毓民私房牛肉麵 (已結業)

o係中港城o個陣幫襯過一次，講真食物質素只算中等，不過有毓民個名都肯定會爭到D 生意。轉戰旺角花園街，呢帶一定係全香港人流最多既地方之一，雖然周圍都係食肆，仍然不愁冇生意。今日仲見到毓民返舖頭，雖然未有機會同佢傾偈，不過佢都算係食得鹹魚抵得渴，服務態度好，應該都唔憂D 客唔會返轉頭。牛肉麵同飯品只屬中庸之作，唔駛多費唇舌。不過值得推介既都係冇，不過兩樣都係小食，第一樣係蒜香肉青，上次幫襯都食過，依然非常回味，另外鹽酥雞都幾好。原本仲想試太后雞，不過得兩個人，半隻都要$80，就無謂了。同場加映內地同胞鬧劇，話說有幾位同胞入黎叫左幾碗麵，跟住有人出去買一大盒鵝翼同一大盒燒肉返黎大快朵頤，奇怪在毓民都睇得好化，費事炳佢，等有人走後就與其他食客討論其行為，哈... 唔知內地同胞既文化同修養幾時可以同佢地個荷包一樣"富"起來呢...

知名度極高的“領匯”終於上市了, 昨日表現奇佳, 浚亦懷著輕鬆心情慕名往試“名咀”的牛肉麵.下午一時半, 店內坐了六至七成食客, 約有六或七位年青待者在忙著, 無人招呼, 自動埋位, 店名既然是“毓民私房牛肉麵”, 當然先試招牌牛肉麵, 二十八元一大碗, 別誤會, 是湯碗一大隻, 不是一大碗湯麵. 內有比五元硬幣略大的薄牛展三件, 白蘿蔔與紅蘿蔔各三大件, 麵及湯.牛展- 薄切的, 沒有“大婆”的那麼淋, 比較有”趙”頭, 還算入味.白蘿蔔與紅蘿蔔- 是跟湯一起煮的, 故帶湯味.麵- 軟綿綿的, 沒有口感.湯- 濃淡恰可.吃時, 同桌食客分別離去, 年青待者執拾時, 態度及手法亦如年齡一樣的幼嫩, 新的餐紙及筷子, 橫七直八地隨意放著, 是的, 這才顯出年青人的不羈. “名咀”是專業, 待應生也是專業, 管理待應生是另一專業, 如何管理管理待應生的人也是另一專業. 店開在九龍城時, 已曾光顧, 從九龍城到中港城, 再轉戰旺角, 箇中原因, 浚心裡有數. 期待著她進步, 但卻反向而行, 經營食肆, 真的不是單靠把口.輕鬆而來, 失望而去, 只好保守地往澳洲牛奶公司填滿只有半飽的肚子.

黎呢度食麵千祈唔好對麵質抱太大期望，反而個湯底先係主角。可能新鋪開張關係，毓民係鋪做其生招牌，企係門口做迎賓。而伙記們新埋班，合作上仲要有改善地方，點解有d伙記唔會落單，又有出場漏單既情況，一切有待改善啦!而坐位編排比較迫，唔會係預你坐低吹水，不過食一碗麵時間，你又想坐人幾耐呢??講返d野食，招牌牛肉麵依舊好味，湯底香濃及好重蘿蔔味，結果整碗湯飲晒，而牛肉亦淋及重肉味，只是麵質普通，唔夠彈牙爽口。鹽酥雞炸得好香口，有九層塔既香味，一味送酒一流既小食。我又叫左燉湯，螺頭燉老雞，湯都幾足料，飲落亦雞味好濃，唔錯唔錯。希望毓民呢檔麵可以繼續做落去啦!!

上個星期日行經呢條街,驚覺原來開左响度. 入去都唔係太多人,响門口"裝"既人多囉. 試左招牌牛肉麵,用既係牛展肉,都幾入味,但個人並不要太喜歡牛展,反而個麵幾好食喎,湯都濃味,紅/白蘿蔔就好大舊,可以切細舊D,沒有苦味.可能新喇,伙計不是太醒目.

廿幾蚊一個面仲可以見到好多名人，抵食呀！今晚行開街見到，先知道原來開左係度，因為road show 的宣傳唔錯, 講到好好味咁~點左...1)牛肉面牛肉好入味又"林"又薄, 好味! 蘿蔔冇渣又係誠意之作, 湯底好清, 其實個味就似媽咪煲的青紅蘿蔔湯, 但係加左係d面度...感覺好怪囉, 仲有係個面一patpat, 好難食,搞到個湯"杰"哂。唔知有冇得走面呢?!我都係鍾意食taiwan"九份"的牛肉面多d!!2)香蔥雞飯個樣一d都唔好睇, 但係好好味~你會見到好多油,但食落唔覺得肥膩, 可能佢同d珍珠米夾得多啦,d雞絲冇乜味但蔥粒咸咸地, 不錯不錯。3)排骨湯貨不對辨!!張相影得好靚好多排骨, 但點知拎到我枱...排骨得3粒仲要係黑色的,張相睇到炸到金黃...!!!好細碗湯, 仲有...有怪味,藥材唔似,味精湯又唔似,可能我唔識食啦。人手唔夠,就算老闆幫埋手都會見到有漏單(梗係啦,大把名人幫襯,毓民點可以唔坐底吹吹水呀?)我見住我隔離枱冇野食,叫外賣又等左廿分鐘。另外,d坐位真係好唔得,坐得好迫,又冇人俾位,搞到我同男朋友打橫坐望住對面呀叔叔,可能毓民想d人快d走,人流多d啦!!

同老公2個諗住掃街但途經見到呢間野(我一路以為係另外一邊花園街)忍唔住入左去食~~一入去...全部都6人桌..但全部都得2pairs人坐..坐剩中間個2個...我覺得呢一點好唔得!唔夠人手之餘~入到去根本無人招呼你問你幾多位個個都好無奈....所以咪搞到d坐位咁囉...唉中間條路得一個人ge闊度..好窄...我行左2,3次後...終於有waiter問我幾多位=.=''...仲叫我地2個坐6人桌中點比人夾住個2個位...最後我選擇等一陣....坐其他位...坐低之後~~又無人知!無人執野無人比menu...我大叫''唔該執野''..先有個女仔執...但桌面明明之前有4個人食完野...佢真係淨係執我地個2個位..隔黎個2個位ge垃圾仲係度....影響我ge胃口...之後毓民返黎..佢親自執野....仲幫我落埋單..叫左一個牛肉麵一個黑油雞翼飯.牛肉麵有3-4舊白蘿蔔同紅蘿蔔..我見好多人都食剩~但我覺得好好味!d牛肉都好淋..不錯的!個雞翼飯就好似好零丁咁..一碟4隻雞翼..一碗白飯...雞翼好普通...都係鹵水翼..但飯出奇地好食!真係好味..有d珍珠米feel..整體都ok la..但

買左個招牌牛肉麵因為係分開湯同麵雖然拎到番屋企食已經係半個鐘之後既事但叮番熱d湯之後仍然覺得幾好蘿蔔好入味,牛肉都有咬口不過至正唔係麵或者牛肉而係d湯朋友仔成碗飲晒下次要試下堂食先得但毓民真係好串等外賣時見佢鬧個樓面

今朝去食健康蛋餅早餐, 九點鐘, 無人。有一個伙計在到瞓覺, 瞓到我地走都未起身。成間舖都係冷清清。枱面張牌有兩類早餐, 蛋餅連方飽和咖啡或茶, 二十元。健康清粥小菜, 都係二十元。我地叫了一個雞絲, 一個冬菇。等了十分鐘左右, 謙虛弱的蛋皮包著少許雞絲, 應該不用一隻蛋吧。旁邊有一塊有皮牛油方飽, 就係咁... 一個好虛弱的早晨呀。跟住後面有個女仔, 等左十分鐘到, 開始唔耐煩, 跟住見到碟早餐, 我見到佢又嬲又失望, 一個早餐對一天來講實在太重要呀。後面有個男人叫了碗牛肉麵, 我地先知原來有牛肉麵供應, 掂解佢唔寫出來呢!!! 呢個蛋餅同在台灣食過的真係差好遠喎, 健康早餐都要飽先得架。須然旺角租貴, 間舖要開到盡, 但係咁樣物只會做壞招牌, 得不償失。

以前開o係海城, 廾幾蚊碗點"維皮"?宜家開係度,應該有得做o既.新開張第三晚幫襯,見到毓民o係度招呼客人,毓民太太做收銀,幾親切.叫個招牌牛肉麵,發覺無論湯底,麵質,牛肉肉質等,同九龍城"大婆牛肉麵"係完全一樣,除左牛肉個樣唔同之外,"大婆"o個D係兩大塊勁厚o既牛肉,而喱度係五六塊比較細塊同薄好多o既牛肉,但有整得極腍o既紅蘿蔔同白籮蔔各三大舊,真係好入味.毓民行尼行去強調D湯絕冇味精,廾幾蚊碗抵食云云.湯底又真係好濃o既,而麵亦好爽口,ok la.