橫綱

營業中

休息中

好耐冇嚟食啦以前喺附近做嘢成日都俾佢湯底香氣吸引個湯可以一飲而盡。成日都排長龍、仲記得當時有個侍應埋單好好笑容。今日經過幫襯，裝修冇變但係啲職員變晒大陸口音。我叫咗九州拉麵、豬骨湯底嚟嘅但係勁咸！一啲都唔鮮味。。好失望 無下次了

好難食 真係唔好去 記憶係老字號 行過諗住食下 點知 嘩 好難食 😮 真係驚為天人！ 個湯係完全無味的 唔知食緊啲咩 啲叉燒係凍架！要搵啲湯浸一浸去先叫做食到落口！餃子都無味架 自己煮好過 😂

店名一樣，味道不一樣！今晚去油麻地想起好耐無去幫襯過嘅橫綱拉麵，－去到無人排隊啊！正！入到去，無太多客人，我哋兩個人可坐四人枱，對面又係咁，二人坐四人枱，裝修無變，價錢無變，而家唔使加一服務費，已經唔記得之前有冇了，但記得以前有人不斷斟茶飲的，所以有加一也合理，而家免加一自然免茶！無所謂啦！我嚟食麵唔係嚟飲茶的！🍜無咩色相的豚角色好似唔似以前有啲醬油色，定我記錯？！飲啖湯先，𠲖味道變咗＂冇撞＂拉麵嘅？？食啖麵，唔似記憶的味道！望向㕑房，拉麵師傅男人變成女人！師傅唔係之前橫綱老師傅的男徒弟了，咬口豚角，有味！油溢味！#油溢味！油溢味，生意差了，之前做好的䐁肉賣唔去放太耐變咗油溢味，怕浪費只有惡性循環！謎底終於解開， 啲嘢難食咗，熟客食熟悉的味道，味道變得陌生，自然成為陌路人！應該無下次！

好老實講 本身星期日諗住試吓依間老字號 最後失望而回 真係劣食地獄碗麵一擺上枱 到心知不妙 色香味完全唔俱全食第一啖麵已經好重鹼水味 而且師傅手忙腳亂或功力唔夠 見佢掉個麵落滾水 連拎對筷子去搞散個麵都無 成個麵又硬又軟 成個感覺好奇怪最唔滿意都係鹼水味嘅問題；再講湯底極之失望 完完全全只有味精味同埋鹼水味 另一個朋友食櫻花蝦味 佢都認為個湯好重鹼水味同埋亦都冇蝦既濃湯味；最後叉燒又係失望之作 食落口勁凍 而且肉既香味 叉燒應有嘅脂肪香味又缺乏 真係貼錢都唔會再食

今日中午第一次去, 無乜人, 只有2枱, 共3位客, 叫左叉燒醬油湯麵, 盛惠98蚊, 性價比極低, 叉燒好肥, 仲要凍的, 試過一次, 夠喇. 唔係要唱衰, 亦無必要要唱衰, 飲食業要自強, 否則百年老店亦不敵時代巨輪.

今日諗住同朋友食拉麵，就諗起呢間老字號。點知竟然完全冇人排隊，而且餐牌都換咗。餐牌已經顯示咗佢唔再係一間純粹嘅拉麵店，出左好多其他唔同款式嘅食物。呢啲都唔緊要，我諗佢可能係擴充咗菜式啫。於是乎，我就照舊叫左個九州拉麵，我記得以前佢個湯底&啲豬肉&啲麵都係好好好好食嘅。碗拉麵嚟到先發現，佢地用嘅麵已經唔再係以前用嘅麵。而湯底完全係味精味。天啊。地獄級劣食。隨便一個包裝拉麵都好食過佢。我估好大機會已經換咗個班底，換咗老細。呢間嘢叫做橫綱，但已經唔係以前的橫綱，我亦都唔使再嚟。

相信係最後一次幫襯橫岡只剩低招牌、陳設餐牌多咗好多其他嘢食唔再係主力賣拉麵甚至我唔係分得太清楚我係咪入咗一間拉麵鋪但唔緊要，要生存多元化都係生存手段之一我叫咗元祖拉麵醬油湯底夾第一啖麵竟然食到梘水味無論拉麵嘅麵底定係配料都唔再係以前嘅貨源質素差到一食就分到特別係D筍明顯係大陸貨完完全全唔係你食日本拉麵應該食到嘅筍點解會有梘水味呢？橫岡唔係不嬲會沖吓個麵咩？原來師傅淥完個麵搵返淥麵嘅水去沖唔再係以前搵獨立另一煲湯底水去沖只學其形配料唔使講又一定係貪平入貨啦回不去了一切都回不去了就算每人送張$10卷都唔會幫到你生意興隆

橫綱拉麵細細個經過都好多人排隊，但係成日都冇機會食，最近喺附近返學，所以就可以試一試。今次叫個拉麵，嚟到時候果樣，賣相唔錯，但係一食落去幻想既味道就幻滅左。首先，個湯底唔熱，食拉麵或者食麵，個湯底都好緊要；但係呢個湯底係暖嘅，一飲落去，就會覺得好似成口油。呢度已經大打折扣。跟住就到嗰舊叉燒，我叫咗炭燒豬腩肉，賣相唔錯，但係一食落去，我就唔想食；豬腩肉，大家都會覺得係會有肥肉同埋瘦肉，咁樣食落去唔會太鞋唔韌，但係， 呢塊豬腩肉係我食落去最鞋最韌既，我竟然係食唔晒舊叉燒。同埋，炭燒豬腩肉，淨係燒一邊，另一邊係冇燒既，咁已經覺得唔專業喇🤔至於個麵質就一般，冇乜特別。成碗拉麵，我都食唔晒就埋單走人。只可以講，所有嘢幻想最美好嘅。整體味道指數：😋/5性價比：💰💰/5環境：❤️❤️/5服務：✅✅/5

朋友介紹食嘅日式拉麵店🍜，冇諗過喺這裏嘅拉麵啲誘人味道令我驚喜連連！牛肉拉麵面頭好足料，滿載嗰啲牛肉片，韌性啱啱好，一啖落去，真係「爽口」得嚟又鮮嫩。湯底滑溜，安排得好均勻，飲一啖暖笠笠親烏，非常滋味！叉燒拉麵又係另一番風味，叉燒香味講真啱晒口味，咬落鬆化，卜卜聲彷彿音樂，「噴香」！粟米同紫菜嘅加入，更加錦上添花，湯底一啲都唔濁，仲有啲「清甜」，飲完一碗心情好似都爽朗晒！一行人share咗煎餃子，表面焦香，裏面嘅餡料「鮮滑」，真係一試難忘！坐喺擁擠嘅店裡，你會覺得咁樣嘅小地方竟然蘊藏咁大嘅美味，實在「正」！唯一遺憾就係啲店員有啲「冇善意」，可能忙到忽略咗客人感受。總括嚟講，這家日式拉麵店的美食使人好满足，次次來都有新發現，個人超級愛佢哋嘅魚豚骨拉麵，真心推介俾拉麵愛好者👍。

作為20多年油麻地街坊，橫綱拉麵算係區內出名嘅老字號日式拉麵店。但係今次食嘅味道同以前完全唔同，失望而回。轉咗新餐牌設計，多咗一浸大陸味。今次試咗九州拉麵🍜($89)、叉燒飯($86)、煎餃子($38)。整體賣相唔錯，但味道真係差咗好多。店員廣東話都唔係好正🫠九州拉麵🍜($89)正宗九州拉麵出名豬骨湯底，湯底濃味。但今次湯底唔夠濃味、叉燒唔夠香，似係擺咗好一陣。推介：❤️❤️🤍🤍🤍價錢：❤️❤️🤍🤍🤍味道：❤️❤️❤️🤍🤍份量：❤️❤️🤍🤍🤍賣相：❤️❤️❤️🤍🤍叉燒飯($86)賣相、份量唔錯，叉燒肥膏、瘦肉層次分明，煎到有焦香感，可惜口感上偏乾身同攤凍了，欠缺油香。配菜薯仔沙律材料亦冇以前豐富，唔算太滑身。飯底唔係粒粒分明，似落得太多水🫠🫠推介：❤️❤️❤️🤍🤍價錢：❤️❤️❤️🤍🤍味道：❤️❤️❤️🤍🤍份量：❤️❤️❤️🤍🤍賣相：❤️❤️❤️🤍🤍煎餃子($38)兩邊煎得金黃，賣相平平，餡料都多，偏油。推介：❤️❤️❤️🤍🤍價錢：❤️❤️❤️🤍🤍味道：❤️❤️❤️🤍🤍份量：❤️❤️❤️🤍🤍賣相：❤️❤️❤️🤍🤍明白面對行頭競爭激烈，加上疫情影響，要維持生意一啲都唔容易。同時間好多新式拉麵店冒起，但我相信仍然有人會喜歡傳統嘅舊味道，包括我本人。但可能呢個就係香港特色，

好多年前香港仲未咁多拉麵鋪先, 橫綱絕對係當時既名店之一一來價錢比較便宜, 二來亦足料飽肚, 估唔到可以做到今時今日有時候經過都見唔少人有排隊, 當然冇以前咁誇張星期六見旺角人頭湧湧咁多開關落來既人士, 決定走向尖咀方向搵食見到鋪頭冇咩人, 好耐都冇食佢, 決定入去食返碗當然價錢係升左D, 合理, 上到台見到碗面熱辣辣, 叉燒半肥厚, 唔會過老痴牙湯底亦唔係味精湯, 飲落係順滑濃郁既豬骨味, 唔錯不過美中不足當然就係冇冰水, 仲係一杯熱茶而且食到半想加辣, 見到湯面係港式既辣椒油, 試左加一匙落去, 係唔夾既!

呢間餐廳真係大排長龍，成日都要等好耐先可以入到去食，我最鍾意嘅就係食佢嘅魚豚骨拉麵，湯底好濃郁，拉麵好彈牙而且好入味，仲有一大條嘅豚骨，啖啖肉超級好味🤗🤗🥰🥰

比較少過泥呢頭，有嘢做順便搵埋嘢食見到呢間，冇 feel，覺得似味千拉麵 d friend，就諗住食間點心鋪，點知大排長龍，又番去呢間櫻花蝦拉麵率先飲一飲個湯，哇賽，蝦味好濃，直頭似係原隻蝦嘅精華都被吸乾入個湯度同埋啲櫻花蝦係拉麵啦喎食完一啖即刻講咗句對唔住因為求先帶咗有色眼鏡睇佢拉麵條望落平平無奇食落口感均勻，滑 + 爽口 + 少少彈牙食得好舒服好舒服同埋我敏感嘅觸覺感覺到呢度嘅麵條係特別圓好與別不同令我一食難忘味玉拉麵都令我刮目相看，豬骨味好重，都幾惹味!依家啲拉麵鋪閑閑地都百幾蚊碗，呢度幾實惠啊橫綱Yokozuna櫻花蝦拉麵 $98味玉拉麵 $89📍油麻地

橫綱拉麵我兒時跟父母最愛吃的拉麵小時候我最怕跟老豆去食打冷，但唯獨跟爸爸來食就最開心！😝以往，我們一家人在店外閒閒地等半個鐘先有得食，一路等就一路商量大家食乜好，因為乜都好好味。究竟食咖喱拉麵好？定係叉燒拉麵好？定係食雞蛋肉粒飯好呢？然後再心思思想叫埋個餃子🥟可惜，這是新橫網😫沒有咖喱拉麵，也沒有雞蛋肉粒飯😖我點的這個拉麵，湯底是味千，帶有蒜味又好鹹，其實麵質不錯，但肉很「鞋」，吃了一半便放棄了🥲那個肉粒飯，好多冬菇，好重黑椒味，吃不到肉的甜味，唔知點解好有種食日式鐵板燒炒飯嘅味道，不過係唔好味嘅味道😅或者，係我對橫網太太期望，如今爸爸都不在世，或許這才吃不到從前的味道的原因吧🥺說句公道話，一碗麵加一碗飯再加汽水先$110，差唔到啦😊仲送你一張$10 現金卷😛

多年無嚟，剛好行過附近，突登過嚟回憶下。 ………… 有如新香港，“新“橫崗已經係另一間拉麵，另一味道。九州拉麵湯底係無層次，只係咸，滿滿味精口乾，似出前一丁味道。 麵身還好，都係爽。叉燒無咩味，只係一片非常普通嘅豬肉。環境係港式，同日式無咩聯想。師父表現不集中，不認真，甚至隨手執起地上垃圾。想嚟回憶就免la。事但想食拉麵下次去味千。不過，附近茶記平幾十，仲有野飲，何必嚟“新”橫崗呢？