權記雲吞麵

營業中

休息中

今次又到上環工作，約了好友食LUNCH，經她帶路之下，可以食一餐便宜的LUNCH！起初不太熟路，真的不太好找呢！因工作地點離這店有點遠呢！雲吞麵十二元一碗，因想試試魚蛋，叫了雙拼。雲吞魚蛋米：魚蛋有三粒，有點口感不會很多麵粉！雲吞有兩粒，皮不算厚，一粒入面有３粒蝦，都幾爽口，不錯～～米粉和自己買回家煮的差不多～但以這樣的價錢，我覺得真的很抵食！當然衛生不是很好，環境不太好！坐的不舒服，店員服務態度也不算好～但上菜速度很快，一叫數分鐘便送上了！但這樣便宜的麵食在上環很難找到了！因為早到才不用等位，一點打後開始多人了。

今日lunch唔想食飯~~所以就黎左呢度食~貪呢度又平又好食...平時我1:30p.m黎度都要排長龍嫁, 唔知係唔係因為落雨, 所以只係要等一,兩個就有得食..我點左鯪魚球河同紫菜湯.. 鯪魚球河 ( $10 ) : 有3大粒鯪魚球, 都彈牙, 入面有d果皮同蔥花...河粉唔會痴埋一舊舊, 湯底夠味, 不過食完都有d口渴, 但都可以接受.... 紫菜湯 ( $5 ) :一大湯碗~~好好食, 呢碗個湯仲好飲....

呢間舖o係公司附近, 間唔中都會食o下,10 蚊野都唔想要求咁多,佢肯收咁平, 真係造福街坊,除o左午市好多白領, 其餘時間都好多長者o黎食,呢樣野值得一讚!不過有次o係佢門口等外賣, 佢個大隻金毛老細同個男人傾計,地下有2 箱紙合凍肉, 個男人話: 早知你要打邊爐, 我俾過d 蝦你, 無咁多防附劑!我聽完之後, 以後都唔敢再食呢d 10蚊大大隻雲吞!之前有次仲好笑, 我o係度食緊麵, 個金毛老細, 一路淥麵,忽然向住裡面大叫: '嘩! 咩咁臭! 你o係入面呵屎呀?'坐我對面個亞姐正咬住件牛根, 即刻睜大o左對眼!總之, 10蚊野, 無要求! 個大隻金毛老細仲好有娛樂性!

我同bb呢日要食完野再去唱k, 所以諗住平平地一餐~~ 嘩~~ $10蚊wor!除左牛筋係$12之外樣樣都好抵~ 個油菜仲要係$5, 雖然黠都算唔上大碟同好食,但起碼真係抵同食得落肚~ 仲有, 就係上菜勁快, 即叫即有, 好似變出黎咁呀!我叫左一碗魚蛋麵, bb叫左雲吞麵~~ bb仲比左粒雲吞我添呀~ 兩樣都okay啦, 我食左都夠飽ge~另外~~bb再叫多一碗牛筋河, 不過冇晒河lu~ all in all, $10價錢黎講真係好好lor!

前些時開因為原材料價格暴帳，很多十蚊麵店都加價至十一至＋二元，權記當然也不例外，但近日又回復舊價至＋元，但是現時只有牛筋供應，再沒有牛腩了。

夜間落幕，英皇道這帶想來個簡單麵食的地方，除卻生記及池記較知名外，其他好的大都已經關門大吉，餘下的都是差不多。經過這裡，看到大大招牌寫著足料鯪魚球，就跑了過來；鯪魚球雲吞麵及通菜走蠔油。鯪魚球真的大大粒，不算實淨但魚味頗豐，雲吞麵就不可以，雖然大大粒，但始終散尾雲吞，七分鮮蝦三分肥肉才是正路；蛋麵仍有鹹水味，添加了不小紅醋後才吃出全蛋麵味道；通菜幼身新鮮爽脆，份量不小。經歷抵食，而份量亦不小，總是吃不完的感覺；環境是差一點，位置窄窄的；但要求不高這裡是可以的。