橋底辣蟹

營業中

休息中

橋底辣蟹主打避風塘海鮮嘅中式食肆，多年來獲獎無數，更被譽為「明星飯堂」及「名人飯堂」，最著名的菜式炒辣蟹，採用國外新鮮進口的優質蟹肉，再經過精心烹調，配以爆炒過的香蒜、蔥段、辣椒和獨家秘製佐料，炒出令人稱讚的辣蟹風味😍😍😍😀😀☺️☺️☺️⭐避風塘炒蟹經典招牌菜式，以新鮮肉蟹為主料，搭配蒜蓉、辣椒和香葱等調味料炒製而成。蟹肉鮮嫩，外皮香脆，蒜香味濃郁，香脆炸蒜片增添層次感，極為惹味⭐椒鹽瀨尿蝦份量十足，椒鹽瀨尿蝦以其鮮美的蝦肉和香辣的椒鹽調味而聞名。蝦肉鮮甜香脆，椒鹽香味恰到好處，既不掩蓋蝦肉鮮味，又提升整道菜風味⭐豉油王炒蟶子濃郁豉油王醬汁為主，蟶子煮至入味，鮮香四溢。蟶子的肉質柔嫩，搭配豉油鹹香，回味無窮⭐豉汁炒蜆蜆肉鮮嫩，豉汁的香氣與蜆鮮味完美融合，口感滑順⭐蒜蓉菜心新鮮的菜心，配以香濃的蒜蓉，簡單好味⭐乾炒牛河經典的廣東炒粉，牛肉嫩滑，河粉鑊氣十足，醬油的香氣與牛肉的鮮美好夾，每一口都充滿滿足感橋底辣蟹地址：銅鑼灣駱克道391號金禧大廈地舖及1樓營業時間：11:30 - 01:00#橋底辣蟹#海鮮餐廳#避風塘炒蟹#避風塘辣蟹#香港打卡#香港必食#香港推薦#香港旅行#香港旅遊#香港餐廳

同屋企人咁啱經過一間老字號，橋底辣蟹。試一試佢哋嘅套餐。 入邊唔單止有避風塘炒蟹，大隻肥美瀨尿蝦，好有鑊氣嘅乾炒牛河，仲有濃厚醬汁嘅蟶子同芡汁浸過嘅白菜心。咁多樣嘢食都相當唔錯，而我個人最鍾意嘅就係乾炒牛河同大大隻嘅瀨尿蝦。去乾炒牛河相當。有鑊氣再配埋佢嘅辣椒醬同避風塘嘅炸蒜，估唔到會咁夾咁好味。佢嘅瀨尿蝦更加係大大啖肉質非常鮮甜。 食落去嘅時候鮮彈牙真係想再嗌多幾隻嚟食。如果鍾意食類似大排檔咁嘅海鮮， 依間橋底海鮮都係一間唔錯嘅選擇。

每個月都一定會食一兩次，次次都外賣返屋企都冇事，但近呢一兩次都係好差 ，d蟹梅架，唔新鮮，今次諗住比多次機會佢，話晒熟客打去反映下先落order，點知仲衰，D蟹黑色嘅，啲蒜蓉炸完都係濕晒，油淋淋，見都食唔落，另外再叫咗豉椒炒蜆，成兜燶味炒蜆，究竟係唔接受意見所以特登咁樣出俾客人？咁個廚都非常之冇品水準極差，仲要咁大名氣收人咁貴，下次都係轉場，有相為證，大家可以睇睇先再決定，第一次食到咁嬲，永冇下次!

第一碟，嚟咗個豉椒炒蟶子， $78一隻，叫咗五隻。冇鑊氣，唔熱，啲獻水傑過漿糊。第二碟，椒鹽瀨尿蝦， $368一隻，叫咗兩隻，其中一隻裏面根本冇肉。另外嗰隻，啲肉多過一隻海蝦咁多啦。第三味，蒜蓉開邊蒸蝦，蒜蓉味OK，不過啲蝦有啲霉。第四味，黃金豆腐，D炸皮還炸皮，豆腐還豆腐，食唔晒，唔係因為太大碟，係因為真係太唔好食。唔貴，但係好失望。 最尾一碟，最好味，蒸水蛋，同屋企味道相若。好彩一開始冇叫晒所有餸，諗住一路食一路叫，結果食唔飽都唔打算繼續食落去。

橋底辣蟹喺灣仔區嘅食肆林立，選擇甚多，邊個地區嘅食肆都有，其中橋底樓下亦都屬於老字號，細細個已經聽過呢個名而且屋企有兩個小朋友，細路仔特性就係蝦蟹，對於佢哋都比較麻煩，要處理出現問題1，用手食覺得好污糟2，唔識點樣剝殼不過橋底辣蟹例外，皆因我哋選擇的蟹都係大大隻，本身只要處理到個殼之後都係大大啖肉，再加上用中式避風塘處理，我就覺得係最完美嘅安排大家都食到非常開心嚟到橋底辣蟹，冇得除咗蟹之外都可以食埋瀨尿蝦，或者其他海鮮不過今次就淨係食蟹已經好足夠值得推介

👍🏻橋底辣蟹，作為餐廳嘅真店之寶，一定要試吓呢一間餐廳嘅橋底辣蟹，一嚟到已經非常香，我同朋友都比呢一個菜式吸引到，即刻攞電話出嚟打卡，蟹肉嘅味道非常鮮味，而且再加埋避風塘嘅做法辣辣地令到成個蟹肉嘅味道昇華，果然名不虛傳👍🏻咕嚕肉嚟講都幾好食，酸酸地我同朋友都覺得非常開胃，而且肥瘦適中絕對唔會成舊都係肥肉，加上廚師非常有鑊氣，令到成個菜更加好食👍🏻蒜蓉蒸蟶子，未到嚟講就不過不失不過海鮮都食得出係非常新鮮不過略嫌價錢有少少貴！

朋友仔話要聚會，介紹咗我哋過嚟銅鑼灣呢間橋底辣蟹，平時食開海鮮嘅我冇乜太大嘅好奇心，心諗海鮮都係來來去去嗰啲味，估唔到佢個辣蟹嘅椒鹽超級好味佢個椒鹽簡直係可以撈幾碗飯另外仲嗌左幾款小菜，想講第二樣鍾意食嘅就係條魚，好新鮮，滑嘟嘟👍🏻👍🏻👍🏻 10個讚同埋佢個雞，都係好新鮮～唔會過熟而且入邊啲員工都超級nice!!下次想食海鮮真係可以揀去呢度，包間房圍威喂可以玩成晚～又可以飲酒食飯不得了🤩👍🏻

第一次来这家店，体验感非常之差。作为第一次前来消费的顾客，对菜品的量、规格和价格都不熟悉，餐厅服务员点菜的时候不但没有提供合理化建议，反而有诱导消费倾向，对顾客咨询的菜品只介绍价格最高的规格（比如辣蟹，只告诉顾客1680多的那种规格，在反复追问下，才不得不说还有880的那种规格），然后就问你要不要。导致后续点菜过量了。在发现问题后与餐厅协调，餐厅找出各种理由退菜未果，并且态度极其恶劣，不停将责任转嫁，嘲讽客户。

凌晨嚟咗新舖食橋底辣蟹幾乎是所有的客人來這邊必點橋底辣蟹😎成隻新鮮的越南螃蟹用特製的大蒜 辣椒等配料去拌炒嘅，上枱熱辣辣雖然吃下來有點油但非常的鹹香入味，我鍾意叫碗白飯食埋佢啲蒜蓉配料一流螃蟹殼也都先被敲碎，非常方便食用 ，蟹鉗好似食雞髀咁啖啖肉正真的超級好吃!!除了有名的各種螃蟹料理外 也提供了各式各樣的中式料理☺️☺️而家冬天仲有1叫埋羊腩煲悉尼暖吓身都好丫各種海鮮料理和青菜都有 都非常新鮮 味道極佳!

想食大閘蟹，朋友訂咗呢一間，但明明到了預訂時間卻未有枱要我們等都算了，後卻仲被後來到的人先入，搞到我們在外等了比預約時間多半個小時！終入到去，叫了個四人餐。可惜大閘蟹細到無朋友，用微距影才好像大隻d，唯一好是都仲有幾多蟹膏。其他海鮮也一般般，都只係細細隻，d 蛤仲有沙！🥹好耐之前去過舊店，那間較好食，可惜！

Under Bridge Spicy Crab is a well-known seafood restaurant that has gained popularity for its mouthwatering spicy crab dishes. Located in Wan Chai, it attracts both locals and tourists alike. The highlight of the menu is the Spicy Typhoon Shelter Crab, which is cooked with a flavorful blend of garlic, chili, and spices. The crab is stir-fried to perfection, resulting in a harmonious balance of heat and umami flavors. If you prefer a milder option, the Black Pepper Crab is also highly recommended

難得來銅鑼灣行街，屋企人又鍾意食中菜，見網評唔錯，就帶佢來呢間餐廳試下。晚市時段都幾多人，職員安排我地坐地下近門口既座位，一坐底未叫野食，已經見到有烏蠅飛來飛去，感覺唔太衛生。我地見狀，盡快用熱茶清洗餐具。當時職員忙住招呼其他食客，連餐單都無主動攞俾我，直到我開聲問先有。叫左魚香茄子煲同椒鹽骨，魚香茄子都算幾香幾有鑊氣，不過無乜肉碎，略欠口感。椒鹽骨等左成30min都未上菜，等待期間，左面有一家外地人坐底，點左大量菜式，包含蟹、扇貝等多款海鮮，上菜速度非常快，佢地好快上齊晒，我碟椒鹽骨都未到。於是我禮貌向職員查詢，先有人幫我同廚房講，大概10-15min後，椒鹽骨先煮好，我飯都食左一半🙄椒鹽骨食落既口感唔太自然，感覺好似加左肉鬆粉咁，而且肥膏多過肉，食落比較肥膩，味道普通。老闆一見有遊客入座就先招呼，四萬咁口，優先幫佢地點菜上菜，見我地唔係遊客，叫得兩碟食物，就唔願招呼，西口西面，上菜又漏單。客服態度好差，簡直係俾錢買難受😤待客之道厚此薄彼，為左賺錢無視消費小既食客，連基本尊重都唔識，以後唔會幫襯！😡

一行十幾個人包房，諗住食得開心，一入到去已經冇人招呼，入咗房好似孤島咁，咁多人想出去拎多幾個Menu，然後有侍應俾咗Menu我地，點知有個女人走入黎鬧你攞咁多Menu我出邊點夠啊？但明明啲Menu係佢哋俾，真係未食已經一肚氣，咩心情都冇晒，食物份量還好唔係特別出色可以唔使試

訂位方面: 通關後再加上有展覽會, 人氣返晒黎,但訂左位既同樣食左佢第一度氣。話說上次3月有展覽當場旺場啦, 幫朋友訂左位,佢去到話無佢資料無佢紀錄, 搞到我都打去間舖度鬧一輪,當然係於事無補。到今次6月自己有份用餐,早1日打去訂, 同日再自己打去問,個聽電話阿姐話無我紀錄,琴日佢無返工, 佢ee鵝鵝話盡量比, 黎到都係等架, 你就算黎得1/3人我都唔比你入, 好啦, 早d去等定,點知樓下知客妹妹又係話無我紀錄, 火都黎埋,比佢睇通話紀錄, 當然唔怪得佢啦,佢都係手上有咩就比咩飛,  在場都好多人問訂左位都要等? 佢咁遲黎又有位? 點解點解? (總之好亂)食物:  點左兩隻蟹,又的確係保持到勁勁勁大, 可能我地本地人唔太慣食太鹹, 所以我自己覺得太鹹。瀨尿蝦都係好大, 同蟹差不多味,小菜-炒菜, 咕嚕肉, 炒麵都OK!房間: 有最低消費,但個房唔係一張枱, 而係有兩至到幾張枱,不過都唔緊要,最緊要真係有位。服務: 可能係房間所以感覺都好似好小小。

去到果時已經好夜，天都黑晒，不過生意依然係十分火爆，服務都可以。出品簡直係一流，太驚艷，瀨尿蝦同我隻手咁大，食得十分過癮。啲蟹好入味，肉質好新鮮價錢有啲小貴，但係都係覺得值得，希望下次有機會再嚟