樂面牛屋 (已結業)

今日夜晚唔係好肚餓，就到朋友行到黎via tokyo呢條街，想食刨冰但間鋪頭執左，就黎食台式芋圓了～叫左呢個台灣香腸滷肉飯 $62，配菜有木耳、豆乾、芽菜，朋友覺得有菜食好開心。啲滷肉飯唔會好咸/油幾好食，啲香腸好好味！個人覺得好食過九份飽。甜不辣份量有啲少，但都好熱辣辣，好味！碗刨冰就有啲失色，芋圓少左啲，如果有多啲配料例如芋泥就perfect了。同埋啲糖水太甜。覺得呢間小店好溫馨，又乾淨，值得支持！

垃圾！Lunch 外賣一個清燉牛肉麵，一杯蜜桃紅茶。杯嘢飲唔特別好飲。個牛肉麵出晒事，一開蓋見到啲牛肉又乾又硬。一食落口，又鞋又硬, 完全咬唔開，不知所謂，垃圾之中嘅垃圾！

招牌紅燒牛肉麵，紅燒牛肉好大塊，但啲肉質可以再爽啲同淋啲，湯底一般，可以再辣啲，但係有得揀粗/幼麵都係一個細心位，味道正常但無特別話好有驚喜。台灣香腸同花枝丸都唔錯，比較鍾意杯水蜜桃紅茶，甜度適中，非常解渴。整體覺得哩間樂面牛屋性價比都幾高，二人餐 $198，一人大概百零蚊，位於鬧市黎講，有面有小食有飲品，呢個價錢係幾抵食，服務都好好，食物就正正常常，味道冇話特別好食，留下深刻印象嗰種，但係係ok既👌🏻

Authentic Taiwanese food and the price is reasonable. The menu provides a good varieties of dishes. The place is clean, which is very important during this critical period of time. Staff is patient and polite. A good choice in this location.

坐低咗先見到其他食評，如果大家都係咁，建議唔好怕羞，即刻走，唔好俾機會佢繼續做落去，佢呢個樓底高又光猛又有台灣風味嘅裝修又轉角位大玻璃又多位又闊落又夠冷氣唔知呃咗幾多人入嚟叫咗個紅燒牛肉麵，除咗湯底有藥材味之外，成碗野咩味都冇一放低碗麵，個藥材味有啲似浸腳嗰啲藥材味啲面就係白色一舊粉，完全唔入味三塊牛肉係煲湯豬肉，應該係話煲湯豬肉都仲入味過佢，質感極差，仲衰過啲面叫咗滷肉飯，其他食評講得啱，食碗白飯都好過佢，好油，係啲冇肉味嘅肉撈落濕粒粒嘅飯好在多口叫咗個皮蛋豆腐撈飯，但賣相好差，味道就係鹹嘅肉鬆加少少凍嘅百福豆腐加一舊皮蛋分開兩半啲肉鬆就好似優之良品啱啱買咁，倒大半包落個百福豆腐上面，倒到好似一堆頭髮咁舖頭就播台灣歌，廚房入面就大大聲播啲勁老嘅歌，入面幾個都係口罩拉低去到下巴，仲要勁大聲跟住唱唯一好嘅係走啲陣職員都算有禮貌地幫手開度好重嘅門

真伏⋯ 本來諗住叫大路嘢唔會出事，個清湯牛肉麵點解可以煮到咁難食！牛肉三塊勁乾、個樣又核突，啲麵唔好食，個湯底水開味精粉咁，仲要成碗嘢無配菜，好似得幾粒葱喺面。真係超難食！我朋友叫了個炸豬排都係唔得!飲品方面叫兩杯熱飲用個ikea杯裝住，其實係咪可以present得好少少？杯嘢巳經hea，搵個乾淨嘅玻璃杯裝住咪正正常常，用個$7元的ikea顏色杯裝住而隻杯又唔係洗得好乾淨，見到都唔想飲。有啲位一睇就知間嘢無乜heart!

暫時香港食過最難食台灣野，仲衰過綠野仙踪，要挑戰伏我建議你一試個豆乳X酥雞完全無味，感覺食緊完粒炸粉，比小小咸味都好丫大佬，不過$42黎講個份量係多唧涼伴麻辣豬耳，有味，無麻味，淨辣味，仲幾辣添，豬耳無切開，一大抽好硬，個青瓜無其乜特別，真係有味已經好好，$59完全唔值個紅燒牛肉麵，麵底係山西刀削麵黎唧，鐘意唧人就會鐘意，湯有色，牛有三大塊，但完全無味，係零，真係食到我懷疑人生個魯肉飯，先係大絶，難食都世界盡頭，首先d魯肉都仲係keep到無乜味，佢唔係豬肉碎係用豬肉絲，油都爆，一patpat，都係嘆為觀止，$40一碗我寜願食白飯個紫米香芋奶茶係最正常，不過星期六無跟餐，要 $32蚊，還可以啦

前幾日行街行到有啲頭暈，是但搵咗間舖入去坐。見裝修正正常常幾靚咁，冇諗過啲野咁難食。嗌咗 大腸包小腸、紅燒牛肉麵同水蜜桃紅茶。水蜜桃紅茶正正常常咁冇乜特別大腸包小腸比想像中難食，又乾又凍咁個台灣麵真係好難食！個湯咩味都冇勁淡，舊牛好un好鞋，質地似食緊湯渣，啲麵發曬漲咁。自己煮都冇咁難食。環境又差，店員仲要除咗幾秒口罩最衰openrice冇得比0分！！！唔係我一定會比，真係好伏好難食。建議大家真係唔好黎食

滿心歡喜和朋友進入餐廳，侍應加廚房有三男一女 員工，女員工負責樓面的工作，態度惡劣、沒禮貌、沒回應、台灣腸份量令人吃驚，食完想趕客走。食物質素一般，但受唔到態度差的要自行考慮。 一次都多 ， 太差太惡劣！！！！！！！！！！！

今日落毛毛雨，前面間日本冰屋有落場時間，咁岩見到呢間野有刨冰食，就一行三人坐低啦～因為已經5點 所以只打算3個人分享2碗刨冰，但係刨冰淨係揀到一款，所以就打算叫1客地瓜球，點知即刻比職員話你地咁樣點，唔得架喎！我地有最低消費！咁我地就問下最低消費係幾多啦～佢就話：每個45蚊啊！我地唔會比你地3個人叫2樣野坐成個鐘架！今日我地個場好旺架！你地咁樣叫，最多比你地坐半個鐘！我同d朋友真係好想起身走，但係出面落雨，唯有照忍，就話我地食完就走架啦～心諗你間野幾旺都唔會有第二次啦～～何況個時根本個店面仲有成3，4張空枱，出面又冇人排隊，咁樣講野，真係好趕客！！個仙草刨冰黎到，芋圓又超硬，冰又硬到整唔開，等到化成水先食到！態度唔好，野食又一般，絕對冇下次！！！

一句講晒，真係好難食。基本上全部野都冇味唔使錢都唔會再食。肉燥飯好油，無味，根本唔係台式肉燥飯嘅味，好奇怪，食唔落。唯一係滷水雞翼正正常常，唔算太入味但都食得落口。叫咗杯柚蜜香茶，根本無落茶底，只係柚子蜜，一啲茶味都冇，勁淡，顏色根本都唔係茶。唔明咁叫乜嘢香茶。。。好誤導人。以佢嘅價錢大可以食到其他高質啲嘅台式餐廳，完全唔值。呢間餐廳真係唔洗試。唯一一次唔記得上網睇定食評，真係好後悔食咗呢間餐廳。

叫咗兩樣嘢1. 肉燥飯 淡到似水溝飯 仲要賣成40蚊碗2. 「手工」餃 - 一咬第一啖已經知係惠康30蚊一盒嗰隻「台灣餃」，賣36蚊6隻。第一次寫食評，因為真係食完都唔知自己食咗啲乜，希望有心人睇到唔好再中伏。

Unappetizing food simply like rubbish, the price isn't cheap but the food tastes like rubbishThose appetizers better you not try, taste horribleFried squid having flour powder cover more than squid meat, am i eating flour instead of chicken??? Sausage seem not even cooked, am i eating raw meat lol Fried chicken with tofu flavor have only oil flavor am i really eating food not rubbish, i'm questioningBraised rice unbelievably bad, like drinking a soup rice oh my god, a simple dish making like a s

尼到希雲街，想食既餐廳好多人排隊，見到呢間野正正常常台灣野就諗著無死啦，點知食完就知道點解無人食，我從來無係open rice寫過食評，但呢間野真係難食到我都忍唔住寫食評。首先，肉操飯有一陣騷味，啲飯仲要好硬，食左一啖唔想食第二啖。第二，牛肉面湯底好難飲，有陣藥材既苦味，面質好硬，啲牛肉又干又硬又實。第三，珍珠奶茶味道算ok，但係粒珍珠硬到食唔到。一間台灣野連最基本既牛肉面同滷肉飯都咁難食，真係一啲都唔值得食，就算免費請我食多次我都唔會再食。

原本想食蕃茄仔，點知排長龍，而又帶住父母，沒時間慢慢找餐廳，又唔熟果頭，貪就腳就入左呢間餐廳⋯⋯⋯食物評價如下：清湯牛肉湯飯：湯底藥材味重，牛硬紅燒牛肉麵： 湯底同麵條可以，也是牛硬韮菜餃：個心冰凍煮唔夠熟⋯⋯有再煮一份新既比我地⋯炸尤魚鬚：夠脆，但無乜味，食炸粉咁百香果soda: 味道不足，真的飲soda水🙃環境：大門外冷氣機滴水問題嚴重，成地下濕晒，要避住水走入餐廳服務：原本想借廁所，店員話無廁所⋯但正常食肆一定要有廁所才發牌囉😨係食得8899，店員瘋狂執枱，話收9:30，但講完1 分鐘有新客入座🙈4人食左455，果頭應該有更多其他好既選擇⋯