檀香山茶餐廳 (已結業)

裝修超殘，一入去，我一唔太想食，油煙味又重不過呢，原來食物賣相和質素超好是日早餐叫葡式早餐，有美味脆口的奶油豬和蕃茄牛腩午餐肉螺絲粉奶油豬有翠華和蘭芳園咁好味螺絲粉唔錯，只是湯底甜了啲

頭重重宿醉未醒，心情低落情緒波動，點都要食碗麵先返公司。晨早訓醒硬係要摸到夠鐘先出門口，患上不能早返公司症候群！轉轉場試試其他茶記早餐先，舉頭望餐牌幹砂肉絲河？好新奇喎，真係好想試試！可否同我解釋一下點解用殘體字呢？唔係比本地市民食的嗎？香港地捍衛香港人，捍衛廣東話，捍衛繁體字！太多錯別字喇麻，班腩、斑腩、朱頸肉、豬頸肉，有趣有趣。食客小貓三四隻，可能上班族個個放假啦！大量座位任君選擇，我最愛坐窗邊卡位可以望街景麻。嬸嬸一腳踢落單出餐執檯收銀真辛苦啊，同事們都放假？步入茶記強烈異味來襲，既然黎到費事轉場，頂硬上！麻甩的基地？每朝全場叔伯，陽氣鼎盛，透不過氣來！勝在光猛寬敞，環境寧靜，嘆早餐格外舒適！環生及氣味就有待改善。阿叔成間茶記大量吉位多張檯，點解要坐我對家呢？您都可以坐過一格啫！我唔想對住您食早餐喎，影響食慾同營養吸收。熱奶茶，天氣涼涼地飲杯熱飲暖暖身就最好不過。茶記的味道，幼滑味濃，合格。火腿奄列沙嗲牛肉出前一丁，奄列新鮮即煎熱辣辣有點安慰。奄列恰似火腿蛋卷，蛋還蛋、腿還腿。老老的蛋皮捲著火腿絲，好采起碼香噴噴有咸味有蛋香，合格唔難食。最討厭的白烚丁麵，落完湯粉半分鐘等麵索索味

晨早路過好天氣，拍張靚影啦！第四次試射龍門都係失敗，再次懲罰唔到龍門冰室，實在太多有心市民前來圍倒，實在太多有心人尊登到訪支持，唯有再等機會喇﹗每段時間都排著長龍，唯有等有緣再訪，加油！既然如此就求其是鬼但，趕時間是但行過隔離茶記求期食。林記腸粉未開門，隔離蒙車仔麵排長龍，再到金牌牛什環境衛生惡差，都係放棄。走到壇香山午市無蒸餸，是膠但快餐，夠鐘返公司喇！步入茶餐廳，即時被兇猛異味強襲！忍耐忍耐，坐多陣開始習慣。午市無蒸餸食，無緊要。早有心理準備，所以諗定叫午餐，嬸嬸轉身跑走，我都未點菜！要老遠連環幾聲唔該先返轉頭，激死我！杯熱檸茶有陣陣漂白水味，嚇死朕咩！四眼嬸嬸似乎不太情願地換過兩杯比我地。乾燒伊麵，靜蠅蠅欠鑊氣悶悶的，淨食伊麵嚥嚥韌韌豉油皇。芽菜勁草腥要挑埋一邊，草菇散晒成塊皮兼有霉味，連同事都話吃不消，唔係我個人問題呢。原來午市無小菜無蒸魚，大家極感失落，隨便幾個快餐算吧！個個都舒伏晒。焗豬扒飯，最初想食焗豬扒飯，醒起早餐食豬扒烏冬，轉轉食焗雞扒啦。先入為主口快快叫錯焗豬扒，食緊先記起我要叫雞架喎！即造焗飯需時請耐心等候，最少十五分鐘走唔甩，罐頭鮮橙色茄汁不及螢光有趣，很有兒時

我和朋友晚上去了這吃飯，我叫了京蒽酱牛肉飯，我好好聲好氣說走京䓤,但一个中等身材四眼的员工用不好的語氣和我說不能走京䓤,其實不是一个問題,但再和說走飯苯不如，當時非常憤怒,没下次下次一定不會來

今日一個人食LUNCH,簡簡單單入咗呢間檀香山，呢間餐廳鋪面都幾大，今日午餐有XO醬炒雞扒公仔麵，麵質可以，但碟麵略咸，味道又唔太似XO醬！雞扒有少少乾，但勝在算幾大碟，食完幾飽肚，價錢也實惠！ok啦！

今日入紅磡工作，忙到甩轆，要食飽D至有力量繼續工作，行過擅香山見入面仲有卡位，就入去坐得舒服D嘆個lunch啦是日快餐有以上幾款，我選擇咗土魷肉餅！肉餅調味還可，但或者餐廳注重健康，肉餅少了點肥肉，因此顯得有點「鞋」和不夠香口！食物中規中矩！如只求果腹，白飯份量多，男仕也足夠填飽肚子!

下班实在不想再吃十八味，于是就想换一家炒菜吧……然后一直看到这，就去试试咯，点了一个推荐的椒盐猪排，有点咸，肉还算比较嫩，带子滑蛋，鸡蛋還不錯，但是帶子真的有點腥氣，下次不會去了吧

自從一年前住理工宿舍成日食檀香山之後，無左宿舍後到依家都無食過啦。個時成日食檀香山係因為佢嘅菜色多元，各種嘅碟頭飯同港色粵式川式美食都有，價錢特別係晚市都係區內比較平嘅。今年有反宿舍就去食下，發現原來餐廳翻新左一波，成間檀香山係夜晚時真係好光，想人睇唔到、唔行埋去睇睇有咩食都難。咁除左光門面同內在都裝修得幾好嘅。至於食物質素同價錢就保持同以前差唔多。我叫左椒鹽豬扒飯46蚊，有湯有飲品。椒鹽豬扒炸得幾好食，面頭炸得均勻，內裡肉嫩有肉汁，椒鹽入味；仲有啲香蔥、香蒜同辣椒碎令成個飯十分香口。至於杏霜亦同以前一樣咁高質！佢比起一般茶餐廳或冰室大杯，而味道好濃郁，奶味充足，表面會凝結出一塊高質杏霜嘅杏霜膜！

星期六晚同朋友通宵打機,早上八點幾帶著半睡半醒嘅身軀去食早餐.不嬲去開出名果間已經開始排隊,個人未清醒實在唔想排隊.周圍行下最後附近嘅入咗檀香山.順帶一提呢間餐廳嘅晚飯外賣係ok嘅.叫咗火腿通同埋炸魚柳餐,都係基本上比較難做得差既餐.點餐個姐姐可能唔夠瞓,有少少躁,我只係將煎蛋改成炒蛋就畀佢得咗句"講清楚啲啦".餐飲既檸荼出奇地夠味,成個人醒晒.但到最後唔知點解上枱嘅都係荷包蛋...冇所謂可能呢度嘅荷包蛋係炒出嚟嘅呢...一定係為咗彌補我冇炒蛋食嘅損失,我隻蛋係雙黃嘅.連埋朋友唔食既蛋黃,一朝早就膽固醇超標啦.牛油方包嘅牛油好少.淨係中間有丁點牛油.店員可能體諒我啱啱吸收咗咁多膽固醇,想我食清淡啲.魚柳真係不得了呀.內外兼修,外硬內軟,感覺上炸粉外殼係為咗保護魚柳而存在,堅硬無比,有啲似手機同手機殼嘅關係.魚柳嘅味道同質感當然係一般茶仔既水準啦,但魚肉同炸粉外殼嘅反差感,突破炸粉裝甲最後食到軟淋淋魚柳果種滿足感,真係好難係一般茶仔得到.依餐真係食得開心.

今日同叔叔等人去食下午茶，我地都好肚餓。就入左去呢間茶餐廳啦。我就叫左炸魚柳配薯條。但到唔洗五分鐘就上左菜。你問我呢間茶餐廳有無下次?我肯定答你無。原因先講塊魚柳，炸到過左火。變左深黃色而且好乾身，仲要係凍嘅。一定炸左一段時間先俾客人。而且感覺到好油而無魚味。食落去一定唔係鱈魚。第一鱈魚係高成本嘅魚類。第二，佢呢隻炸法係用左吉列嘅炸法。吉列嘅炸成敗就係炸嘅時間同火喉。呢起魚柳成隻手掌咁大塊，用大火炸一定炸到過哂大。應該用中或者細火慢慢炸。炸完仲唔到野隔油，結果咪又油又乾。薯條都炸到過哂火，太過身。呢啲薯條中火炸5分鐘就夠，佢而家炸到薯條無薯肉而且無薯條本應嘅口感。只係覺得好硬、好硬同好硬。侍應係姐姐，服務以茶餐廳質素算係咁。自動自覺俾茄汁我。不過我有D唔滿意係沙律為何要放左魚柳上面。真係百思不得其解

員工好似當d客透明，叫極人落單。都好似聽唔到，睇唔到。坐係到等10分鐘都未落到單。野食味道一般般，最慘拎起d刀，叉用既時候係未洗干淨，叫客人點放心用，以後都不會來。

因為搵唔到位泊車，所以黎左紅磡食個快速午餐，下午1點幾，間間食肆都好多人。經過見到檀香山茶餐廳，之前成日想試但冇試到，今日又唔使等位，就立即入去！入到去，因為想快d食完，所以叫左個快餐 - 蒸肉餅飯，老公叫左個粟米雞粒飯。我個個蒸肉餅幾香，而且有肥瘦肉比率差不多一比一，其實我個人覺得有肥肉做出來既餸係好食d,而且佢加左魷魚乾粒係面食落好香！如有加馬蹄就更加好！不過個蒸肉餅落得太多油蒸，對女人黎講真係好肥，我都食唔到，但佢配大大碗飯，岩晒個d要有飯氣既男人！老公叫個個粟米雞粒飯，通常都冇衰，而且d雞肉好滑，但d飯有d硬，連老公都話硬，咁就差d了......我叫熱檸茶，老公要凍檸茶，我杯茶濃，但唔澀，依個做得幾好！

我地基本1個星期起碼有2日會泥檀香山食飯，但經過今日真係永久black list! 因為我碟福建炒飯竟然有煙頭，我仲要咬左幾啖覺得怪怪地先發現。。即時想嘔law! 仲要我同個呀姐講，佢話減番1個飯錢俾你law就拎走左碟飯，但一句道歉都冇。。到我去到俾錢，老闆娘夜晚唔係到，但老闆娘個女就負責收銀，我俾另一個餐既錢時，我問佢你知唔知碟飯有煙頭呀？佢好簡單答左我一句"我知呀"就算，依然好似佢地冇問題咁，連少少唔好意思都冇。。唉，咁既衛生情況，咁既服務態度，真係估你唔到呀！!

每次去到一間未食過既茶餐廳，我都會叫廈門炒米，因小時候食的廈門炒米都有落一些紅色綠色，帶酸甜味的五柳菜，但現在的茶餐廳都無落，令味道有差。今次呢間就食到同我細個時味道非常接近既廈門炒米！興奮到影低留念，兼提自己想食可以黎食！朋友笑我痴線時，佢點的葡泰式特餐更痴線，因為有碟超足料通粉外，仲有一大個豬扒包，都只係$42, 仲有野飲個set真係超抵，味道ok!當日星期六，但阿姐都俾我地坐左個幾鐘完全無趕走(當然唔係full house 時間), 好食又坐得既地方，難得~

平日在尖沙咀或銅鑼灣地區吃個早餐都要$30以上，但在紅磡這間檀香山茶餐廳就依然有$28、$29的早餐。一個火腿奄列配餐包，奄列份量不算多，但也煎得夠滑沒有過火侯，算是不錯!沙嗲牛肉公仔麵味道較為清淡，但是出品夠熱，挽回了一點點分數。湯底沒有甚麼味道，全靠沙嗲牛肉的醬汁才令到個公仔麵有少少生氣。食物質素正常，但用餐環境不愉快。由出菜、清潔、落單、聽電話、收銀都只得一位中年女侍應一腳踢，不少客人不斷催促姐姐要"快啲快啲"，但她只得一對手，實在應接不暇。看著姐姐不斷俾食客鬧，我也覺得不好過，希望餐廳快點請人!