正月十五 (已結業)

同bff係紅磡食完晚餐仲有好多趣事想分享，所以就搵甜品店食野坐下。行過呢間叫正月十五，睇落環境舒服，同埋禁岩佢地有週年紀念既優惠8折Menu有好多款套餐揀，我同朋友兩個人叫一個set就岩岩好Set 1 楊枝甘露 + 芒果班戟 $62味道正正常常，芒果唔會酸，份糧都幾多兩個人share好抵呀跟著見到鋪單有宣傳follow 佢地ig打卡會送一個甜品，農夫包+雪糕呢個甜品都等左幾奈，一度以為佢地唔記得左😂店主話因為個包會焗所以要等奈一d試完個包，外皮有d硬，咬得我地好辛苦，但入面軟熟的，配雪糕還可以幸好是免費的唔係呢個甜品就會有d失望

之前有晚12點幾同朋友黎咗紅磡呢間甜品舖食嘢吹水，果然無令我哋失望，間嘢開得好近Poly宿舍，好多學生黎食，我都食過幾次，而我最鐘意食嘅係佢嘅雪花冰。佢嘅芒果雪花冰啖啖果肉同爆珠，真係好有口感。佢期間限定嘅華田雪花冰都好有驚喜，賣相吸引之餘，味道亦吾差，鐘意食甜品嘅朋友一定要黎試！！

今日同老公搵甜品食 見佢幾靚咁諗住食 真係未食過咁難食既甜品！！首先講個芒果小丸子 芒果唔甜 成個甜品冇味 啲西米膠到爆！千祈唔好叫！到個心太軟 簡直震驚左我地！個心太軟得兩隻手指公咁大！一口心太軟呀？ 咁都收我58蚊？好難食！冇下次！

一行四人 叫左酒釀芋圓 薑汁丸子 紫米露 仲有個桃味pancake酒釀芋圓怪怪的 有陣藥水味薑汁丸子應該真材實料 薑味濃得乸喉紫米露稠到不行桃味pancake食唔出桃味送嘅雪糕可頌 個包有陣酸味 或許是發酵的緣故吧 但真係唔識欣賞總結 不會有下次吧！

……………………………………………………………………………🍓自家製蛋糕+義大利牛奶泡沫咖啡 $48藍莓芝士蛋糕，上層藍莓醬非常足料，不過比較酸。但系同下層個芝士非常配，芝士味唔系特別濃，不過值得一試。而杯咖啡牛奶味唔係好濃，反而認為咖啡太苦。如果系飲開黑咖啡或者鐘意苦嘅人可以試下。………………………………………………………………………………🍓荔枝雪露+焦糖牛奶 $62荔枝雪露類似一杯沙冰，加入荔枝一齊打碎嘅。而入面有好重嘅奶味，反而因為奶味太重，有少少搶左荔枝個口感。同埋雪露上面加左少少椰果同埋西瓜柆，滿滿夏日氣氛。焦糖牛奶比例相差比較大。感覺焦糖佔2/3，所以整體會好甜，比較適合鐘意甜嘅人。………………………………………………………………………………🍓鮮奶芋圓香芋露+意大利奶凍 $55香芋露甜度適中，牛奶味亦都剛剛好。而且整碗有好多芋粒，加埋芋圓令到成碗口感加分。不過芋圓比較少，芋圓控可以去試下，冇乜粉粒，口感唔錯。奶凍整體比較甜，牛奶味相對比較少，口感有少許似忌廉 。

吃過晚飯，當然要嘆甜品。當我們心思思紅磡哪裡有甜品店時，就發現「正月十五」就在眼前。小店採取先付款、後享受的形式經營，我們各自點了自己的最愛，再交換品嚐。楊枝金露（$38）芒果味清甜，比平時吃開的楊枝金露口感較creamy，似甜忌廉湯似的。鮮奶芋圓紫薯露（$36）一上枱，看到那紫白間條的精緻花紋，立即要相機食先！紫薯味濃，但朋友略嫌芋圓的份量少！生磨杏仁蛋白燉原隻椰皇（$48）朋友大讚，一個字「滑」！而且杏仁味不會搶走椰子味，兩者角色均等！最後，老闆更送上她新研發的雪糕麵包可頌給我們試味，又細心介紹造法，令我們吃出啖啖的人情味！麵包全天然發酵，包的鹹跟雪糕的甜很夾！

係屋企成家人食完飯，諗住大家開開心心一齊食糖水，於是上網上外賣平台睇下。見到呢間甜品店，想試試新野，個店名又幾吸引，loop到見餐牌上的芒果布甸（$40）好吸引，個圖show出除左本身的芒果布甸外，仲有好多新鮮芒果伴碟， 最後係中伏..送到黎，都心知不妙，個杯咁細？！ 見到係一杯好好好普通的芒果布甸..入口只不過係普通芒果布甸，食兩啖就食完，嘩！離晒譜，點解會差咁遠？幅圖同實體會差咁遠？無下次！

同朋友聚下跟住食埋個糖水我提議黎尼度尼間都開左有一段時間幾乎係大學生食堂黎事關好多大學生過黎食糖水聚下傾下計每次經過都幾多人架黎食過幾次味道每次都保持到水準最印象深都係店員好nice好有人情味朋友點左個糖水店員都有提醒佢好有份量架都好熱情講解個糖水入面有咩都提醒有心理準備會係大份同我地閒聊又同我地講曾經有小朋友食得哂挑戰成功添🤣仲有ipad開相俾埋我地睇挑戰成功既人真係好nice好有人情味眼闊肚窄既朋友仔梗係唔信自己食唔哂啦叫左個蜜瓜龍吐珠尼個真係夠3-4個人食飽過黎再食糖水既份量🤣真係好足料架我個西瓜椰汁涼粉真係正常一人份量呀🤣都好食足料呀👍🏻👍🏻👍🏻朋友都好勁，食到大半😂😂隔離枱學生見到我地尼個甜品都為之震驚🤣不過尼度同一般糖水鋪咁啦，你要預同隔離枱坐好近呀出入窄d啦開心食糖水又一日👍🏻👍🏻

早個排同朋友係紅磡食完飯諗住搵下甜品鋪見佢好多正評就一於試下啦坐低打開餐牌一睇，字仲多過相.....（已經嚇親）點知野食一到 簡直失望個奶凍細到兩啖食完個waffle仲恐怖 燶到黑色下次真係唔可以再信好評🙈🙈

呢間甜品種類繁多，多到眼花繚亂。有選擇困難症嘅我同男朋友簡左勁耐都簡唔到樣樣都好想食 個店員超nice居然叫我地簡住一樣先 食得完先再叫 完全唔sale我地啲甜品的確唔差 幾好食係環境就逼左少少Btw係幾正嘅

經開紅磡諗住搵朋友食個甜品佢話食呢間就食啦但原來黃埔地鐵站出口行會近d上網睇見都幾正咁紅磡行左十幾分鐘先到，好在好食咁都抵番點左 #朱古力窩夫伴雪糕 $48因為系即叫即整都等左十零分鐘，好食既野都值得我等既🥰 窩夫朱古力味超濃岩哂朱古力控#糕點三重奏 $48芒果糯米糍系呢度最好賣既，老闆娘咁大力介紹，咁我地就Order 睇下系味真系咁好味來到影相都幾令，糯米皮超軟的～而且幾香Pancake 既cream重芝士味蛋捲入口即溶～芝士控最岩下次再食其他甜品😎

是夜跟舊友們吃完晚飯，意猶未盡便隨便揀間甜品店多坐一會。入到店內，燈光柔和予人溫暖舒適的感覺，環境以甜品店來說算是不錯～打開menu，字字字，全部都是字啊！我們一行五人無不為此感到頭痛...如此多字密密麻麻的menu，在甜品店內不常見吧😂😂左揀右揀，由於沒有太多甜品賣相參考，娜娜最後只是點了個普普通通的Chocolate brownie～甜品十分精緻，亦是合理的味道～沒有拍下友人們的甜品，但整體而言是不錯的，只要你不要期望在這種格調的甜品店內會有優秀的中式甜品就好了🤪

一行三人，叫左4個甜品。即燒焦糖燉鮮奶$30生磨杏仁蛋白燉原隻椰皇$48黑糯米杏仁蛋白燉原隻椰皇$55芒果pancake $30史上最難頂既難食甜品難食到一個點大叫：我們中伏了~ 生磨杏仁蛋白口感極其差，鞋到無朋友，仲要係唔熱既，退了~ 黑糯米杏仁蛋白，質感口感似BB糊仔，鞋+唔熱，味道成陣膠味~ 芒果 Pancake, 忌廉好硬，好似成湯匙魚膠粉啪落口一樣~ 焦糖燉鮮奶，賣相正常但內裡跟表面不一，口感極似奶凍點解仲有 55 個like?! 只可以講絕對唔岩本人口味

上次食嗰間甜品舖，真係食過返尋味所以今次再試下，發現原來間甜品舖都嘅老少咸宜㗎喎。😮⁣櫻桃小丸子芭菲 （$58） ［好味度：9/10］⁣呢個芭菲嘅口感係非常之有層次，可以食到好多唔同texture嘅嘢。🤩 首先，最頂層係有個好暖嘅朱古力muffin。😍 然後下面自家製嘅雪糕，出面搵唔到咁有奶味嘅雪糕㗎。😋 一冷一暖好match。👍 兩個甜嘢之外又有啲酸忌廉去中和返喎，又係令一陣口感同層次。😚 最後加上煙韌嘅小丸子，真係一個perfect parfait。😂⁣野生蜂蜜紅酒燉原隻雪梨 （$48）［好味度；6/10］⁣好老實，呢個唔係好好食，但係都係勝在健康。😚 首先，佢唔甜嘅，皆因佢用野生蜂蜜，本身唔會有甜度，好處就係加熱都唔會遺失佢嘅營養度，所以非常健康。😊 另外，用紅酒去燉呢，開頭食落係冇乜紅酒味，但係食咗兩三啖雪梨之後發現酒的酒精味同埋葡萄嘅酸味會突然湧出嚟，好有趣。🤯 想食得健康啲，又唔想太冇特色嘅話，真係可以一試⁣。😉⁣因為有齊大人鍾意嘅健康嘅同埋小朋友鍾意嘅甜嘢，所以一家大細去食甜品我非常推薦⁣呢間。👨‍👩‍👧‍👧⁣

約左朋友系紅磡諗住可以周圍搵下野食點知大家出黎既時候都已經食左正餐咁就唯有食下甜品🤪勝在中西式甜品都有，款式又夠多，岩哂我地兩個嚴尖既女孩子🤣最後order 左兩樣野 朱古力窩夫伴雪糕 $48朱古力窩夫系即叫即整，所以都等左十零分鐘左右，但系黎到系好食既🥰 要吃好東西就先要學會耐心的等待 ⌛️賣相水果忌廉同埋雪糕，全部都系我既favour 窩夫朱古力味超濃的 糕點三重奏 $48然後那個Pancake 的cream吃完罪惡感加深幾倍😈芒果糯米糍真是超好吃糯米皮軟軟的～香香的~還有哪個蛋捲也太神奇了是入口即溶的芝士蛋捲芝士控必點的🤣大讚啦