香芝麻醬，非常開胃。🌸特色皇朝小籠包（八色） $148🌟🌟🌟🌟🌟店員有講解8色皇朝小籠包吃法，先由原味開始→帶清新糟溜絲瓜→濃香鵝肝→濃郁黑松露→鹹香芝士→滿滿蟹粉→蒜味十足蒜香→夠香小麻辣川味，8款各有特色，順次序咁食真係好好味。🌸黃鱔炒飯 $128🌟🌟🌟🌟🌟滿滿黃鱔肉，黃鱔油香嘅味道令到飯粒非常惹味，配料還有炒蛋、蔥粒等等，每一口都可以吃到黃鱔肉，完全停唔到口。🌸茶芥濃郁普洱茶，可以解除油膩。
繼續閱讀