民華餐廳

營業中

休息中

今日約咗朋友食早餐，見到呢到有火腿蛋菠蘿飽，$31，連一杯飲品，旺角區非常合理。等了約10分鐘先到，阿姐話要焗翻熱個飽。上台己有有一陣陣香味，蛋味濃郁，而且面頭卜卜脆，食下有不同口感，而且個菠蘿包很大，一定會食得飽。對比同區另外一家菠蘿油出名嘅餐廳，呢度味道更勝一籌。

發覺"常餐"係呢個世界上其中一個偉大嘅發明，當你諗唔到食咩又或者係趕時間時，"佢"往往都救到你........呢度常餐11點後係 $46 食"牛通"唔一定係沙爹，特別D可以試下薑絲牛肉通粉 真係有薑絲係度，啖湯充滿香辣薑味，鍾意食薑嘅人士會收貨; 牛肉帶點嚼口，唔係比梳打粉"拿"到無晒質感果種; 而通粉亦都軟硬適中，份量都唔算少! 可選配煎太陽蛋拼牛油多士 要太陽蛋取其蛋汁，用黎與牛油多士伴食..............蛋汁香滑配以鬆脆牛油多士...........真係正到無朋友! 去茶記餐飲要熱奶茶是常識吧，用厚身杯能保持溫度，飲落夠香滑!

今天到太子吃早餐，到了這家朋友介紹的餐廳。我叫了一個薑絲牛肉米，炒蛋配餐肉，多士和茶走。一上來，濃郁的牛肉味便撲鼻而來，喝上一口湯，薑絲味配上牛肉10分夾，也有小時候媽媽牛湯的味道。本人10分喜歡學這個湯，特別在這寒冷的冬天，喝了感覺暖暖的。炒蛋也很滑，餐肉煎得金黃外脆內軟，不錯。多士塗上了牛油，吃起來脆脆的，好吃。茶走的茶味香濃，加上煉奶的香甜，很好喝。整體而言，整個早餐的水準都很高，價錢也親民，值得一來。

中午到旺角通菜街民華餐廳午餐， 已經食過無數咁多次， 平時多數叫咖哩牛腩飯或常餐， 今次試下蝦仁炒蛋飯$52、 凍咖啡$12。 蝦仁炒蛋飯賣相都幾好， 蝦仁炒蛋份量多，仲有蔥花， 食起更加香口， 送飯都唔錯。 但唔包飲品凍咖啡要$12， 相比起其他茶餐廳價錢就偏貴。 餐飲方面味道正常， 咖啡味道不算濃厚， 但入口不會有酸澀味。整體食物質素可以， 價錢比起其他茶餐廳貴少少， 勝在地點方便， 所以經常來用餐。民華餐廳地址: 旺角通菜街153-159號華鴻大樓地下C及D號舖

在花墟買完花都差不多2點了，下午茶時段一般都是2:30開始，就諗住行一陣花園街kill time然後食個tea。行下行下見到間民華餐廳，門面裝修ok及被其食物照片的中式點心吸引入去一試。兩個人拿住1大袋東西，侍應姐姐好好人卑張4人枱我地。餐牌上食物種類都幾多，有圖有真相。可能肚餓樣樣都想食。不過此餐廳沒有下午茶時段，常餐分時段早上11點后價錢不同，差8蚊。我試左佢個蕃茄义燒通粉常餐，蕃茄底好味，炒蛋有水準，多士上枱時還暖暖的，值得一讚。本想試佢碟雞札，可惜沽清。老公試左碗牛肋腩粉，佢話個湯底幾好但牛腩有點乾。總括來講，此餐廳值得再來。

真係一得閑就會好想去民華食個常餐 (冇錯 我黎十次十次都係食常餐) 唔好睇佢外表係一間茶餐廳, 其實佢除左茶餐廳,一般既野食之後, 仲有D中式野食, 好似係蒸點心呀! 牛腩河等等。咁我就鐘意就係佢個薑汁湯底味既公仔麵, 如果冬天飲佢個薑汁湯真係有暖身既感覺個餐會有跟埋煎蛋/炒蛋 香腸/火腿, 多士定方包呀等等。飲品就係好standard既茶餐廳味道。奶茶沖得好香濃。食完依個餐真係可以飽到上心口! 真正既大件夾低食。總結: 會經常黎食, 但佢個座位都幾迫下, 食完就拿拿聲想走。岩哂速食既朋友仔

以前成日食，咖哩牛筋腩飯好正，點知今日一食，完全走晒樣，薯仔勁多，牛腩得3嚿，筋都唔多一條。著晒火咁問個後生仔侍應，同我講話依家轉左，係獨立包裝，所以唔可以好似以前咁，鍾意比多d就多d。不過都不突只，d牛腩仲要係又老又雪藏咁。太太食一個新食品，叫滑蛋牛肉飯，d蛋完全唔嫩，勁唏噓，d牛肉又唔痴蛋，跟本同頹飯冇分別。同張相完全係天同地既分別。認真，每碟50幾蚊，比d咁既質素，係完全接受唔到。真係寧願行多幾步去質素完全100%保證的“紅茶”好過。

以前住旺角嗰陣成日都嚟食，差唔多早晚兩餐都有民華餐廳包辦，最鍾意就係食佢嘅通粉餐，特別係鮮茄湯叉燒通粉再加個炒蛋，真係一流。平時同三五知己經過旺角唔知食乜都會入嚟食，但今日入嚟食返，鮮茄湯已經再唔係蕃茄濃湯，反而比以前嘅味道淡咗啲，叉燒食落去亦都冇叉燒味，唔知係轉左師傅，定係材料入貨唔同咗，今次比我嘅感覺有啲失望。不過如果方便嘅話我都推介呢間餐廳，因為有時食宵夜呢間餐廳都係唔錯嘅選擇。不過，當然對呢間餐廳唔好抱太大期望。

今日我去旺角的茶餐廳吃早餐。他們的早餐稱常餐，而且不會有時間上的限制。餐牌上可以從A項、B項及C項加飲品拼湊成一個自己食的常餐。今次我點常餐，主打薑絲牛肉米粉。當然你可以選擇米粉之外的通粉或即食麵。雖然你不能期望他的薑絲會有很「薑」的味道，但是份量也中規中矩，不會令你失望。整個早餐味道算不錯，多士脆口，不是做定擺放很耐的。服務亦很好即刻舉手就會有侍應來協助落單。另外一提，這個茶餐廳特別之處是會提供少量廣東中式點心及中式蒸飯。在難找酒樓的旺角，經常只吃茶餐廳，偶然一次吃點心蒸飯也是不錯的選擇。

來到太子食早餐，很多人第一時間想起金華餐廳。的確，金華的菠蘿包的尺寸可說是全城數一數二，它的早餐也不錯，但我更會推介民華，原因有三。第一，金華的涷奶茶不太妥當。很多冰，但很苦，少甜就更加苦，我覺得是因為茶葉不靚。民華的涷奶茶就是穩陣之作；它還有一個小優點，就是涷飲的飲管是獨立包裝的，好處是我可以為環保而選擇不用。第二是早餐有很多通粉餐選擇。從營養角度看，通粉比即食麵更低卡路里，而且它有很多選擇。這次我叫了薑絲牛肉通粉，其他餐廳的牛肉一定是沙爺，已經不健康，還要十分難咬，民華的牛肉則能夠吞落肚，價錢即使貴一點也值得。第三，它早餐中配多士的餸有數項選擇，可以是火煺蛋，或餐肉蛋，但最重要是有我最愛的雙蛋。這選擇上的自由不是間間茶記也有，對我來說，雙蛋最健康及好吃。最後提提它的防疫措施。民華有很多卡位，都附有一張膠屏風，可讓搭抬的人隔開，另外探熱也有做，算是比較做足政府限聚令要求的茶記。

今天午餐外賣了一個五香牛筋腩湯河，打開蓋就一陣豬臊味，牛腩非常不新鮮，而且機乎每件都是肥油，懷疑專登給外賣客人頭頭尾尾部位，現在間間餐廳都有外賣優惠，此餐廳没有優惠不特止，而且還乘機給人客不新鮮且賣相非常差的食物，之前堂吃没有這麼差，非常失望，不會再有下次。😡😡😡

夜晚打完波諗唔到食咩好 又想搵個地方坐低走咗去旺角食民華餐廳叫咗個普通常餐平平哋#鮮茄叉燒通粉 香腸炒蛋 即烘牛油多士 $46 +3 凍奶茶蕃茄湯都見到好濃 成碗通粉唔算好大喎但都夠晒食飽 叉燒比嘅份量都好足夠而通粉本身唔會話浸到好淋同個番茄湯都幾夾炒蛋都係值得一提幾好食烘多士好出色 外脆內軟 畀嘅牛油份量都適中咬落好有口感凍奶茶嘅質素都唔錯 係普通港式奶茶嘅味道係旺角食到嘅普通茶餐廳風味當太夜搵唔到嘢食嗰陣又想坐低呢間都係唔錯嘅選擇

星期六都要返工，唯有外賣個早餐快食快開工叫左個沙嗲牛麵，餐肉炒蛋，烘多士，凍奶茶(+$3)沙嗲味都夠香濃，牛肉都係例牌野，略嫌薄左少少，口感差DD炒蛋夠晒滑，餐肉正常，味精湯底都濃味旺角黎講算係唔錯嘅早餐，而且都唔使等好耐，幾分鐘就有得拎走，返工唔使怕遲到

今日去咗旺角行街到晚上搵嘢食，記得有間成日都經過但未試過食晚飯，今晚就特登試下呢間餐廳。坐低咗睇餐牌見有兩個瑞士餐及幾個咖哩餐，咁就叫咗個瑞士豬扒煎蛋飯要 $45，個分量都算足，但呢個餐唔包嘢飲，要加多 $13 先有杯凍嘢飲，成個套餐要 $58. 如果有跟個湯或飲品半價都好 d, 可能佢哋仲係用做遊客嘅價錢，講返碟嘢就普通炸咗嘅豬扒，畀個話係瑞士汁，但感覺似普通甜醬油多，豬扒肉質就軟，食落都 ok, 其他就無咩特別或驚喜，有樣覺得唔好係佢哋d 侍應，食完嘢就一陣過來陸陸續續係咁收走 d 嘢，唔知係佢哋無嘢做吖定係想趕你快 d 走，但餐廳仲有好多位無人坐，我知有 d 餐廳好鐘意做呢 d 小動作，但已我來講呢 d 餐廳食過一次後都唔會再幫襯， 所以我都係試過一次就夠喇。

限聚令下的5·1，到了旺角民華餐廳吃早餐，探熱後按店員指示坐了一個位置，環顧四週，坐得幾密下，可見一切正常，沒有受疫情影響，每張檯都有人，沒有像其他食店有安排空置隔離枱，個人觀察是完全沒有1.5米距離，取刀叉的食具櫃污糟，令人不安，點了番茄叉燒、煎蛋通粉，煎蛋不錯，可惜溫度較冷，就是通粉不熱，影響食物失色，多士也是凍的，全個早餐只有檸茶是熱的，很失望！坐得不舒服，吃得不自在，附近還有很多選擇，下次不會再來了！