影片
港鐵石門站 C 出口, 步行約5分鐘
繼續閱讀
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
🍃🍋【 檸可遇見 • Meet With Lemon 】🍋🍃⋄ —————⧫♟⧫————— ⋄ 最近內地嘅手打檸檬茶店大舉進駐香港，然而質素參差，一直未搵到滿意的😟 近日竟然喺石門遇到一間出品優質、誠意十足的檸檬茶店，老闆仲要係香港人🇭🇰 更加值得支持🤩🙌🏻店面明亮簡潔，木系元素配搭翠綠植物🌿仲擺放咗一棵真嘅檸檬樹🌳予人悠閒自適嘅感覺，心情瞬間放鬆☺️揀咗杯「檸檬菠蘿鴨屎香」🍋🍃 茶色清徹透亮，絲絲菠蘿果肉肉眼可見🍍入面仲有四大片檸檬，真係不惜工本‼️ 鴨屎香茶底鮮爽回甘，檸檬微酸之中滲透淡淡菠蘿嘅甜美，清香馥郁，沁人心脾🌼✨真係忍唔住一口接一口👅特別喜歡店內一幅「語錄牆」，分享店主覺得有意思嘅名言，我耐心地全部讀完🔖 🥰 就連杯上都別着一片「金句葉」，句句不同💌 為有緣讀到嘅顧客作心靈打氣，係店主嘅心意及巧思呀💓店鋪新張不久，日後將會陸續新增更多款式，非常期待呀💚💛⋄ ┄ ┄ ┄ ┄ ❖ ┄ ┄ ┄ ┄ ⋄🍋「檸檬菠蘿鴨屎香」🍍（$33）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：沙田石門京瑞廣場二期地下G27⋄⋄#hkig #hkfoodie #hongkongfood #hkfood #hongkongfoodie #foodblogger #hkfoodbloggers #hkfoodies #相機食先 #openrice #香港美食 #hkinfluencer #foodiehk #香港 #香港生活 #香港旅遊 #香港探店 #香港美食 #香港打卡 #香港必吃 #ccrreami石門 #石門美食 #石門必食 #手打檸檬茶 #檸可遇見 @meetwithlemon
繼續閱讀
爆打檸檬，手打香水檸檬手搖飲品店真係越開越多！今次懶惰二人組去到石門，遇上「檸可遇見」！係一間香水檸檬專門店。裏面買嘅產品用上鴨屎檸檬，配上唔同嘅材料，好似椰奶，蔬菜，生果等，創造出幾款獨特嘅口味。《檸檬菠蘿鴨屎香》 $33新鮮菠蘿加上我是檸檬香～十分清爽！仲會飲到啲檸檬同菠蘿添！店員話佢地都希望製作出較健康嘅手搖飲品，所以就算正常甜度都唔會好甜！懶惰二人組就揀咗半甜，🐭覺得甜度都適中。《檸檬黑咖啡》 $36鴨屎檸檬加齋啡，齋啡就當然一啲糖都冇啦！店員話可以request 加糖。不過，🐯🐭平時都飲齋啡，所以就唔加糖喇！第一啖飲落去比較酸，不過飲多啖會飲到咖啡嘅澀味同香水檸檬獨特嘅香味，兩者夾埋一齊都幾特別！出面未試過！而家買兩杯仲送包香水檸檬乾！店員話可放兩片落水或茶沖泡黎飲。出面買果乾一啲都唔平！返去又可以自製多幾杯茶飲啦💚今次🐯🐭有兩款口袋名單，下次要去再試～第一款係檸檬椰奶，店員話呢款係推介，市面少見！$36另一款係紫蘇熱飲 $30，紫蘇既野飲都真係好少見咁，睇產品圖片係夢幻嘅紫色嚟～ 💜
繼續閱讀
29-4-2024（Mon)同同事食完晏後，女同事SL要去街市買嘢，咁佢自己離隊去買，我就同同事返公司先。之後SL返嚟拎住一杯嘢飲返嚟，問我飲唔飲，佢話係香水檸檬鴨屎香，大大杯都只係$23.00。香水檸檬我就未試過，而鴨屎香係烏龍茶，咁我都試啲啦。飲落，香水檸檬味道獨特，同普通檸檬味唔同，佢都有少少澀，亦飲到烏龍茶嘅味道，成杯嘢又唔太甜，可以解渴，都唔錯嘅。詳細分數係:味道: 4分 生其他都係3分
繼續閱讀
喺京瑞二期地下嗰層，都幾方便，純粹經過又鍾意飲檸檬茶就試試。間嘢唔止有茶飲，仲有小食，睇落價格都幾抵。我諗石門多食肆，應該競爭都大啦！呢日冇試到小食，淨想飲嘢，直接問店員最出名或者最歡迎係邊杯飲品，店員指一指menu上嘅鴨屎香話最多人叫呢隻，於是就order咗一杯香水檸檬鴨屎香喇。嫌茶底淡咗啲，個人鍾意比較濃嘅茶香，但都有鴨屎香茶味嘅，只係淡，而杯內有唔少檸檬，所以檸檬香係夠嘅。因為第一次幫襯啦，所以都公平啲補返句先，唔知係咪咁啱今次茶底淡咗！但要讚嘅係超級大杯，好耐冇遇過咁大杯茶飲，原本打算獨力KO，但最後要老公接力，可能因為啱啱食飽飯！綜合各方面算係中規中矩啦！
繼續閱讀
萬年都唔入一次石門 ， 咁啱早幾日去開整野見到呢間手打檸檬茶店。 天氣熱梗係想飲番杯㗎啦☺️ 一入去睇簡直俾個價錢震驚咗😳一杯手打檸檬茶講緊700 mL嘅價錢唔使$25😨 呢個價簡直係我除咗有特價之外見都冇見過咁滯 😳😳😳除咗手打檸檬茶之外仲有一啲小食。 價錢都相當合理。 睇到飲品方面係多咗唔同嘅選擇同埋都相當中式， 好似紫蘇茶咁 最後揀咗爆打檸檬鴨屎香（$23） ， 味道方面同出面坊間嘅差唔多，亦都唔會太甜或者冇乜味😳 仲可以叫少冰，最緊要嘅係唔會因為少冰而杯嘅細杯左 ， 依樣係值得一讚☺️😈個人幾鍾意入面嘅裝飾有少少中國風 ，特別係有啲語錄牌喺度幾特別😛
繼續閱讀