標叔叔小食店

營業中

休息中

朋友介紹咗呢間深水埗既串燒，話夜一夜都有得食，於是就襯今晚OT完一肚氣黎會一會佢。串燒食物黎講其實都幾齊全，雖然舖頭細細，但要魚有魚要肉有肉我地一行４人諗好晒之後就落單，叫咗10串但佢有買5送1所以1共有12串野食哥哥仔話等等，點知一等就等咗４個字原本我地諗住攞返屋企食點知等同餓晒最後決定企喺條街道食佢樣樣野都大大份比我地試到即燒即食有幾正未食完之前我地已經決定好下次要叫啲咩同埋嗰20分鐘等待時間去買咩其他野食好

[ 高質串燒🍢| 每次經過都要食 ]••每次去深水埗/長沙灣食完飯，周圍行下消化下🚶🏻‍♂️其中有一次介紹男朋友食呢間串燒，佢一試上癮，每次行過都話要食🧟‍♂️-🔹燒豬頸肉、墨魚丸($15@)⭐️7/10 我就比較鍾情豬頸肉🐷好香炭燒味，肉質仲好林最重點係佢既秘制醬汁✨甜甜地又好似蜜糖，但又唔係好甜😍要叫佢多汁👍🏻聽講加辣都好好味🌶但我唔食得辣，唔敢試🤐-🔺去完附近食維記豬潤麵or新香園蛋牛治🍜🥪唔夠飽都建議大家去食返串💁🏻‍♀️---

最近要Keep Fit都好耐冇食標叔叔，早2日無意中喺飲食男女介紹過，見到有人話𨍭左手，味道吾同左🤔，令我更想來試試我點了花枝丸、司華力腸、燒菠蘿首先試下花枝丸先，夠熱仲覺得好彈牙，味道好香口，勁惹味！再黎司華力膓一入口已經比d辣粉令我忘曬形吾會太搶⋯⋯同司華力腸出奇咁夾,又食到蜜糖既香味,太邪惡啦！同平時食開既蜜味感覺好吾同，辣粉吾知系咪佢地自己調既，真系出面食吾到呢種味道⋯⋯最後食埋個甜甜既燒菠蘿🍍去完結我邪惡的一餐其實本來冇打算叫不過多口問店員，有冇甜野介紹下都幾好食，燒得吾會乾曬，好味！食完好🈵️足🙊，期待下次再食過

深水步，之前系最好食的串烧，自从换左人，等得太耐，加上味道吾同左，吾会再去食，以前標叔叔‘整得好好食，又有礼貌，热情，多选泽，之前为人服务，而家只试稳，，，唉！

標叔叔燒雞脾$18來到深水埗掃街的確有好多選擇，其中一樣必試的就係標叔叔小食店，我地就最鍾意食少雞脾～雞脾用左佢地老店秘方醃製，燒得惹味香口之餘，肉質都抱持juicy，十分不錯，係店舖的必食推介～

在電視看過這間串燒店的介紹，剛巧經過聞到香噴噴，就冒著"熱氣生暗瘡"的危機試一試。order了兩串串燒，就過隔離店買了魚皮餃企住邊食邊等。苦惱緊order咩串燒嘅時候聽到好多人叫花枝丸，想必定有其吸引之處，可惜我現場即食都覺得花枝丸只是微暖，所以口感一般。反而串燒豬肉有驚喜，其實食起來感覺更像是豬頸肉，厚切的咬感真的不錯，味道也很好！！真的有不少人等候串燒，大家經過不妨試下

我又黎食標叔叔喇每次食完都好開心好滿足話說上次食左燒司華力腸，味道一般，不會再encore點知今次過黎，標叔叔就新推出左“蒜蜜味司華力腸”，聽落幾吸引，就試下見到標叔叔..既伙記加左好多蒜醬（蒜醬..？）係司華力腸上面！！食落去好好食啊！原來蒜蓉同腸仔好夾嫁好有蒜味，腸仔又燒得好靚！值得試啊！ 不過呢個司華力腸要等好耐等左成5-10分鐘先有得食，但食完係開心既！呢個司華力腸係期間限定嫁唔知下次仲有無機會食到不過我suggest標叔叔用呢個蒜蜜味司華力腸取代普通既司華力腸啦

每次經過深水埗，總要整返幾串爽下個胃即叫即燒，還有老闆秘制汁，實在太野味！經過必食之選！豬頸肉！燒茄子！花枝丸！牛肉串！連燒賣都意外好食！最好叫佐一串串叫，咁就可以一串串咁食

深水埗有好多食肆的價錢仍然停留在十年前。在香港這個百物騰貴的社會，難得還有一個樂土是可以十元八磈「醫肚」，需即要知道現在連「空氣麵包」都要十多元。這間「標叔叔」就幾年來價錢都無漲過，很多時候我來到深水埗都會光顧。我每次來都沒有見過「標叔叔」，是真有其人嗎？這次來，打理店舖的是兩位嬸嬸。  這裡以燒物多，基本上想到的肉類都有，唯獨是它無有燒蔬菜。全部價錢都在廿元樓下。  在玻璃櫃放滿了預備好的燒用，點完菜後，只需稍加燒一燒就可送到你手上。如果點了大量串燒的話，又不想等候，可以先給他們打個電話下單，約莫時候在取。十元就可以買到三樣點心：牛肉球、粉果和糯米卷。  不要期望質素媲美大酒樓，但味道不錯。牛肉球牛味夠、粉果皮厚了點，但餡料足，糯米卷包鬆軟，糯米香。十元「醫肚」還要求什麼？       

現在的串燒店成行成市，每間都話自己有什麼特色...前兩曰經過深水埗見到有間串燒店門前有約4、5個人在等，但唔知等乜？原來在等叫號碼拿串燒，叫串燒要等不是一件什麼新鮮的事...但眼見每人都是拿著一、兩袋...心想好好食呀？就去買幾串試試，當然試一間串燒店離不開也是牛肉、豬頸肉...不過可有想過會有玉子串燒？那當然要一試！誰不知...玉子串燒出來有點驚喜：甜甜地、有點蛋香味、口感不錯...重點是不會太熱氣...之後食那牛肉串，牛肉串咬落有肉汁、牛肉味不會被那些調味料搶走...食落覺得味道配合得不錯，最後食那串豬頸肉，我心想這家店的師父是否不𢤦切東西的嗎？切到D豬頸肉有其他串燒店足足厚一倍平時食那些可能因為太薄一般都很乾，但這家的豬頸肉真的令我回味...下次行開深水埗一定會再去光顧。因為正在離開之前見到有燒靖魚下次有機會再跟大家分享

好耐冇去過深水涉，今日去黃金買啲嘢，走時諗起標叔叔串燒，以前成日食，搬左之後好小食，行去睇下仲有冇喺度，好彩仲喺度，但門面唔同左，心諗係咪轉左手，見到全部年輕人，標叔叔呢？原本標叔叔已交比佢個仔打理了，佢推介我食燒生蠔及燒墨魚咀，,新嘢嚟，以前冇，試下先，不過都要叫多串我最愛的牛肉串，食完三串之後先諗起冇影相，下次再影，生蠔超鮮甜，墨魚咀送酒一流，牛肉串有之前九成，其實食牛肉串時候諗起標叔叔，畢竟之前住深水涉時成日幫襯佢，好彩佢交左比佢個仔，仲有得食

食串燒係食埋個種煙燻既香味 今次嗌左韭菜 雞全翼同雞脾黎食味道的確差過之前 可能轉左手既關係 韭菜一個字乾 仲要食個醬汁多過主角雞全翼同雞脾似用蜜糖烤焗多過燒過怪怪地 希望有改進啦

深水埗美食真係數之不盡，標叔叔樣樣小食都好正。牛肉球非常鮮牛肉味，甚至比酒樓食到既更加好味，因為而家酒樓為左減低成本會加入豬肉，所以冇咩牛味，唔係真·牛肉球。豬肉燒賣好滑嫩，而且肥瘦得宜，突然令我諗起澳門食既燒賣，有異曲同工之妙。至於串燒一樣出色，豬頸肉好爽口，而且肉汁亳無保留咁滲出黎，外表亦燒得香脆。墨魚丸粒粒燒到色澤均勻又靚，少少既辣粉令墨魚丸更為惹味。

自細就住深水埗，以前每晚11,12點經過一定會叫返一兩串辣既豬頸肉食，係深水埗最好食既串燒店。但係早排標叔叔裝修，裝修過後店鋪睇落乾淨清潔咗好多，但係原本燒野食既啊叔同啊姐就變左做2位後生仔，驟眼睇以為轉左手，但店名都係叫標叔叔，我諗應該無轉到手掛。咁前晚經過，就去食我最愛既豬頸肉，點知食落口個陣先發現串燒同以前隻味唔同咗。宜家就算叫辣都係會食到蜜糖味，原本個隻辣味已經消失咗。不過，鍾意食蜜糖味串燒或者對辣無個種執著既朋友，我都會推介標叔叔，只係無左以住個隻辣有點可惜。

黎到標叔叔食串燒，雖然叫標叔叔，但落單，燒烤的都是很年青。叫左三款串燒，分別係牛肉，花枝丸同司華力腸。一見到串牛肉，好驚喜，因為比想想中大粒，食落仲唔硬，咬開仲見到紅紅地。雖然我叫左spicy,其實食落一d都唔spicy,仲有少少甜甜地，因為搽左蜜糖，好好食呀！跟住試花枝丸～你睇下燒得幾靚，其實標叔叔好用心燒嫁，味道都係甜甜地，好好味！食得好滿足。最後就係司華力腸，呢個反而無咩驚喜，可能平時魚蛋檔既炸司華力腸會好味d,邪惡d。個蜜糖味同司華力腸其實唔太襯，所以味道比較蝕。總括黎講，都值得大家一試嫁！