樹輝咖啡

營業中

休息中

今天下午三時半左右，行經旺角，就上去樹輝咖啡，想食個下午茶，到后叫了一個咖喱角加熱咖啡，咖喱角剛炸好，加上喼汁好食，但咖啡就差到無可再差，無味道的，比麥記仲差，同老板娘講佢地d咖啡無味，佢只答我一句，就收工，系咁啦，即刻無語。

呢日早咗少少出旺角諗住食個早餐先至返工由於唔想食嗰啲又貴又唔係特別好食嘅超貴冰室於是就諗附近會唔會有啲乜價錢相宜嘅小店呢？醒起自己從來都未去過呢個街市嘅熟食中心於是就摸上去睇吓有咩好食啦基本上好似得兩間餐廳一間就係呢個樹輝另一間就係食粥嘅熱辣辣都唔想食粥所以就坐低食返個港式早餐啦個早餐餐牌姐姐收返所以影唔到😂枱面得呢一個炒飯麵嘅餐牌順便都影埋上嚟本來想叫煙鴨胸通粉但係姐姐話未有所以轉左食叉燒通粉雙太陽蛋 牛油多士凍咖啡少冰少甜個牛油多士真係落咗超多牛油🙈係多到我要撇走超過¾熱辣辣嘅牛油多士再加砂糖真係好好食🤤至於個叉燒通粉我覺得個擺盤真係好有誠意！啲叉燒係有有心去砌好先上枱仲要擺靚靚兩條白菜仔🥰啲叉燒唔係死肉 都有啲肉味嘅不過個通粉就略嫌煮得太淋冇乜口感至於杯凍咖啡少冰少甜普通茶餐廳水準 都飲得過嘅小店嘅人情味真係唔係度度都有姐姐非常好招呼靚女前靚女後不在話下😂總之所有講嘅嘢都好有親切感唔知仲以為我係熟客😂但明明我只係第一次去要令客人真係有呢種賓至如歸嘅感覺真係唔係個個都做到

原本一心諗住黎食樹屋泰菜，但去到先發現餐廳唔開午市，唯有試下隔離間樹輝咖啡~我地叫左一個飯及一個烏冬，均送例湯，份量挺大且味道唔錯~ 另外，加了$2叫左杯熱飲 (1) 沙嗲茄子牛肉飯 $31沙嗲味濃郁，茄子弄得軟身，牛肉薄而滑，整體味道唔錯~(2) 豉椒雞扒炒烏冬 $40豉椒味濃郁，雞扒炸得香口，但略嫌鹹左少少，而且烏冬炒得唔夠，整體唔夠飯好食~雖然身處熟食市場，但卻得到5星級服務既待遇，姐姐一人落手落腳服務我地且非常有禮貌，感到窩心， 值得一試~

佔著地利之便，身在旺角的我趁著週末四處繞繞走走，想要發覺更多香港的本地味道！猶記得剛來香港的時候，每次查旺角就是富記粥品還有妹記粥品，所以已經有誤打誤撞進入花園街街市熟食中心的經驗。這次是因為在花園街閒逛，想再深入街市，吃道地的食物！因為之前已經吃過妹記，這次就嘗在旁邊，看起來非常古色古香的樹輝咖啡！星期天的上午，街市內所有的店都關著，只有樹輝咖啡還有妹記粥品還開著，大概總共有十幾桌，也都零零散散的坐著人，可見街市內的美食還是深受當地人的青睞！菜單上琳瑯滿目，我試著偷看別人到底點了什麼，後來店員非常熱心的介紹我牆上的常餐！而且沒有因為我講普通話而白眼我！真開心！我點了常餐的3 鹹蛋蒸肉餅，附例湯還飲料，來了樹輝咖啡，我當然就點咖啡摟！鹹蛋蒸肉餅真的是非常家常的料理，例湯也是非常簡單的，希望來嘗試地道美食的朋友不要有對美食的期待，我是抱持著想要嘗試本地料理的心情，所以簡單、樸實的料理我都覺得很新鮮，只是想要跟當地人一樣，去當地人去的地方！鹹蛋蒸肉餅飯裡面有一顆鹹蛋，還有用清蒸的方式烹調的蒸肉，旁邊白白的部份是鹹蛋的蛋白，簡單的融合肉汁的香味在鹹蛋裡，口味偏重，不過非常的下飯！飯的份量也十

午餐Ａ:粟米肉粒腸仔飯 + 凍飲 HKD30半條(無錯!是半條!)腸仔切開10零粒+幾粒細到無得細嘅肉粒(用放大鏡先到)+栗米汁+白飯, 真係揾人笨,以後都唔去!

有時候吃得太多，可以的話，都想吃得輕便一些，老實說，平貴都是一餐，原本想在妹記吃碗魚腩粥，但一時心血來潮，來個快飯也不錯。樹輝位處扶手電梯位，佔盡地利，光顧的多是附近的體力勞動朋友，很有麻甩風味。午餐不到$30，很划算，例湯是青紅蘿蔔豬骨湯，雖然未至於淡而無味，但都差不多，呷了兩口便放棄。飯點了蒜茸蒸排骨飯，醃得太耐，肉質鬆散，豉油主宰了整碟菜的靈魂，索性把醬汁撈白飯算了。再加一杯凍飲，前後不到十五分鐘，方便，但不會再來。

一向都比較鐘意d舊茶餐廳, 今日個朋友介紹, 難得放假, 就去試下!!! 樓上熟食中心, 但好乾淨, d木檯凳幾有特式, 同大排檔摺檯摺凳唔一樣, 好有心思!一坐低, 阿姐已經好熱情招待, NICE!!! 呢樣係我鐘意懷舊鋪老伙記o既最大原因 --- 親切感!!!! 依家大部份食肆都已經無哂呢種感覺!!!個餐牌好簡單, 但好多選擇, 而且價錢都幾平!!!叫左個常餐, 都只係$22!!! 件多士好好味, 牛油好香, 蛋奄烈夠滑, nice!!!最好味係d沙嗲牛, 食得返以前細個d口味, 唔係罐頭貨!!!! 正!!!!!杯咖啡當然唔駛講啦~ 以後一定會經常黎食~

估唔到除咗M記之外，都有豬柳漢堡飽食，仲要係加埋芝士，一於試下。上抬，其實係麵飽上加的一塊芝士同埋一塊豬柳，不過食落去麵飽都軟熟，塊豬柳亦夠熱，$18都算不錯。

十月上旬‧晴近日愛上了吃鮮油占多，尤其在訓練完之後。鮮油占多要多士烘得夠熱，兼要薄身且脆口。牛油厚，果占要塗得夠均勻，真的說易又很難找，說難，又不知難在那裡。是日來到旺角街市三樓，想喝一杯咖啡，這裡以咖啡作招牌的，應有一點水準吧。就要了一件鮮油占多，一杯熱咖啡。多士先來，從橫切面看來，牛油是頗厚的。掀開一看，卻發現牛油是一邊少，一邊很多的，果占也如是，做得比較不修邊幅。不過吃起來多士又薄又脆，其熱力溶化了鮮牛油，加上果占的甜味，也是人間美味來的。阿姐服務幾好，而眼見這裡也有很多熟客幫襯的。咖啡很香濃，以咖啡為主打的，果然有一手。埋單17蚊，經濟抵食。