影片
港鐵香港大學站 B1 出口, 步行約6分鐘
繼續閱讀
電話號碼
34889233
營業時間
今日營業
11:00 - 21:00
星期一至六
11:00 - 21:00
星期日
全日休息
以上資料只供參考, 請與餐廳確認詳情
已經有一段日子沒有到「櫻之城」，今次帶了幾個朋友，一共5人一齊分享這裡的美食。選擇這裡的原因有幾個。第一，當然是食物質素，喜歡💕這裡的拉麵、餃子🥟同其他食物。第二是喜歡這間小店的老闆娘很窩心，親切友善！第三是環境令人覺得好似屋企/民宿的感覺！😊由於今次人多，所以終於可以點多一些不同種類的食物啦！🤪同埋，今日先發現原來店內的餐牌都有所更新。多了很多不同小食的選擇及多了不同雙拼選擇！我覺得這主意我很不錯👍🏻 因為之前我多數自己一個人食，我根本沒可能食到太多食物，但如果有雙拼選擇的話，我便可以試更多不同類別的食物。Good 💡 idea! 🪴開始要點餐啦！我自己首選是「拉麵🍜」，因為平時多數食豬骨湯拉麵（或者鯖魚飯）今日我便選了「黑蒜豚肉拉麵」，因為我好喜歡佢濃郁的黑蒜頭味道👅，我覺得好好食，湯頭同蒜頭🧄比例配合得很好，很平衡，不會被蒜頭搶晒風頭！😼所以另一個小姐朋友A,都跟我一齊食同款拉麵。我自己比較細食，所以便點了「小面」，因為不想浪費食物。而另一位朋友M先生，他說想食辣，所以他選擇了「辛辣味的豚肉拉麵」，另一個朋友Y小姐便喜歡食牛，所以她選擇了「和風牛肉配吉列豬扒烏冬」。另外，今日都試了新款食物「滑蛋雞扒拉麵」 ，不過沒想到是「碟上」。驟眼睇，好似肉絲炒麵的感覺！哈哈😄！我們仲有炸墨魚條，炸蝦，雞串燒，煎餃子🥟，中華沙律，炒菜心苗，冰粉。。。真係好豐盛的一餐😌食物方面，想講一講新的「滑蛋雞扒拉麵」，一上台，我們5人都「嘩」一聲，覺得賣相很靚！當然，味道先最重要❗️當我夾起面時，才發現原來面的中間位置，竟然有大家都喜愛的芝麻沙律醬，酸酸又甜甜的，配了滑滑蛋和滑滑雞，很搭配，又開胃。我個人便很喜歡這個組合！好👍🏻食。好味😋！推薦大家可以一試😙至於，黑蒜豚肉拉麵，都是一如既往的好食，濃濃的黑蒜湯，一上台，聞一聞，立即食指大動！大家已經急不及待的大口大口吃下去！其他朋友都讚辣味拉麵嘅湯底，好好味。不過我自己還是鍾意黑蒜湯底！ 湯面的配菜，真的不得不提是「糖心蛋」！真係好滑，流流心，軟軟的。好好食😋！紫菜同粟米🌽粒粒，也是我所喜愛🤩的！能夠在午餐食到暖暖的湯麵🍜，我個胃都頓然覺得好幸福！🌷至於小食方面，大家都好鐘愛煎餃🥟，雞肉串，中華沙律🥗及冰粉。今日可以帶到幾位朋友到此食飯，雖然他們是第一次到這裡食飯。但他們都認為能夠從食物中，感受到這小店充滿着濃濃的親切味道，對食物充滿熱誠，完全係用心去製作和經營。總結：我們幾個都食得津津有味，我們全部食到捧腹而走。能夠三五知己。一同享受美味的食物的同時，又可以良朋歡聚！真的好開心！🫶🏻🫶🏻我們會再次光臨😻😻支持小店！P.S.哈哈😂食完這一餐，可能要跑幾個圈做返運動先得！
繼續閱讀
去咗幾次櫻之城，（就嚟變我飯堂！）每次都好好滿意🥰佢哋嘅拉麵湯底好濃郁，豚肉嫩滑！個frd話煎鯖魚好香脆。咁我今次就試咗個滑蛋照燒雞扒飯，都幾有水準，性價比高，大滿足😋小食嘅話，煎餃子同唐揚炸雞熱辣辣勁香口，外脆內嫩，加埋免費水果茶，甜味適中，飲完好解膩。🙂↕️🙂↕️真係幾ok!!😙我會推薦比其他朋友黎食！
繼續閱讀
由小食到主食都好難食好似好多嘢揀 有小食，有主食，有野飲間野又細細間幾得意。。。點知野食一到，個綠色水草沙律勁硬，咩綠茶芝士糯米糍，求其沈啲綠茶粉喺面頭，啲水草硬到唔應該食，因為食完胃唔舒服。個叉燒拉麵求其整左兜野出嚟就算，成餐得個叉燒叫做正常，啲面hea到，個湯又hea，想問下點食得入口？俾心機整唔得既？ 唔係求其整啲野出來就可以收人$7x-$8x 架可一不可再 本身想支持吓啲小店都唔得。啲同胞呀姐點解煮野可以求其到甘？
繼續閱讀
話說有個朋友個細佬系讀聖保羅書院，聖保羅書院喺正呢間餐廳對面，佢細佬系咁推介佢試呢間小店，佢試完又覺得吾錯就推介番比我，於是兩個一齊去食👅✿ 醬油溏心蛋 / 章魚燒 $58醬油溏心蛋醬油就唔算明顯，溏心蛋部份就真係好好味，蛋香味十足🥚章魚燒都比想像中好食😋🐙唔會話好粉咬落實在，章魚粒煙韌。✿ 紅糖冰粉傳統重慶甜品，紅糖水清甜，冰粉似台式愛玉咁爽滑Q彈，做到解膩作用。✿ 麻辣唐揚炸雞撈烏冬 $58成個組合好新穎！日式炸雞就成日食，配埋麻辣別有特色🔥麻辣似四川戈隻麻辣，不過辣度當然低好多，邊食烏冬邊刺激味蕾🥵炸雞少脆，都好味。✿ 滑蛋吉列豬扒飯 $65滑蛋非常多💛蛋香味濃郁而且滑溜溜🍳表面就塗滿日式醬汁，甜甜哋吾錯。然後豬扒少脆，肉質新鮮，連埋滑蛋食好有日式風味🇯🇵✿ 水果茶 老闆送水果茶比我地飲，味道天然，好似係蜜桃味🍑可能係自家製☺️
繼續閱讀
放工約了一個老友聚餐，她在香港大學那邊工餘進修，今次她介紹了一家位於西營盤與香港大學之間的日式餐廳，叫櫻之城。她說這裡的食物價錢不貴，味道挺不錯。她帶我進去後，靚靚老闆娘從廚房出來跟她打招呼，十分熱情殷勤，感覺好像認識了好久似的，老闆娘簡單介紹了餐牌菜式，沒久就繼續返回廚房忙着了。餐牌的套餐不到100元，有小食有飲品。今次我們分別點了拉麵定食套餐($88)︰蕃茄濃湯豚骨豚肉拉麵、手制鮮肉煎餃同抹茶芝士年糕。拉麵湯頭濃郁，豚肉肥嫩而不膩，拉麵彈牙，讓我一口接一口，忍不住一直品嚐。手制鮮肉煎餃，皮薄餡靚酥脆，鮮肉味道香噴噴，讓我吃得津津有味。至於抹茶芝士年糕，質地柔軟夠Q，芝士餡咸甜，作為飯前或飯後小食都是一個不錯的選擇。我老友就點了日式吉列豬扒豚肉炒烏冬，配中華沙律和手制鮮肉煎餃($78+28)，炒烏冬色澤奪目，配上惹味醬汁，面頭鋪了吉列豬扒。豬扒炸得外脆內嫩，炸粉不多，啖啖豚肉鮮香。朋友點了紅糖冰粉，估不到這裡可以吃到冰粉呀。冰粉夠清甜。飲品方面，我們點了檸檬水和水果茶。櫻之城有一家充滿溫情的日式小店，不妨一試。
繼續閱讀