樂面牛屋 (已結業)

又響銅鑼灣附近揾野食， 呢間餐廳一入去就好有好感。朋友五個月懷孕，佢好似望到咁樣。叫朋友唔好咁辛苦行入入面坐。到我地叫牛肉麵既時候又提醒我地係辣既。跟餐既前菜有竹筍，青瓜同埋芽菜仔。跟餐嘅仲有腸仔或者花枝丸揀。我哋揀咗花枝丸，入邊有一粒粒嘅花枝。主菜紅燒牛肉麵出場。有三大片牛肉，全部都已經憫到林晒，唔會有黏牙嘅感覺。跟餐仲有珍珠奶茶，今日㨂左綠茶底。但叫一個紅燒牛肉麵要＄70 ,叫一個餐係＄118。如果大家想有野飲又有小食的話叫套餐會抵好多。最欣賞呢類風格嘅小店，雖然佢冇茶餐廳咁多元化，但係廚師可以專心做好一個麵，反而食客會更加滿足。最後提提大家呢間餐廳收晚上九點鐘想食就要趁早啦。

剛剛叫了外賣（經openrice app)，發現送來食物有錯（即食物盒上收據正確但實際食物不符），打電話反映情況，只回覆他們並無外賣，無辦法去補回給我們，只能下次再光顧時才補回；最終要再煮麵，因所缺少的是麵食，缺少了並不夠吃；同時多付的金錢無法馬上退回。只能説情況極不理想，我也只能跟有關職員說並無下次（所以也不用補回）。如果本身無送外賣服務而需要第三者服務，在處理訂單時真的是要格外小心，因為對食客影響不少。

游水後帶班馬騮食午餐，呢間係呢排新開幾人氣嘅台灣菜，去到門口幾似台灣見嘅小食店，店員安排了5分鐘可以入座，店面細，桌椅好迫，店家在有限嘅空間中，加了好多台式用品裝飾，幾有風味！喜歡呢度嘅餐具，不成套嘅花紋，多了家庭感覺招牌清燉牛肉麵（$68）賣相唔錯，粗麵彈牙，但湯底唔夠香濃，啲牛肉係牛𦟌，不過因為湯唔夠味，所以整體一般麻醬乾麵（$38）麵好像烏冬咁粗同圓，幾彈牙，不過撈嘅醬油杰身偏鹹，紅蘿蔔絲🥕較硬，青瓜絲爽脆！整體一般！香炸排骨肉燥飯（$58）肉燥飯細份量，肉燥汁水份唔夠，比珍珠米飯🍚索晒就唔夠濕口，自己覺得珍珠米無絲苗咁夾肉燥！不過排骨（豬扒）唔酥脆，因為係豬扒炸好再切件，切面無炸漿，豬扒薄，炸漿比較硬！唔夠鬆化，豬肉又唔夠油香！一般梅子小蕃茄（$35）呢款有啲家庭主婦菜式，唔花考，簡單醃了小蕃茄，蕃茄嘅酸同梅子酸味好夾！蕃茄爽口開胃！好味台灣香腸（黑橋牌）（$20）無唸過最穩陣嘅小食會失望，台灣香腸本身已唔大條，廚師再將香腸切片，燒得唔香，只係微微出油，連油香都無！加榨菜粒同香菜都無用！現成香腸加工都做得一般，失望豆乳鹽酥雞（$42）賣相唔錯，不過雞件唔酥脆，因為係雞粒炸漿比較

同老婆去完大球場附近做嘢，肚仔開始餓想去食午餐 。 一路經過加路連山道的茶記都不太吸引，結果行行下行到去希雲街街口，見到呢間樂面牛屋好似幾企理就入咗去。原來喺一間賣台式食品嘅餐廳，同佢個名有啲格格不入。我就叫咗一個紅燒牛肉麵，個面嘅湯底清清地，但有點藥材味， 不過食落又有點辣。 紅燒牛肉幾腍，麵就不過不失。不過碗麵份量就細咗啲。我老婆就叫咗鹽酥雞肉燥飯，啲雞炸出嚟幾嫩口，好食。飯如果可以再熱啲就更好。順帶一提，雖然我哋冇叫嘢飲，但看見左鄰右里的飲品想當大杯，應該幾抵飲。

假期一個人，唯有買外賣自私食呢間開左咁耐未試過，店家標榜正宗台灣味道。豆乳鹹酥雞肉燥飯$58外賣關係，雞肉係有分開放的，貼心不過鹹酥雞並唔係平常食開嗰種全脆口感，反而係外脆內嫩，粉漿好薄，雞肉亦有汁。肉燥飯入面有幾種配料，炸菜（？），大豆芽，青瓜等等，配埋個肉燥食口感好特別，味道唔錯，只係＄58略嫌小貴，飯份量頗多，女仔一人會吃剩哦。皮蛋肉鬆豆腐$35呢個就正正常常冇乜驚喜，就一般平常食到嘅味道。

叫左個肉燥飯同清燉牛肉麵個肉燥飯一黎到,已經心知不炒啦！好乾,完全無汁,d肉碎就變左肉絲,好鞋,食左2啖就食唔落。諗住個清燉牛肉麵會好d啦!點知一黎就聞到好勁藥材味!問職員係咩藥材,佢話淨係落左川芎,上網一search孕婦忌用,攪到朋友要夾格幫我食埋。點解個餐牌完全無提過係有中藥成份!!!! 仲要孕婦忌用嘅!! 都完全無寫!!如果無問下,食左有咩事咁點算????仲要都唔平70蚊個麵!超細碗! 肉燥飯又難食!

餐廳唔算好大間, 但係風味重, 隨左環境之外,食味上尤其湯底好重台灣牛肉麵個隻風味,台灣腸大約一條左右既size 切片上,味道香, 唯份量想佢再多D ,正常台灣腸,算係正宗,牛肉麵同台灣食到個D真係好似, 原隻搬過黎HK咁,麵既份量正常, 湯底我覺得唔錯,小小辣.麵身偏硬,我其實幾中意, 我唔中意太軟既,彈牙D好!有時幾中意食台灣野係因為野飲!桂圓紅棗茶真係好好飲!熱辣辣得黎, 帶小小甜~唔會過甜就perfect!

在銅鑼灣工作，不斷試新餐廳。這家台式餐廳暫時來說是我試過較有水準的。餐廳位置旺中帶靜，店內裝修有Cafe的感覺，播著國語流行曲，是台式餐廳休閒的感覺。點了個紅燒牛肉麵（$68，不含飲品）店員很貼心的問：少辣可以嗎？台灣人問的語調特別貼心。牛肉麵特份量不多，難怪點單紙上有加底（+$20）一項湯底的辣會留在喉嚨，我猜是用辣粉調的味吧。牛肉的肉質則不算太滑。飲品點了個熱的桂圓紅棗茶（$26）非常的大杯，如上圖。大得跟湯麵的大少差不了多少。味覺屬於很甜很甜的。朋友點的是另一個菜：台式香腸肉燥飯（$58）份量比牛肉麵多好多哦小菜味道淡淡的，芽菜最好吃。香腸是正宗台式，有在台灣吃的感覺。肉燥飯味道不過不失。相對牛肉麵，性價比更高。下午茶時段人較少，悠閒感倍增，是不錯的用餐選址。

星期日晚上女朋友想食台灣菜，看到這家食評好壞參半，而且兩邊評論都很極端，於是膽粗粗來試試，看誰是誰非。我們點了紅燒牛肉麵，香腸肉燥飯，滷雞翅，珍珠奶茶，百香果soda。紅燒牛肉麵只有3小片超薄牛肉，肉燥飯的肉燥呢? 很少，只見一灘醬汁。份量真是太少了，這個價錢，這樣份量，店主也太小器了吧。份量唔合格，再試試味道如何。都真是很一般，牛是韌的，麵一般，湯底很鹹。肉燥飯呢，女朋友報告飯很硬，肉燥肉太少，比較似醬汁送飯。滷雞翅更像煎雞翅，食不到”滷”的味道。食完後我和女朋友都無法想像那些好評是如何寫出來的，什麼很地道，很有台灣風味，請你們不要侮辱台灣菜，這間店賣的完全不是台灣菜，連快餐店都不如!好評?? 真是想不出這些"好評"是如何寫得出來。店主—請用心做食物，不要只靠那些不知如何寫得出的"好評"。

星期日在銅鑼灣吃午餐，記起這間頗新的台灣菜便去試試。本來見到沒開門還以爲星期日不開門，原來十二點才開門。我們是第二枱客人，職員安排坐位有點不貼心，客人不多，也要我們和另一枱痴埋一齊坐在隔離。我們點了阿薩母紅茶和柚子茶，另外肉燥飯，紅燒牛肉麵、鹵水蛋，鹵水豆干。肉燥飯是用珍珠米，但不知為什麼飯很硬，可能我們太早飯未煮太好，我吃剩很多，肉燥也頗少份量，味道可以，肉燥不太鹹。另外原來肉燥飯有半隻鹵水蛋，早知不用另叫。 牛肉麵叫了少辣，都幾辣，味道幾好，面質就一般。鹵水豆干不錯，很有咬口。

勁乞衣，$68 清燉牛肉飯得3片牛展同清湯，而且味道一般，我食左半碗飯，已經無餸，要乾鯁白飯，我都未試過出街食碗飯咁慘，慘過食大家樂！另外，我去食的時間野無咩人， 由於我比較多隨身物品，佢都唔會睇諒你，叫你坐勁窄單人位，最後我要求成功坐枱，佢都會話如果人多要讓位~sorry, 你間野好快會拍烏蠅lor! 唉！我好支持小店，但呢間真係好唔掂，我剛去完台灣旅行，本想重拾台灣的味道，可惜佢招牌菜同台菜差太遠！裝修尚可，服務差， 食物更差，有生之年我應該都唔會有幫襯啦！

早前去銅鑼灣做療程, 先係附近食嘢先, 去了樂面牛屋食台式野. 我點了小食老爹滷雞翼, 清燉牛肉麵和熱珍珠奶綠微甜. 店員先奉上熱珍珠奶綠. 熱珍珠奶綠茶底不俗，入口時茶味香濃，質感又細滑. 而且珍珠夠煙煙韌韌, 咬時帶點甜, 幾好味. 老爹滷雞翼. 一碟有四隻, 雞翼幾大隻和飽滿. 肉質尚算嫩滑, 唯獨滷水味道不夠, 不太入味. 主菜清燉牛肉麵上枱. 一上枱已經聞到幾強的藥材味, 原來係湯底加入杜仲, 這個幾特別. 入口時有淡淡藥材香味，個湯飲晒也不覺得口渴. 而牛肉原來係牛展, 牛展帶少許咬口, 但也算稔身. 麵質軟硬適中. 鍾意食辣的朋友, 可以選擇紅燒牛肉麵.

放工同同事諗住一齊食晚飯，去咗銅鑼灣ge樂面牛屋，餐廳主打台灣菜，牛肉麵啊，滷肉飯等等。可能系放工時間，當時店入面都已經幾多人下，好彩都仲有位，坐低之後就叫咗野食。招牌紅燒牛肉麵（$68）黎到當然要食招牌紅燒牛肉麵,牛肉麵ge湯底好濃郁,好香花椒八角味,面質系寬麵類似刀削麵咁,有咬口,而且微辣,牛肉燉得淋滑,好入味,碗麵ge份量夠曬大碗!!台式香腸肉燥飯($58)肉燥飯唔系好大碗,但肉燥就好香,肉燥整得好有風味,幾正宗,台式香腸系分開碟上ge,香腸烤得香脆可口,好食.梅子小番茄($35) & 酥炸台式花枝丸($38)個人好中意呢個梅子小番茄,好清新ge感覺,番茄仔去皮,再有d梅子ge味道,酸酸甜甜咁,夠曬開胃.花枝丸炸得表面金黃,好香口,而且依然系咁彈牙.珍珠奶茶($26)珍珠奶綠($26)飲品就叫咗珍珠奶茶同珍珠奶綠,我覺得奶茶唔錯,因為唔會好甜,相反奶綠就好似甜咗小小,但茶香味都好唔錯.珍珠都幾有咬口,彈牙,唔錯.幾好ge台灣菜餐廳,幾正宗,而且環境都唔錯,店員又有禮貌.會再來.

銅鑼灣行街時，正值午餐時間，又岩岩行經尼間台灣樂面牛屋，本身對台灣料理都幾鐘意，就決定試下如何 ，餐廳環境都算乾淨，座位就比較逼，落位基本無多餘空間給你郁到手腳，不過係香港呢種情況都可以理解到。落單，決定要我最鐘意嘅招牌紅燒牛肉麵，當時心情都好期待。五六分鐘後，面上台，見到擺係上邊嘅牛肉，已經覺得不對路，試著一啖，即刻大失所望，68蚊一碗的紅燒牛肉麵，得三片薄牛展，仲係乾乾硬硬果隻，完全唔係紅燒牛肉應該有嘅款，試過唔少台灣紅燒牛肉麵，香港就有小王同茶木，雖然品質各有不同，但正宗台灣紅燒牛肉麵裡的大塊燉煮牛肉就一定不會缺席。而講返尼間樂面牛屋，以三片配料來睇，碗麵就給人覺得完全係既不正宗，又貴得無曬性價比可言，真係唔會去第二次。

又一間新開嘅台灣菜! 都可以一試🤗#清燉牛肉麵 幾好食，湯頭有陣淡淡嘅藥材味，牛肉係牛展(?)，口感比較實，唔好expect係平時好稔個隻，但味道唔錯嘅～😊#台式魯肉飯 遜色左啲，肉是瘦的，冇肥肉個種香，似肉燥飯多啲🤔#老爹鹵豆干 幾入味～唔錯😳#冰鎮桂花冬瓜茶 清清淡淡 味道幾夾 但就甜左少少