橘貓子 (已結業)

落咗碼頭沿住路一直行，意外入左呢間餐廳，估唔到有驚喜👍🏻👍🏻叫左個喇沙意粉，估唔到甘好食👍🏻食物反映出廚師既用心，而且店舖內成個裝修都好chill，舒服到不經不覺坐左成兩個鐘，下次再去長洲一定會再幫襯👍🏻

話說呢兩日係長洲 搵襯食評最高既食 但都失望而回 正當第二晚抱住求其搵又唔係太肚餓既心態之時 竟然搵到間我會豎起手指公大讚好食既西餐！大家黎開長洲都不妨黎試下呢間小店啊！個人推薦 喇沙蝦意粉同埋薄餅！

行完又熱又攰，想搵個地方食少少野抖下..行過幾間cafe, 都冇乜意欲入去…到經過呢度，比佢張貓貓壁畫吸引左而入去…本來只係諗住點pizza, 沙律，蜂蜜綠茶同咖啡, 但聞到隔離個窩夫實在太香…決定試下😝Pizza好脆，啲料都足，口感好好👍🏻沙律都ok, 但都唔及個窩夫好味🤩唔會太硬又唔會太淋，配埋個雪糕真係好正😋呢個真係好值得推薦！見人地點左心太軟…心郁郁想點，可惜已經賣晒…蜂蜜綠茶好好飲，唔太甜之餘竟然唔淡👍🏻如果再入長洲，希望下次可以食埋心太軟😂

原以為鋪內是一間有貓的cafe,雖然沒有貓但亦享用了一餐很美味的午飯店員亦很熱情的與我們聊天，食物絕對是價廉味美，pizza亦是意外的好吃，香脆的薄餅配上蜜糖有意外驚喜絕對要推薦朋友到來👍

睇落平凡嘅一隻雞 但味道如此出色 未食都已經聞到一陣好香濃嘅花雕酒味食落都好滑 每一啖都有濃郁嘅酒香味鍾意食醉雞嘅朋友真係可以值得一試🤤一個set dinner 嚟講幾抵 配一碗餐湯同埋嘢飲都係百零蚊左右 👍🏻店員嘅服務態度都好好 好友善 仲不斷介紹長洲嘅景點 整體來講 呢一間餐廳都唔錯

主菜：海鮮西班牙燴飯丫估唔到長洲一間小餐廳可以做到九成原裝西班牙燴飯風味青口同埋蝦都食得出新鮮燴飯煮得啱啱好，唔會一pat嘢甜品：心太軟朱古力流心甜度啱啱好，果然係外脆內軟，襯埋個雪糕，好食到不得之了可惜入餐廳之前為食喺街邊食咗唔少野，下次一定會專程入去橘貓子食多幾樣嘢。另外要一讚就係服務態度，由於天氣太熱關係，要求侍應提供冰水，二話不說即時到，當時餐廳入邊已經坐滿所有客人，但係侍應仍然笑臉迎人👍

今日去長洲行下，見到呢間野cafe 有個麻辣蜆肉意粉。麻辣野食得多。連西餐都有麻辣咁痴線。咁自己又鐘意食辣，咪試下囉。一試不得了，個意粉比平時食其他意粉少d 汁。但呢個汁好有蜆既鮮味，而且又帶住D 麻香微辣，勁開胃。雖然蜆肉食得出你冰鮮貨，但都幾有鮮味。4.5分

意粉🍝冇味、size又細！心太軟上枱時爛哂、staff話唔好意思！焗爛咗就走咗！完全冇話過會再整過比我哋、亦冇話會唔收$！我哋只好無奈接受…….態度服務又差、食物唔好味！之後唔會再去！

焗爛咗心太軟照擺上枱比客人！只係話唔好意思、焗爛咗、之後照擺上枱。完全冇話過會再焗過比我哋、亦冇話過會唔收錢！點解可以咁樣對客人？態度又差！意粉size超細同埋冇味！

太平清醮期間長洲的食市都要守齋，否則就要休息。这家猫名字的店舖，其餐牌內容全改为素食。all day breakfast 中只有火腿改为素肉，吃的口感不錯，整个餐都不感到跟原來的有很大分別。看來，素肉的創造真的奇妙！雖然是吃素了，但感覺改變不大，以后还可以繼續吃！不過太平清朝醮後，就未必仍是素食了。可以提醒各友人的是不喜歡喝咖啡的，在店內就選擇不多，有可能要喝清水，或者吃好後，到其他茶店再慢慢嘆其他飲料。

Boxing Day 既晚上，搵左間西式小店晚餐，2個人叫左一個聖誕set, 價錢抵之餘，食物質素唔錯有驚喜 1）餐湯-南瓜忌廉湯 南瓜湯好creamy, 有淡淡南瓜香2）威靈頓牛柳配薯餅 牛柳生熟度正常，夾有煙肉及鵝肝醬，味道 可以3）蕃茄香辣大蝦意粉 意粉上的大蝦新鮮，上枱熱辣辣，好好味4）西柚子梳打&蘋果梳打5）甜品窩夫追加：喇沙大蝦意粉喇沙意粉有驚喜，有豆卜同芽菜一齊煮，風味十足。好有水準心思小店服務及食物唔錯，下次再黎長洲都會要幫襯

落大雨入長洲，不經意地進入這間餐廳，覺得個餐廳名好得意！裝修感覺舒服，坐下來很寫意，招呼的男女很和藹，細心的介紹餐牌！我們揀了一客set lunch蜆肉意粉$68,一個tea set甜品拼盤$58，價錢非常優惠. 賣相和味道是一流的，蜆肉鮮甜，意粉好味！甜品拼盤的yogurt fantastic! 餐飲的Cappuccino有心形拉花，賣相精緻，講真味道好過半島酒店！檸檬茶的紅茶非常之濃郁！餐廳樓面,器皿及洗手間也很潔淨. 但如果洗手間鹼液的器皿換個新的會更perfect! 不過相信這個洗手間應該是長洲餐廳裡面最為乾淨的.雖然出面落着雨，望出窗外別有一番情調，有時行出去店外的長椅坐着，悠然自得！可能真的坐得太過舒服，食物又好味，不知不覺已坐了成2小時！喜歡貓的朋友不妨去支持吓，因為我覺得餐廳老細應該是愛貓之人！下次去等我試下另外幾款餐先！

一入到嚟長洲，就同朋友選擇跟着感覺走。而且當日天氣都好熱，咁啱見到呢一間餐廳有位就即刻入去☺️見到除咗遊客之外，都有唔少街坊幫襯呢間舖頭，相信品質都唔差嘅。我哋叫咗個All Day Breakfast 同埋日式冷麵配天婦羅🍤由於太肚餓只係影咗個all day breakfast🤣 個牛角包仲有烘過先上碟，而且個炒蛋都好滑☺️ 平時呢一個份量喺中環或者銅鑼灣食一定要$100up另外叫咗日式冷麵配天婦羅，佢哋炸嘅天婦羅蝦非常好食☺️🍤 真係外脆內軟，但係冷麵嘅汁可以再加以調配，稍為唔太夠味。到長洲嘅第一餐，感到相當滿意🤣 但係長洲實在太多好餐廳，而且個胃有限，就只係試咗呢兩樣。非常推薦大家嚟食呢間餐廳

周末的長洲，找到了一間小店，內裡充滿暖暖的燈光，木質的椅子，特別的餐碟，有溫度的招待，美味的早餐，用心的製作，加上醇厚的咖啡，令人實在難忘，下次來長洲，必定再來品嚐

1. 叫左個「$72 韓式泡菜豬肉墨西哥卷配薯條」覺得完全冇韓式風味 而且肉唔多 好似全部都係菜咁 食落覺得好乾 真心唔好食2. 叫左杯 iced matcha latte 跟餐加$28蚊 基本上係冇味 唔夠甜亦都冇抹茶香 然後叫左職員幫手加啲糖漿 加完都仍然唔好飲 而家杯野飲真係唔算平3. 環境幾好 但呢個價錢嚟講 CP值真係好低 雖然係少甜少鹽餐廳 都未至於叫抹茶凍飲會冇抹茶味