權記雲吞麵

營業中

休息中

🌎 權記雲吞麵 (灣仔)呢間麵館食過兩三次 平時大排長龍 今次過左lunch時間先去食 一碗麵21蚊 仲要雙拼 係咪好抵呢 加上最近裝修完 環境乾淨 光線充足 不少食客都同店員好熟，佢地會傾吓計講下笑，呢間餐廳帶黎一種人情味，而且好多客人幫襯，有個婆婆指世世代代都幫襯權記，跟住外賣左三碗麵俾子孫食▫️鯪魚球魚蛋河$21河粉同配料分量十足 食到飽曬 大大粒魚蛋好彈牙爽口 而鯪魚球魚肉分量十足 食落同樣彈牙 加埋麵館自製辣椒醬一流 📍灣仔交加街10號舖地下

有時候當我去到灣仔的時候， 我會想找尋一下有沒有平靚正的野食呢？可能不是太容易，但總算有一間比較適合我心水！ 它叫權記雲吞麵，這間雖只是小店，但有時候排隊等候先有位， 因為他們用心包雲吞，又有手打墨魚丸的墨魚丸麵等等， 我自己叫了便是 $21 元一塊雲吞麵，再叫埋一碟油菜$10 ， 共$31 使我可以食得滋味和飽飽滿足感大增！ 有時候當我需要節省金錢的時候，十分值得去這間小店食上滿足的麵！權記雲吞麵 灣仔交加街10號地下鋪

喺門口等咗至少20分鐘，10幾分鐘未有，行返入店催廚房先煮，之前叫過幾次冇咁慢🙂叫咗一碗雲呑墨丸米，三粒墨丸都正常但係兩粒雲呑好可惜都唔得，食第一粒有怪味唔新鮮，唔知晏d會唔會肚痛再食第二粒嚇親，因為有疑似碎石，大家可以睇返相雖然佢收好平，都冇得唔俾負評，如果冇咬開一半就呑L咗，到時個胃有事搵邊個負責？對比下明顯速度同水準都嚴重下降，食過幾次都冇事，中環都食過，可能今次我黑啦，不過都係覺得呢間分店唔掂。

是日唔舒服， 請咗假冇返工， 搭車去灣仔睇醫生， 就這樣就折騰了幾個鐘了😂😂😂回程的時候， 想清清地食少少嘢。經過自由麵食的舖位， 已經改咗名，應該是轉咗手了。 都冇所謂啦， 叫了一碗雲吞河， 只是24蚊。 喺銅鑼灣同灣仔區算係非常之平呀。分量都不算少， 有四粒雲吞， 雲吞比較實🙄🙄， 但裏面 餡料也不算差， 有一隻蝦 另外豬肉肥瘦比例也不錯， 只是夾硬雲吞皮外面包埋入去， 假裝雲吞很大粒， 這個方法其實很傻， 雲吞麵得死實實。河粉都算幼滑煙韌😋， 非常新鮮😋， 唔似有啲舖頭 河粉斷開曬碎濕濕唔好食。整體嚟講24蚊一碗算交足曬功課。

我諗權記係灣仔應該係最平雲吞麵店，但係佢係最平但唔係最難食，本人覺得佢性價比極高，雲吞大大粒牛丸分量十足湯底清甜加上佢嘅辣椒油10香濃，真係啱晒我哋呢啲上班一族平息之選！

又到糧尾時間，所以黎左權記幫襯，但係。。但係。。。加左價呀！消息真係既傷心。。又震撼！因為我同事第一時間話加左5％😂最多人食嘅普通單雙拼麵加左$1，三拼麵就加左$3。若果食鮮味牛肉嘅單拼麵就加$1，雙拼加$2。淨雲吞同淨鯪魚球加$1。另外，生鮮蝦雲吞同生魚皮餃每打減$2。講返我個鯪魚球拼魚皮餃雙拼河，鯪魚球軟淋淋好啱箍牙妹食，但係魚皮餃對我嚟講就有啲韌，尤其是魚皮餃塊皮，我撕都撕唔開。😂😂通菜嘅品種同之前一樣，都係啲莖唔粗但好硬，我完全放棄左啲莖。 🙈

對於一向係灣仔返工嘅我，朝早買到好好食又抵嘅魚蛋粉係一件非常幸福嘅事😻權記嘅魚蛋角雲吞河係我每次必嗌嘅！佢嘅魚蛋好彈牙雲吞包得好足料佢地嘅牛丸都好正架！河粉質地唔會好爛，湯底係普通清湯，但權記嘅辣椒油真係幾正，落幾滴辣椒油再加適量嘅醋，成個湯底完全提升左！一碗粉只係$22，如果要外賣拎走就$24，係灣仔能夠買到呢個價錢絕對係抵到爛喇！😽😽😽如果係灣仔返工嘅打工仔食茶記食到好厭的說，可以考慮下權記魚蛋粉！平靚正

因為屋企開支大，返工唔想餐餐捱麵包，就唯有捐窿捐罅搵食，經師奶同事推介就捐左去街市搵食。呢度食飯時間多數都係一兩個人來排隊，個個都係速食，因為人多好難比你等到位一齊坐，所以記住唔好一大班人來呀，除非你唔介意分枱坐。今次我揀左魚蛋魚角河粉，可能因為我箍牙關係，非常岩我食，魚蛋夠淋身，易咬開，當然對唔洗箍牙人士黎講，少左啲彈性，無咬感，魚角就彈少少，但對我講一樣食到，好開心，揀河粉就當然係因為唔洗咬都吞到啦，成碗我都食到，好開心，感覺特別好味！通菜就差少少，菜葉都食到，但菜莖就較厚身，好硬，一般粉麵店少有。。。希望只係呢批貨係咁啦，下次再試過！但佢個腐乳就好好味！😋😋😋

香港仲有$20一碗雙拼雲吞麵估唔到竟然係喺鋪租好貴嘅一區灣仔鯉魚球雲吞米粉每樣都2粒，加蔥，米粉爽爽唔太淋湯底竟然仲有少少大地魚味Yummy yummy 好抵食 又平靚正

叫咗兩碗雙餸麵，再加埋通菜，人均消費都只不過係$30，究竟仲可以係邊度搵到🤤我覺得佢呢度嘅嘢食雖然平，但係其實質素都幾好☺️我叫咗魚皮餃雲吞麵，麵質夠晒彈牙爽口，雲吞大大粒，入邊除咗豬肉，仲有蝦肉㗎😳😳❤️魚皮餃都唔係平時cheap cheap嗰隻，幾好味🥰另一碗叫咗墨丸雲吞麵，墨丸大大粒，夠鮮甜，好彈牙。湯底主要係鹹味，有醋同埋魚露，都有辣椒醬，不過都幾辣，唔好一次過落咁多啊🤣另外通菜佢都落咗唔少腐乳，菜唔會淥得太腍，食落都新鮮😝

同事已經食過呢間好多次，成日叫呢間做 “廿蚊麵”，咁我就第一次跟佢地嚟食門口都幾多人排隊，望入去都算多位嘅，不過好快就到我地，我諗其他人都係食碗麵就埋單走人單拼同雙拼都係廿蚊，咁我就揀咗牛丸墨丸米粉（算係試多啲嘢呀嘛）我地幾個人嚟得呢到都堅持只係俾廿蚊！咁對食物嘅質素都冇乜要求架啦食落都真係好普通，絕對對得住個價錢，而個辣椒油都係好普通，真係食得出同平時食開嗰啲唔同不過嚟得呢到都唔會嫌三嫌四，食完擺低廿蚊就走人，爽！喺灣仔好少可可以咁架啦

今時今日仲可以係邊食到$20一碗麵?!黎到灣仔街市附近，見到權記雲吞麵大大隻字寫住$20一碗麵，雙拼都一樣係$20，咁抵食，就一於去試一試Lunch time 勁多人排隊，不過好快就會有人走，姐姐會大叫幾多位，人數岩就可以入去，所以唔使排好耐就入到去我叫左個雲吞魚片頭幼麵 $20雲吞都幾大隻，雲吞皮夠薄入面有大大隻蝦，豬肉既份量比較少，好岩我口味魚片頭都幾彈牙，好食!個麵同個湯底幾重鹼水味，唔鐘意鹼水味既朋友可能要揀其他麵枱上仲有自製既辣椒醬同醋俾大家落今時今日$20一碗麵真係抵到爛!

中午12:00正到灣仔權記粉麵，店外已經有長長的人龍，但很快就可安排到坐位，入內坐好點餐，$20已可有雙拼款，今日點了墨丸雲吞米粉，每樣各3粒，味道不過不失，但勝在大大碗，現在$20可以有這個質素已不再強求什麼。另外$10可加一碟油菜，份量都十足。

呢間雲呑麵起正我公司樓下，有一次行過春園街，發現呢間隱密既雲呑麵店，開頭見佢咁平一定唔方好食😂但又未食早餐，所以就決定去試。估唔到係又平又好食，真係窮人既恩物。自從發現到呢間舖，我就好似收到佢嘅魔咒咁，差唔多日日都食🤣🤣連呀姨都認得我，大家如果都鍾意食雲吞麵嘅話可以不妨去試一試，包你有驚喜今次叫左雙併米，佢有好多選擇，單併同雙併都係$20，有雲吞，牛丸，魚蛋，墨魚丸等，而粉麵方面有米粉河粉同面。牛丸係自家打既，所以好彈牙，而雲吞好大粒，入面有一隻大蝦，又係好彈牙，真係無限推薦

鍾意食雲吞粉麵嘅朋友應該都聽過呢間“權記雲吞麵"，而且每到食lunch時間通常都大排長龍， 原因好簡單，因為一個字“平“。琴日出開灣仔做嘢順便過嚟朝聖一下，雖然 門口排左大約二十幾人，但其實都唔洗等好耐，十分鐘左右就入到餐廳。除咗牛肉之外，單拼雙拼都係20蚊碗。今次我就叫左碗雲吞牛丸河，雲吞都算足料，牛丸彈牙得黎又夠惹味， 河粉分量都算足，整體食物都保持到應有水準。再加上呢個價錢，難怪日日都大排長龍啦。