樂天皇朝 (將軍澳中心)

營業中

休息中

今次嚟到將軍澳中心嘅「樂天皇朝」，上一次食都比較耐之前，每次黎都係必食佢既特色小籠包，今次同朋友都有專燈叫返籠黎食！———————————————🌟 蟹粉小籠包 (6件) $142小籠包皮薄餡靚，一咬開就爆出滿滿嘅蟹粉湯汁，蟹味濃郁得嚟唔會腥。🌟 松子鮮果桂魚 $252桂魚炸到外脆內嫩，魚肉依然保持嫩滑多汁。醬汁酸酸甜甜好開胃，仲有松子增加口感，擺盤精緻好似藝術品！🌟 肉碎欖菜乾煸四季豆 $88四季豆炒得乾身爽脆，肉碎同欖菜嘅鹹香完全滲入豆角入面，鑊氣十足！雖然係簡單小炒，但做得非常出色。🌟 京味炸醬拉麵 $76拉麵反而係最有驚喜，主要係炸醬鹹香帶微甜，配料有青瓜絲增加清爽感，份量仲幾大碗～

每次係Park Central行街，食嘢嗰陣都會第一時間諗起樂天皇朝嘅八色小籠包，真係食過咁多次都唔厭😋同埋呢間分店嘅員工十分有禮貌👍🏻特式皇朝小籠包 $148必食8款味道色彩繽紛小籠色 ：原味、糟溜絲瓜、鵝肝、黑松露、芝士、蟹粉、蒜香、川味。由淡至濃享受每一款小籠包既獨特味道。皮薄餡靚多汁，睇得又食得👍🏻宮保腰果雞丁 $108宮保雞丁睇落有好多辣椒好似好辣咁，但其實只係小辣。雞肉嫩，腰果夠香口。京味炸醬拉麵 $76京味炸醬拉麵比想像中辣，炸醬夠多，味道適中，連湯都唔使落。

心血來潮想食小籠包，立即想起樂天皇朝👑。除咗食物質素好，店員的服務態度都十分專業，不時幫忙斟茶，非常有禮，環境又舒適，用餐感覺非常好🌹。🔸招牌原味小籠包 招牌小籠包皮薄餡靚，湯汁鮮美。肉餡好鮮甜，一定要趁熱食♨️ 。太好味，食完六粒都唔夠喉。💜🔸木樨肉炒拉麵拉麵炒得乾身唔油膩，木樨肉即係雞蛋木耳同豬肉絲🐖，炒得好有鑊氣🔥。醬汁入味濃郁咸香！🤎🔸蘿蔔絲酥餅 外脆內軟，蘿蔔絲清甜。💛🔸擂沙湯丸流心芝麻湯圓面層蘸滿了擂沙粉，賣相非常好而且口感煙韌軟糯。🩵

樂天皇朝將軍澳分店裝修幾靚 坐得舒服 侍應幾有禮貌 兩個人食三百幾蚊都幾飽肚🍜 紅油抄手 (6粒) 🌶️ 辣度適中 皮唔會太厚 餡料都幾足 好惹味 推介！😋 川味涼皮 🥢 涼皮夠爽 配料有青瓜絲同薑絲 麻辣味幾開胃 都真係幾辣架🌶️ 🌶️蒜茸清炒菠菜 🥬 蒜香味出 菠菜唔會太老 簡單得嚟健康 好食👍 上海炒飯 🍚 飯粒分明 配料都幾足 又有蝦仁又有叉燒 唔會油 🙌🏻整體嚟講食物質素唔錯 最鍾意個紅油抄手同上海炒飯 下次想試埋佢哋其他點心款式🥟

最近黎到將軍澳中心發現原來呢度有樂天皇朝，一入到去環境幾舒適，服務人員都好有禮貌當然要叫佢哋嘅招牌原味小籠包（有六粒），皮薄有彈性，咬開一啖，熱湯瞬間爆汁流出，味道鮮甜跟住叫咗無錫鮮肉鍋貼，最鐘意佢外皮煎到脆一脆包住入面嫩滑豬肉，口感十足，perfect match 呀😋主食就有上海炒飯，米飯粒粒分明，調味啱啱好唔會過鹹👍👍，最重要同埋唔油膩紅油抄手拌麵又係另一個驚喜，麵條彈牙，拌上醬汁味道麻辣適中，唔會太過嗆😉

每次食上海菜都會叫瑤柱芙蓉賽螃蟹，今次黎到樂天皇朝都試吓，賣相一般，份量唔多，味道係正常個隻，未算特別😂。上海清炒蝦仁呢個真係唔得掂，無味太普通喇😓😓，顏色又單調唔夠吸引😂。上海炒年糕，特濃醬炒年糕，如果香口啲可能好食啲。今次叫既菜式太普通，不建議去呢度食呢啲野，食翻小龍包就夠😂🤣。

朋友住附近，咁我想食上海嘢，佢就揀咗呢間俾我我喺OpenRice訂咗位嘅準時去到，餐廳亦都留咗枱俾我可以準時入座收銀(reception）禮貌同我對資料帶位個員工又好禮貌幫我加茶嘅員工又好細心，細心見到我隻杯入邊有異物就即刻幫我換呢個價錢嘅食肆好少有咁細心嘅服務質素唔係其中一個員工喎，係所有員工很可以食物就還可以，餐前小食嗰碟栗子花生幾好食小籠包正常操作醉雞髀幾好食所以overall好滿意👍🏻

已經唔知食過第幾次既樂天皇朝🤣 最愛佢哋嘅小籠包！✨🥔 香煎薯仔軟餅(得獎菜式7折)薯仔軟餅口感煙韌，食落就好似咬緊年糕咁，食得出薯仔嘅軟糯，面頭加咗芝麻煎得香口，仲有肉碎好飽肚🥟 特式皇朝小籠包 平時原味就食得多，今次就想食特色既8色小籠包😍，我就最鍾意黑松露同埋蟹粉味真係好濃郁，而且皮薄，咬開又多汁內餡飽滿，點埋醋加條薑絲完美嘅配搭✨🥟 無錫鮮肉鍋貼鍋貼底部煎到香脆金黃，咬開滿滿肉汁又濃郁🍜 皇朝擔擔拉麵濃郁花生醬湯底，加埋花生碎同香蔥撈勻麵底一齊食，食完會忍唔住想加多碗！真係連碗湯都差唔多清埋，好食！

樂天皇朝 ~小籠包天花板~好欣賞坐底就有熱熱的茶,會令人飲左都覺得好舒服既,而且服務態度好好,不時幫你加茶~招牌原味小籠包將軍澳既小籠包店唔多,想食小籠包,一定會黎樂天皇朝,真係皮薄肉汁鮮,每次都要食一籠先捨得走蒜香排骨蒜香味濃,而且炸既時候剛好,不會太乾身,不錯菜肉雲吞豬骨湯好喜歡有個豬骨湯,真係好夠香濃,加埋一齊食菜肉雲吞好好味皇朝擔擔拉麵擔擔做得好出色,色香味俱全,好欣賞刀切小饅頭炸炸得夠香脆,食唔停既小饅頭~

今日去咗將軍澳中心嘅「樂天皇朝」，想唔到喺呢間商場嘅中菜館度搵到咁多令人驚喜嘅上海風味菜式！即刻同大家分享下今次嘅食物體驗啦～🤤首先上枱嘅「上海風味醬鴨」一出場已經畀個「色香味」震撼我！🦆 啲鴨肉帶有深沉嘅醬紅色，上面滴滴答答嘅油光令人食慾大增！醬香撲鼻、肉質軟嫩又唔會太肥膩，一啖咬落去香濃嘅醬汁同鴨肉嘅鮮味完美融合，鴨皮更加香口得嚟唔會太油，真係食完想舐手指呀！😝「陳皮五香牛肉」嘅賣相絕對吸睛！啲牛肉切得薄薄地，整齊咁擺喺個碟度，淺棕色中透住陳皮嘅微微橙色調。🧡 牛肉腍身多汁，陳皮同五香粉嘅香氣層次豐富，食落口唔會搶晒牛肉嘅鮮味，反而令成件菜更加提鮮，啲香氣仲會喺舌頭度停留好耐～「木樨肉炒麵」嘅麵底炒得啱啱好，香脆中帶有嚼勁！🍜 木樨即係雞蛋，同埋豬肉絲完美包裹住每一條麵，醬汁滲入麵底但唔會太濕，每一啖都充滿蛋香同肉香！「紅油抄手拌麵」簡直係隱藏版王牌！🌶️ 紅油香辣中帶微甜，抄手餡料飽滿多汁，加埋啲幼麵條吸滿咗紅油，麻辣香甜交織埋一齊，食完之後唇齒留香，仲忍唔住用麵包抹凈個碟！😂食完四道菜之後，唔單止飽到癱瘓，仲驚訝於樂天皇朝嘅出品質素咁高！尤其係佢哋嘅醬料同香料運用得非常出色，絕對

放假和朋友來到將軍澳， 去入境處辦手續， 跟住就去到 經常幫襯的樂天皇朝， 環境舒服，服務週到。 最近新推出手打檸檬茶都好吸引， 見到好多人都有order。砂鍋雲吞雞經理推薦砂鍋雲吞雞， 真的非常ok， 湯頭濃郁不鹹， 有金華火腿香味。 半隻雞份量真係不少， 兩個人食份量有點多，就不用點 粉麵類。 雞肉質量不錯， 油潤光澤的雞皮， 滲出金黃的雞油， 雞肉肉質彈牙嫩滑。 雲吞大大粒， 皮薄餡多 滑捋捋， 餡料 多肉汁 。原味招牌小籠包 雖然八式小籠包非常吸引， 但朋友最喜歡吃原味， 外皮有柔韌性， 餡料濕潤多湯汁， 味道鮮味 ，配上紅醋和薑絲 味道更佳。蘿蔔絲酥餅現在想吃蘿蔔絲酥餅也不容易， 好彩這裏仍然提供， 即叫即製新鮮貨。 酥皮非常香酥 絕不油膩， 蘿蔔餡料熱呼呼的， 香甜爽口。

今日去咗將軍澳嘅樂天皇朝，間舖裝修幾靚，坐得舒服，侍應態度都超好，又幫手斟茶，幾啱同朋友慢慢吹水食飯李白醉雞🍗 醉雞係冷盤嚟嘅，酒香幾出，雞肉夠滑，雞胸唔會太韌，鍾意食醉雞嘅人可以試吓風味沙拉排骨🐖排骨份量幾多，啖啖肉，好滿足😆而且啲肉都嫩滑，沙律醬酸酸甜甜，真係幾夾🥳紅油抄手拌麵抄手皮薄餡足，醬汁唔算太辣，幾香。麵質彈牙，撈勻啲紅油食幾惹味整體嚟講，食物質素唔錯，價錢合理，可以encore！👍

呢日黎到將軍澳呢間樂天皇朝, 入到黎感兜好舒服, 座位都好闊落, 真係坐得舒服 黎到呢度一定要食佢既小籠包,我地叫左6隻原味小籠包,枱面已經有醋同埋薑絲可以點黎食, 佢既小籠包真係冇得輸, 個皮好薄,但夾起又唔會穿唔會漏汁,小籠包入面有勁多汁, 真係超好食! 另外我地仲叫左擔擔麵, 擔擔麵係比較辣, 都好好食, 個湯底好濃, 超正! D 麵份量都幾多~ 另外我地仲叫左砂鍋雲吞雞半隻, 入面有6粒雲吞6份菜同埋有D 金華火腿, 個湯好鮮味好好飲! 好食! 大滿足!

四川辣子雞 (118hkd)一上枱已經聞到好香，辣椒🌶️紅紅火火好有食慾，雞丁炸得好脆卜卜好香口，雞肉亦不乾柴，會上癮的味道～皇朝擔擔拉麵 (78hkd)花生🥜醬味道幾重，湯底濃味而不死咸，辣度適中，麵條有咬口八色皇朝小籠包(148hkd)同朋友按顏色隨心挑選小籠包😂八個顏色好靚好精緻，最驚喜是灰色的蒜香，一咬落去有明顯的蒜味衝出，好有肉汁和肉香，另外，朋友最鍾意鵝肝小籠包，外面從未見過，鵝肝愛好者必點，最後絲瓜好清新的口味，幾吸引～Ps.店員好忙仍保持非常友善的態度，店內都好企理乾淨#foodiblum中式

特色皇朝小籠包顏色吸睛，八色小籠包分別代表八款口味，招牌原味、 蒜香、川味、芝士、糟溜絲瓜、鵝肝、蟹粉、黑松露，餐廳會派發一張紙仔，介紹食嘅先後次序，由淡味至濃味每一粒都爆汁，食落每一粒都有佢淡淡的風味，但主要都以小籠包本身個味道為主，所以食落唔會好怪。肉絲年糕豬骨湯 熱辣辣嘅豬骨湯裏面有津白、菇絲、肉絲及煙煙韌韌嘅年糕片比起炒年糕，呢款會清淡啲。上海生煎包生煎包底部煎得金黃焦脆，外脆內嫩，肉餡鮮美而且肉汁濃郁。