歇腳亭 (豉油街)

營業中

休息中

身為奶茶控，真係會好愛sharetea！🤩我最鍾意sharetea的地方係有混珠！🤩大小珍珠混埋一齊的口感真係好正😋😋同fd去街都會嗌上一杯，係美好回憶啊！

Sharetea的飲品選擇非常豐富，包括了各種珍珠奶茶、鮮奶茶、水果茶、冰沙等等。我最喜愛的是珍奶系列，使用的是高品質的茶葉，口感濃郁香濃，非常好喝。另外，他們的珍珠也非常有特色，口感Q彈有嚼勁，一試難忘。次次同朋友經過都會想買杯一路行一路飲。而家唔洗戴口罩一定會成日飲。總的來說，如果你想要品嘗高品質的台式手搖飲品，Sharetea是一家非常不錯的選擇。無論是喝奶茶還是珍珠奶茶，都可以在這裡找到自己喜歡的口味。

我覺得sharetea三個字！便靚正而家仲係我屋企附近，價錢又實惠，最鍾意佢啲珍珠夠晒彈牙，嚼勁十足！珍珠奶茶味道係我啱個款！加大先要20+，可以講話行過路過唔好錯過！

買咗呢間咁多次雪沙，今日4月28號12點40分都係叫雪沙，俾咗鮮奶我，我咪話要換雪沙咯，跟住個員工仲話落單有問過我係咪鮮奶，可能我都有問題我應佢係。但我平時都係要雪沙，換雪沙呢個要求好難？員工仲話如果呢杯鮮奶我唔要就要丟咗，我先無語攞走。講真，唔係呢間舖嘅嘢唔得，係員工太令我失望。唉我真係鍾意雪沙，係呢間舖買咗不下5次，今次我真係好失望。早知個陣兇啲話：咁咪丟掉呢杯咯，橫掂我要飲雪沙！

歇腳亭都去過好多分店幫襯 今日黎呢間豉油街分店見到嘅職員態度令人十分不滿 排隊想買嘢 前面三個人我都等左陣 到我時職員竟然轉身做其他野 我又想算啦等佢做完少少嘢先咯 見佢應該係好多單做 結果唔係 完全無抬頭 我叫佢先肯過黎 終於到我想落單飲品 呢個話無果個又話唔得 不如直接話好多單唔想做我呢單啦 一齊排隊嘅到我就轉身扮盲 要落單又話無 見忙我都比時間人做完野我先落單啦 真係唔想做就拉閘 唔好比人面色睇 好好一間店有d咁樣嘅員工真係失望

呢間歇腳亭相信係我飲得最多次的台式飲料店 每次都會嗌我的最綠茶益力多少冰少甜 呢杯野飲個感覺勁得意 次次飲入口你都會先feel到益力多的甜 其次先有綠茶的甘味 真真正正的先甜後甘 令我不禁一啖啜完又一啖 不過 要留意番 記住要少甜 因為無嗌 就會變得太甜 (純粹個人意見)

我老公非常喜歡學珍珠奶茶，幸好他會叫鮮奶、無糖（因為珍珠奶茶使用的奶精10分不健康，多糖也對身體造成負擔）這裏的珍珠奶茶挺好學的，有一次嘗試大粒珍珠，不好吃，都係食返細粒珍珠

ｓｈａｒｅｔｅａ我第一次飲，係同同事一齊落佐班之後去九龍城食飯之前飲嘅。我飲嘅喺烏龍奶茶加珍珠，呢度嘅烏龍茶意外Ｄ好合我心水，烏龍茶味超香，珍珠煮的好軟好煙韌，我呢杯嘢好好飲，但係整杯嘢飲完之後晚餐食唔落，飽到死，所以咧下次千其冇喺食飯前經過奶茶店，睇到都要快滴ｒｕｎ，因為奶茶真係太好飲！

有時唔想飲珍珠奶茶但又想有野咬下就會叫朱古力鮮奶加珍珠飲過幾次 每次飲都好重朱古力味最中意歇腳亭可以揀混珠大小珍珠 非常有口感不過有時珍珠偏硬如果想過下口引 都會揀呢間😂

炎炎夏日係旺角行街好似就黎融咁，所以經過呢條好多既飲品店既鼓油街就忍唔住啦，去左性價比高既歇腳亭買左杯芝士奶蓋啦~芝士奶蓋抹茶-大杯$22抹茶味剛剛好，唔會太苦，加上甜味既芝士真心正。不過反而覺得用飲管飲就變左抹茶還抹茶，芝士還芝士，如果凍飲杯可以同熱飲杯一樣既設計就好啦🙈🙈

日日都30幾度，喺條街度真係好難頂，於是趁返工前走去歇腳亭買野飲。成日買親都係珍珠奶茶有啲悶，見熱熱地就買杯芝士草莓飲下先，第一啖飲落去飲唔到啲芝士！😂但好清新，味道酸酸甜甜咁，有啲似細個食果啲冰條紅色果隻味，仲要飲埋啲沙冰，真係透心涼呀！飲左一輪，攪兩攪就開始飲到嘅芝士味，又變左另一種感覺，咸咸地好正呀！一杯飲品入面有2種口感，超抵！下次一定會encore！👍

小妹係好耐好耐好耐之前已經好鍾意飲珍珠奶茶㗎喇以前珍珠奶茶嘅選擇無咁多，來來去去都係得歇腳亭貢茶...唔似得而家行過旺角閒閒地一條街都有三、四間珍珠奶茶係以前未有咁多珍珠奶茶鋪嘅年代，想飲珍珠奶茶多數都係揀歇腳亭或者貢茶兩間鋪頭小妹呢就比較鍾意歇腳亭啦話說有日經過旺角，見到好多珍珠奶茶鋪，但係覺得有少少貴，所以都係簡番珍珠奶茶始祖歇腳亭黎飲<珍珠烏龍奶茶$18>一杯中杯先$18，依家閑閑哋係出邊飲杯珍珠奶茶都成$30，呢個近乎半價嘅價錢真係好抵呀叫咗半糖，甜度啱啱好，奶茶味唔可以話算得上好滑，但係茶味都有嘅珍珠彈口，雖然冇黑糖包住，但係都好好咬Overall 黎講，18蚊杯，抵列爛

天氣咁凍 成日都想飲啲熱野 暖下個手 求其走咗去歇腳亭買左杯台灣冬瓜茶 係熱嘅 然之後再加大珍珠 加大珍珠要加$4 平時叫台灣飲品我都會叫少甜或者微甜 因為台灣飲品通常都係用糖漿 飲得太多我驚有糖尿病 但係台灣冬瓜茶因為佢係用冬瓜漿 再加熱水 所以如果今次我叫微甜或者少甜嘅話其實就係落少咗冬瓜漿 為咗飲杯暖粒粒嘅台灣冬瓜茶 排咗幾分鐘隊 就即刻叫一杯正常甜度嘅台灣冬瓜茶 加埋大珍珠有得咬 可能因為太珍珠放喺熱飲裏面 所以變得份外軟糯 仲好飲啲添啊

真係好難飲，我叫左少咁，我可能自己唔小心啦 原來少甜都仲有70%糖，甜到想嘔，個奶蓋ok的，咸咸地，我鍾意佢夠咸，好咸香，但係個抹茶本身雖然好夠抹茶味，但真係甜到飲唔到，我飲左啲奶蓋之後，飲左半杯就dump左 真係好好好好好好好好好好好好好好好好好好好好好好好好好好好好好甜甜甜甜甜甜甜甜甜甜甜甜甜甜甜.... ...... 左邊果杯就係奶蓋抹茶....我朋友飲右邊果邊珍珠抹茶，佢話微甜係okay的，起碼應該唔會好似我果杯飲緊糖漿咁....以後飲台式飲品，真係試左微甜先.... 我想問，如果正常甜度，有無人飲得落?

周圍都有買台式飲品 見到share tea唔使點排隊 走過去叫咗兩杯野飲 黑糖老薑茶加大珍珠 $24 熱飲嚟嘅 甜甜辣辣都幾啱冬天飲 珍珠如果加落凍飲就會收縮變得比較有彈口 今次珍珠加落熱飲度 口感好煙韌 另一杯係我個friend嘅 佢叫咗杯最普通嘅珍珠奶茶 凍飲黎嘅 $20 就咁睇珍珠份量都OK 佢飲咗一啖我就問佢好唔好飲 佢話OK正常喎