正九清湯腩 (砵崙樓)

營業中

休息中

喺呢間餐廳中，牛三寶飯、崩沙腩麵和紅油抄手、上海排骨係不可錯過的美食🥰餐廳每日都好多客人下午茶仲有抵食套餐同送飲品👍牛三寶飯牛三寶飯非常豐富，有牛肚、牛筋、牛腩同蘿蔔😊蘿蔔非常清甜，又無渣👍牛肚、牛筋經過精心醃製，口感滑順軟腍；牛腩則經過慢火燉煮，醬汁濃郁；配上粒粒分明嘅米飯🍚好滿足❤️崩沙腩麵崩沙腩選用肥瘦相間嘅腩肉，經過精心處理，口感彈牙，又爽口。麵條彈牙有勁，吸附了濃郁的湯汁，湯底則是用多種香料熬製而成，味道鮮美😊紅油抄手抄手的皮薄，內餡由新鮮的豬肉和香料製成，口感鮮美。淋上特製的紅油醬汁，香辣可口，讓人一試成癮😋上海排骨上海排骨則是經過醃製和炸制，外酥內嫩，肉質鮮得㴝又香口👍

冬日comfort food梗係食碗熱辣辣粉麵🍜真係快靚正正九清湯腩連蔡瀾先生都提筆「百吃不厭」😋🍜清湯牛腩河粉牛腩可揀肥D、瘦D或者半肥瘦，又可以加$8要崩沙腩／坑腩／爽腩。我揀左崩沙腩，賣相幾靚仔，煮得入味，夠晒火候，肉嫩完全唔韌。湯底清香唔油膩，河粉滑溜，加幾滴辣椒油更好味。🥬灼芥蘭芥蘭灼得翠綠，鮮甜冇苦味，蘸蠔油增鮮味。🐟炸魚皮炸魚皮脆卜卜，鹹香可口，浸湯食更有風味，一碟份量頗多。☕️熱奶茶奶茶滑溜，茶味香濃食粉麵贈送熱飲，凍飲加$3，特飲加$8

又到一日一快食既時間，人忙起上黎都係懶，黎開呢頭又想食咖哩牛腩，必點餐廳~其實時間尚早可以叫佢地既下午茶，而且價錢都好抵，選擇都唔小，黎開呢頭都可以留意下。但佢地既下午茶主打粉面，所以都係散叫!咖哩牛腩飯❤ 港式咖哩香氣濃郁 牛腩數量都唔小，一件一啖唔騷，仲好有咬口，跟埋薯仔等配菜，仲包埋一碗湯，滿足!另外，再叫多份腩汁蘿蔔❤，蘿蔔清甜零渣，入口即溶，好味!! 而且份量都唔小嫁~ 有肉有菜夠哂平均，營養豐富。

說起香港美食，牛腩麵絕對係不二之選，逛完百貨店，見到呢間有名的清湯腩專門店就入去淺嘗，店舖光猛明亮，乾淨簡潔，主打清湯腩為主的粉麵，仲可以升級崩沙腩、坑腩、爽腩，食到有幾刁鑽就幾刁鑽。清湯牛三寶轉撈麵：呷一啖湯頭，用上新鮮牛腩牛骨熬煮而煮既湯頭，特別鮮甜，清淡而又富有層次感，牛腩變得非常軟嫩，肉質吸收了湯汁的精華，散發出濃郁的肉香。撈面麵條比較彈牙，沒有簡水味，分別有包括牛腩、牛筋、牛肚，份量十足，蘿蔔很軟焾，大量碘質，半肥瘦提早揚聲即可，牛肚好軟焾，牛筋夠彈力，牛腩好入味，加上蔥頭，零舍香，帶出清湯嘅鮮甜。咖喱牛腩河粉：咖哩汁另上，有薯仔🥔、焾至軟糯的牛腩、咖哩汁比較似葡汁，椰漿味突出，不會太辣，好惹味 ，每一舊軟嫩牛腩蘸上咖喱特別惹味，配合幼滑河粉，出色。凍檸茶：檸檬茶茶底夠順滑，不會苦澀，加上擠壓過嘅檸檬，甜與酸完美融合，不錯。凍奶茶：香滑無比，淡奶味夠濃厚特出，茶底香濃，用上淡奶，奶脂更香突出。總結：必食清湯牛腩專家 湯頭鮮甜記得沾上自家製辣椒油

喺旺角行開街見到呢間牛腩麵店好受歡迎，平日黃昏時間都座無虛席，我同朋友喺寒流下入去食番碗😆😆我地兩個人叫唔一飯一麵，再加塊菜同小食！我叫咗有牛肚、牛腩同牛根既牛三寶飯😃 啲清湯好正！崩沙腩好多人叫，可以叫肥、瘦、半肥瘦😃大大嚿肉加埋筋膜，正！我亦特別推介炸排骨，餐廳好細心，排骨係切件上既，方便我地一齊分🥰🥰清湯牛三寶飯 $72清湯崩沙腩河 $60腐乳通菜$19炸排骨$33凍檸賓$8凍檸蜜$8正九清湯腩 (砵崙樓) (旺角)旺角砵蘭街124-128號砵崙樓地下B號舖

特登黎食馳名崩沙腩～👉🏻崩沙腩米 叫左招牌崩沙腩，冇特別講明肥瘦，黎到係肥瘦適中，帶一層筋，爽口無渣，牛肉濃，份量都好多😋+$8有兩隻菜肉雲吞，雲吞足料豬肉新鮮。👉🏻牛三寶河呢碗牛腩要左半肥瘦，牛三寶鋪滿成隻湯碗幾大方～牛肚牛筋入味又唔太咸，膠質重，幾正。👉🏻炸雞翼一客4件，超級大隻厚肉，值回票價。入口係古早生炸雞翼味，有咸味唔使點醬都已經好好食😋叫左兩杯野飲，凍檸樂有5、6片檸檬🍋🤩

【旺角•正九清湯腩】@ππππππππππππππππππππππππππππππ清湯牛三寶河牛腩、牛筋和牛肚搭配清湯，湯底鮮美，肉質軟滑，令人滿足。油菜菜心新鮮爽脆，清淡可口，為重口味的菜品增添了一絲清新。排骨擔擔面面條筋道，排骨香嫩，麻醬濃郁，十分入味，令人欲罷不能。麻辣白肉麻辣味十足，肉質鮮嫩，辣味和香氣相互交融，讓人回味無窮。雞中翼（4件）外脆內嫩，調味適中，作為小食非常合適。熱檸檬賓（特飲）酸甜適中，清爽解膩，搭配餐點恰到好處。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 200✨✨✨✨✨✨✨✨✨✨✨✨✨#旺角美食 #正九清湯腩 #web3旺角正九清湯腩 (砵崙樓)砵蘭街124-128號砵崙樓地下B號舖

可能大家覺得好食所以要排隊架星期六中午來到旺角，肚餓想食一碗清湯牛腩河，見到呢間正九清湯腩，好似佢係油尖旺有好多間分店，呢間店面比較細，見到門口要排隊，好彩我得一個人，所以好快就安排到位置，坐低叫咗清湯崩沙腩（要加8元）和腐乳通菜，崩沙腩有牛肉香味，燜煮得爽中帶軟，崩沙腩帶有一塊薄膜，吃起來分外有嚼勁，腐乳通菜排列得整整齊齊，莖部都好嫩，顏色都保持翠綠，點腐乳又係特別惹味，唔點口感清淡，但都爽嫩好食

😋今日響旺角放工想食碗牛腩麵就去左呢間正九清湯腩試☺️發現原來係正野！-<清湯牛腩麵 $52> <轉伊麵底+$5> <加雲吞+$8> <魚蛋+$8>牛腩份量好足好抵食😛半肥瘦，好香牛味！清湯香甜，伊麵掛湯，超大份量食極都有🤣好滿足！加左嘅菜肉雲吞好大粒，魚蛋爽口彈牙，值得加！-呢間野性價比幾高，仲有好多間分店，例如觀塘、佐敦，梗有一間響附近咁款🤣下次同下下次想試佢嘅咖喱牛腩同埋擔擔麵、牛丸、排骨☺️

清湯崩沙腩墨魚丸河 $52（升級崩沙腩+$8；加墨魚丸+$8）食之前上網搵咩叫崩沙腩，原來崩沙腩係牛腩入邊最矜貴嘅存在，佢係牛嘅橫膈膜，表面有一層橫膈膜連住腩肉，筋膜連少少肉，會好軟腍味香，肥瘦啱啱好。見到咁吸引嘅介紹，而佢只係加$8 ，我即刻叫黎試下🙈的確，崩沙腩肉量豐富，腩肉燉得極為入味，肉質軟嫩，而橫膈膜爽口彈牙，增加腩肉嘅口感👍🏻 湯底清澈而不油膩，飲上嚟有淡淡嘅牛骨香氣同蔥花嘅清甜，唔錯。墨魚丸Q彈，正常發揮。河粉份量都多～🤓腐乳通菜 $19一定要大讚腐乳醬，佢獨特發酵嘅鹹香味再加少甜同少少少少辣嘅味道同通菜嘅清甜好match，令到通菜更加惹味🤩 通菜嫩綠爽脆，食落都覺得新鮮，會為咗個腐乳醬再encore😆芬達（跟餐+$8）就係你想像中嘅芬達🤣結論🫰崩沙腩同通菜都值得一試🫰上菜速度快好味度：8.5/10CP值：8.5/10餐廳資料餐廳名稱：正九清湯腩餐廳地址：旺角砵蘭街124-128號砵崙樓地下B號舖

這間店雖然看起來不大，但生意挺好的，好彩早到唔需要等位。一進去就聞到一陣好香的咖喱味。所以這次我點了咖喱牛腩飯，上菜速度非常快。咖喱濃稠，唔會太辣，撈飯特別好吃，牛腩的分量也很足，而且牛腩夠淋唔硬，我最怕黐牙，呢間肉質啱啱好👍🏻#香港 #香港美食 #美食 #旺角 #旺角美食 #正九清湯腩 #咖哩牛腩飯 #牛腩

在旺角要食快而又好味嘅午餐，好快就諗到正九清湯腩好食嘅店舖就係滿座，好在我一個人，侍應姐姐唔食飯住俾個位我，感謝🤣叫咗牛三寶飯加齋啡套餐講得清湯腩，當然試吓個湯先，好清甜喎，飲咗絕對冇口渴嘅感覺，所以我成碗飲晒三寶第一寶係牛腩，我講咗要多啲肥腩，肥嘅部份真係好香呀，入口即溶咁滯，但瘦腩有驚喜喎，有咬口但唔“鞋”，入味得嚟唔鹹第二寶係牛肚，好多地方煮牛肚，都係腍到冇哂質感，但正九呢碗就非常爽口，腍度適中，呢點好重要，加埋辣椒油簡直係一絕第三寶係牛筋，嘩，我好鍾意呢度嘅煮法，質感一流，稍為咬幾下，完全食到骨膠原嘅質感！其實蘿蔔應該可以算係第四寶，冇渣，夠入味，響口腔咬蘿蔔“泌”啲汁出嚟嘅感覺好爽總括而言，大大碗三寶，仲要係精心製作，好有吸引力，仲有其他好嘢，例如牛肉羹，下次再食！

 正九清湯腩 (旺角)旺角砵蘭街124-128號砵崙樓地下B號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：咖喱牛腩河 $52，菜肉雲吞 +$8，炸魚皮 $20咖喱牛腩河：牛腩肉質柔嫩，入口即化，河粉夠滑順，能很好地吸收湯汁，咖喱的香氣濃郁，帶有微辣和香料的風味，與牛腩的鮮美形成完美的配搭，加上湯汁的鹹香味，令人垂涎！😄😄😄菜肉雲吞：吞皮薄而韌，包裹著鮮嫩的餡料，咬下去時既有韌性又有彈性，肉餡的香氣與蔬菜的清甜相互交融，配埋牛腩食一流！👍👍👍炸魚皮：巨型魚皮大大塊，炸至呈現金黃色，外層酥脆，內部則保持著魚皮的彈性和細膩，咬下去時，酥脆的口感令人滿足！😍😍😍

今日過到黎旺角行街，突然想食牛腩，見到呢間粉麵店就入咗嚟試吓😌崩沙腩伊麵：牛腩肉質非常嫩滑，而崩沙腩係牛最矜貴嘅部份🤩呢個部位肥瘦適中，好重牛味😆餐廳竟然有伊麵選擇，比較罕見！湯伊麵好滑而且好掛湯，好好味😍咖喱牛腩飯: 牛腩同飯係分開上，咖喱牛腩份量好足料，薯仔份量都好多😳咖喱唔會過辣，非常之香濃，配飯一流！麻辣白肉: 呢個又係出奇地大份🤣佢既腩肉係好大塊，配埋麻辣醬，好惹味😍腐乳通菜: 通菜好翠綠，食落爽脆，配搭埋腐乳醬好正😚總括嚟講，性價比高同味道一流，值得一試！

今天 下午不想吃飯，我們便走過去旺角砵蘭街正九清湯腩下午茶 。正九清湯腩餐廳已經有很多客人， 我們等了五分鐘， 才找到位置坐下。 我叫了牛三寶幼麵 ， 包括 牛腩、牛筋、牛肚， 又淋又入味；牛三寶與幼麵 配合 ，真是天作之合，十分好味，讓人回味無窮。朋友叫了 清湯牛肚米粉，牛肚又淋又入味， 值得一讚。此外 ，我們又叫了一碟 芥蘭油菜 ，芥蘭煮得好爽， 好味道。再來一杯 冰凍檸檬可樂，在這炎熱的 中午， 既可以消暑 ，又可以解渴， 真是一件賞心樂事。我十分享受今天的 下午茶。