櫻みち (已結業)

估唔到香港都有銅鑼燒專門店, 仲要放向雪櫃內售賣, 感覺好似向日本甘 是日買了 1.抹茶紅豆 - 好香抹茶味, 紅豆粒粒分明, 同平時向jusco買個d red bean paste好唔同<-正.2.cream custard - 好香cream味, 不太甜, 不過d cream都都幾快溶 <-唔好向無條街食.3. tiramisu - 好似怪怪甘, 自己麻麻地中意.

來吉之島入貨的一天, 忽然甜魔附身, 哎哎來到什麼甜點都有的吉吉島, 都幾難把持得住。今次的目標是銅鑼燒...不...是旁邊的「芹沢先生的生忌廉糖」! 姑且別管這芹沢先生是誰, 本來也沒想過要買的, 但見到一袋袋糖放了出來, 記起識食的美女博客「素顏天使」曾作推介 (她稱之為牛奶糖), 又試下先。味道有三款, 分別是原味、抹茶味和朱古力味。小袋裝原味 $18 有 10 粒, 抹茶味和朱古力味就要 $20 一包, 大袋裝 (30 粒, 可混合味道) 則是 $48。這些忌廉糖是每日人手限量制作的, 店員細心提示要放冰格儲存, 不過最多只可存放一星期 (放心, 我包管你未到期已食哂!)。小試一包細的原味, 拿到回家已溶了, 急急放入冰格雪一下, 才得出圖中的效果。除了美麗的包裝袋以外, 忌廉糖本身樣子實在不太討好 (如你買朱古力味的話會明白我在說什麼 ), 不過放入口之後, 又是截然不同的感覺啦。初時覺得似拖肥糖, 又或是軟版大白兔糖, 入口即化有濃濃的煉奶甜香, 雖然對我來說有少少甜膩, 但我覺得是會吃上癮的啊。一場來到, 順手也買了3 個迷你版銅鑼燒 ($16/3 個, $30/6 個)

下午2點幾到Jusco，未食野想搵野食，點知度度排長龍，唯有買小食啦，一直好想試呢間Sakura Street，見到$38/3比較抵，問過原來雪落雪櫃可以放一至兩日，就好放心咁買三個回來試有好多款式，樣樣都好似好好味，揀左好耐都唔知揀邊種好呢～銅鑼燒皮好軟熟，香得黎唔會太甜，好好味呢！Maccha Cream：我覺得呢個最好味，抹茶cream好滑好清新，配上粒粒紅豆，一次過食到兩種層次感，令喜歡綠茶同紅豆的我非常滿足！Azuki Cream：紅豆cream依然好滑，但係得紅豆味，比較單調，不過因為我食左Maccha先，有比較所以覺得無咁好，如果單獨黎講都幾好Fresh Strawberry & Custard Cream：見網友個個讚，就買一個試食，吃了一啖就覺得很失望，雖然cream很滑，而落了很大粒的strawberry很有heart，同custard都很夾，但係兩樣好味野同銅鑼燒真係好唔夾，晒左好味餡有Ｄ可惜貨流量大，waitress不斷來來回回咁放新貨，保證新鮮，值得一讚呢！而且姐姐很好人，收錢時對每個顧客講解要點保存，服務態度真好！下次仲會再黎試新味！

滯滯成了機器貓？這是從何說起？當然是那一大盒子口味各異的銅鑼燒引起的美麗誤會啦～先說說“非傳統”口味：提拉米蘇味：其實內里的提拉米蘇做餡味道都幾正，只是給銅鑼燒做餡始終奇怪了些。香蕉朱古力味：這個相比之下要好些，但也只是好些而已，都虧了滯滯是個香蕉魔。但味道真的幾清新爽口，只是也不太合適給銅鑼燒做餡就是。所以，還是正常的“傳統口味”比較得人心：紅小豆口味：紅小豆口感細膩柔滑，會令你咀嚼著心里都不禁平靜下來。甜味也合適，不會過甜，推薦！抹茶紅豆口味：這個應算經典口味，不用多言。這家的幾出色，必試。還有一味不得不說的，夾在“傳統”和“非傳統”之間的草莓口味：竟是出乎意料的好，酸甜可口的草莓和銅鑼燒幾夾，食起來感到愈發清甜，推薦。看來，做機器貓都是件幾幸福的事，只要有好多好多的銅鑼燒食～

之前傳統和創新的口味都試過,大多都很不錯,今天就試了抹茶紅豆($14)這比較傳統的日式口味日本糕點,賣相當然是好的,包裝十分精緻,服務員也很親切有禮.銅鑼燒本身仍然好軟綿,充滿蛋和麵粉香.其實總括來說,日本糕點中還是以比較傳統的日式口味較為保險,一定有相當的水準.抹茶紅豆口味的抹茶crean非常creamy,充滿濃郁味甘的抹茶香味和香濃的奶味,加上數量不多不少和少甜的粒粒紅豆,更加添了不同的口感和味道,傳統中帶著新意,真的非常好吃

一直想試這間的銅鑼燒。不過金鐘/康山都家太遠，早前天氣炎熱不好攜帶，現在天氣轉涼就可以外賣回家。今次買了3款味道：　　Mont blanc($16)-都是日式食物吧，銅鑼燒餅與香甜的栗子很匹配，比傳統的濃甜紅豆餡更夾，推介。Strawberry & Custard cream($16)-草莓味輕柔，主角是輕香軟滑的吉士，兩者配以銅鑼燒又是另一番清新口味，同樣都很討好。Tiramisu($16)-中間竟然是咖啡啫喱，令人意想不到之餘，啫喱搶了芝士味，這個組合效果好麻麻。　有機會還想試綠茶紅豆味!

第一次食個陣係個朋友請，成日行過見佢咁多味好似好特別，而且朋友介紹話Tiramisu好味，所以今日就買左個Tiramisu黎試下 ($16)真係好似出面ge Tiramisu，真材實料咁制，正呀! 下次一定會再買，而且佢又唔似話抄人咁，好有特色! 不過當然$16食個好似豆沙包咁ge野又真係唔係太抵ge...

12.10.08 (Sun)tea time有點餓，買了個strawberry w/ custard cream（$16）。我覺得cream那part都幾好味，沒有『肥』的感覺，可能凍吃cream味道及感覺也好一點，strawberry是切開一半的，味道也能retain。但朋友吃了四份一（也不夠）已覺得很飽。=.=以後可以近近地去太古買叮噹燒，不用去金鐘了！

今日(5/9)同祖安去0左太古行街街, 知道0個度有一間<Sakura Street>喎, 更係過去買一個啦, 而實實梨都搭單要一個, 呵呵!!! 依家康怡廣場靚0左喎, 仲有多0左好多唔同款式0既小店, 感覺好乾淨, 衛生!!!1. 抹茶紅豆($14) ~ 講真賣相真係不錯, 而且之前實實梨係金鐘買過俾我食, 味道都幾好!!! 不過今次就有d失望, 其實銅鑼燒個皮, 同d 紅豆都好好味的. 只不過d綠茶味0既cream 比較似水狀, 令口感不太好!!!整體評價：下次再試一試金鐘先!!!

同事話黑芝麻好味，　於是決定一試白玉黑芝麻　$14 食左一啖對白玉沒有半點頭緒, 只知好soft cream 芝麻味唔夠濃, 麻麻地…下次都係信自己

本身好鍾意食銅鑼燒，金鐘果間一直冇機會試，哩間新開做緊買五送一，姐姐去開果頭當然買嚟試吓。tiramisu、士多啤梨吉士、綠茶cream、紅豆cream、三色白玉 & 黑芝麻，tiramisu同士多啤梨比較好味，其他一般，三色白玉最唔掂，入面粒丸子唔煙un，成舊粉咁...入面餡料唔係好多，又唔係話好好味，要十幾蚊個真係幾貴，試一次就夠。

排隊等候dinner時我買了一個銅鑼燒，是士多啤梨吉士味($16)。由於是不加防腐劑的，所以一定要即日吃完，感覺很新鮮。銅鑼燒的質感很軟，而裏面的吉士很幼滑，又不太甜，還有半粒新鮮的士多啤梨，真的多種口感及享受呢﹗不過有點可惜是買不到tiramisu味，還有就是不能多買一點留待第二天吃。