檳城餐廳 (已結業)

和太太細女在屋企附近食午餐，隨意食。檳城都來過好幾次，對於美食沙漠🏜️的柴灣來講，無麼要求啦。我哋各自叫了一個餐，兩個有餐包、餐湯及飲品，另外一個京都豬扒飯是單點。先上了餐包餐湯🥣，餐包夠熱軟霖唔錯，而中湯淡而無味，羅宋湯還可以。咖喱雞扒飯：雞扒調味ok, 咖喱汁比較稀。京都豬扒飯：味道調較得比較酸牛扒沙律：牛扒超靭，切唔開又多筋，一向好鍾意食牛嘅細女都唔吼，食咗兩啖就停手。好差。食咗幾次，感覺越食越差，短期內不會來了。

每日都有不同款式嘅午市套餐 都幾多選擇 有西式扒餐、中式碟頭飯、焗飯/意粉👍🏻每個套餐都包中/西湯、牛油餐包、飲品🥄我哋鍾意飲西湯 通常係羅宋湯 都幾多材料 唔算好濃味 不過都過得去🍞餐包微暖 甜甜地 仲有舊牛油搽✨蒜蓉汁雞扒拼蜜糖腸跟薯菜 $56🐓雞扒比較細塊 脆皮腸系比起廚師腸大條d🥕雜菜系翠玉瓜同紅蘿蔔🍟薯條份量都幾多 但都唔太脆 似系炸完放咗一排✨咖喱牛肉意粉 $58🥘咖喱唔辣 系港式咖喱😆都幾好送飯/意粉牛腩偏瘦會比較韌🥩仲有兩舊牛筋 只有一舊細薯仔🥔🍝意粉質地麻麻 太過淋煮得過耐👎🏻可能撈飯會好啲✨焗芝士菠蘿豬扒飯 $56係經典嘅好食😍下面飯底係蛋炒飯🍅蕃茄同🍍菠蘿酸酸甜甜好開胃👍🏻d汁夠撈晒成個飯不過豬扒太細塊 已經切開左都係得4塊左右👎🏻雖然味道屬正常水平 不過不失 服務亦非常一般但餐廳大部份都係卡位 坐得算舒服而且每個餐又有湯又有飲品 一定夠飽 價錢算好抵食啦！味道：🌕🌕🌕🌘🌑環境：🌕🌕🌕🌗🌑服務：🌕🌕🌕🌑🌑價錢：🌕🌕🌕🌕🌗回頭率：🌕🌕🌕🌕🌑📍檳城餐廳 (柴灣)柴灣環翠道11號興華廣場1樓109B號舖

超伏！本身門口寫住話有學生優惠價$42 一個餐（寫明着校服就有呢個優惠,), 放學後連同幾個同學仔一齊去食lunch, 之後埋單嘅時候佢話個餐要比$62, 仲話我地因為係落單嘅時候冇同佢講話係學生, 明明着住校服點解話我地吾係學生呢? 再與員工理論, 啲員工態度超級差, 完全吾理, 一味只講話這個優惠要落單前講明先會有, 著住校服都吾會比到哩個優惠, 係要著住校服落單前講我係學生先有哩個優惠, 擺明玩野, 咁吾想比優惠就吾好寫出來啦, 擺明呃D學生入去食, 之後又要收人正價, 員工態度超超超差, 完全吾講理由, 擺明恰學生, 以後都不會幫襯

第一次去咗食呢間餐廳 見到門口有個牌寫住學生價全部$42 見到好似幾平幾抵就入咗去 點知道入咗去啲姐姐完全冇理過你 求其搵咗個人同佢搭枱 之後就開始落嘢食 叫咗個西冷牛扒 牛扒啲筋好多 又老又奀😅 嗌嘢食嘅時候 問佢有咩飲 佢好冇禮貌咁話：「咪平時飲開嗰啲囉 你平時冇飲嘅咩？」之後去到買單嘅時候 佢要我比$62 話因為我冇講話我係學生所以要比正常價錢 但係我着緊校服 相信正常人見到校服都肯定係學生啦 同時門口個牌亦都有寫住話只要着住校服就有呢個優惠🥵 真係唔好去呢間餐廳 想入去受氣就你鍾意啦😶‍🌫️

這一天，剛到那間要坐電梯、按15字才到的「屋邨地舖」，嚐過雖然加了葱油汁仍然爆脆的「葱油生炸雞髀」，大家都有點意猶未盡。下山來到屋邨商場，看到這 “Since 1969” 的餐廳招牌，就被吸引著了：吓？比我還老？我當然不知道屋邨的歷史，相信1969是指店子在這條邨的「成立年份」，而非這經過重建的商場。商場只有一層，「幅員」卻不小；到處一逛，裡面竟另外還有一間酒樓、兩家快餐店、兩家屬於同一集團的相鄰 (相信是共用廚房) 南亞食肆、兩家連鎖式經營的冰室⋯⋯另外下面還有一家粉麵店！如此擁擠的市場，怎麼求生呢？仍是下午茶時段，最好是再吃些輕食，賴以過渡斷食的晚上。這裡有咖央多士、流心西多可選，很配合純粹口痕未治的我倆。那就進去吧！坐到卡位後，抬頭除了看到出奇地有特色的「紅鳥籠」裝飾，還發現原來這招牌已被飲食集團收歸所有，英文簡稱是YLK⋯⋯想起了讀書時代，在新城市廣場一期也有一家YLK，當時該是其全盛時期吧。若您不知道那三個英文字即是指哪一間，那便好好享受您的年青吧！點餐後，同伴開始進行一般是進店前已完成的動作：開OR App (非植入式廣告！)，看看評價。吓？2比8的一面倒負評？這餐豈非⋯⋯

員工冇禮貌，普通問佢一句野好似針對佢咁，無啦啦又駁幾句，啲野又油又難食，每款小菜一樣味，完全唔知啲餸菜有咩分別，本身話小菜套餐包飲品，最後埋單先講要加錢。其實唔係錢既問題，係原則問題。真係唔明點解可以做得差成咁都經營到落去。

員工完全沒禮貌 沒投訴熱線 都唔知咩餐廳 咩服務 俾錢要受氣 越嚟越差 完全唔知咩集團做要妳買禮券 月餅 端午節卷就會識禮貌 大家唔好再去 呢啲餐廳 執咗好過啦 由椰林閣變檳城 一樣員工 都咁差 沒禮貌

今日叫左碟冬陰功炒飯，飯未到，聽到旁邊另一位呀叔投訴佢個碟冬陰功炒飯有異物，但隔得遠我睇唔到。個侍應hea住道歉，又話唔小心姐，態度差，之後呀叔換左碟炒河。隔左5分鐘到我個碟炒飯上枱，我當然望真啲，表面睇無事，咁就開食。一啖邊食邊再check真啲碟飯，一撥之下，有隻曱甴係飯入面！即刻大叫侍應，飯入面有曱甴。侍應快快手拎走我碟飯，再俾餐牌我叫過其他。連續兩碟唔乾淨，擺明係衛生有問題。仲有，經理無出現過，又係大事化小再化無嘅手段。

我一個人入到餐廳，當時環境唔太忙，最小有6個侍應，我唔明點解人手咁充足下服務可以差過很多人手不足。咁個姨姨帶住我坐低，叫左野食之後比人叫左去第2個位，我都無所謂大家香港人互相幫助，但一陣之後又叫我提去第3張枱坐，我忍住，另一個侍應黎問我岩岩牛排幾成熟，一陣又有人問我要鐵板定碟上，然後問我要西定中湯，我第一次有餐廳係乜都未到之前轉左3個位落左4次單。食物方面？牛扒黎到9成熟咬唔開、薯條又凍又硬、汽水唔凍。我食左兩啖擺低$100志左。唔好去.......真係.....捐左佢好過......

工作關係，要到柴灣食個午飯，其實很少會到柴灣，隨便想找個比較好坐的地方，醫一醫個肚，看到門口餐牌一般介乎於50-60多左右，於是便試試這間餐廳。嘟完安心出X，量完體溫，便坐下來看餐牌，馬來西亞餐的話當然試試海南雞。點了海南雞飯套餐，有中湯或紅湯揀，揀了中湯，不消一會就送上餐包，中湯，包是來貨的不評，中湯是紅蘿蔔花生煲豬骨，一般茶餐廳水準，實在沒什麼好評的。喝完湯食完包，海南雞飯就送上，油飯質感是偏硬的，有點味道但又不像是坊間的飯味，但是不算難吃的，查看一下雞件，竟然兩雞下髀，雖然是雞髀但也不算滑，如果是雞胸實在不堪設想，吃下去不難吃，但總是不像海南雞⋯配上兩個醬汁，一個是帶酸味的薑蓉，另一個是酸辣的汁，兩款都帶酸，好像分別只在於一個有少少辣，一個有薑味的酸汁，最後兩種汁都試配雞吃了一口，還是沒有再配汁吃了，餐飲是凍檸茶，味道也是一般。後感，食物環境水平一般，職員沒甚禮貌，填飽為主。

15-01-2021去食早餐舖店基本上冇乜人，問吃2次要水，果個大約廿幾歲帶有口音扎馬尾女侍應第一次望我一眼冇答我，以為咁就代表轉頭會攞俾我，隔咗大約10分鐘再問佢一次，面黑黑終於答我ok，但之後食完成個早餐都冇攞過嚟。埋單時見佢哋傾偶，買乜嘢謎，尋晚食セ之類食物唔算好味，但唔難食。但態度勁趕客，柴灣好多選擇，員工質素好緊要。老闆請人真係要認真啲，雖然個早餐唔係好貴，求財唔係求氣。咁嘅態度真係幫老闆倒米。

我本應和家人一同來下午茶，我每次都會叫香矛雞翼喇沙配豬仔包，每一次都要求雞翼和豬仔包放在一起，因為不想雞翼被浸淋，但今天店內員工說不能做到，(員工態度不太有善 )之後我說我之前都可以，妳可否幫我問一問？她直接回覆我不可以，一係你叫其他野食，我之後咁麻煩你叫經理過嚟，之後經理嚟到，對我說雞翼不可和湯分開，真係做唔倒，我問他：其實只是好小事，我知係唔想雞翼浸淋，經理回覆：如果個個客人都要咁轉，我們會好唔掂，唔好意思！ 我之後對他說咁唔緊要啦，不過我想同你講，其實咁小事就另你覺得唔掂？我覺得你真係好掂，就算唔幫我們轉，我都覺得你們態度可以好啲姐。 本應都無諗住打上嚟寫食評，見倒餐枱寫上有個客戶服務的email，咪send eamil去反映一下囉，點知是完全沒有任何回覆，如果是不作回應，為何要放出來呢？多舊魚，咁唔怪之得服務點解可以咁差！

晚上放工，周圍睇下有咩食，周圍都滿左，入去呢間食😋 叫左個三文魚併燒春雞，要薯菜。等左一陣就上菜，都幾快，餐湯有得揀中湯定羅宋湯，跟個熱辣辣的餐包🤩 主菜黎啦，個鐵板黎果陣都好熱，真係「茲茲」聲，又彈油，熱力十足。個魚唔腥，好有魚油味，三文魚特有嘅味道都好足，係有點點韌，第一啖都韌....... 更何況放係鐵板上繼續「茲、茲、茲」嘅三文魚🙈個燒春雞呢....... 就一言難盡，冇咩味，有半隻雞係度，我淨係食左個雞髀同雞翼，之後就冇食。個雞髀都叫嫩滑，個雞主體部分就冇咩味，好鬼韌🙈。平時醫下肚都ok。

大家來這餐廳食嘢真係要俾D心理準備！(1) 服務態度極劣(2) 食物質素異常差劣圖中的是馬來炒貴刁，真係見到都反胃，同佢哋既服務員講，仲要俾佢串返轉頭，話炒貴刁係咁架啦！得，冇下次，唔會再幫襯！

🇭🇰香港柴灣環翠道11號興華廣場1樓109B號舖🇭🇰Shop 109B, 1/F, Hing Wah Plaza, 11 Wan Tsui Road, Chai Wan, HK.人均消費: HKD62.味道: 👅👅👅賣相: 👀👀👀價格: 💰💰💰💰環境: 🌹🌹服務: 👨🏻性價比: ⭐️⭐️⭐️回頭率: 🔆🔆.突然好想食個好港式嘅午餐😂檳城雖然係食馬拉菜(應該)，不過想食港式口味絕對係其中一個選擇🤣.Ⓜ️#海南雞飯 套餐HKD59唔太正宗的海南雞飯，但隻雞幾好味，比較似鹽局雞多啲，夠入味，兩個醬汁同平時都唔同，有隻有啲薑蓉味幾特別，不過隻雞鞋左少少飯好重椰汁味，唔太岩我.Ⓜ️#鐵板黑椒牛柳絲炒意粉 HKD58超有鑊氣既炒意粉，牛柳絲亦都好入味，但個意粉唔夠味，不過我加咗啲美極又ok喎🤣.Ⓜ️#洋蔥雜菌汁燒西冷 套餐 HKD61港式牛扒嘅味道咁囉😂😂😂.只係無諗過係馬來餐廳食到港式風味😂不過員工態度真係不敢恭維！ .