樂天經典 (已結業)

我竟然唔知原來尖沙咀都有樂天經典，仲諗住去大角咀嗰邊添，咁嘅然尖沙咀有，就更加方便啦，馬上試下有無一樣咁經典先😅裝修不盡相同，呢度裝修比較時尚，燈光特別光猛舒適，有卡位和不同組合的桌子，整體來説，空間感十足，坐得好舒服😌佢地嘅Icon銅水壼，特別搶眼，店員服務態度很好，為我們奉茶和介紹他們的菜式，似乎訓練有素，值得一讚👍🏻先要了滋味文火湯「白胡椒排骨豬肚湯」，先把真材實料的湯渣奉上，在為我們分好，白胡椒的味道特別醒神開胃，豬肚洗得乾淨，啱晒我嘅胃口👍🏻冰鎮苦瓜$48，配桂花蜂蜜，生津解暑，冰涼潤候，另外招牌扣肉包，必食推介，每片$26，夾著配菜，入口油甘肉香，回味無窮😋金銀蛋浸時疏，今天係波菜，濕濕潤潤，更易入口，正👍🏻金牌脆皮燒雞（半隻）$178，更是不可錯過，皮脆肉嫩，嫰滑非常，外皮脆卜卜，熱辣辣，連旁邊的蝦片都又脆又好味😋老鼠粉煲，香滑美味，飽肚又滋味，而且份量十足，足夠四人分享😬甜品🍮三色桂花班蘭糕，顔色分明，睇見都開心😃最大嘅問題就係四個人分唔匀⋯⋯😂四個人傾下講下，開開心心嘅一個晚上，呢間樂天經典真係唔錯，值得推薦👍🏻

這裡的裝好企理感覺和諧，其中corner位自成一角，傾偈唔怕嘈親隔離。餐前小食是粟子花生，煲得幾淋吓。白胡椒排骨豬肚湯，用料新鮮，因湯渣肉上仍有啫喱狀物。豬肚好爽口、廋肉好腍。湯亦不會好攻鼻，好夾好好飲。我媽也鐘意做的家常小菜之一，這裡當然比我媽煮得好食。花菇雲耳蒸魚片沒冇半點魚腥味，肉質乜較一般蒸魚結實。賣相十分精緻的黃金鹹蛋蝦球，充滿着油黃咸香，非常惹味。蝦殼亦已除去方便進食。另一款我家間中會食的家常小菜--金銀蛋浸時疏。蛋白花很滑，配菜及肉則吸收了咸蛋的味道，伴飯或剩食都不錯的。

今日同屋企人去「樂天經典」食飯。之前嚟過，食物出色，而且張枱夠大張，好適合一家大細喺度食飯。首先叫咗媽媽喜歡的《蒜香紅海蜇頭》海蜇頭處理得很好，夠粗身，而且十分爽口。醬汁味濃，蒜頭味香，很開胃的前菜。《楊州炒飯》呢個叫俾小朋友食。炒得很香夠獲獲氣。粒粒分明夠乾身。入邊啲叉燒粒尤其好食。《麥片蝦球》呢個簡直係意外驚喜。原來用單調的麥片經過加工調味可以提升味道。麥片片片分明味道豐富，帶點甜又帶點鹹味口感豐富。配上爽口彈牙的蝦球味道十分出色！極力推介！《龍虎燴》呢個係今晚嘅主角。上次食過好好食今次再翻兜。海鮮有大肉蟹，大蝦，蜆，魷魚。有一些豬肚，下面是米線。湯底除了是海鮮濃湯還有胡椒豬肚湯的味道。所有海鮮都很新鮮！大肉蟹啖啖肉很鮮味。大蝦肉質彈牙新鮮。湯底味道十分濃郁可口，海鮮味十足，大家都讚好不絕！米線吸盡濃湯特別好味道！最後我哋叫咗個甜品《三色桂花斑蘭糕》用心製作的甜品。第一層白色的是椰汁，中間是斑斕，下面是桂花。每層各有特色。我尤其喜歡桂花的味道，十分清香不會太甜。簡直是味覺的享受。呢度食品味道出色，食物質素穩定，相信我會keep住幫襯！

我同男朋友都幾中意食樂天皇朝～但而家先知原來佢集團仲有一間樂天經典，主打東南亞菜，今日就黎試試啦！入面裝修好舒適～餐前小食$15呢個小食就同樂天皇朝果個一樣既！《星泰鳳爪》$68酸酸辣辣好好食，比泰式鳳爪酸小小，幾開胃！《每日靚湯》$55細細盅，但非常足料！$55好抵飲《臘味炒飯》$92雖然唔係糯米飯，但成個炒飯都好入味，而且好多臘味粒，啖啖都有😋《馬來風光》$78東南亞菜可以冇炒通菜！好惹味，調味岩岩好，唔會太鹹《黑胡椒蟹（中）》$368當日因為細蟹已經賣晒，所以就買中啦！呢道菜係餐廳推薦，果然真係幾好食！黑椒味好重，蟹肉都幾鮮甜～唯一問題就係蟹殼超級硬，有啲難剝😛

行完激安殿堂經過加拿芬道見到樂天經典派緊餐飲禮券好似幾抵食咁決定試下樂天經典主打南洋風味中式菜餚；裝潢設計雅緻堂皇座位寬敞環境舒適菜香鐵板豆腐(微辣)菜香鐵板豆腐可以選擇微辣或者無辣；豆腐質感軟嫩滑溜而且底部墊有蛋層；芡醬濃稠微辛配搭豬肉碎同冬菇菜脯口感豐富金牌脆皮燒雞燒雞配方經過餐廳秘制研發；雞皮金黃香脆而且肉質嫩滑配搭特製雞醬酸辣醒胃蝦醬雞中翅細碟例牌份量唔少都有八隻雞翼；漿粉輕薄酥脆感覺輕盈配搭蝦醬鹹鮮而且肉汁豐富香酥南乳五花肉五花腩肉油脂豐腴而且肉質彈嫩經過南乳腌製酥炸甘甜溫和略帶發酵酒香臘味炒飯臘腸肥瘦比例恰宜入口油潤甘香配搭醬油豉香濃鮮；飯粒軟糯分明而且鑊氣夠足好正古早魚香老鼠粉煲老鼠粉因爲形貌獨特尾端尖細狀似老鼠尾巴而得名；食材豐富而且粉條口感彈滑略帶米香配搭餐廳自家調製嘅鹹魚桔仔水鹹香同時微酸清新喇沙湯海鮮米線星洲米線相對普通米線粗身而且質感亦較柔韌軟滑；蝦肉鮮甜而且魚肉細嫩配搭喇沙湯底辛辣刺激加上椰漿香濃惹味三色桂花斑蘭糕斑蘭天然獨配搭椰汁香甜以及桂花清香巧妙結合製成三色糕點冰涼精緻楊枝甘露西米晶瑩透徹而且芒果基調濃厚配搭金柚酸甜消膩感覺清新

Guangdong🇨🇳 × Singapore🇸🇬 flavor🍴Classic Paradise💫..貴為經典中菜之一，✨樂天經典✨確係經典。廣東菜🇨🇳×新加坡菜🇸🇬，帶點fusion 又不失保留原有廣東菜應有既特色&口味。今晚就來個 -娘惹中菜夜吧。ll $178 每盅 (Pot)Double-boiled Chicken Soup woth Chinese Herb食材：鮮雞`玉竹`當歸`杞子`淮山`甘草`黨參`北耆`排骨`老雞`雞腳一個很滋補既湯水 (功效：益脾潤肺`活血補氣) 原隻鮮雞燉🐥，真材實料 湯味濃郁，藥膳湯水 向來都係我最愛❤。頓時令我想起媽媽煲既湯水，很有家的味道。ll $95/$143/$190Sweet and Sour Pork酸甜口味既咕嚕🐽 肉質腍滑，粉漿很薄 炸得剛好 滿口肉肉既滋味。而荔枝既清甜，亦可化解肉肉既膩 充滿果香。ll $88/$132/$176Poached Seasonal Vegetable with Egg Trio and Minced Pork in Superior Stock爽口又柔軟既蔬菜，男女老少絕對不會不愛吧。鹹蛋`皮

原先諗住去厚福街食飯，實在太多人，轉左去街口的加拿芬廣場食中菜。餐牌分門別類好清楚，相片仲好美觀。這碟手工蝦棗餡料脹卜卜，口感夠彈牙，味道不錯。隨碟的醬甜甜的，似是黑糖。黎之前上網check過，好多人推介脆皮炸子雞。確實色澤金黃，外脆肉滑。跟碟的辣醬都頗辣的，感覺有點泰國風味，anyway好惹味的。我唔知老鼠粉跟銀針粉或狗仔粉有何分別。這窩老鼠粉上枱時即時混入了桔仔水，所以有些少酸尾尾的味道，我也是第一次這樣食。飯後甜品揀了三色瑰花班蘭糕，涼浸浸的，啱晒炎熱既天氣。

《樂天》的一門雙傑分別是《樂天經典》及《樂天皇朝》，前者主打南洋風味的粵菜，而後者就是上海菜，當中有非常著名的八色小籠包。裝潢雅麗，時尚並高貴的感覺，環境十分舒適，而價錢定位中下，性價比甚高。光是螃蟹也提供五種食法，其他食物包括燒雞、烤排骨、肉餅、多款口味的魚類、蝦球、小炒及炒粉麵飯等等，食物選擇算是不少。星洲黑胡椒螃蟹 ($368/中份): 新加坡最著名的菜式也許是黑胡椒炒蟹，採用「啖啖肉」的肉蟹，以大量黑胡椒粒、洋蔥、紅辣椒、指天椒及蒜粒炒製，帶微微辛辣，非常惹味可口。價錢算是合理，因為市面上動輒也要三四百元起跳。臘味炒飯 ($138/中份): 這炒飯是其中一款必食之選，加入大量臘味及醬油爆炒，肉香豐富，而豉油的香甜亦令炒飯生色不少，非常惹味，我們數位也十分喜歡。蒜香排骨 ($88/細份): 共有六塊炸排骨，新鮮炸起，酥脆美味，帶蒜香及少量肉汁。三色桂花斑蘭糕 ($45): 桂花糕由三層組成，分別是椰汁、斑蘭及杞子桂花糕，質感冰爽，口味清甜不膩，三重口味相當有層次。

收工後約了一位舊同事到尖沙咀樂天皇朝吃飯聚舊。海鮮皇炒飯以蝦、帶子與魚籽炒成，飯粒乾身而且不油，用料香口。令人想吃一啖再一啖。兩人平均都有碗半至兩碗。青芥末蝦球爽呀彈牙，以青芥末做芡汁加上魚籽清新開胃，以鳥巢裝上令賣相提升之餘亦淮山杞子鮮螺頭湯有鮮螺頭、淮山、杞子、排骨、赤肉鹵雞、雞腳活血健身，有提神補氣作用。湯很清而且不油膩。每人大約都有三至四碗。至於椒鹽香酥鮮淮山都頗特別，淮山口感爽脆，以椒鹽炒更惹味。最後來一碗椰子西米露湯圓，西米皮很薄而內裡的黑芝麻很香。椰子西米露很清甜潤喉。

這間中菜廳環境高尚雅緻，挺有排場氣派。以走高檔路線的中菜館來說，價錢卻相當親民，更欣賞其菜式均分為大中小份量任君選擇。宵夜時段蒜蓉粉絲蒸扇貝只售$58一隻，比想像中大隻厚肉，彈牙爽口，蒜味十足，粉絲入哂味。荔枝咕嚕肉好創新，比一般只有菠蘿更配更出色，大大顆的完整荔枝肉清甜多汁，解油膩又開胃，咕嚕肉相當嫩滑爽口，淋滿醬汁後仍能保持香脆。招牌菜古早魚香老鼠粉煲果然不負所望，採用鹹魚、冬菇、蝦球、肉碎、椰菜花等多種材料熬製，加入雞蛋攪拌後湯質帶稠身順滑，味道非常濃郁又富魚香，老鼠粉跟狗仔粉相似，軟硬適中，吸滿濃湯相當美味。南乳羅漢素菜煲熱騰騰，欣賞它放久了仍能保持熱度，南乳味十分香濃，醬汁夠多又夠稠身，羅漢齋菜相當多。酥炸豬肉蝦棗甚有特色，大大的一磚，非常酥脆卻不覺油膩，內裡餡料飽滿結實，豬肉粒好爽口。

這間食肆之前已經去過大角咀分店, 記得那邊的員工服務態度很一般不過有朋友話想食, 於是就再來光顧, 今次選了尖沙咀的分店講下裝潢, 光線充足, 主要是4人卡位和正方形雲石拚桌, 很整潔我同朋友2人, 被安排了入座卡位, 很舒適地享受晚餐職員詢問我地要飲咩茶, 由於係晚上, 所以我們要清水就好了有收費小食, 係花生, 好淋好入味, 我食完一粒又一粒睇menu, 由於得2個人, 好多野都想食, 但又驚食唔晒職員見到我好似好困擾, 就主動上前問我有無咩想食佢好用心咁介紹返有咩出名, 其實上次去大角咀, 都知道呢到的蟹料理很有名, 上次都有食我仲記得佢好食到連個醬汁都好正, 我仲叫白飯來撈但今次得2個人就食唔到了同職員哥哥了解, 原來佢地係用新加坡的醬料同煮法完全跟住南洋風味, 係新加坡亦有得獎食肆1) 手工海鮮白玉磚 ($68)這款食物是職員推薦的, 他說他們的豆腐菜式都很出色是用豆漿加以製作成豆腐以為係前菜小食, 點知份量都幾多塊, 好抵食配埋沙律醬  2) 滑肉米線 ($68)湯底好清, 完全唔油亦無味精感, 可以直接飲肉丸好滑, 一碗份量都好大3) 花菇雲耳蒸魚片 ($108) S s

南洋菜之螃蟹必食，I miss Singapore！環境時尚，有卡住。冰鎮苦瓜拌桂花蜂蜜 $48Chilled bitter gourd served with osmanthus honey 一朵盛開既「冰山雪蓮」苦瓜，拌左桂花蜂蜜遮左8成苦瓜味，小朋友都食到！好脆爽口，推薦！性價比高呀！圍裙ready！星洲黑胡椒螃蟹 $338小Singapore style black pepper crab好香胡椒味道，好多汁。小既size，都幾大隻下，兩三個人都夠。蟹肉好甜，皮算薄肉夠脹！蟹鉗啖啖蟹肉食到好爽，點盡d汁。招牌扣肉包 $26片Stewed pork belly served with lotus bun一人一片包埋菜。預左少少肥，半肥瘦食係唔同d！豬油香落香軟包中，少少菜好似隔下豬油，但其實無，哈哈！扣肉好入味帶五香，厚度都有！仲有芫茜，勁正！仲有三件扣肉！涼瓜魚片米線湯 $68Thick vermicelli with sliced fish and bitter gourd (spicy or non-spicy)辣同無辣選擇，胡椒螃蟹預左辣，選個唔辣既麵。苦瓜繼續清熱，好苦

近排見到openrice有promotion，所以就約埋朋友黎食！餐牌選擇都幾多，唔愁無好野食！一坐底見到有我最中意既蒜香紅海哲頭就叫咗個，唔好望落細細碗，食落都幾多同埋勁入味！再黎叫咗兩個小菜：荔枝咕嚕肉同砂煲花菇西蘭花扣海參。咕嚕肉唔知係咪因為有別於平時淨落菠蘿，加埋荔枝令到佢味道更加豐富更加甜。砂煲花菇西蘭花扣海參都相當好食，入味唔再講，海參同花菇都相當冧同大隻！完全物有所值！！最後重頭戲係黑楜椒蟹，勁大隻之餘啲肉又勁鮮甜入味，完全係必叫之選！呢間餐廳絕對會再同朋友黎食！

岩岩去完旅行返到黎發現好掛住中菜，於是乎帶左屋企人去樂天經典食返餐好既！喺門口已經見到星洲黑胡椒螃蟹好吸引，所以一入到去就叫咗呢個先！一上菜個陣真係勁香噴噴，侍應好好招呼，放哂食蟹三寶喺枱面，食落啲肉都好紮實又入味！叫嘅係中size，4個人食岩岩好。然後叫咗個福建雞丁燴飯，個飯炒到粒粒分明，配埋嫩滑既雞丁完全無得頂！就連平時唔太食飯既我都不停encore！再叫咗個黃金咸蛋蝦球，都幾大隻而且食落無雪味，咸蛋醃得好好，色香味俱全！屋企人仲叫咗個酸辣素羹，材料豐富但偏辣，十分開胃解膩但如果唔太食得辣既千奇唔好嗌！

與好友尖沙咀shopping完，就一齊食晚飯，街邊有人派左張coupon比我地，係樂天經典，食滿$300可當$100用，咁就上去睇下~門口睇完餐牌後，覺得d食物都ok，就食呢間~原來宵野時段單點有68折😶,不過要等到9:30pm，因為當時仲係7:30pm, 要等多2個鐘就太夜了，所以我地唔等就直入~呢到都幾大，環境裝修唔錯，燈光柔和~淮山杞子鮮螺湯 我和朋友都是湯怪😛，我地都好鐘意飲鮮螺湯，所以叫左一盅淮山杞子鮮螺湯，大概分到6小碗🤤湯盅入面都幾多料，有鮮螺頭、淮山、杞子、排骨、赤肉、老雞和雞腳~店員會幫我地分埋湯和夾起d湯渣比我地，轉頭仲比多碟豉油比我地點湯渣，夠貼，thanks~個湯真係好鮮甜😋，6小碗2人絕對係飲得晒~間唔中飲下仲可以活血養身和提神補氣阿婆蕃茄炒蛋呢個炒得好有獲氣呀，蛋味好香，蕃茄酸酸甜甜，好開胃酸甜生魚片魚片脆口無骨，味道都係酸酸甜甜~金銀蛋浸時蔬都是皮蛋和咸蛋混合去煮的，是日是莧菜~海鮮米線湯 可選擇辣或唔辣，我地揀唔辣海鮮米線裏面有魚片、蝦、雲耳、豆腐、蕃茄紫菜和小棠菜，都幾豐富三色桂花斑蘭糕 四周圍都見到好多人點呢個，我們當然也不例外啦，點了一客，一客有