檸檬冰室 (汝州街)

營業中

休息中

年廿八去深水埗辦年貨經過見到檸檬冰室個logo幾sharp醒決定食個靚早餐先去慢慢掃貨冰室設計無論裝潢定座椅都採用檸檬黃成個感覺好醒神完全配合番檸檬冰室個餐廳名✨♡ 香辣蝦米雪菜肉絲米粉（$35）配牛奶炒滑蛋及丹麥多士雪菜肉絲真係好正加左蝦味成件事即刻昇華左好香蝦米味 · 辣辣地好惹味而炒滑蛋蛋味濃郁 · 厚身得黎仲好嫩滑♡ 羅宋湯腸仔粒米粉 （$33）加配五香肉丁（$8）配西煎雙蛋及丹麥多士蕃茄味湯底幾濃郁神來之筆既五香肉丁酸酸辣辣咁好開胃♡ 吉列魚柳 （$41）配香腸｜西煎雙蛋 ｜ 丹麥多士及薯蓉魚脆外層炸到酥脆乾身 而魚肉仲好嫩滑不得不提薯蓉仲咬到粒粒既薯粒綿密得黎帶d口感♡ 凍檸茶 ｜凍奶茶 （餐飲+$3）兩杯都大大杯 · 前者發揮正常後者奶同茶調配得岩岩好鐘意茶濃既絕對可以一試✨༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ꨄ小小總結：早餐份量好足 · CP值高而呢度既香辣蝦米雪菜肉絲有驚豔到絕對可以一試

放假同屋企人行深水埗，經過汝洲街見到呢間冰室，就入咗去試吓啦，中西式套餐都有🤩，食物種類繁多，可滿足哂一家大細嘅食欲😋🍞一口西多伴雪糕 💰30(8/10)一塊塊沾滿蛋液嘅西多士炸至表面金黃色，上面鋪上滿滿嘅煉奶，邪惡🤤但真係好好食，配上有朱古力醬嘅雪糕球🍦，食落去似冰火交融😂，口感好豐富!🍛馬來咖哩牛腩飯 💰50(8/10)咖喱好濃郁惹味😍，香味令人上癮，微微少辣啱晒我呢啲只可食bb辣嘅人😋，牛腩有五六件左右，大大件，炆得軟腍🐂，牛筋入口即化好出色，薯仔🥔都好入味，大推!🐓秘製無骨海南雞 配香茅油飯 💰68(7/10)海南雞肉質嫩滑😍，肥瘦好均勻，雞皮幾爽口，黑鼓油同辣醬醬汁好醒胃惹味，米飯粒粒分明🍚，有香茅同雞油嘅香味，配雞🐓食好正！🍚鮮菌芝士焗海鮮飯 💰65(7/10)呢個白汁芝士海鮮焗飯超豐富，有青口、魷魚🦑、蝦🦐、龍脷柳等海鮮，白汁好重忌廉味，芝士🧀碎焗溶後有拉絲效果☺️🥤椰汁紅豆冰 +💰8(7.5/10)超大杯嘅椰汁紅豆冰，上枱時呆咗😱，呢到啲嘢飲都好大杯好抵叫😍，椰奶味好重，配紅豆飲好清新解渴🥤華田紅豆冰 +💰8(6/10)華田嘅沙冰，配紅豆飲，如果再甜少少就perfect啦

當日和媽媽來到深水埗，在西九龍中心走來走去也不知去哪裡食午餐，然後便走到對面發現這間檸檬冰室，之前知道她有不少分店，決定進店一試位置（9/10）：位於深水埗內街近西九龍廣場，從港鐵深水埗站 C2出口步行約1分鐘，附近是北河街街市，附近交通很方便環境（8/10）：餐廳用上冰室的裝修，有點像連鎖快餐店，簡約而燈光明亮，座位主要是卡位，大致舒適服務（7/10）：如其他同類餐廳類似，因人手不足需要等待才能下單，然而侍應算有禮貌，下單後上菜普遍算快食物（8/10）：主要提供港式菜餐廳食物，亦有少量西式的食物，選擇不算多但足夠，另外特飲種類較有特色和媽媽兩個人，點了兩份午餐及一份小食香煎魚柳伴海蝦球 配香草忌廉汁 - $54把龍脷魚柳先煎後炸，炸至外脆內嫩，另外有一隻去殼的炸海蝦球，配合鮮甜香滑的香草忌廉汁，味道不錯，個人建議要點多汁。可伴飯、意粉及薯菜，我選了意粉，亦會有西蘭花及椰菜花作伴菜秘製無骨海南雞 配香茅油飯 - $68海南雞去骨乾淨，煮出來肉質鮮嫩，雞皮很香滑，會跟小食、雞醬及甜豉油，沾上醬油味道更上一層樓，另外跟餐配香氣滿滿的香茅油飯，以及餐湯一碗，整個套餐份量滿足檸檬牛油雞中翼(5

到檸檬冰室因為聽聞佢地沙嗲牛肉麵好吃，但去到又被個瑞士汁鮑魚火腿炒公仔麵吸引住，便不禁點了來試試。看到餐廳真的大大方方有兩隻大鮑魚就覺得超晒值，加埋個好味多士炒蛋感覺良好！只是新餐廳有點點人手不足和新人未上手，清潔需要加強。

出黎深水埗買野，順便食個tea啦，近近地去左隔離有間叫檸檬冰室嘅餐廳，見佢個名幾得意咪試下囉，點知…我地兩點廿十分入坐，睇下餐牌，得一張午餐餐牌，唔係咁啱食，問下有無下午茶，店員話兩點半先有，唔會派定餐牌㗎，咁好啦，咪等到夠鐘先囉，無所謂嘅。全餐廳嘅人原來都等緊下午茶，一夠鐘派餐牌好似搶咁，唔係枱枱都派到一張，要等隔離枱叫完先有得睇，唉，點解唔印多幾張呢。坐最後呢張枱，後面係雪櫃，雪櫃前又有個紙箱，每次伙計要去雪櫃拎野就會張個箱推過黎，其實我哋唔介意佢一直擺我地腳邊㗎。啲用具都幾污糟，有啲上手食淨嘅米粉黏住，又多蚊仔，食物到左後仲吸引左隻大烏蠅添。折騰一番後，係兩點九終於落到單。午餐附送嘅紅湯，好大碗，可惜味道偏酸。黑椒汁雞扒飯，塊扒好大塊喎。雞扒煎得香口唔錯呀，黑椒汁就太杰同太鹹，成碟飯一粒伴碟嘅蔬菜都無，顏色差啲。炸手指魚沙律，同我認知嘅手指魚唔一樣。新鮮炸起熱辣辣，個炸魚幾好食喎。沙律係薯仔雜果，勁多雜果，甜甜地好味。熱檸水&華田紅豆冰，個紅豆冰有驚喜，居然係華田沙冰黎再加一堆紅豆上去，幾好飲，不過真係好凍，牙都震埋。味道一般，價錢一般，環境又迫又污糟，服務態度唔好…應該都無乜機

呢間食物可以，但係未吃完，就羅走.服務超差.我飲野，個粉吃一半.年輕姐姐服務員問無問就羅走.服務員又大聲..唉..真係覺得吃了一肚氣..真心差..無下次..趕客..

一大早去了深水埗,隨便找間茶餐廳吃早餐。這間冰室門面四正,感覺比較乾淨企理。早餐時段店內已經有很多人,款式都是正常的粉麵配多士。但餐廳用了丹麥多士,我個人很喜歡,但再加上牛油就太heavy了...炒蛋嫩滑,煎蛋偏生~可惜也沒有白麵包多士可以沾蛋漿吃...素鮑火腿米粉不過不失。不過米粉是比較硬比較有咬口的一種,好不好吃見人見志個人反而覺得沙嗲牛麵做得不錯。沙嗲夠香濃而且帶點辣味,牛肉亦不是很軟爛的那種。麵也是剛熟,不會過腍。一般茶餐廳質素,味道尚算不錯。沙嗲牛麵可以一試~

啲人換哂，態度奇差，同佢講話無叫走油，勁霉氣應我，仲要發脾氣，同人搭枱，啲單亂咁比人，人地張單都可以放係我依邊，仲可以話返我轉頭安排入座都有問題，2個人就叫坐張6人坐圓枱，5個人坐2張卡位，咩安排？

老顧客意見，以前食物及服務態度都可以，價錢合理。現在保持不到水準了，同一款早餐食三日，三日唔同味，杯奶茶日日落奶都唔一樣。😤叫得嫩蛋三文治，煎到個蛋燶晒，都比得個客😤。個麥皮杰到我以為食緊糊仔😤咁杰都敢上枱😤重中之中，就係D人服務態度。一次半次都算！已經好幾次都係咁，例如：你今日冇麵包，都好聲好氣同我講，唔係粗聲粗氣同我講，冇麵包，轉第樣😤想同老細講，早餐客70％是熟客，午飯和晚餐的生客，唔得就都係同你萍水相逢，冇下次！是時候同你say bye😤😤

花過心思裝潢的檸檬冰室都算比較新開以🍋做主題 行新派茶餐廳路線 中上價位 座位都舒適 瑞士雞翼撈公仔麵配松露炒蛋西多士($48)公仔麵失準比較啖同硬身, 反而西多士同炒蛋不錯海南雞飯餐($68)賣相靚嘅 跟餐送例湯一客 清甜想添多碗 😂醃菜油飯配無骨雞嫩滑, 好味，好評紅豆冰(跟餐加$8)好大杯好足料, 奶味重，紅豆入味同煮得都軟，只需加$8大大杯好划算! 雖然價位以深水埗來講唔算特別平, 不過環境同食物都唔錯 , 性比價算OK

食物質素一般，我星期日晚上幫襯，好多人同我一樣等好耐都攞唔到嘢食。同時，收銀的黑色眼鏡肥仔哥哥無乜禮貌，奉勸大家外賣如果等30分鐘都冇問題，鼓勵你試吓，我就永遠也不會幫襯了！

星期日嚟食 lunch, 唔係第一次幫襯,已經特登揀 set lunch 貪快,結果熱檸茶已經比平時耐好多,炆米可以耐到催三次都冇嚟,一係老馮答我等等,一係老馮答我整緊,結果等幾個字都未到,真係好離譜,以後唔會幫襯!

年初三行完山係時候食個午餐，去到深水埗想找些好吃的，有些店舖仍未啟市，所以有些舖頭便需要排隊入座。去了一間檸檬冰室，裝潢跟個名字很襯都是檸檬色的。叫了兩個新年午餐，馬來咖喱牛筋腩飯及銀牙肉絲炒河，套餐包括兩個餐湯和飲品。馬來咖喱牛筋腩飯也算不錯，牛筋腩都做得好腍，但個汁比較稀，黏唔到啲肉上。銀牙肉絲炒河 碟頭大但冇什麼味道！食物算普普通通但係收銀的服務員就不斷話啲客，限聚二人，店方當然要多作安排，勞勞氣氣是待客之道嗎！

呢間野都開咗一段時間，過開嚟呢頭就食個下午茶沙嗲牛肉麵餐$37: 沙嗲味道香濃，有少少辣，牛肉份量足，唔會有過分化學處理，唔錯，跟餐嘅炒蛋就普通咗啲，唔夠滑亦冇乜蛋香，丹麥方包就正正常常炸雞脾配薯角$42: 雞髀夠大隻，薯角嘅份量亦都多，但味道遠比賣相差，雞肉淡而無味，肉質亦相當粗糙，薯角又炸得唔夠透，黐埋一舊，失敗之作星州炒米$45: 見到廚房係幾碟一齊炒，出品一碟多一碟少，米粉浸得唔夠透炒起嚟好硬，調味不足之餘亦冇咖喱香味，同樣不合格華田紅豆冰沙：跟餐加$8叫嘅，大大杯華田味夠濃，啲冰沙有紅豆味所以應該有紅豆加埋落去打，全餐最好味係呢個杯華田冰沙係可以encall 嘅，可惜整體食物水平一般，實在難以單單為咗杯嘢飲再次光顧

可能我食得西蘭花（炒）斑片少，原來係上湯浸咁嘅？濕淋淋咁，明明個餐牌寫係炒㗎！點解會咁呢？之後同個侍應講，佢話可能師父趕收工喎......問題就嚟啦！以一個客人角度邊個理你收工？一係你就話冇囉！嘛食第二樣。一係你索性話收鋪啦！又要落咗單，又要俾垃圾人食。真係唔好咁過份啦！食咗呢個餸三十幾年，第一次見到上湯煮法，可能我唔識啦，原來西蘭花炒班片係濕淋淋嘅。咁我以後去其他地方食唔濕嘅就可以嘈吓啦！🤭🤭🤭