正九清湯腩 (砵崙樓)

營業中

休息中

一個人係油麻地附近做野，交低文件。快食個午餐，食過佐敦正九，眼見呢間旺角正九坐滿人，就幫襯。崩沙腩雙拼雲吞 加蘿蔔 飲啖湯底，夠曬清甜，飲咗大碗湯都完全冇口乾。蘿蔔大件好甜，崩沙腩先係重頭戲！ 非常入味，帶一點咬口，牛嘅部位係半肥瘦，份量好多。下午茶時間只要消費$40 ，下午兩點至六點, 就送支裝汽水或者熱飲。真係好抵食。天氣咁熱我就叫凍檸水 , 都只係加三蚊 。兩點之後人流不絕都係滿座。牛腩又好食，又大碗，唔怪得知咁多人幫襯。

出賣年齡系列，如果細個有睇過Do 姐同子華神嘅<<男親女愛>>嘅話，子華神係裡面嘅其中一句金句係：「中國四大發明，粥、粉、麵、飯。」岩岩發左幾日燒，就聽左子華神講，去搵呢D粥粉麵飯醫醫肚，甘唔想食粥同飯，就去左旺角有間打正旗號專門食清湯腩粉麵嘅鋪頭。GG 有時都幾百厭ga，今次一於反其道而行之😏😏😏，試下佢menu 上面其他野先😈😈😈📌紫菜營養湯 $15紫菜有勁豐富嘅營養，例如有止咳化痰等嘅作用，真係連咳水都唔使飲😂另外紫菜仲蘊藏Omega-3脂肪酸，可以降低發炎、患心血管疾病嘅風險。消炎藥都慳返la😱紫菜仲含大量維他命B雜，成日覺得攰食就會精神返。又可以慳返我d B雜supplements 😆😆😆勁抵📌排骨上海麵 $48GG就勁鐘意食上海排骨麵，上海排骨其實係豬扒泥嘅，即叫即炸，用一層薄薄嘅麵漿包住落油炸，件件都金黃鬆脆而冇油膩感。豬扒醃得夠入味，將佢放落湯度浸下就唔使驚熱氣la。一啖豬扒一啖上湯麵簡直係一流。麵質剛好唔會淋身，不知不覺就好食到成碗食曬🤭🤭🤭而GG 最鐘意食粉麵店嘅丸類，今次都📌加我至愛嘅墨丸 $8。食得出新鮮手打，夠爽夠彈牙。果然係粉

今日喺旺角返工，中午又係落雨真係唔知去邊度好😩😩😩。一落雨天氣唔想去得太遠，真係好想來一碗熱辣辣有湯麵🥰🥰🥰。咁就去咗旺角砵蘭街（正九清湯腩）呢間店出名軟淋淋好咬口牛腩🐮🐮🐮，湯底重要煲好耐，所以特別濃郁清甜， 最適合我而家來返碗。咁我就點咗牛腩麵配碟油菜！飲番杯凍檸茶真係好好味✌️✌️✌️！ 📍正九清湯腩 (旺角)旺角砵蘭街124-128號砵崙樓地下B號舖#香港美食#香港探店#食貨日記

餐廳地理位置方便，服務都很周到，環境企理，冷氣夠涼快😊食物選擇又多，除了清湯腩及粉麵外，還有牛肉羹，擔擔麵，咖喱，小食及飲品。 下午茶時段還送枝裝汽水或熱飲😊非下午茶時間都可用 ＋$8 有枝裝汽水😋▪️清湯牛三寶河$64選三寶河就可以一次過食晒牛腩，牛肚，牛筋，一上枱個碗見唔到d河粉，呢碗粉分量十足😋河粉選用幼身河粉很滑溜，煮得剛好不會過淋，唔會煮到碎濕濕👍牛骨清湯底清甜不肥膩，帶有濃濃嘅牛肉鮮味😋牛腩燜得夠軟身入味唔會韌，肥瘦適中帶著香濃牛味😋 落單時牛腩可以選擇要肥/要瘦/半肥瘦🤩很貼心🥰 如果想轉崩沙腩/爽腩/坑腩只需＋$8😊牛筋燜得剛好不會太淋，Q彈有咬口充滿著滿滿的骨膠原蛋白😊牛肚燜得淋夠入味，容易入口😋▪️正九牛肉羹$52是褔建傳統小食，唔係間間都有得食，嚟到想叫細碗，點知依家得返一個size, 分量之多足夠我做一餐😋 牛肉羹有濃郁牛肉味，羹嘅口感比湯傑身d ，亦比清湯底濃郁更重牛香味😋 牛肉新鮮彈牙有口感，很少筋，一口一粒配上薑絲及蔥花超好味。 配埋有白蘿蔔新鮮燜得恰到好處唔會過淋，入晒湯嘅牛肉味，食落無渣清甜。 店員姐姐放底枝陳醋，建議加入陳醋味道會更添層次更佳😋

今日出旺角, 因為好耐都冇食過牛腩, 諗住搵間港式牛腩粉麵 ☺️ 俾我發掘到呢間好正斗嘅正九清湯牛腩! 😄牛腩真係好多學問, 係我心目中嘅世一港式美食, 遲啲有機會再分享多啲關於對牛腩嘅睇法, 不過基本食牛腩就要有啲要求! 一定要知自己食緊咩, 因為都有分牛筋腩, 坑腩, 爽腩, 崩沙腩等等今次改咗一碗牛腩河一碗魚蛋米嘅小習慣, 嗌咗兩碗牛腩河, 因為正九有得食崩沙腩同爽腩! 先嚟一碗崩沙腩, 牛味重炆得夠腍, 份量都好足! 湯底好好唔會搶咗牛腩嘅味, 值得一試!再嚟一碗爽腩, 爽口滑身, 我自己好鍾意! 另外嗌咗蘿蔔同腐乳通菜, 蘿蔔揀過冇根, 好味! 腐乳通菜新鮮腐乳味粥唔會太鹹, 我都好鍾意❤️加$8仲可以加嘢飲, 連平時茶記收開20幾蚊嘅檸樂檸賓, 都係加$8有得飲!

📍 正九清湯腩 (旺角)旺角砵蘭街124-128號砵崙樓地下B號舖最近好似開多左好多唔同品牌嘅請湯腩，不過最令我記得嘅都係呢間正九，每次都必點佢地嘅牛三寶😋😋牛三寶份量唔少，有牛肚、牛筋、牛腩，全部都煮到好淋👍腩肉肥瘦相間，牛肚、牛筋又腍又彈牙🤤蘿蔔又勁清甜，無根😋加埋佢地清甜嘅清湯底，用嚟當湯飯都好正😋😋下午茶買任何粉面飯，仲有飲品送👍👍佢哋仲有多間分店，旺角油麻地各一間，觀塘都有，行開可以去試吓☺️#牛腩 #正九清湯腩 #高質 #旺角 #旺角美食 #美食推介

想食清湯腩來左📍正九清湯腩🥡買外賣勁多款牛肉湯粉麵飯為左一次過食哂牛腩、牛筋、牛肚叫左清湯牛三寶飯 ～ 個清湯腩湯底好清甜🤩好味啊配埋牛味濃香牛腩、爽口牛肚同彈牙牛筋味道唔錯😌跟餐仲可以$8 加配飲品🥤天氣禁熱叫左杯凍檸檬茶🍋牛腩要瘦、要肥/抑或半肥瘦都可以落單時講聲廚師會盡量幫忙安排～真係幾好📍旺角砵蘭街124-128號砵崙樓地下B號舖#香港好去處 #旺角推薦食品 #油麻地美食#kol #koc #foodkol #foodlovers #blogger #foodblogger #foodkol #food #foodie #foodlover #foodforfoodies #hkfood #hkfoodie #hkfoodblog #hkfoodblogger #hkfoodstagram

我同朋友健身完去食正九清湯腩叫左份淨牛腩 兩個碟頭飯 兩碟菜已經講到明要瘦腩 一上到黎全部肥腩仲有蘿蔔仲多過牛腩 叫兩碗麵都冇一個淨牛腩貴淨牛腩仲少過兩碗麵嘅牛腩上菜單一直漏野 俾小碟菜我哋 仲話俾齊我哋我話去睇返CCTV好唔好 先肯比碟菜 離晒譜俾碟淨牛腩又係 係咁問我哋真係有叫㗎唔會有下一次去 份量又少態度又差真係俾錢買難受 俾錢食嘢仲要係咁俾人質疑有冇叫呢樣嘢？最離譜浮牛腩 130幾蚊仲少過兩碗麵嘅牛腩 真係好過去搶

自己一個就買外賣喇！！！今次叫左 咖喱牛腩飯😃同一份小食 紅油抄手😃。咖喱係好港式地道既，入口唔會太辣，薯仔同牛腩燘得好淋，好夠入味，如果食材既份量可以再多D就更好喇! 白飯唔會好濕，撈埋D咖哩汁，下次一定要再叫多汁! 好好送飯。而個紅油抄手，一隻一啖，紅油夠香夠惹味，餡料充足，亦唔會好辣，怕辣既朋友都可以一試。整體等拎餐既時間都唔耐，等幾分鐘就走得，所以叫外賣都好方便，係食材方面份量再多D就更好喇…

有日夜晚睇完電影，已經差唔多10:00，呢個餐廳都仲有四五個人食緊，叫左牛腩河，+$8轉崩沙腩、肥腩，河粉好食吾會斷開，牛腩都肥瘦相間，而湯底方面吾會係好深色嘅豉油湯，係清清地嘅肉湯

上次去左佢油麻地店，今次去佢旺角站食晚飯。旺角舖舖面面積同油麻地差不多，有七張枱左右紫菜三寶丸河（$43）+雲吞（+$8）：三寶包括墨魚丸，白魚蛋同埋牛丸。墨魚丸咬落彈牙。白魚蛋滑身魚味濃。牛丸juice 牛肉味重有咬口。雲吞大粒，餡料係菜肉餡。河粉唔會一pat pat，條條分明，口感爽滑。腐乳通菜（$19）：份量都幾多。通菜好嫩。同惹味嘅腐乳醬一齊食一流。凍檸賓（跟餐+$8）：味道濃郁，唔會好稀。有兩大片檸檬，酸酸甜甜好解膩。下次要試吓佢啲牛類菜式先。

正九牛腩係九龍區數一數二出名~食過一次反唔到轉頭🤩難得經過要再食多一次😚今次仲upgrade左崩沙腩🤤👉🏻清湯崩沙腩河粉 $58崩沙腩肥瘦適中🤩食落去好爽口彈牙好香牛肉味😋雖然加$8但係真係好好食～🤤份量又多河粉唔會煮到好淋，唔會碎晒又滑加埋d牛骨清湯食下食下都差唔多飲晒d湯🫢👉🏻腩汁蘿蔔 $15啲蘿蔔煮得好淋，一啲渣都冇🤤加埋d腩汁香味，同埋份量都唔少值得一試👍🏻👉🏻 加$8 凍檸檬茶叫個粉就可以跟套餐加$8 有杯檸檬茶😆

又係一間老字號嘅清湯腩，主打牛嘅各部位，裝修簡單，乾淨衛生企理，好闊落坐得舒服。價錢亦唔係太貴。地鐵站行幾分鐘就到，勁方便👍🏼餐牌好多選擇，唔止牛腩仲有崩沙腩。我就揀咗牛三寶河。一次過滿足三種口感。一上枱已經非常之香。聞到都覺得好好味，當堂流晒口水。半肥瘦有口感唔會太韌，牛味好香濃，牛肚好爽無怪味佢個清湯係清淡鮮美，清清地好有牛骨味，無乜味精。地址旺角砵蘭街124-128號砵崙樓地下B號舖港鐵油麻地地鐵站A1出口，步行約3分鐘

大概8點去到門口都超多人係度排隊🤣無論外賣定係堂食都有唔少人🤔裡面竟然有蔡瀾先生寫的書法，門口都有唔少既報道，安排！！！🍝清湯崩沙腩撈伊面崩沙腩分量唔少，大大條咬落去口感彈牙👍🏻跟上既湯超好飲，係新鮮牛腩+牛骨既秘制配方😋🍜正九牛肉羹幼面係福建既傳統小食，製作過程都幾煩瑣，香港好少地方見到有，清爽既口感搭配秘制湯底，建議一試😆🐟炸魚皮乾身薄脆，而且價錢唔貴又大份，咬落去發出既香脆聲，簡直停唔到落來😝🥬腩汁生菜腩汁唔算好濃，搭配翠綠既菜葉十分誘人，成顆生菜的份量絕對唔少👍🏻🥤菜蜜/檸賓冰有做打碎，正常落單，冇提示小冰既情況下，冰係飲品佔比唔算多，哩點好抵贊👏🏻好吃又大份，絕對實際，試過一次絕對路過又想第二次🤩係吃既過程中門口有人係度等位，店內靚女都會盡量安排，會問過接唔接受拼台，唔會強制執行😆而且就算生意爆棚店面仲整理得乾淨整潔，門口有貼住解釋名稱對應牛的部位🤩⚠️牛腩要肥或瘦或半肥瘦記得落單果陣就要講哦😯

揸車去旺角做嘢，但搵唔到位泊車，勁肚餓之下就見到呢間清湯牛腩，好彩佢門口都可以停一陣車，立即極速order個外賣，一睇個menu仲要有我最鍾意食嘅崩沙腩✌🏼✌🏼呢間餐廳出單效率真係極快，由order到攞到外賣，五分鐘都唔使👍🏼下次揸住架車又泊唔到位，又想買外賣，呢間餐廳真係首選！侍應姐姐忙得嚟都仲好有禮貌，都幾impressive🥰之前試過買其他外賣，返到去一打開個蓋發現裏面d嘢食撈埋一堆😟 但今次拎到返公司打開個蓋，d崩沙腩仲好整齊咁排得好靚，食落心情都愉快d🥹崩沙腩湯河🐮🍜佢個湯底真係冇得輸，入口仲好重牛腩牛骨味。崩沙腩個筋膜連少少肉，肥瘦啱啱好，入口軟腍，超正推介！紅油抄手🥟最鍾意佢嘅紅油抄手皮薄、葱花加辣油，入口又滑，咬落有肉汁又彈牙👍🏼