殷悅

營業中

休息中

我近日去了一家餐廳，非常喜歡它，下面給大家分享一下我的感受。首先進入餐廳，我被它的裝修風格所吸引，簡約卻不失格調，讓人感到舒適放鬆。服務員也非常友善，迎接我們並幫忙安排座位。菜單上的選擇也非常豐富，從美式漢堡到泰式燜肉飯，還有各種各樣好吃的小點心。我點了一份燒鵝和片皮鴨，味道非常美味。還點了其他菜式，都是非常好吃的。總體而言，這家餐廳的食物是相當優秀的，價格也很合理，服務也很好。如果你還沒去過，我強烈建議你去體驗一下，你一定不會失望。

屋企人好鍾意黎呢間酒店嘅中菜廳飲茶🥰今日朋友從外國返港，特登帶佢嚟試吓～估唔到平日嚟都咁多人，好彩只係等左一陣就好快被安排入座😎提提大家：星期六日係好多客人～我自己通常提早幾日book位！！* 平時都無特登request窗邊位，咁岩今次被安排到窗邊位置🥰 Lucky day~ （好開揚好靚呀✨)* 比一月黎既時候，好似多咗幾款新點心～ 樣樣都想食🤤最後我地一行4人，叫左10樣食物～·蘆筍鮮蝦餃 ·蜜汁叉燒包·龍蝦湯鮮竹卷 ·七味脆豆腐·酥炸龍皇鬚·芝味妃子笑·燒汁和牛鍋貼·意大利黑醋紅海蜇花·花雕醉雞·凍香芒布甸* 蘆筍鮮蝦餃，好似乒乓波咁大粒，入邊啖啖蝦肉好爽口😍 最鍾意係佢個皮唔係好厚 （⭐️⭐️⭐️⭐️⭐️)*龍蝦湯鮮竹卷 ，鮮腐竹炸到脆卜卜 ，加上龍蝦湯係出奇地咁夾👍🏻 食得出係新鮮整出嚟，唔係預先整定再分出嚟～ （⭐️⭐️⭐️⭐️⭐️)*燒汁和牛鍋貼，我記得上次黎係冇呢個嘅～應該係新品，見到隔籬枱食得咁滋味，忍唔住都叫左黎試～鍋貼入邊充滿肉汁🤤 好味好味～ （⭐️⭐️⭐️⭐️)*芝味妃子笑 ，我哋一路都估係甜品～點知原來係蝦膠入邊有流心芝士😂 熱辣辣好好食，而且個賣相好靚😄(⭐️⭐️⭐️⭐️)* 七味脆豆腐 &

📍殷悅荃灣荃華街3號悅來酒店30樓位於30/F的殷悦好光猛，可以飽覽荃灣景色。空間感充足，所以不會覺得焗促。適逢新精頭，門口擺設了一棵大桃花同桔，好應節。叫咗蜜汁叉燒包($36-HKD)，熱辣辣，足料好味。龍蝦湯鮮竹卷($54-HKD)，一般啦，較喜歡傳統的上湯鮮竹卷。蟲草花棉花雞($54-HKD)，呢個價錢只得三塊魚肚，少少蟲草花，幾舊雞肉，好似貴了一點吧。蒜蓉荷香蒸龍躉頭腩飯($208-HKD)，呢蘢蒸飯係好大碟嘅，飯係炒底，抵食與否見仁見智，但味道都好嘅。

我們一行七人，叫嘅食物，多到食唔晒……每人$180 ……以酒店中菜廳來說，算係好抵食！而且佢食物嘅質素，亦算係中常……尤其好食：1 蝦春卷2 龍蝦鮮竹卷3 龍躉荷葉飯4 蝦餃燒賣5 煎釀三寶不過都有一樣食物，令人十分失望……我們久不久就去食，就是因為他的三文魚tart但今次去食，個tart全部都係配料，三文魚非常少！.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant

平時都去開飲茶㗎喇，今晚見係特別紀念人就一家大細去食中菜啦！咁就叫師傅寫咗啲特別菜式嚟試試！酒香聖子皇 - 爽口彈牙，一口叉燒 - 西班牙叉燒與別不同，正。蟹粉蝦球鍋巴 - 最得我心😘！蟹粉多到離晒大譜🐼! 蝦球彈牙，鍋巴鬆脆，蟹粉的蟹膏蟹油多到滿瀉😱，齒頰留香，好像一次過吃多隻大閘蟹，太奢侈了🥳🥳🥳🥳🥳法式芝士蟹粉焗蟹蓋 🦀 - 留少少之前的蟹粉跟蟹蓋一起吃，幸福感延續🍽️…蝦子百花釀海參🥢- 好得意呀用大大條海參釀滿了蝦膠，口感滿足富貴有咪雞配大澳蝦乾糯米飯，原來有三種米整ga 😝好特別🌈咁飽都食晒成碗啊（廚師特別推介）燕窩蛋白杏仁茶！好多燕窩啊！唔太甜啱我😍

「富貴有米雞配大澳蝦乾糯米飯」是這餐最好吃最特別的菜式！見到為之垂涎三尺，食完感覺幸福滿滿！八個菜色中，其中我最喜愛的三個菜式是：1.「富貴有米雞大寶蝦乾糯米飯」，好得意呀！隻雞上面黐住好多脆米；嘩！一啖咬下去：卡嚓一聲，又香又脆！本來已經吃得很飽，都抵不住誘惑繼續食。2. 酒香蟶子皇配一口叉燒，那件金箔叉燒，爆汁的叉燒，超軟超好味！3. 照燒鮑魚，中式天婦羅鮑魚，外層脆脆的非常香口，估不到配上鮑魚會這麼好味！還有：花膠水牛奶燉泰和雞湯(養顏又補骨膠原又好飲的靚湯）蟹粉蝦球鍋巴（大大隻蝦球和美味的蟹粉配鍋巴，要分次序食，先食上面的大蝦，再吃蟹粉再配鍋巴，好有層次感！）蝦子百花釀海參（又好味又補骨膠原）法式芝士蟹粉焗蟹蓋（滿滿的一隻蟹蓋釀了芝士和其他配料，非常香口美味）燕窩蛋白杏仁茶（平日不喜歡的杏仁茶，這裏的真的不一樣的好味，還有燕窩美顏）出去食飯，很少每道菜都讚，這些菜式每樣都非常好味！這餐又補骨膠原又有燕窩養顏，吃完感覺自己都變靚了；這些菜式既好味又美觀，又可以打卡，美味程度絕對有米芝蓮級數，在荃灣區很難找到這種級數的美食！

返工日子跟同事去酒店餐廳食lunch飲茶，坐低一陣開壺人參烏龍茶，估唔到飲落幾香想一飲再飲，點餐過程都算順利，服務員態度幾好，加單同添水好快手。首先嚟燒賣，好大粒夠好熱，泡菜石榴棵顏色搶眼，食落泡菜味幾夾幾好食，上埋鮑螺絲撈麵，多準算幾惹味。整體服務都幾貼心，點心款式同其他酒樓有唔同，點心質素唔錯仲有啲創新款，環境舒適，加上自然光，岩晒同一班同事甚至親戚朋友傾計食嘢，經過今次一定會返去再試其他點心～

爺爺帶住去Panda Hotel30樓殷悅飲茶，環境好好，工作日早上人少d到中午就有好多人過來食飯，茶點基本54蚊以上，茶味22一位，但係如果有識人係度做野就有七折優惠，兩個人慢慢嘆，好悠閒，食左300幾蚊，都算抵食，最緊要d野好好食，浸鮮竹卷，入邊d蝦肉超彈牙，最緊要要趁熱食，皮仲係脆脆嘚，好味！😋

10月 9日剛滿心歡喜帶一家人再到殷悅茗茶，實在令我一家人十分失望，一間曾經那麼出色的中菜廳，現在簡直差到令人驚呀😱😱先說茗茶中的茶，先点**鐵觀音**，一試即吐，為甚麼比低價酒樓更不堪，茶味全無更有一種怪味，再点最普通**壽眉**，一試再吐，真的不知甚麼怪味，坦白說，每位菜錢是 22元，何解如此差劣😒😒跟住喺点了約十款点心，唉，有蝦的点心全是一陣腥味，腸粉皮的厚度簡直近期少見，另点了咕嚕肉，椒鹽九吐魚，椒鹽尤魚鬚是稍為正常的，未可談上好吃，真的十分之失望。未知是否之前主理廚司已轉行，不過以它的收費如再不改善，我想很難再有捧場客，我一家已不會再光顧了😒😒

位於熊貓酒店頂層嘅中菜廳第一次去，裝修好靚，有落地玻璃枱與枱之間都有好多空間色香味俱全，抵食之選所有菜式都十分推介乳豬好脆 叉燒特別好食大家都清晒所有嘢食一定會再嚟！

殷悅位於悅來酒店頂層的中菜廳, 落地玻璃俯瞰整個風景, 米芝蓮星級飯堂, 質素非常高我們點了幾款點心杞子玉帶燒賣時菜牛肉球脆皮鮮竹蝦腸粉荷香珍珠雞元氣芝麻煎堆仔煎釀三寶（紅腸、青椒、茄子）杞子玉帶燒賣是這裏的招牌, 大大粒啖啖肉, 爽口彈牙, 牛肉球是新鮮牛肉製成, 牛味很濃, 蝦腸粉每粒蝦都大粒有咬口, 珍珠雞非常足料, 煎堆仔脆口煙韌, 煎釀三寶是用蝦膠釀製, 用心之作整體水準非常高, 用料新鮮、點心選擇多, 座位舒適, 地方很寬敞, 喜歡寧靜又喜歡嘆一盅兩件, 可以在這裏嘆茶服務態度很好, 主動加茶收碟, 很適合一家大細、朋友聚會的好地方

最近很忙，沒有覓食，趁着假期一起去「飲啖茶，食個包」，我倆很喜歡中菜，悅來酒店的殷悅沒令我們失望！😍😍假期較隨性，沒有預約，臨時想去吃，不用等位，職員服務周到，一到門口便馬上迎接，帶位入座💆🏻‍♀️叫了九樣食物，都挺高質素，對得起它的價錢，肯定會再吃呢！脆皮燒腩仔它最快到的，皮質香脆，肉肥瘦適中，點一點芥末醬，很不錯！我們臨走時才把最後一件肉吃掉，仍然爽脆，值得一吃😊海鮮酸辣湯有酸辣湯的地方，我們也會想試一試。有驚喜！味道濃郁，有層次，酸中帶有鮮味，材料十足！所以啖啖都有海鮮，不加醋也夠味了🤤🤤🤤奇味新竹炒米粉（迷你）我們很欣賞的一道菜👍🏻👍🏻樣子平實，但味道豐富，每條米粉也炒得恰到好處，不會太硬或太軟，加點肉鬆，正！我們吃中菜時很少吃米粉，難得殷悅有這道菜，所以要試試，好味！😋蒜心蝦春卷我們不推薦的一款，雖然材料十足，也很脆，吃到原隻蝦，但跟蒜在一起吃，味道很怪，加上吃下去的黏稠感，令我們感覺怪怪的，每人只吃了半條便沒有吃了。蟹粉鳳眼餃🤤🤤🤤高水準之作！！奇特的我吃餃類不吃餃皮，但這個很願意吃！一口咬下去，有蟹粉、蝦、帶子，菜，所以味道豐富鮮甜，餃皮也是清甜的🤤🤤🤤豉汁蒸鳳爪不推薦，沒

本來為左豬仔包點嚟食，原來已經轉左款，而且新款十分有趣🙈首先環境寬敞，加上有落地大玻璃感覺更開揚。黑松露粉粿（$44）金邊好靚😆黑松露味重，好香。翡翠上素餃（$34）簡簡單單都好食嘅素餃😊淮山棉花雞（$51）淮山爽口，味道不過不失。嚟到重點，A夢豆沙包（$44）「A」貨感十分重😂，入面係紅豆餡，味道正常，只係外型太有衝擊性😂最後甜品叫左紅棗桃膠燉雪燕（$48）桃膠同雪燕比想像中多，甜度適中，值得encore。除左食物，服務態度亦唔錯，偶爾可以再嚟試下。但用酒店中菜水平去評論嘅話，覺得仲有進步空間。

米芝蓮星級飯堂晚餐雖然昂貴但都食得開心，名副其實一分錢一分貨，今晚食咗個四人餐 ：四人套餐可以自選三款小菜瑤柱花膠燴雞絲，清蒸海斑，秘製叉燒皇， 金沙蝦球， 啫啫唐生菜煲， 甜品桂花糕。

幾年前食過呢間中菜廳，覺得質素非常好，原來當時係有米之蓮推介，今日跟住屋企人以住客身份嘆個早午茶，住客有八折優惠。如果正價都真係幾貴。未食前望住個咁開揚嘅view都幾嘆但今日覺得啲嘢食變得10分普通蝦餃真係好大粒，每隻餃入邊都有兩隻蝦🦐🦐蝦肉彈牙爽口，但調味偏淡，皮又厚，整體感覺麻麻哋翡翠素餃，無咩特別大大隻鮑魚酥皮撻，其實分開兩樣嘢係好食嘅，但佢哋真心唔夾，兩種口感唔同嘅食物撞埋一齊，呢個係完美的錯誤示範一鹹一甜，一軟一硬，感覺10分奇怪呢個龍躉蒸飯，蒜香味不足，而且飯根本冇索到魚油，所以成個飯都味道偏淡。呢餐飯得一個人好欣賞😂😂 就係媽咪啦～因為佢平時飲食都好健康，10分欣賞呢到嘅「清茶淡飯」仲要話做會員