樓下冰室

營業中

休息中

沙嗲牛肉麵對香港人嚟講，係茶記必備嘅美食，今日就去咗樓下冰室試吓，室內裝修係懷舊風格為主題，裝修新淨。牛肉厚薄均勻，口感好，肉味足💪沙嗲香得嚟有層次，鹹得嚟又帶甜香，微微辣味，刺激胃口…🤩牛乳炒蛋，炒得非常幼滑，口感十分豐富🤩牛油多士可自選牛油份量，多士烘得啱啱好，非常美味🤩樓下冰室 (鰂魚涌)鰂魚涌英皇道967號地舖

早餐選擇很多，眼大胃小太難了我們開始點了炒蛋多士和煎蛋菠蘿油，後來加了港劇頻繁出現的茄牛麵，湯底太好味，個人覺得換成通粉會更好吃菠蘿油皮非常酥脆，也很大隻性價比不錯飲品我們都選了熱飲，阿華田和鴛鴦算是茶餐廳標配

招牌瑞士雞翼撈公仔麵牛乳炒蛋、多士、撈公仔麵一直係我食茶記嘅首選之一😂雖然好邪惡，但食完再配杯凍奶茶真係會好滿足。呢到嘅炒蛋同樣可以揀熟度，我個人食開全熟，亦都係好滑。而多士微微烘過，有超濃牛油香。食落好soft好香口，夾埋炒蛋一齊食仲正！而招牌嘅撈公仔麵加埋瑞士汁係無得頂😋唯一comment係如果雞翼可以斬多幾下會更方便食😂

我都知啲頭呢就好多人食飯㗎喇，不過我貴為一個level 4嘅openrice用餐分享人士嚟講，我一定要對每一次用餐都有嚴格嘅要求，因為我知道我每分享一次用餐嘅體驗都係對所有會員，所有其他人係公開嘅，所以我唔想誤導咗大家對呢間餐廳嘅唔好嘅睇法或者係偏妥，今日我就嚟到呢間樓下冰室度食咗個蔥油雞扒煎雙蛋，其實我都知而家試下食個下就午飯呢係60蚊呀咁上下㗎喇，不過佢啲碟蔥油煎雙蛋飯嘅份量真係幾濁可惜我覺得佢就偏鹹少少同埋佢餐廳入面嘅座位就好擠迫嘅雖然佢個餐廳好大呀但係佢想坐得更多嘅人所以就好擠迫喺度走廊隔離坐張摺枱咁食呢個我就感覺唔太好

只要在鰂魚涌太古坊工作或生活，應該無人不曉的樓下冰室。吃過很多次，最有名的應該是蕃茄湯底配嫩蛋再配飯或米線那些，瑞士汁雞脾丶雞翼也在首選之列。我個人覺得胡椒豬肚系列湯飯也很好吃，就看到店的時候感覺想吃什麼囉。今天去的時候是下午茶時間，那就來個下午茶餐。點的瑞士汁雞脾配水果沙律和熱飲。水果沙律是直接一小盒上桌，相當好，除了用料是餐廳自己備料的蘋果那些小水果，在茶餐廳吃沙律這類不是煮熟的菜品，最怕在室溫下過久不衛生，還不如這樣直接雪櫃出來的安全。雞脾一如既往的好，甜甜的瑞士汁，雞肉香嫩👍

懷舊冰室style主打番茄湯、瑞士雞髀，仲有各種港式碟頭飯、焗飯，樣樣都好吸引！*特色番茄濃湯通粉 配牛乳炒蛋、招牌瑞士雞髀 $60番茄濃湯用上200斤新鮮番茄、豬骨及雞骨，熬製10小時，不含味精。味道非常濃郁，番茄甜度好高，內有大大塊番茄肉。通粉用無紋通粉但都可以索晒番茄湯嘅精華，配搭嫩滑炒蛋，相當出色！瑞士雞髀採用頭抽瑞士汁豉油，再加八角、桂皮等香料，甜度適中，但香料味偏淡。雞肉味好淡、唔夠入味，要點瑞士汁食，而且肉質以腿肉嚟講偏乾柴。美祿脆脆 +$12螞蟻人必叫，美祿味好濃好甜，加埋脆脆更加甜。

今日要OT,又要趕去大酒店,落車見附近有哩間野,就打算是旦叫D野食算啦,隨便叫左個唔洗等好耐既野食,諗住快快手食完就走人,點知......~蕃茄麵好好食阿!個湯有好濃既蕃茄味,平時唔會飲湯麵湯既我都忍唔住飲晒~瑞士雞髀又係好好食,好入味,食完一隻覺得唔夠喉

打工仔恩物❤️平時成日諗唔到食咩去樓下冰室就實冇錯😂真係平靚正之選🔥佢個蕃茄湯係出哂名我平時成日都食，但同事之前話麻辣仲好食過普通蕃茄湯，我今次一於試試佢🍅出餐一如以往地快😂叫完5分鐘就到啦🤣先試一啖個湯，好濃嘅蕃茄味再帶花椒味好正喎真係！完成帶出到個蕃茄鮮味又唔會蓋過咗做得好好，而牛肉亦唔韌好食👍麵底之前食過公仔麵，通粉，米線，泡飯，個人最鐘意通粉同公仔麵最夾最入味❤️值得一讚嘅係佢個滑蛋好出色，唔會太熟，而個奶茶個茶底都做得好好好濃👍 keep到個水準不過如果想傾計就唔適合啦啲staff一見到你食完就會叫你走架啦😂😂😂

平時星期一至五午餐時間長期都有人喺門口排隊等位或者等外賣 今日OT之後嚟食晚飯 輕輕鬆鬆唔使等#蔥花滑蛋叉燒飯 $60飯品加錢半價佢俾得太少豉油 所以整體味道較淡 蔥花滑蛋都好食既 叉燒正常 整體正常發揮#潮州蠔仔肉碎泡飯 $60蠔仔份量足 可惜好味精😔 食完之後勁口渴

一坐低就見到枱上介紹六大必點美食，兩個人去就試咗其中兩個。首先介紹特色蕃茄濃湯通粉配炒蛋，加招牌瑞士雞髀（$59）。番茄濃湯據稱以200斤新鮮蕃茄、豬骨同雞骨烹調10小時製作，的確幾濃味，只係略嫌太甜。瑞士雞髀同蕃茄湯一樣，雖然味道唔錯，但係又莫名其妙地甜。另一個午餐點咗金牌咖喱牛腩飯配熱奶茶（$62）。咖喱汁撈飯，都幾好食，可惜部份牛腩有啲韌，奇怪之處就係咖喱汁少少辣之中又有啲甜味，唔知呢間冰室嘅廚師係咪好鍾意甜甜哋？

聽朋友講鰂魚涌有間冰室啲嘢食又好食，而且份量又好慷慨，所以今日特登去試吓樓下冰室叫咗三樣嘢食：出名嘅蕃茄北海道牛乳炒蛋湯通粉配招牌瑞士雞翼蔥油豬扒蛋飯西多士我一向好鍾意食蕃茄類嘅食品，尤其鍾意飲蕃茄湯，樓下冰室嘅蕃茄湯通粉真係名不虛傳，濃郁嘅蕃茄湯再加上海量嘅通粉，上面擺放住由北海道牛奶炒嘅滑蛋，食完成個人真係即刻暖晒至於蔥油豬扒蛋飯，真係好大碗，連平時食量驚人嘅朋友都爭少少食唔晒雖然已經好飽，不過好耐冇食西多士，所以都忍唔住叫咗一份，依間嘅西多士同其他茶餐廳唔同嘅地方就係佢餡入面嘅花生醬係用上粗粒花生醬，食落口感脆卜卜，再加上邪惡嘅牛油同蜜糖，真係名副其實嘅 comfort food樓下冰室性價比非常之高，價錢適中，而且份量十足，即使係大食嘅男仔都一定夠食，之後有機會都想再嚟幫襯#樓下冰室

最近揾到一間好正嘅新式冰室，啲食物真係好吸引！佢哋嘅瑞士汁雞翼煮得好入味，見到隔離枱每個人都有嗌，應該係招牌黎。原隻蔥油雞一上枱好震撼，隻雞好大份啲雞肉好嫩，蔥油嘅香味又好突出，配飯食一流！炸海鮮芝士豆腐好似普通魚蛋咁，但配埋我碗炒蛋配蕃茄麵，成餐飯即刻好滿足！滑蛋炒得鬆軟，麵條煮得夠彈牙，配埋啲酸酸甜甜嘅蕃茄湯底，冰室做到呢個質素真係好掂滑蛋叉燒飯係我朋友食的，但係我自己都忍唔住食左佢幾啖，啲蛋炒得勁滑身，叉燒份量都好多，佢碗飯真係好抵食

朋友喺鰂魚涌附近做嘢，今日約咗佢食個靚早餐，呢間樓下冰室我一早book mark左，因為見人share過佢嘅滷水雞髀同滷水雞翼好正，想試好耐，今日終於有機會啦😍😍我哋去到嘅時候係10點幾，原來早餐餐牌係冇滷水雞髀㗎，問咗侍應姐姐，佢哋話11點後先有架，咁我哋時間都好鬆動，就揀咗個早餐慢慢食住等11點，食佢個雞脾啦🤤🤤見到佢嘅招牌係蕃茄湯厚餐肉通粉，咁就試下佢啦，朋友就揀左芝士煎蛋菠蘿包餐個蕃茄湯真係不得之了，勁多蕃茄蓉，勁足料，好fresh arrr🤤🤤後餐肉真係夠晒邪惡，真係勁後設，滿足晒口腹之欲😂見就嚟11點，紅豆冰係同雞髀係絕配，所以早餐嘅餐飲，叫定杯紅豆冰，等11點嘅滷水雞髀🤤🤤朋友嘅菠蘿包到啦，好誇張，除咗芝士煎蛋，仲有生菜，菠蘿包皮夠晒脆，個咸勁豐富，勁滿足呀！一到11點，即刻嗌咗份滷水雞髀同雞翼😂真係勁好味，雞皮入晒味，個滷水汁調得好出色呀！一定要再幫襯！

呢間冰室最出名係蕃茄湯，當然要一試個湯有好多番茄肉，但啲番茄同啲湯有種唔係好天然嘅甜味，我估應該係用左茄膏同浸左糖水🙁通粉係滑捋捋個種，唔會煮得太稔，幾好牛乳炒蛋炒到有啲一舊舊，所以唔算好滑，而且咸咗少少😅至於個牛油多士，可能烘完好耐先上枱所以塊包係一啲都唔脆，亦都凍冰冰🙃不過$52有咁多樣嘢食，而且係港島性價比都算係ok嘅菜式：樓下精選（番茄濃湯叉燒通粉、牛乳炒蛋、牛油多士、飲品）：$52味道：🤤🤤🤤/5性價比：🤤🤤🤤🤤/5

鰂魚涌地鐵站A出口，過馬路就到，非常方便。.星期一下午都有唔少人，不過好快就有位。.雖然餐牌有好多嘢都好吸引，但第一次食，見蕃茄似乎係佢哋招牌菜式，覺得點都要試一試😀.🥢 麻辣蕃茄湯米線加炒滑蛋 配瑞士汁雞髀 $59蕃茄湯 - 加埋麻辣，配搭好好食，酸甜辣都齊晒，香濃入味，令人非常開胃炒滑蛋 - 應該有用奶炒，滑得嚟，蛋香都好出米線 - 感覺發漲咗少少，唔係碗麵就完美啦瑞士汁雞髀 - 偏甜，但雞髀肉嫩入味，係好出色嘅雞髀👍🏻.🥢咖喱豬扒撈丁 $52唔知關唔關下午茶事，份量好似有啲少，但豬扒煎得好好，咖喱味都好香滑，都屬於高分之作👍🏻.飲品選擇感覺比一般茶餐廳多，飲品正正常常。.餐廳裝修設計行香港懷舊復古風，而座位都幾寬闊，覺得環境唔錯👍🏻