正斗粥麵專家 (已結業)

今天的至愛是义燒酥，外皮酥香，鬆鬆的...咬一口，配合充滿蜜汁的义燒餡，滋味無窮啊。生滾牛肉粥: 粥底綿綿，蔥很香，但牛肉有渣，扣了分。干炒牛河: 夠鑊氣，一上枱忍不住吃了數口才拍照。但份量偏少，而且好油~

每人都可有夢想！夢想沒有範疇、國界、貧富、年齡、性別、階級等的區分與限制，除了任由呼吸的空氣外，夢想相信是世上最平等，能讓任何人都可擁有的一件事情。從一個完全 "黑暗的世界" 走出來，除了一些令自己反思的問題外，外面的世界彷彿一切如常。晚上十時多，德福商場裡大部份的食肆都關門了，有些正在收拾和清潔中，"寬粉王" 和我看到燈火仍然通明的正斗，再看到營業至晚上十一時的牌子，我倆都放心地入內享用 "晚餐" 了！正斗一向採用優雅的中式佈置，包括以前我常到的 IFC 及紅磡店。而九龍灣的分店味道更濃厚，甫踏入門口位置，已見一個仿製 40、50 年代，在街邊擺賣的擔挑雲吞麵檔，儘管這個擔挑雲吞麵檔是一個美化版，也能透過它感受那些年的社會氣息！擺放擔挑雲吞麵檔的位置，佈置儼如古宅的大廳，襯上水晶吊燈，為大廳加添一份華麗與現代感。從左手邊內進，設有精緻的卡座，寬敞舒適。看過餐牌，二人套餐份量太豐富了，夜深不宜吃得太多，"寬粉王" 與我決定各自選擇自己喜愛的食物。我從沒想過 "寬粉王" 會喜歡上廣東的豬手麵，以往她只愛魚蛋粉，她解釋豬手是用來增肥的最佳食品之一。曾幾何時，我亦有同一個想法，並且將想法付諸

6月19日去完旅行返嚟冇飯帶,就同同事出去食飯,同事話想食呢間,我地就嚟左,三個人點左二人套餐加一碗大雲吞麵.套餐有一碗粥,叫左艇仔粥,另外,有點心拼盤,同埋春卷一碟.好快嚟啦,先嚟粥,都好綿的樣子,好多花生及蔥係面,粥入面有魷魚,魚肉,豬片....等等,真的係好綿呀,熱辣辣好暖胃,好正呀. 花生都好香口,魷魚,魚肉都好味,魷魚爽口,魚肉夠滑,正呀.點心拼盤入面有叉燒包兩個,馬拉糕兩件,牛肉兩粒,蝦餃兩料,另外一碟春卷兩條,嘩好似好多嘢咁呀,,叉燒包好味,入面D叉燒及汁係甜甜地既,叉燒唔肥呀,牛肉,蝦餃都幾好呀,馬拉糕一般,春卷唔夠脆,OK啦.大的雲吞麵有六粒雲吞架,唔記得叫佢剪麵,有點狼狽添,麵好味,夠彈牙,雲吞細細粒但係好多蝦,好爽口彈牙,好好味喎.

一直也很喜歡正斗的食物， 無論雲吞，水餃麵，粥品，點心，腸粉，總會叫我我難選擇，因每樣都好味。但最近連續數次幫襯，水準越來越差。就連最出名的雲吞，也覺得難食！ 雲吞同水餃一放入口， 感覺就像是隔夜的，蝦肉唔新鮮，唔香又唔彈牙。黃沙豬膶腸，豬膶已不再是黃沙，感覺梅梅的，味道差！好明顯佢所買既原材料全部都唔係靚貨，但價錢就越來越貴，如果用呢個價錢食D咁既質素就實在不值！

家住九龍灣, 還要在德福這一帶, 其實有時都幾無奈.整個商場全部都是連鎖食店, 有時想找家細細的麵店吃個雲吞麵也甚艱難.從前也會想到行多2步去淘大,不過近1,2年他們那邊也開始進化, 小店也可以被淘汰.所以這晚放工家裡沒飯開, 沒什麼選擇之下唯有再光顧這家算是食物質素不會太差的正斗點了個豬手麵2大隻豬手放在麵頂, 件頭真的夠大. 不過吃下去, 骨也極之大舊, 皮很薄沒什麼彈性, 雖然說豬手肉多數比較少, 但這2隻除了皮之外根本很難再找到一丁點肉.還好豬手其實算是幾入味的, 而且麵質仍彈牙爽口, 湯底沒味精不過咸, 整體豬手不太理想外, 其他算是不錯.還有豬潤腸粉腸粉皮不算薄, 不過入口沒有一PAT PAT還有米粉香, 內裡的豬潤片份量都幾多的, 入口不算鞋和乾, 是剛熟的程度, 吃起來帶點甘, 不錯.最後再加個湯, 埋單一個人要百多元.吃過好幾次, 這裡的食物質素一向不會太差, 不過價格比一般的粉麵店都要貴, 但在整個地區都是連鎖餐廳的時候, 沒選擇下算是不錯的了.

前往原因：工作關係，收好晚，成9點半先到德福，又無咩胃口。結果男友選了去正斗食2人餐美食試食點：灼時菜蝦米腸雲吞麵牛河桂花糕 - 好正! 由於跟桂花糕合照，所以未能放照片!唔好睇少個餐，我雖然無咩胃口，但都幾飽肚架~ 至少男友都話ok飽!

新嘅一年，走左去九龍灣開一部I-Phone 5 ，搞完之後又好肚餓，所以走左去德福廣場食正斗，依以前嘅食法，依然係一碗細蓉、一碟乾炒牛河同一碟腸粉，我同家姐一齊食，果碗細蓉有d失水準，皂水重過平時，有d臭…碟乾炒牛河冇乜油，very good!👍好鐘意食~腸粉好硬…仲有d凍…服務正常但冇笑容。😱

星期日的德福，要找個位置食飯並不是容易的事，加上朋友正在弄牙齒，始終不能吃太硬的東西，選擇變得更加有限，正斗似乎是唯一比較適合的地方，至少不用排隊，又有粥食嘛。其實，不單食肆要排長龍，泊車也是件苦事，朋友等了廿多分鐘才能把車安頓好，我則先走上來霸位。被安排坐卡位，坐得更舒服，傾計也肯定較為方便。套餐不討好，索性散叫，先來兩碗粥，分別為皮蛋豬潤粥以及魚腩粥，粥底是幾綿的，皮蛋唔錯，甘香晶瑩，黃沙潤沒有異味，魚腩同樣沒有腥味，無謂諸多挑剔了。還記得這裡的乾炒牛河也是名物，某著名食家也專門稱讚過，即管又來一碟。感覺上，鑊氣不太足，味道亦稍為淡口了些少，自行加點辣椒醬就一流，另外，不油膩就是事實，吃至碟底便可知道是有功架的。有粉有粥，不妨又來些小食，涼拌薑蔥魚皮不是人人敢吃。我反正爛命一條，吃了再算。可惜，魚皮雖沒有腥味，卻有欠爽脆口感，鮮味同樣欠奉，大家也吃剩了。至於蝦米腸粉，腸粉皮沒有過厚，但吃起來又算不上滑，勝在蝦米份量慷慨，蔥香十足，沾些甜醬和麻醬同吃，未嚐不可。最後上場的是XO醬炒蘿蔔糕，熱得差點燙熟咀巴，肯定是即叫即炒。然而，炒得不夠香口，粉也太多，是弊端。如果說XO醬炒蘿蔔糕，灣

這晚沒飯吃, 放工後又在德福周圍逛吃什麼好.想吃個中式面, 池記很多人, 又不想行去淘大,餘下的選擇就是這家正斗.正斗是老字號眾所周知, 價格亦不便宜.走進去裝潢古色古香, 我就知道在這個高租金的德福廣場內, 裝修的這麼漂亮, 食物價格必會不便宜.叫了個豬腰潤撈面 (HKD$6X 忘記了)上桌又比我想像中大碟. 豬腰跟豬潤各有4-5片, 先試豬腰, 有點乾, 不算肥美, 但仍算幾爽甜.豬潤好厚又大片, 可惜煮得不夠, 中間帶點漿狀.面條彈牙爽滑無鹼水味, 反而最好的是撈面湯, 十分清甜不咸, 還加有很多蝦子在內, 鮮味十足.埋單一碟面要$6X. 好吃是好吃, 但始終覺得有點太貴.

雖然打入2011年《米芝蓮指南》,但表現實在....一般。官方的文字是....「正斗」的雲吞麵條爽滑，入口有質感，柔軟而彈牙。雲吞的用料新鮮，雲吞皮又薄又滑，雖經烹調而能保持完整，蝦肉、瘦肉、肥肉及配料份量配合得宜，混和一起後，鮮味和肉汁令人齒頰留香，加上湯清味濃，使整碗雲吞麵渾然天成。但大家看看...就講麵條~我認同係爽爽地,但滑呢?就不認同了...質感係有的,但一點都不柔軟,事實上我認為太硬。彈牙呢就一般,但有D咬唔斷的感覺,小朋友應該更加接受唔到吧...再講雲吞的確,雲吞皮又薄又滑,而且能保持完整~(雖然保持完整應該係最基粗的了吧...)但蝦肉死實的感覺,應該用上了死蝦,而且好細只~瘦肉同肥肉我就唔多食出.可能係我的問題吧@@鮮味呢...剛剛說了死實的感覺,又怎有鮮味呢?肉汁就完全係沒有的....後講湯底湯清味濃?應該係"湯清味精濃"湯清係清,因為實在沒有什麼湯料得出...但感覺上味精好重手,至少我食完感到好口渴~服務係完全唔得...好像唔想理客的樣子...而且都算幾貴的說,貴唔係問題既~問題係唔值~

睇完戲有少少肚餓，”正斗” 名氣大就黎試下，但質素和服務都好差啊！窩蛋牛肉粥：粥唔夠熱，撈唔熟個窩蛋，令原本水水地既粥加左一種 “滑lulu” 既口感，蛋香出唔到之餘又味道古怪。雲吞並水餃麵：雲吞比水餃好味，水餃餡整體唔配合，口感差；幼麵只是硬硬地，一點麵條香味也沒有；湯底十分清，好似味精加左水甘。唔知係咪我地差唔多十點先入黎，店員好似趕收工甘 (但佢地好似營業至十點令十一點)，好似唔想做我地生意甘，係收銀位既主管只管食佢既晚餐，想搵佢落單都唔多願做，唔怪得其他員工都甘懶散啦！但一間有名氣既食店點可以有主管係收銀位食野甘茶餐廳 feel 咖。不過食野最緊要好食，但我地真係好失望呢。

今日在九龍灣要找地方食午飯, 想起了正斗一間我在英國的姑姐回港很喜歡到的食店, 她也快將回港了,我路過順便試下此店最近的品質如何吧中午時間等位5分鐘也可以接受, 好左今次唔洗同陌生人同枱食飯忘記一提, 此店係要搭枱的白粥夠熱幾滑, 有米香, 入口綿綿的芥蘭比我上次去細碟了很多, 菜也夠緣色, 有甜味份量太太太小了蝦米腸蝦米也算多, 腸粉夠滑身, 好味潮式蒸粉果($24)完全失望, 皮太厚, 外皮濕濕的形狀仲要粒粒不同右邊果粒好圓, 上面果粒正常形狀, 下面的就餡料太多到底我正在吃甚麼?? 入口硬硬的外皮, 一個餡料無味搓成的糰粉, 仲要濕濕的感覺實左難以用筆墨形容薑葱鯇魚皮($40)魚皮好爽口, 薑葱也夠多, 加上醬汁, 好味肉蛋牛肉粥($42)牛肉唔韌, 但全無牛肉味, 皮蛋還可以此粥一般般細雲吞麵點了雲吞麵很久也未來, 巳問了多次原來要等到有6-7碗的單廚房先會做麵質韌, 生了點雲吞的蝦好鮮, 形狀包得小小很正統的一口一粒,好味, 下次點淨雲吞可以了服務此店人手不足, 食完很久也無人收碟,也無人加茶, 要請服務員加希望姑姐回港時此店品質有點進步吧

知道『正斗』原來是譚詠麟開的，特登來捧吓場！好貴, 埋單仲要加一，真的略貴！但真的好足料, 用料新鮮, 份量超多, 粥底好綿, 不過略嫌不夠米身, 似乎都是打碎d米先煲的, 收得呢個價錢, 唔應該慳呢d爐火吧!田雞粥 - $45　　　　好大隻田雞，真的似是新鮮劏的，連粥底都充滿田雞的鮮香，第一啖入口，真係喜出望外；份量好多，似乎有兩大隻田雞，街市自己買可能都要＞$20，收$45真的不過份。美中不足的是有點過火，不夠滑。皮蛋及底粥 - $45　　　材料又係好多，好似多得濟添，有一整個皮蛋，越食越"漏"，相比田雞粥就有點比下去了，豬潤、豬肚等等"嗱"得好緊要，好爽－－即是好假，不過仍不失是好味道。好大隻的糉 - $45　　　有大大粒的瑤柱，好豐富，仲有蓮子、花生等數都數唔哂，OK，不過個人比較喜歡清淡ｄ平時食到的糉。另外想講吓ｄ招呼，收得呢個價錢，伙記人工應該會高一點掛，我期望可以多一點笑容和禮貌，可以參考吓尖沙咀的 鼎泰豐吧！ ＊＊＊　雖然貴，但好少餐廳有呢個水準，一定會再去試其他嘢！　＊＊＊　

健身完, 餓透了, 腦子全是牛腩撈麵. 便到就近的正斗進餐吧.晚上九時半, 全場一半是空的, 只有小貓三四, 不夠十人. 心感不妙. 但既來之, 則安之. 一坐下, 服務員奉上熱茶和菜單, 便馬上離開, 我只費了五分鐘便選定食品, 視綫一直在尋找服務員, 那知過了五分鐘也沒有人走來,我只好不停揮手, 也不得要領, 剛好另一枱客人要走, 也一起揮手, 服務員終於抬起頭看到了...唉! 點了, 柱候牛腩撈麵, 炸兩, 點心是即叫即蒸的, 那就來個蟹子棉花鷄吧等了十五分鐘, 撈麵來了, 挾了菜心, 一吃! 涼的! 心更涼! 要是伴菜也應該熱的啦. 真討厭. 快喝一口上湯, 幸好是熱的, 味還鮮. 開始吃牛腩,軟軟的, 但沒有柱候醬味, 八角味頗重, 麵有點硬....唉! 又要減分! 這是一碟HKD52 的撈麵為何做得較人家HKD30 的還差! 好了, 炸兩終於來了, 皮也不用那樣薄吧?! 全透視. 要是再裹一層也不算太厚吧. 心想一般人心目中的正斗炸兩應是內脆外滑, 不會內脆外薄啊. HKD32 的食物, 一點也不值蟹子棉花鷄也來了, 一佗的, 用筷子動它

今天非常特別，不用等位，所以試一試。歺牌款式不少，散叫較貴而歺則較平，正好歺內的食物也正是想吃的。雲吞麵 - 不能說好好味，只能用"好味"，湯底蝦味不太濃，算是不錯雲吞 - size適中，彈口，但蝦肉比例過少，爽和鮮欠了少少义燒腸 - 粉皮算薄，也透明，但也看出...較乾身，不是即卷那種，是卷好再蒸那種及第粥 - 粥底好綿，用料也不少..豬肚、腸、潤.....欠了是一齊煮那味道芥蘭 - 超甜，有摘走花頭，但沒有摘走已黃菜葉桂花糕 - 太甜而蓋過桂花香相片評分是"好的"，其實並不如我說那麼差，個人口味問題如因要吃雲吞麵、腸粉或粥，sorry...我會選擇其它店約150元