正九清湯腩．冰室 (美輪大廈)

營業中

休息中

餐廳：正九清湯腩．冰室地點：北角英皇道菜式：冰室餐牌：百搭套餐、百搭小菜、西式焗、常餐、新鮮牛腩牛骨,各款飯，飲品，午餐，下午茶餐等等。淨清湯牛腩 $138淨清湯牛腩超多，一共有廿幾件牛腩，整得好淋，牛味濃，無特別吩咐已經係半肥瘦，果然係招牌。下底四大舊白蘿蔔，又淋又香。蔥花另上。個湯果然係清湯，味道唔錯。牛腩河粉 $42牛腩一客6件，同淨清湯牛腩一樣質素。蔥花放匙羹。河粉份量唔少，好滑溜，個湯好清。加菜肉雲吞 $8呢個價錢有兩隻大大隻菜肉雲吞，皮薄餡靚，超多蔥花。香煎牛扒拼炒蛋丹麥酥 $48香煎牛扒兩大薄片，整得肉嫩味道好，帶適量燒汁同少少黑椒已夠味。丹麥酥非常酥脆，暖暖地上枱，面頭已經搽上一層牛油，好香口。滑蛋有汁，配有一片番茄。呢個餐好豐富。汽水跟餐唔洗加錢，有獨立包裝飲管。今餐食物真係好正，就算牛腩以外食物質素都好！餐廳裝修光猛，算乾凈。

【東區】【正九清湯腩．冰室】之前同變本姐同感應姐食過呢間嘢，覺得好正。之後有機會同美女朋友食飯，就大膽提議試呢間，穩穩陣陣，起碼一定好食先。美女朋友試咗佢哋 $52 嘅「清湯牛肚河」，佢話啲牛肚唔錯，河粉都幾正。嘢飲方面佢加 $8 飲「凍奶茶」，佢話驚喜地好飲。而我就試咗樣我要求得比較高嘅先，係 $52 嘅「正九牛肉羹」，我食牛肉羹係好講究，佢哋呢款打到牛肉變肉餅嘅係「軟羹」，係福建泉州嘅做法，而呢度都整得唔錯。另一款「硬羹」係牛肉片咁上，係福建石獅、晉江一帶做法，有機會再同大家講得詳細啲。跟住試 $42 嘅「淨菜肉雲吞」，都好食。加 $8 試「凍咖啡」，啲嘢飲又真係沖得幾好飲。見大家仲有 quota，叫埋 $72 嘅「五柳炸流心蛋」，原來係煎蛋嚟，以為圓姑碌咁上，個醬酸酸甜甜都幾正。埋單夾埋 $234，價錢 okay 呀，最緊要啲嘢好食吖嘛。。。（地址：英皇道442-456號美輪大廈地下12及12A號舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybit

北角新開有質素及美味的小菜加清湯牛腩冰室 熊本熊帶同藍毛毛,浣熊濛仔,拉拉鳥小朋友們去北角一間新開的冰室跟朋友聚會,之前這裡是米線店卻做不住,相信今次這間冰室可以長久下去,因為整體的小菜和清湯牛腩都好有質素,之後有機會一定會再來品嚐,價錢幾公道呢~ 清湯牛腩幼麵餐廳採用每日屠宰的本地新鮮牛腩，供應崩沙腩、爽腩同坑腩，三個部位各有千秋,湯底濃郁卻好清，相當有層次感。這次下午茶只選擇了最基本的牛腩,下次再來試其他優質部位~ 砂鍋雲吞雞配白飯砂鍋雲吞雞是上海的名菜,味道非常鮮美。紹菜吸收了火腿、雞肉的精華，是最快被吃完的配菜~份量好多,有足足大半隻嫩雞，肉滑皮薄~菜肉雲吞則好大粒，如果是鮮蝦雲吞就更完美啦~ 菠蘿脆皮咕嚕肉咕嚕肉是廣東的菜式,又名生炒骨,餐廳的咕嚕肉用上無骨的脢頭肉,頗有肉味,加上酸甜適中的醬汁,配上青椒、紅椒、洋蔥及新鮮菠蘿,意外地出色~ 飲品: 凍鴛鴦(走甜)及菠蘿冰 正九清湯腩．冰室 (美輪大廈)北角英皇道442-456號美輪大廈地下12及12A號舖08:00 - 23:00港鐵北角站B1出口，步行約1分鐘 #冰室 #北角 #正九清湯腩 #中菜 #Chinesefood

🏙️北角地鐵站開了一間超人氣清湯腩的新冰室，🍜主打清湯腩和即炒小菜。冰室裝潢簡單明亮，是典型港式茶記的情懷感。🥩清湯牛腩米線 $52清湯牛腩超多，一共有八九件牛腩，如果想選全肥、全瘦或半肥瘦，可以落單時告知廚房，會特意為你準備。牛腩好淋味道濃郁，不肥不油，招牌菜必須要試。🍗雞中翼 4隻 $33炸雞中翼外皮黃金好脆，炸物力度控制得剛剛好，雞肉肉質很嫩。🥬菜心 （腩汁） $19菜心新鮮爽口，腩汁鹹度適中，菜莖和菜葉分開切好，非常貼心。🍹凍檸蜜 $8吃完一餐豐盛的清湯腩晚餐後，以一杯凍冰冰的凍檸蜜作結，非常完美。📍正九清湯腩．冰室 🏠北角英皇道442-456號美輪大廈地下12及12A號舖⏰08:00 - 23:00🚙港鐵北角站B1出口，步行約1分鐘#hkig #hkfoodie #hongkongfood #hkfood #hkfoodporn #hkfoodies #instafood #hkfoodbloggers #hkigers #ilovesharingfood #openrice #hkinfluencer #foodiehk #相機食先 #香港美食 #北角美食 #香港食評 #香港

原來呢間已經係第五間分店 ! 呢間除咗有招牌牛腩，仲有小菜、常餐、早餐、茶餐、焗飯… 好多選擇！餐牌最吸引到我係可以加咖哩汁撈麵同埋有擔擔麵🤭淨清湯牛腩 ($138)肥瘦適中，肉質軟腍嫩滑 🤤 有肉味湯頭清甜而不油膩，唔會太鹹五香牛展擔擔麵 ($56)牛展夠軟腍，牛肉味香濃，肥瘦適中係比較有特色嘅擔擔麵，一啲都唔辣，叫左少湯就剛剛好擔擔麵湯底唔會太稀，麻醬喺晒個碗底要撈下先食，花生味香濃，上海麵軟硬適中索晒D醬汁🤤 咖哩牛腩河 ($52)牛腩軟腍，咖哩汁濃郁竟然夠辣！配河粉都唔錯，我就會乾撈河粉😁鮮魚湯魚腐浸時蔬 ($78)估唔到佢哋嘅小菜都出色😮 好多大大舊嘅魚腐，清淡得來有魚味👍🏻凍飲只要+$8 餐廳環境乾淨寬敞，店員招待親切，有心思嘅街坊店，值得一試！—𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: yes💳 𝗉𝗋𝗂𝖼𝖾 $70-100 𝗉𝗉 (dinner)🌟 𝗈𝗏𝖾𝗋𝖺𝗅𝗅 7.5/10📍正九清湯腩．冰室北角英皇道442-456號美輪大廈地下12及12A號舖

約咗朋友收工喺港島北角食晚飯，搵咗一間鄰近北角站B1出口一間正九清湯腩冰室，發現入面食物多元化，除咗招牌清湯腩外，還有不少鑊氣小炒，住家菜等，食物質素有驚喜。🤗砂鍋雲吞雞✨✨砂煲雞湯熱辣辣，湯底清甜，雞皮皮薄，雞肉嫩滑，配菜有自家製的餃子，餡料是白菜和豬肉碎，口感豐富，橫加上煮得稔身的娃娃菜，十分開胃。沙茶芥蘭炒牛肉✨✨牛肉大大嚿，配上特製的沙茶醬，煮得入味，芥蘭有別於一般的餐廳，煮得異常稔身，適合老友記食。煎比目魚✨✨比目魚扒大大件，比目魚扒炸得外脆內嫩，魚肉十分滑，香氣撲鼻，送飯一流。椒鹽魷魚鬚✨✨椒鹽魷魚鬚份量足料，魷魚鬚炸得十分香口，魷魚鬚爽口彈牙，十分新鮮，配上鹹豉油更能帶出魷魚鬚的鮮味。

清湯崩沙腩麵崩沙腩原來係牛嘅橫膈膜，表面有一層橫膈膜連埋啲腩肉，筋膜又連埋少少肉，軟腍味香，肥瘦剛剛好，係牛腩當中極為矜貴嘅肉，加$8升級做崩沙腩，完全係超值，份量都唔少。揚州炒飯下午茶餐嚟講，揚州炒飯都幾大碟，配料是蝦、火腿、叉燒、蛋，炒得非常乾身，米飯軟硬適中。冰梅欖角骨每次食小菜都會揀一道「骨」，今次揀咗平時餐廳比較少見嘅冰梅欖角骨，話梅味食落好特別，酸酸甜甜開胃，又好送飯。奶油豬仔包個包幾大個，同個包整得唔會太燶，食落唔會太硬，幾軟身唔錯，落咗超多牛油煉奶，甜甜地幾好味。

🏙️以人氣清湯腩打響名堂的正九清湯腩冰室，真的值得一試再試。位於北角地鐵站附近，一到飯點就人山人海，證明人氣高企。🥩咖喱牛腩河粉 $52港式咖喱味非常濃郁，辛辣感不太刺激但能開胃，牛腩份量很多，肉質嫩滑，味道濃郁。河粉夠滑順，吸收濃郁咖喱汁後更可口。🍗雞中翼 4隻 $33炸雞中翼大件厚肉地，外皮黃金香脆，雞翼肉質很嫩。🥬生菜 （蠔油） $19生菜新鮮爽口，配上蠔油咸度適中，味道清淡可口。🍹凍檸樂 $8吃完咖喱和炸雞翼後來一杯凍檸樂，清爽無比。📍正九清湯腩．冰室 🏠北角英皇道442-456號美輪大廈地下12及12A號鋪⏰08:00 - 23:00🚙港鐵北角站B1出口，步行約1分鐘#hkig #hkfoodie #hongkongfood #hkfood #hkfoodporn #hkfoodies #instafood #hkfoodbloggers #hkigers #ilovesharingfood #openrice #hkinfluencer #foodiehk #相機食先 #香港美食 #北角美食 #香港食評 #香港美食指南 #香港探店 #香港打工仔美食 #香港冰室 #清湯牛腩 #

正九清湯腩．冰室北角美輪大廈地下從街角飄來陣陣香氣，正九的清湯腩又在散發誘人魅力。每碗湯麵的靈魂，是那熬足6小時的清湯，清而不淡，鮮而不膩。店主嚴選牛腩，經過慢火炆煮，肉質軟嫩，入口即化。崩沙口感的和牛腩配上爽滑米線或河粉，再搭配彈牙手打魚蛋，新鮮蘿蔔，為湯底增添自然甜味。餐飲搭配可加$18享用充滿東南亞風味的香茅檸檬🍋店子雖小，但每一碗都是用心之作。想嘗一碗暖心暖胃的清湯腩，正九必然是您的不二之選。

同朋友一齊嚟咗呢間港式餐廳諗住簡單食個晚餐🤣，呢度雖然叫「清湯腩」但係亦都叫「冰室」所以有好多港式小菜可以食🤩$78「魚湯魚腐浸時蔬」：時蔬係白菜仔，白菜仔新鮮，魚湯浸又好味啲，魚腐就軟熟🤣呢度有「百搭套餐」，揀咗 $168「沙薑紅蔥頭油淋雞 配小菜一款」，小菜套餐配白飯兩碗，送「自家製糖水」；小菜一款就揀咗「鹹蛋土魷蒸肉餅」🤣「沙薑紅蔥頭油淋雞」：雞件不同部位有不同口感但係基本上都夠滑，用咗沙薑紅蔥頭油再加埋醬油咁就更加惹味🤣「鹹蛋土魷蒸肉餅」：啖啖肉之餘仲食到啲爽口嘅土魷🤣「自家製糖水」：係番薯糖水，有濃郁薑味👍

喺北角行下行下，見到個熟口熟面嘅九字，係正九清湯腩呀，又到食飯時間就入去食返碗牛崩腩先。點知入到去同之前果間唔同，多左幾份menu，睇下睇下，見到個松鼠魚幾正咁，就唔覺意轉左軚😂後來，食完出去睇真d，原來li間鋪個名有d唔同，叫"正九清湯腩．冰室" ，所以可能因為咁，多好多小菜嗌⭐五柳松鼠魚松鼠魚係去左魚頭，之後原條炸嘅，炸得好香脆，食落嘅肉質好滑😍配埋酸甜嘅汁好開胃，入面仲撈左d配菜，望落顏色豐富，有d咬口，又好睇又好食😍⭐白飯大大碗，撈埋d汁食好正🤤⭐茶走難得飲到杯好飲嘅茶走😍茶味香，唔會澀，仲好滑添😋

放工跟在附近返工的朋友約食飯，順道一起搭車回家。我們常常見，也不用拘泥於食甚麼打卡名店。見這家冰室四四正正，門面光猛，就這家吧。酸菜魚好像食開有條路，見餐牌又有酸菜魚，我朋友兩眼發光，於是點吧，冰室竟然都有，兩個人再點個主食就差不多了，又點了朋友的最愛，星洲炒米。🐟鮮花椒酸菜魚 $118正不正宗不知道，不過這個可以說挺合香港人口味。湯底乳白色，不太辣，是我可以喝得下的湯，挺鮮甜的，魚肉非常嫩滑，配菜有西芹／蓮藕片／木耳／青瓜，搭配蠻清新的。🍝星洲炒米 $65炒得夠鑊氣，好乾爽，不油膩，賣相不俗，味道也是微辣鮮香，黃薑粉的味道突出，非常惹味。米粉剛上桌，新入來的客人路過我們桌問是甚麼，然後就指名也要點。🍵熱菜蜜 $8 跟餐普通熱菜蜜，不會難喝，而且熱熱的，冬天喝好舒服。🍸凍檸水 $8 跟餐茶餐廳我必點凍檸水，也是正常發揮。無加一，埋單$199，好抵食。總結，蠻奇妙的，在冰室吃得到酸菜魚，可見現在的冰室真的與時並進，有用心在鑽研食客的口味，味道也是不錯的。

最近發現正九在北角也開了間冰室，除了以正宗清湯腩粉麵而聞名，這裡還有很多其他選擇。晚市還供應各式小菜，而午市則座無虛席，不過等5分鐘就可以入坐。京都豬扒飯🍛：配以菠蘿和洋蔥，味道適中，豬扒肉質嫩，醬汁酸酸甜甜很開胃。酸菜魚米線🐟：酸菜的酸味和魚肉的鮮甜完美結合，有點小辣，但不至於讓人難以接受，非常適合愛吃辣的朋友。菜肉雲吞，這裡的雲吞是店家自己製作的，確保新鮮。每個雲吞餡料以白菜、豬肉包製，口感豐富，湯底清甜，讓人感受到傳統手工的細膩。正九冰室無疑是北角地區品嚐美食的一個好去處。

正九清湯腩·冰室😘😘😘驚喜晚餐北角美食集滙區、將港式麵檔升華、有西式早餐、下午茶、重點晚市、精緞小菜！除了品嚐港式牛腩麵、又可加餸、一舉兩得😃下午茶餐2:00pm-6:00pm✨牛肚河+凍檸茶$46優惠套裝餐、金錢肚含豐富蛋白質、牛的胃位、其靱性足、爽脆🉑️口、夠彈牙🤩✨清湯牛腩+$10（崩沙腩）$148清湯底「鮮」味、牛腩清香甘甜的濃牛味、肉質坑紋清晰、入口溶化感、腍度剛好、有嚼口、蘿蔔腍甜夠入味😛✨栗子土雞煲$78有驚喜、夠獲氣、軟糯綿綿粟子、入口香甜、土雞嫩滑入味、配菜洋蔥🧅薑片、祕製醬油、爆香、爆炒、配飯一流！✨腐乳通菜$19上湯滾、嫩綠脆口、腐乳醬、提升味蕾口感！正九清湯腩·冰室北角英皇道442號-456號美倫大廈地下12及12A號鋪港鐵北角站B1出口、步行約1分鐘

「正九清湯腩」早排喺北角開咗新分店，餐廳除了主打清湯牛腩外，原來仲有唔少冰室美食、鑊氣小炒、懷舊住家菜等供應。晚市時段到訪，點了一個百搭套餐 ($288)  蒜蓉粉絲蒸蝴蝶蝦，配小菜 2 款、白飯及自家製糖水。蒜蓉粉絲蒸蝴蝶蝦：開邊蝦蒸得啱啱好，蝦肉又嫩又爽，火候控制合宜，粉絲索晒甘香炸蒜同鮮蝦嘅肉汁，令人回味無窮。鳳梨脆皮咕嚕肉：咕嚕肉用上梅頭肉，肉質鬆軟腍滑，食落完全唔痴牙，加上外皮炸得夠香脆，沾上滿滿嘅甜酸汁，夾埋啲菠蘿食，開胃解膩！惹味大馬站煲：啫啫煲熱辣辣，上桌時香味四溢。火腩肥瘦適中，韭菜、豆腐吸收晒蝦醬嘅鹹香同燒腩嘅肉香，用嚟送飯一流。飯後甜品喺餐廳自家製嘅番薯糖水，番薯盛得滿滿，入口腍身香甜，加上微辣薑湯，啱我口味。