橋底辣蟹 (謝斐道) (已搬遷) 新店位置

啲辣野好正個魚冇得頂叫咗幾個飯嚟撈嚟食會再嚟食下次要來食過辣炒蟹聽講係好正個炒蜆都好好食啲汁好頂癮都係用嚟撈飯一流上次去食飯要book定位所以如果你哋想食嘅話都book住位先

疫情前，有外地朋友黎香港，要帶佢哋周圍搵嘢食。其中一間必食一定係帶佢哋食正宗避風塘橋底辣蟹🤤，灣仔呢間橋底辣蟹不嬲好出名。而家疫情之下，少左遊客支持。但鍾意食香港正宗避風塘海鮮ge朋友一定要食試下呢間。所次黎必吃佢ge招牌菜一定係「橋底辣蟹」橋底辣蟹真係每次黎都好好吃了，一食會上癮ge超強美食，同埋辣度同炒法都可選擇，滿足唔同人口味需求。食材都好新鮮、辣度豐富。蟹身肉厚多肉，有蟹味🦀讚👍👍👍滿分5粒星🌟—————————————-環境：🌟🌟🌟味道：🌟🌟🌟🌟服務：🌟🌟🌟CP值：🌟🌟🌟

就嚟父親節，係時候要孝敬下老竇,所以今日我就帶埋老竇阿媽同哥哥我哋一家四口來個橋底辣蟹豪華四人套餐!齊齊祝早慶祝父親節快樂!4人豪華套餐有..蟹油拍青瓜,涼拌木耳喜記避風塘炒辣蟹一隻,蒜蓉蒸龍蝦,椒鹽大瀬尿蝦2隻豉椒炒蜆,青口,上湯浸水蜆招牌醉飽魚,避風塘粉絲蒸日本元貝4隻菠蘿咕嚕肉,馳名沙拉骨蒜蓉炒時菜避風塘炒牛河,揚州炒飯超級豪華!全部都好yummy!食到我地個個攬住個肚!爸爸表示好滿足,我見爸爸食得開心!我都安心

很久沒有來這間飯店來食飯了，今日約了2個好朋友來食晚飯，這間店位置在橋底和店名是一樣的叫橋底，所以很容易記，這裏最出名就是橋底辣蟹，他們的蟹真的好肥，真的不知道在那裏可以買到的，味道方面蟹用很有彈性和超級鮮甜，不過價錢就有點貴，還有抄蜆也非常夠味道，每一隻蜆也沾滿了醬汁，配合上啤酒就天衣無縫，還是大頭菜蒸泥孟魚也是非常嫰滑，非常鮮味，今晚真係好開心。

前幾日同朋友去食宵夜，朋友好懷念橋底辣蟹嘅豉油王銀魚仔，既然係咁，今晚嘅宵夜就揀咗呢度了，一坐低啤酒都唔叫第一時間就叫咗個豉油王銀魚仔、一隻乳鴿同埋辣酒煮花螺呢個真係要必食（又平又抵）送酒一流👍辣酒煮花螺不會太辣，味道適中，最重要就係好入味燒乳鴿，今次呢隻味道爭咗少少，上次食到係鹹香味重啲嘅，我哋同職員反映，職員態度好好亦見到她有同老細反映，估唔到老闆即刻入廚房試，今時今日對客人的意見作出回應，絕對值得讚賞👍最後加咗個麻辣田雞煲，份量非常之多又有蘿蔔木耳，不過啲湯唔係好熱同埋田雞略為過左小小火，整體來講非常滿意

昔日人山人海，遊客不絕的橋底辣蟹，現在也變得冷清，希望疫情早日消退，經濟復甦，再見當年的熱鬧。在晚上10:00後，他們推出「宵夜小菜」，每款只需$58，還免加一，在銅鑼灣來說，可謂十分便宜，但一分錢 一分貨，份量與味道，則不能太有要求。豆豉鯪魚油麥菜（忘記拍照），非常一般，鯪魚也偏少小炒王，我們前後點了兩碟，強烈推薦，非常適合宵夜佐酒回鍋肉，賣相與味道也一般，不點也無妨义燒炒蛋，有蛋香味九肚魚湯與勝瓜魚肚湯，一直也是至愛，每次必點，正價小菜以位置與價格來論，可謂超值優惠，與朋友聊天的好地方

去橋底辣蟹食飯唔一定要食蟹，其實有很多菜色很出色，而且價錢優惠，三五知己去食飯飲啤酒都是不錯的選擇，而且營業時間去到凌晨5點，可以盡興而歸，我選擇了幾個小菜，豉椒炒蜆 ，味道一般，幸沒有沙！豉油王炒麵， 麵質幼細很彈牙！豬大腸，反而配菜好味過大腸，因為酸酸地，夠惹味！釀茄子，保持水準， 外皮脆脆地酸酸甜甜內裏釀了蝦膠，有口感，又好味！黃金炸豆腐， 外皮脆豆腐滑！雖然食物質比從前水準是下降了小小，但價錢平和款式多，所以還是不錯的選擇。

遲來的生日飯，姊妹們又俾我揀，我梗係揀食辣野我要食好耐未食過既橋底我地係新店book 左檯，但去到佢帶我過舊鋪，冇所謂啦，都坐得舒服！見佢有個$638套餐，但計落冇so, 所以我地都係散叫左一隻中辣避風塘細蟹，一鍋雞粥，一個辣酒煮花螺，一個薑汁炒芥蘭個蟹食返去十年前黎食既味道好味！d 蒜蓉碎忍唔住就咁畢黎食個雞粥好大鍋我地三個人每人食左3碗都仲有！我地投降食唔晒個芥蘭都好多，炒得好有鍋氣面個辣酒煮花螺個湯又係好好味，又忍唔住畢左匙羹去飲個花螺size 大細適中最黎打包左個芥蘭加避風塘碎粒3個人食左$8xx 都抵既！隻細蟹都要$4xx

好耐都無去食過橋底辣蟹，放工後去食吓😋😋💕個辣蟹套餐都幾抵食，就叫左呢個再加多個餸👍🏻 辣蟹+橋底燒鵝皇,我地叫左小辣,味道啱啱好,滋味滿分啊！💕😋😋 再來燒鵝皇都同樣出色，肉質好肥美，滋味多汁，美味可口👍🏻👍🏻👍🏻 加多個豉汁炒蜆,蜆肉好新鮮仲炒得好香口，配埋白飯一流👍🏻👍🏻🥰成餐都好滿意,果然老字號~

6點幾進場, 仲好多空位, 落埋單開始上菜, 大概7點幾開始滿座, 點知9成9陸客, 連待應該都大講普通話, 場面好似返左內地感！😅😅😅 其實個場好舊感, 最恐怖係陳年茶壼, 出茶咀位勁黑勁多漬, e d係咪恐怖O咀？ 全程唔敢飲杯茶！😩感都上得, 可知餐廳求其得很！ 待應年邁, 行動緩慢已是事實, 但多數服務態度冷淡, 得過且過。 今次點了個4人套餐, 燒味併盤差, 食物微暖唔新鮮！燒腩硬到一個點, 恐怖！炒白菜很油很油!唯海鮮味道ok及爆蒜夠香脆而已！最後上埋幾件西瓜, 望真d有隻細螞蟻整在瓜上爬, 算了吧！ 一隻～1斤肉蟹蟹鉗有些水, 瀨尿蝦ok, 炒麵炒菜、燒味全部失望, 包埋恐怖O咀同昆蟲, 仲要加1, 大概$13xx, 不值！

好耐無食過橋底辣蟹啦，對上一次食係幾年前啦，今次見到有600幾套餐，有1隻蟹加個餸，就決定食他我們最後叫有炒蟹 (小辣) 頭抽鐵板蠔 豉油皇炒麵 仲有燒鵝首先來嘅係燒鵝，我們加左錢要下裝，咁就有燒鵝髀食啦，呢個燒鵝嘅味道就真係好普通，而且唔熱嘅，我諗普通酒樓嘅燒鵝會出色過他之後主角避風塘炒辣蟹就到啦，我們叫左小辣，但小辣唔係小辣啊係好辣，可能係我自己唔食得辣啦，連我最鐘意嘅蟹蓋，入面嘅蟹肓都食唔到😭😭😭，不過他d蟹都幾新鮮，蟹肉好彈牙，唔食得辣嘅記得唔好懶醒叫小辣啊其實都唔係好明點解呢d食避風塘炒蟹嘅鋪頭都係會叫豉油王炒麵嘅😂就普普通通囉 炒麵囉，可以有咩特別啊頭抽鐵板蠔，我覺得呢個係呢餐飯最好食嘅，汁好濃，蠔好大隻，唔知點解，d汁有芝士味，明明呢個野應該係無芝士😂😂不過！呢個鐵板蠔有一個致命傷，就係有沙！其中1隻好大嘅嘅蠔食到我成口沙啊救命😭呢餐真係唔平，仲要幾貴下，而且成間餐廳有98%嘅客人都唔係講廣東話嘅，大部分都係講普通話，令我有種翻左大陸食飯嘅感覺

又係家庭活動後的晚餐, 係CWB 又要中菜, 家人就揀左哩間睇落餐牌好似唔係太貴...就是但嗌左幾碟菜白菜仔....凍凍地豉油王炒麵...雖然有煙出, 食落都係凍凍地炸乳鴿就脆O既,,正常水準炒飯, 都是凍凍地霸王雞, 幾入味, 算係哩餐食得最多, 最正常O既野..蠔餅..食落燶燶地.....炒芥蘭, 終於有碟係熱O既野....好感動, 不過咸左D, 同埋好油...炸魷魚,,又係一樣少有香口好味O既送炒硯...都係凍凍地係咪遊客區, 所以D 野食都會自動DOWN GRADE 呢...定係哩D 餐廳已經變左唔憂做?老實講, 真係有D 失望, 唔好食都算,,,,,D野無理由唔熱架?

一行8人黎到橋底辣蟹食宵夜 其中兩位係遊客 當然想試返香港地道野今次預訂左門口入去第一間細房 最低消費係＄3000 辣椒炒田螺夠甜夠辣 作為前菜開胃唔錯蠔仔粥避風塘炒賴尿蝦個人覺得賴尿蝦好食過炒蟹花雕蒸蟹用花雕蒸蟹食落又幾有新意避風塘炒蟹招牌菜反而普普通通蒜蓉蒸扇貝扇貝好好食 連粉絲都食到一條都冇得剩乳鴿乳鴿不過不失砵仔生蠔椒鹽豆腐椒鹽豆腐炸得夠脆夠滑 炒韭菜花最後就係全家福😉 食得開心 一班人亦都傾得好開心 盡興既一晚

從來不寫評論的我， 也實在忍不住了！點解服務態度可以咁差呢？ 預先半小時叫了外賣自取， 到了原來沒有入單， 道歉也沒有， 好像理所當然，這已經不是第一次了。 上次我在門口叫了外賣 等了半小時 追了很多次 原來忘了做 但過程中 服務員沒有去幫我跟 只是一路Hea 我 說好快好快！ 食物是不錯 希望他們的老闆有機會看到評論 好好改善一下服務

銅鑼灣宵夜食店好多所以有時候都唔知揀邊間好今次經過謝斐道見到好耐冇食橋底辣蟹咁就左入去食鋪頭地方好大坐得舒服但嘢食唔知好唔好食呢因為都好耐冇嚟過囉！有人叫咗辣酒煮花螺啲汁或真係有啲那大啲攞就好似唔係話太新鮮冇麥味椒鹽鮮魷魚個賣相真係好求其但食落去都唔錯啦不過不失可能夜晚啦啲師傅都係是但算數最好食都係後面呢兩樣我最鍾意食嘅腐乳通菜夠晒熱辣辣攞出嚟正干燒伊麵我加埋啲辣醬一lo來食真係好鬼正成盤食晒一麵不留