樂天皇朝薈萃

營業中

休息中

樂天皇朝薈萃 秋天出咗秋意蟹逅菜式以金黃色蟹粉入饌喔🦀.應下節我都點左蟹粉小籠包同蟹粉豆腐。蟹粉小籠包橙色外皮很有秋天氣息，皮薄透出肉餡嘅輪廓，咬開爆汁juicy 鮮香。蟹粉豆腐男女老幼都食得，綿軟易咬，加入蟹粉更添鮮味。.另外仲食咗蘿蔔絲酥餅同埋上海炒飯，蘿蔔絲酥餅入口酥脆，咬到中間有絲絲清甜蘿蔔絲。上海炒飯粒粒分明，帶微微鹹香.九龍城|樂天皇朝薈萃 地址：九龍城啟德協調道2號AIRSIDE 4樓L418號舖

走進位於啟德AIRSIDE的樂天皇朝，濃郁的中華美食香氣撲鼻而來，瞬間令人流連忘返。小籠包特別值得推薦，薄薄的皮內包裹著豐富的湯汁，每一口都是爆汁，展現了師傅精湛的手藝。鮮蝦豚肉拉麵則是另一道不容錯過的佳餚，湯頭濃郁，麵條Q彈，鮮蝦和豚肉的搭配更是相得益彰，滋味層次分明，令人一試成主顧。蟹粉餃子也同樣令人驚艷，皮薄餡足，蟹粉的鮮美與豬肉的香嫩完美融合，回味無窮。龍井蝦仁蒸餃則將龍井茶的清香與蝦仁的鮮甜完美結合，每一口都充滿了舌尖上的驚喜。每道菜品均保持了一貫的高水準，口感出眾。樂天皇朝憑藉其獨特的美食風味和精緻的用餐環境，無疑是美食愛好者的天堂。記得來這裡，一飽口福！

招牌原味小籠包外皮真係好薄，輕輕咬一啖，就有大量熱辣辣又濃郁嘅湯汁湧出，湯汁好充足！肉餡好新鮮，軟嫩又鮮香，真係皮薄多汁，好好味蟹粉鍋貼外皮煎香酥脆，唔會過火喉！咬入口即刻爆汁，仲有大量甘香四溢嘅蟹粉，蟹味真係好濃郁又鮮甜紅油鮮蝦黑豚肉抄手表皮薄透，醬汁好香口，酸酸辣辣有麻香味，好惹味唔會太辣！而且餡料足夠又鮮嫩木樨肉炒拉麵夠哂鑊氣，拉麵麵條比較幼身，炒拉麵材料都好豐富，有肉絲、椰菜、雲耳等等，好新鮮爽口！口感好豐富！完全吸收哂醬汁嘅味道，鹹鹹香香，好惹味！餐廳舒適寬敞，整體食物質素都高！上菜速度快，餐廳店員服務態度好友善，抵讚

輕輕鬆鬆食一餐嘅選擇之一. 未夠18：00,未有人排隊,即刻有位唔使等. 知客帶我嘅坐低,放低餐牌畀個qr code我哋自己落單. 小食係一碟栗子花生,都幾好味☺️點咗一下原味嘅小籠包,一下砂鍋雲吞雞,清炒豆苗,一個白飯.等咗唔係好耐啲餸都上枱喇. 小籠包都算多湯汁喺入面一咬爆啲汁出嚟😚 佢哋無薑絲嘅,只有醋🤔雲吞雞,買得都幾平,唔使200蚊,有好多粒雲吞仲有半隻雞,上枱嘅時候滾熱辣,半邊雞都煮得幾嫩滑嘅,小棠菜都煮到好腍. 清炒豆苗,豆苗就有啲老啦始終唔係豆胚,但係少鹽少油都炒得幾好嘅. 再點咗一個甜品酒釀芋圓, 呢個我鍾意👍仲以為冇人幫襯七點全部full曬😅

再次來到啟德Airside, 人流比之前多好多，可能係因為長週末，多咗人外出用餐，我哋就去咗樂天皇朝薈萃，特別期待品嚐他們的招牌原味小籠包。😋❤️招牌原味小籠包 (黑豚肉)這道小籠包的皮薄而韌，輕輕一咬便能感受到內餡的鮮美湯汁。黑豚肉的肉質嫩滑，帶有自然的甜味，搭配一點醋，讓整體口感更加立體。每一口都是滿滿的幸福感。🧡上海黑豚肉生煎包生煎包的外皮金黃酥脆，底部煎得恰到好處，香氣四溢。內餡同樣使用黑豚肉，肉汁豐富，令人食指大動。與小籠包相比，生煎包的口感更具嚼勁。💛瑤柱芙蓉賽螃蟹這道菜的呈現十分精緻，瑤柱的鮮味與蛋白的柔滑完美結合，讓人忍不住一口接一口。賽螃蟹的口感豐富，吃起來既有海鮮的鮮美，又帶有蛋的香氣，令人驚喜。💚揚州炒飯作為一道經典的中式炒飯，揚州炒飯的米粒粒粒分明，不油膩，搭配的配料新鮮多樣。蝦仁、叉燒、雞蛋、菜料等的搭配，不僅色彩繽紛，更讓整體口感更加豐富，十分適合配合其他菜品享用。

♡♡♡📍 樂天皇朝薈萃 (九龍城)九龍城啟德協調道2號AIRSIDE 4樓L418號舖覺得樂天皇朝都真係幾好🤣🤣，因為價錢唔貴坐得又舒服🥰，環境地點都唔錯，作為一個小聚既地方都係一個好既地方😚😚。🍽️招牌原味小籠包（6粒）黎到呢度無理由唔食返個小籠包既😎😎，因為上次黎果陣已經試下特色既小籠包所以今次就試下原味小籠包。味道真係唔錯，果然小籠包係呢間餐廳既招牌菜，皮薄多汁真係好吸引😘😘，令人一試上癮😆😆!🍽️黑松露雞肉帶子燒賣呢款既燒賣真係第一次試，覺得幾特別🤣🤣! 帶子面頭有黑松露令外觀上更為吸引。入口既時候黑松露既香氣濃郁🤩🤩，令到成個黑松露雞肉帶子燒賣更加好味😝😝!🍽️上海風味醬鴨上既速度勁之快，醬鴨好入味😎，而且骨肉同在都幾唔錯😚😚，覺得作為前菜都幾好，份量又OK，所以都唔錯既~🍽️蟹粉炒飯真係次次黎都要叫呢個飯😂😂😂，真心覺得好好食🤣🤣，首先個飯就已經炒得好香，其次就係係埋蟹粉真係好正😚😚，覺得呢個蟹粉炒飯係必叫既!蟹粉同炒飯真係絕配😋🤪!!

上海特色醬鴨🧡食落有煙熏味嘅特色醬鴨每一舊鴨肉都非常之入味而且鴨皮非常之薄，帶有油脂嘅味道🥰上海小籠包小籠包真係做得非常非常出色😛入面嘅湯汁爆滿小籠包嘅包皮非常之薄🐽一咬落去就爆汁而且肉餡豐富加少少醋，簡直係完美嘅配搭🤭一個人都想食晒一籠🥰🥰上海炒飯上海炒飯非常有鑊氣而且炒得粒粒分明 好乾身🫶🏻有少少蔥粒，蝦仁同埋雞蛋絲口水雞口水雞非常之嫩滑而且亦唔會過辣😘不過比起醬鴨就反而淡少少鍾意食啖啖肉嘅話都可以加錢轉做雞髀❣️而家銅鑼灣有新開張優惠推廣🎉推出咗猫山王榴槤小籠包 (8月21日至9月13日)特價$48/6粒(原價$98/6粒) 全線分店供應有興趣嘅就可以試吓啦💛樂天皇朝薈萃(AIRSIDE)@paradisegrouphk；

工作日中午餐廳也挺多人，幸好我哋12點左右到，所以不需等位。 餐廳有點嘈吵，人手不足，叫了幾次侍應來落單。全個商場，唯一比較喜歡的就是這間餐廳。出品穩定，服務OK。食物方面，我們叫了特色皇朝小籠包(8色），這個出名，招牌嘢冇理由唔叫，有八款唔同口味嘅小籠包，餐廳都好貼心地附上小單張指示，由原味逐個食到最濃味嗰個👍 打卡、拍照一流。 清炒時蔬，幸好不是很油膩，最後還有叫芝麻酥餅，酥脆可口。餐廳有噱頭地用八色小籠包吸引食客，下次都會叫的，確實不錯👍

一直都知「樂天皇朝」有多間分店，但係位於啟德Airside的名字則多了「薈萃」二字！明顯有點與別不同吧!🥢特色皇朝小籠包（8色）這個最出名而又獲獎的signature冇可能唔叫，有8款唔同口味嘅小籠包，餐廳好貼心附上小單張指示： 由原味逐個食到最濃味（原味➡️糟溜絲瓜➡️鵝肝➡️黑松露➡️芝士➡️蟹粉➡️蒜香➡️川味），果然有特色！🥢松花皮蛋豆腐豆腐切得又薄又滑，盡顯師傅嘅刀工！🥢陳皮五香牛肉估唔到呢個涼菜好出色，好香口！🥢蒜茸炒菠菜廚師把菠菜炒得恰到好處，不錯！🥢蝦仁酸辣湯拉麵酸辣湯夠晒酸辣，完全係我喜歡的味道！🥢 蒜香排骨豬骨湯拉麵拉麵湯底濃郁，蒜香排骨香脆可口！

👍🏻特式皇朝小籠包 $148八種滋味嘅小籠包。最鐘意係黑松露味同鵝肝味，蒜香味同絲瓜味就麻麻。🤔黑松露雞肉帶子燒賣 $58相對平時食嘅豬肉燒賣，雞肉燒賣個味會覺得清淡同冇咁彈牙。味道多咗啲菜味。普普通通冇咩特別。🤔 生煎牛肉餅  $48皮都脆，牛肉都有味。但係冇乜汁。正常水平唔算出色。🤔蟹粉鍋貼 $58唔算多蟹粉味或者蟹粉汁，只係好淡嘅香味。正常水平唔算出色。🙂芝麻醬油麥菜 72將生嘅油麥菜捲到好靚，再沾啲胡麻醬。都算有啲新意同幾爽脆。當係沙律咁食都OK。😋蟹粉拌麵 $128麵條好幼細有質感，配合埋好香嘅蟹粉，食落都會有齒頰留香嘅感覺。唯一可惜係蟹粉份量有啲少。❌上海黑豚肉生煎包 $52最失望係呢個生煎包，皮非常之厚，個底又唔脆，又冇汁。唔推介。👌🏼竹炭流沙包 $48賣相唔係好靚，唔係好圓好飽滿。不過非常流心，直頭係液體狀。環境：★★★★☆ 食物 ： ★★★☆☆ 推介度： ★★★☆☆

今日約左朋友先知原來airside開左樂天皇朝薈萃，以前一直都係其他分店食，而且一直都覺得質素不錯，所以今日來到airside都好大期望，結果都冇失望啊～呢到坐得都舒服，而且見到餐廳為左慶祝鑼灣店開張，都有特別優惠，最回味猫山王榴槤小籠包係9月13日前都有特價$48/6粒！$15個花生栗子頭盤其實真係幾好食，熱辣辣咁樣，熱嘅普洱茶亦都好香。上海媽媽烤麩係我由細到大最鍾意食嘅上海菜之一呢度嘅醬汁亦都調配得好多，少少甜，好有上海風味。小籠包更加係呢度嘅特點之一，每張枱都有殭屍，加埋醋食真係勁好食，小籠包嘅皮超薄身，但係亦都承載住滿滿嘅湯汁。好彩我哋一開始加咗要十粒。擔擔麵我朋友都話好好食，花生底好濃郁！最後都加咗個蒜蓉菠菜，呢度更加有得少油少鹽，絕對係重視健康嘅人都照顧到。隔籬枱叫咗雲吞雞湯，一上枱都聞到好香，下次我哋都一定要叫。

放假約咗媽咪去行街，呢個九龍區嘅新商場好闊落又光猛附近仲有個狗公園，餐廳食肆非常多選擇媽咪比較鍾意食中菜，呢間小籠包就啱晒新菜單好多廚師推介，砂鍋雲吞雞六人份量只係168，可惜得我同媽咪兩個人食唔晒，下次一定要一家人嚟試天氣炎熱，仲有新推出嘅手打檸檬茶，去膩解渴，幫助消化龍華素鵝首先食個冷盤，好有層次感配上秘製醬料，麻油味好香招牌原味小籠包六粒小籠包皮薄餡多，湯汁飽滿，包住嫩滑嘅肉餡，一口咬下，湯汁四溢，小心熱呀雪菜鹹肉炒年糕以前細個婆婆成日炒俾我食，好有家嘅感覺年糕軟糯Q彈，咸肉醇香四溢，配埋鮮爽嘅雪菜口感層次提升桃膠紅棗桂圓湯最後食埋養生甜品，桃膠晶瑩剔透，口感滑嫩，滿滿膠原蛋白；紅棗甜美養血，女士恩物滋潤肌膚，補充能量

嚟到Airside睇完戲就搵嘢食，呢間出名食小籠包喺度開咗分店，一於就試吓，入到去職員都好殷勤，地方夠晒闊落，唔錯！招牌小籠包，侍應吩咐一定要熱辣辣食，自己加上香醋和姜絲，一口小籠包，果然多汁又嫩口♥️原來而家新出咗榴槤小籠包，仲有特價下次真係要試吓上海媽媽烤麩，是我喜歡的冷盤小菜，別看一碟少少的，份量卻很多，吸收了鹹甜醬汁的麵筋，吃來口感不錯呢♥️陳皮五香牛肉，這嗰很考廚司的刀功，薄薄的一片，吃了還帶口感，味道很香的香味配上牛肉，吃下就是享受😋皇朝擔擔拉麵，有得選擇面嘅硬度同埋辣度，所以我揀咗硬身嘅麵同埋小辣，呢碗麵真係好啱我口味，而且每條拉麵都沾滿咗花生醬嘅湯底，好味度。川味涼皮係我嘅大愛，涼皮爽口，調味適中😍

⚡️慶祝鑼灣店開張優惠推廣 猫山王榴槤小籠包特價$48/6粒（原價$98/6粒）全線分店供應（8月21日至9月13日）榴槤控快啲捉緊尾巴😬✨餐前小食栗子花生炆得非常軟腍 味道還不錯😮‍💨✨蘿蔔絲酥餅（3個）酥餅層層酥脆 蘿蔔絲清甜 做得不錯👍🏿✨無錫黑豚肉鍋貼 （3粒）鍋貼🥟外皮煎得香脆 一咬落去滿滿肉汁💦✨竹炭流沙包（3個）看似黑蚊蚊其貌不揚 一咬流沙湧出來 香甜幼滑 超驚喜❤️✨糖醋魚片魚片炸得金黃酥脆 酸甜糖醋汁好開胃 差d想叫碗白飯😂✨擂沙湯圓口感軟糯Q彈 忍唔住一口接一口✨自家製檸檬薏米水（溫）清熱去濕 天時暑熱最適合飲

樂天王朝食過好多次，以前我經常去旺角嗰間。今次咁啱喺Airside見到有分店，又嚟幫襯吓。不嬲都鍾意食上海菜。唔會太重口味，又帶有少少甜。今次嚟依然保持一如既往咁高質與精致💕✨招牌原味小籠包 一啖一隻 皮薄餡靚 一口爆湯✨清燉雞湯 原汁原味嘅雞湯 飲得出入邊有火腿瑤柱嘅香味✨上海風味醬鴨 一攞上嚟陣醬香味已經撲鼻 肉嫩，醇香而不膩✨陳皮五香牛肉 每片都切得好均勻，入味，陳皮味無蓋過牛肉本身嘅香味 👍🏻✨手打青檸檸檬茶 唔太甜 茶味清香