影片
以上資料只供參考, 請與餐廳確認詳情
招牌菜
今日要過西營盤買嘢，咁就順便買啲小食食啲嘢咁。🤗第三站嚟到呢間潮州滷水鵝店🪿，我之前淨係喺佢堅尼地城分店買過幾次外賣，今日啱啱經過先知道西營盤呢間先係老店，所以係有信心嘅👍🏻。今次我就外賣咗以下食品返屋企：🤗滷水鵝肉飯🪿滷水鵝肝飯🪿滷水鵝紅🪿滷水獅頭鵝翼🪿送咗兩個例湯🥣🥣同分店一樣，我鍾意佢啲滷水雖然唔係好陳，但不過鹹亦帶鮮味👍🏻，鵝肉質地亦幾好，唔會太硬太嚡，兼且亦有少量鹹酸菜放盒內角位🪿，亦一樣附送例湯🥣。而滷水鵝紅同埋滷水獅頭鵝翼都幾好味，應該都冇嗌錯。😋而家知道原來老店喺西營盤，咁第二時又多一個選擇，唔係淨係喺堅尼地城先買到，幾好吖～☺️
繼續閱讀
有時一個人食飯，反而可以慢慢品嚐食物嘅細緻。今日晚餐無人約，就走咗入呢間小小的老店 —— 正斗潮州滷味。店舖只得三張枱，唔夠10個座位，但門口不時有人嚟拎外賣，人氣非常高🔥。我點咗最經典嘅 鵝片飯（$55），上枱時份量比想像中多，連碟邊配菜都照顧得好好（有醃菜、豆腐等），令口感更有層次感～鵝片 去骨處理得好乾淨，肉質緊緻有咬口，加少少醋一齊食，將鵝嘅鮮香完全帶出嚟， 滷香濃郁又唔會過鹹，一啖接一啖真係停唔到口🤤🌟特別想讚佢哋嘅 滷豆腐，吸晒滷汁精華，內裡仍然滑溜，真係畫龍點睛！雖然對面都有類似鹵味店，之前我都食開，但最近試過覺得味道有啲退步，反而正斗鵝肉質穩定、味道出眾，可以話係靜靜地贏出👑
繼續閱讀
4/5I tried a few times here, the master stock is beautiful. But the goose get rough when they almost close. If can keep the consistency, it will be a five!
繼續閱讀
.呢排係西環出job，過來搵嘢食。.睇呢度嘅post覺得唔錯，於是過來試下。.🌼招牌滷味雜飯 $40同事話d飯好硬，d鎹同湯都較鹹。.🌼鹵水鵝片+ 鵝腸 $45呢個鵝片唔差，味道適中。鵝腸都係比較脆口，感覺新鮮。但飯好鬆軟，感覺係煮飯嘅時候 落太水得滯。配菜鹵水豆乾好鹹，食左一片就冇食了。鹹菜都一般般，都係較鹹。.🌼湯感覺較鹹。.總體來講 價錢ok平，但質素都麻麻。可能就係得鵝片比較好食d 其他都一般般.
繼續閱讀
有時除了夜麻麻想打冷，午餐發現可以叫外賣潮式鵝片送到辦公室。即管又試吓你這間潮州鵝。半個鐘就從西環送到中環，好快。鵝肉都好新鮮，好有潮州風味，墨魚好爽脆，滷水豆腐好新鮮又入味，不錯不錯！配白粥簡直一流。
繼續閱讀