正和軒 - 同仁四季

營業中

休息中

今日約咗兩個長輩去飲茶，疫情下大家都好少接觸，今日就出嚟傾吓計大家問候一番。兩位老人家都好鍾意食炒河粉，今日叫咗一個涼瓜斑頭腩炒河，味道相當不錯，涼瓜切成長長薄薄的一片片，走了油令質感非常之滑及完全冇苦澀味，雖然這是唔夠健康的處理方法，但是相當好味。斑頭腩有很多肉，雖然是雪藏的但也處理得非常好，這個河粉相當不錯。脆皮咕嚕肉惹味香脆，每件肉都唔係好大件方便進食，而且肉質不錯，上桌時每件咕嚕肉都脆卜卜的，吃到最尾那一件還有香脆的感覺非常好。鴛鴦麻辣燒賣一籠有各兩件，麻辣燒賣其實都不錯，花椒味很重有麻香，但我都係較喜歡食傳統的燒賣，這兒做得不錯，有口感。叉燒包每人一個，熱辣辣，包皮鬆軟餡料不太多，趁熱食好好味。但我都係較喜歡食傳統的燒賣，這兒做得不錯，有口感。叉燒包每人一個，熱辣辣，包皮鬆軟餡料不太多，趁熱食好好味。老人家喜歡懷舊的芝麻卷，一碟有四件，這一個甜品就麻麻哋，味道不濃而且比較硬身，有少少失望。但總體而言這裏飲茶是相當不錯，疫情前疫情後服務員的態度都是很好的，值得一讚。

火鍋配以Live Band是何種玩法呢？既驚喜又好夾的餐飲感受。這中菜廳所選用的食材非常新鮮，侍應生送上海鮮盛盤定必相機先食，擺盤浮誇大增食慾。生猛美國龍蝦鮮甜入口即溶，美國肥桶蠔真的非常肥大啖啖肉，海蝦新鮮彈牙肉質厚。海鮮配上椰子文昌雞火鍋底出奇搭配，雞湯清甜，濃濃的椰香另海鮮鮮味更突出，好味😋餐廳早上提供飲茶點心，晚間設有Live Band現場演唱，食客更可隨意點歌，是夜有2枱客人齊歡唱慶祝生辰，歡樂戲氛遍布全場，完全是非一般的火鍋體驗！

朋友遠渡回港約埋飯局，由佢揀咗呢間回味軒， 我哋從來未食過。不過首先講服務就已經唔係好滿意！ 因為我哋想帶支威士忌去，所以打去問下要收幾多錢，但係打電話去冇人聽，佢有個whatsapp熱線，咁我响食飯當日下午一點幾留言查詢，但要等到第二日嘅四五點先覆，仲一句唔好意思都冇！講到食物，我哋四個人叫咗個四人套餐， 一千三百幾 ，裏面包括有西班牙豬、和牛同埋海鮮拼盤，麵、烏冬、菜、餃子等， 首先講和牛一般般水平，細細碟，西班牙豬ok啦，當然冇日本 豬咁好食 ，海鮮拼盤個賣相係ok嘅， 但係帶子係冰鮮嘅，個殼係裝飾㗎咋 ， 蠔係一般桶蠔 ，蝦係新鮮嘅，不過都係普通貨色， 波士頓龍蝦係新鮮嘅，不過啲肉好削， 麻麻地！全餐飯最好食係嗰幾隻餃子，其餘火鍋嘅嘢，最緊要新鮮啫 。埋單四個人連埋加一1500幾 ，你話係咪貴又唔算太貴 ，但係係咪好好食我又唔覺囉！ 會唔會再幫襯？應該唔會呀！

長者正日生日，近近地去食個魚頭火鍋，湯底味道很濃，很地道，魚頭份量也足夠，長者說味道不錯.另外單點了半份牛肉安格斯，量很足，一份帶子有四隻, 一份鴨血，水餃,炸響玲，炸魚皮，牛柏葉，8:30前入座、送了一份黑毛豬，材料都很新鮮，味道. 推介豬和水餃！有個四眼服務姐姐，好nice, 會主動加水換碟我也了解餐廳的特色是有人唱歌，可以點歌，但是歌手都不是專業的，然後水平也有參差，不是每個人都喜歡，有時候會偏嘈，聽不到對方講話，要大聲講話對方才聽得到，這個會有點尷尬⋯⋯

晚上650去到，才知道本來訂好的台吾知道點解取消，但前台好有禮貌，馬上幫我們再安排。雖然近來生意受到影響，但士氣反而更好，前台，招待，連離開時候經理和廚師都有笑容的說多謝和叫老人家小心。餐廳環境舒服，擺切中高檔。哩間餐廳特色就系有人唱歌，今晚系一個大概30歲的男子，可能大家聽得開心，佢亦越唱越投入，雖然唱得普通，但氣氛是非常正。本來12人慶祝生日，但有兩個吾得閑，其實一個套餐2688真系一D都吾貴，但吾想浪費，餐廳又無8人餐，唯有叫半席叫幾個小菜啦！食物可以話所有都熱辣辣，味道適中，部分菜色有特色，就是半席都好大份量。脆香麥皮蝦（5分）-幾特別，有D鹹蛋味，蝦炸得好脆，殼都可以吃。鮮淮山炒鴛鴦片（3分）-鴛鴦片比較少，味道清淡黃金炸百花球（4分）- 外面包一下麵包槺，裡面蝦肉新鮮，咬口吾夠彈力。桃脂海皇燴生翅（4分）-半席都夠十碗，厲害，味道幾好，但當然見不到魚翅啦。翡翠炒龍躉球（3分）-龍躉球不夠厚和咬口，數量也不夠。蒸龍躉頭腩（4分）-味道吾錯，可能哩條龍躉本來吾大，所以頭腩吾乜肉。花菇扣鮑魚（5分）-1488有原只鮑魚，仲幾大只咖，抵啊！鹽香文昌雞（2分）-本來改了一只，但來錯了

正和軒飲茶又平又好吃跟朋友到正和軒飲茶，第一個印象是店員及部長很有禮貌，又會介紹時令的食物給顧客。酸菜魚米缐 現在是推廣價， $98有一大鍋，味道不錯，他們是用脆肉鯇魚做的，魚片比較爽身，跟我平常到深圳吃的有分別。其中一位朋友平日唔吃辣的也説很香花椒味道，這個辣都可以接受。我們還叫了雞包仔、鳳爪、腐皮卷、黑白蝦餃和薑汁糕等，每樣點心都做得不錯，下次可以再來光顧。

同仁の李🥘係深圳都有食過呢間，但只能夠說“太貴”！我同朋友係深圳食，5個人都只係$500多啲人民幣。但係香港食，2個人埋單要$800幾，差不多1千，真係相差太遠🤷🏻‍♀不過香港呢間既service反而比深圳既好，仲可以近距離欣賞music live show好多時諗唔到食乜都一定係揀set好既套餐，乜都可以試下，但係一定會食唔晒的。睇落真係好豐富吖🤤黎到同仁椰子雞就緊係嗌椰子雞湯啦，啲湯真係清甜，絕對會一路打邊爐一路飲晒啲湯😂。職員會放個漏斗係到count時間，之後會建議你食左啲雞先，啲雞都係相對地比較嫩滑。呢個海鮮拼盤擺款唔錯，都有品質保證架。先講生蠔，係有一個手掌咁大✋🏻，咬落啖啖肉，亦唔會太腥。龍蝦亦都一樣大大件，啖啖肉，好彩唔會淥熟得濟會變硬。期他仲有帶子同蝦，不錯！中間個盤豬豚肉係另外送架，但本身個套餐都已經有一份，都係個句啦，係食唔晒的🤭整體黎講，係香港食同深圳食品質都是差不多，但價錢就差一大截，所以我都會選擇返深圳個間食。

最近週不時交通停駛， 放假都唔敢去得遠 ，咁啱一班長輩重陽去完拜祭想坐低食嘢 ，有一位話去開呢間飲茶 ，做細嘅當然要露面陪同啦呢個舖位前身係一間音樂打邊爐餐廳，原來已經轉型，午市可以食點心，仲唔使點等位，紅日入座8成滿裝修完全唔似一間酒樓，仲保留夾band嘅位置，唔知夜晚係咪仲有表演呢？ 座位好寬闊，仲有一啲半圓卡位好有特色， 服務嚟講都算唔錯 ，換碟添水都好勤快， 食物方面就真係普普通通，唔會太鹹嘅但無咩記憶點，最好食係燒賣同流沙奶皇包， 經理極力推介文昌雞 ，不過真係略嫌肥膩咗啲啦

同成班同事去完partyroom玩，夜晚黎左呢間餐廳食椰子雞鍋，呢間餐廳喺內地都出名，之前喺深圳食過一次，好評，見香港開左，就特登過黎試！現場有樂隊唱live, 好有氣氛，仲可以點歌！我地叫左海鮮餐，一個椰子雞鍋、一個麻辣鍋！椰子鍋係用椰青水，所以真係超級甜，可以又食又飲勁正！我地唔加水，選擇要多喳湯底，所以食到尾都仲係咁清甜，飲埋d湯真係好爽！海鮮整體上是ok的，除左帶子！原本全晚都係好評，可惜被幾隻發臭帶子破壞曬！最初食到臭帶子，我以為係同時落左生蠔，比d蠔味影響左（因為我唔食蠔）但係講出黎先發現同時有幾個同事都覺得帶子臭！因為仲有3隻未落，於是我地就聞一聞未淥果d，發現真係臭左！我地叫部長過黎聞下隻帶子，本身部長聞完都話換過成份蟶子比我地（即係佢都聞到臭左）點知幾分鐘後佢出返黎同我地講，師傅話帶子今日先到冇可能會壞，係個殻既味道！聽到真係火我理得佢d貨幾時到，係臭就係臭架啦，佢自己明明都聞到，轉頭竟然話係個殻既味，咩料？之後話我地仲有3隻未食，換3隻蟶子比我地，我地話唔要啦，咩都唔洗換，因為已經一肚氣！最後唔知係心理作用定堅係臭帶子問題，當晚同時有3個人都肚痛！

讚1. 服務爽手，唔使等就有位2. 有啲點心都算少見，核核包就無乜點係其他地方見過彈1. 實在無乜邊樣點叫可以叫好味，腸皮超厚皮，合核包既餡係無合桃味，仲要少，咬幾啖先咬到，連粥都好淡

話說當日行完荃灣ikea好餓唔知食咩好，經過呢間咁岩又見到有得打邊爐，又唔洗等位，就行左入去。一入去聽到歌聲已經有驚喜，原來逢星期四五六都會有人駐唱，仲可以點歌，好有情調。我地三個叫左個二人餐（包括一碟額外送既肉），待應推薦椰子雞湯底，我地冇preference就聽佢話。一送到黎個湯底個樣冇乜特別，雞肉都正常，唔算好滑，但原來驚喜係個湯底度！椰汁湯底十分十分清甜，我地加水之前每人飲左幾碗。至於打邊爐都好精彩！海鮮係有大大隻蠔、龍蝦，仲有蝦、聖子、帶子等等，十分高級。至於沾醬都好特別，豉油可以加青檸，食豬肉同牛肉時沾黎食味道好清新好特別🤤🤤而茶水都唔馬虎！係類似麥茶既東西，好飲。而且待應姐姐們都十分細心十分好服務。食好十分滿足，而且三個人最後係食唔完二人餐，打包左丸同烏冬。其中一位友人甚至翌日立即帶其他朋友再去encore呢，我都打算要再黎encore😆😆

環境舒適夠寛敞，樓底高空間感強。食物質素好的，火鍋湯底正（椰子雞）雞煲煮時間剛好。蠔成隻手掌大，味道好好只是有丁點兒聞到“押味” 手打丸是必食推介彈牙到你唔信。牛柏葉都是大力推介，唔會縮到不見蹤影。呢度有紫准山可以order，大家留意啦～雖然上菜有點慢，但服務態度好好，有禮貌及笑面迎人。最好就是有歌手（唱作歌手）註場，逢星期一至四晚上7~9，聲線是中性，男女歌都難不到她，感覺非常舒服開心，又有點歌服務，一大班人開餐又得，聽歌者又得。