民華魚蛋粉麵

營業中

休息中

係新街市附近又開始肚餓😂諗唔到食咩，就決定去民華望下，話晒都好多年，同埋我始終都有個常餐情意結係度。去到邊都想食個常餐比較下大家有咩分別。😆兩個人叫左常餐(薑絲牛肉通，火腿炒蛋拼多士)/紫菜五寶湯河/西多士。朋友話想試下呢度嘅點心，所以就叫埋燒賣/雞札。🍀薑絲牛肉通本身佢有好多選擇，平時食得多沙嗲牛麵而呢度有薑絲牛通揀就決定食佢，薑絲可以帶出個牛肉味，而且牛肉本身都夠滑👍🏻。🍀火腿炒蛋拼多士炒蛋係牛乳炒滑蛋果種，加埋多士一齊食好正😋😋😋🍀紫菜五寶湯河好足料入面有幾種魚蛋同魚片，味道唔錯🍀西多士揀左煉奶，一上枱好有驚喜，厚度好足賣相又好，食落仲要唔係得個樣，入面個包唔會話吸晒水份/糖/奶而搞到淋晒，依然好有口感同彈性👍🏻👍🏻👍🏻🍀燒賣/雞札正正常常，兩份都好足料。☺️☺️☺️

約左舊同學食晏再去打波，其中一個同學一向好鍾意喺呢頭買盅頭飯食，民華係佢其中一個熱選點。 外面成日都有街坊排隊買外賣盅頭食飯。粉麵飯外，有最出名又高質嘅常餐。 沙嗲牛肉麵，麵質夠彈牙。炒滑蛋蛋味香濃。我地今日仲揀左其他嘢。蠔仔粥出奇地大碗，蠔仔外型飽滿，味道鮮甜。 湯底亦都幾好味。西多士係即炸熱辣辣，加埋牛油同煉奶淨清湯牛筋腩 同樣係大份量，牛腩牛肋都好多。 牛腩夠腍，牛肋膠質好重。 不過好似有點太大舊，最好再切細少少，始終呢頭都好多老街坊。淨雲吞有六粒，每粒都好巨型吓。 入面有好多豬肉同蝦，難得係無乜肥豬肉，抵讚。熱檸檬可樂煲薑唔係度度有，仲落足料。咸檸七就原罐雪碧加原個檸檬。坐得係會比較迫，但嘢食真心好食，價錢合理，難怪成為街坊食堂。

民華餐廳我細細個已經聽過佢個名 最近幾年都開咗好多唔同嘅分店 成為遊客必去嘅地方之一但我始終鍾情於老店 其中一間老店位於大埔 閒日午市嚟到都非常爆滿 需要同人搭枱之餘 亦要等位 不過為咗美食係值得嘅常餐係必點美食之一 鹹香嘅牛油多士 配上嫩滑鮮奶炒蛋 蛋香十足 食多幾碟都唔厭揀咗坊間少有嘅薑絲牛肉通粉 薑絲好香口 完全帶出牛肉嘅味道 而且好淋 令到整體更加惹味 通粉軟硬適中西多士超級有份量用上厚麵包去做 蛋香十足 炸到外脆內軟 配上極度邪惡嘅鮮牛油同埋煉奶 食完肥10磅都抵大埔民華餐廳嘅特色係亦有中式點心賣 叫咗個四寶雞扎同埋燒賣 四寶雞扎幾足料而且味道幾好 燒賣冇乜特別

上星期六吃過旺角的民華餐廳後大感滿足兼意猶未盡，因此我和寶寶這個星期就來到民華餐廳的大埔分店試試看。住在大埔這麼久，都沒有來光顧過大埔這家民華。大埔分店的名字跟其他分店的有點不一樣，大埔這家叫「民華魚蛋粉麵」。餐牌跟其他民華餐廳的設計很相似，價格則更親民（畢竟其他區租金及營運成本也比這裏貴很多）。另外這家分店跟旺角店最不同的是這裏沒有外地遊客及行李箱，食客多半是其他區的港人及街坊。🤓我們今天什麼都想吃🤣，因此每類食物也點了些。我們點了「常餐」、一碗「牛腩河」、「蘿蔔金錢肚」及「鵪鶉蛋燒賣」，再點了一杯「凍檸樂」。常餐 $41要了個沙嗲牛肉麵，麵質比較硬身，對我來說，煮久一點更好，不過其實多放一會再吃也可以🤣 牛肉質感軟腍，很容易咬開，沙嗲醬香濃，挺好的。另加了$2為多士添上煉奶，多士不夠脆，應該多烘一次更完美，配以滑蛋一起吃又有另一番風味😋牛腩河 $30牛腩炆得軟腍，非常入味，份量也不少，湯底的牛腩味超香濃，河粉也爽滑彈牙，非常推介👍🏻蘿蔔金錢肚 $17份量很多，大概有七至八片，有兩片蘿蔔在底部。豉椒醬汁蠻多且香濃，金錢肚非常入味，底部兩片蘿蔔吸了豉椒汁的精華，一口咬下去非常滿足。鵪鶉

星期日family day，起身第一件事當然要去食番個靚早餐。除咗去茶樓飲茶之外，最中意去港式餐室食個常餐，嘆杯奶茶！今日就揀咗我最喜歡嘅民華！（認真食過一次就每朝心思思想食）一如往常，人頭湧湧，無論咩時間去都係咁多人！好唔容易搵到張四人枱。坐低後：「伙記！3個常餐吖唔該⋯」等咗一陣，飲品先到！我叫咗杯熱檸水，爸爸媽媽分別都叫咗杯熱奶茶。檸水酸度適中，一早飲暖笠笠，好開胃！熱奶茶茶味濃郁，具厚度，不錯！之後嘢食嚟啦！民華既常餐分2部分，第一part有厚多士配火腿/炒蛋/煎蛋/午餐肉/腸仔（任選2款）！非常推介民華嘅炒蛋，炒得非常滑身！另外不得不提佢塊厚多士，外脆內軟，啖啖牛油滋味，好好食呀！而第二part就係粉麵，可以揀沙嗲牛肉麵/火腿或叉燒或薑絲牛肉通粉/雪菜或炸菜肉絲米粉！沙嗲牛肉麵嘅牛肉片鬆軟唔韌，湯底微辣帶花生香，惹味之選。薑絲牛肉通粉係媽媽每次必叫！清清地之餘又夠「薑」味！唔係好多地方食得到！至於叉燒通粉最驚喜，莫過於係「足料」！出面邊有食過碗叉燒通咁多叉燒架！

有時中午唔係好肚餓，想食個中式all day breakfast~就諗起民華最鐘意點個茶餐！因為炒蛋🍳有質素，好嫩滑個多士🥪都有質素，熱辣辣脆卜卜個雪菜肉絲米就正常啦同朋友叫多個燒賣一齊食，味道唔錯的第一次飲檸樂煲薑🍋，驅走寒冬唔錯另一個好介紹係魚湯浸芥蘭芥蘭好翠綠，咬落爽口，唔會硬身間餐廳都幾受歡迎，就算我兩點幾去到都依然好多人🤓🤓所以環境方面，你預咗要搭枱，如果快快脆脆食個午餐就唔錯🤔🤔

尋日約咗個女同個老公去海洋公園，出發之前當然要醫飽個肚先啦。我哋平時都鍾意行去屋企附近茶餐廳食早餐，其實民華已經食過好多次，但今次就第一次試佢哋嘅點心，驚喜地又幾好食喎！我哋叫咗個珍珠雞，牛肉，鳳爪，鵪鶉蛋燒賣。個珍珠雞超級大隻又足料。已其他點心味道亦唔錯，同酒樓食嘅點心不相伯仲！而且佢哋嘅茶餐一向好食，牛肉通係我自愛，奶茶又好味！所以通常假日我都會嚟呢度食早餐！下次再嚟，要試吓其他點心先得喇。👍🏻👍🏻👍🏻

記得小時候媽媽經常帶我到附近茶餐廳吃飯, 其實都吃到有些悶了, 突然有一天大埔開了一間新的餐廳, 叫民華, 咦不是跟旺角那間一樣名嗎?之後吃過了他們的常餐就覺得很好吃, 所以經常來吃早餐都是點常餐, 因為早上點常餐內容是一樣, 但便宜一些呢!那麼多年以來都是超多人, 因為很便宜! 即使加過數次價, 民華的價錢還是很貼地, 一個常餐只要$41!即便很便宜還是有很漂亮的袋裝啡糖呢~常餐可以點米粉, 就要了一個薑+牛肉米粉, 米粉煮得很爽口也不糊, 牛肉也很軟稔不會太韌, 不像普通連鎖茶記用的牛肉, 實在不錯呢今天點了煎蛋, 真的做到脆邊跟入面流質, 還是我以前認識的民華那麼高質素呢!$17一碟油菜! 而且還很綠亦沒有渣, 吃下來超多幾乎有一斤了, 這實在太便宜了吧! 吃菜都飽了呢其中一個最愛民華的原因是有點心叫, 不輸酒樓質素的燒賣也是$17, 難怪那麼多人來光顧!

身為大埔之友，實有黎過民華食一星期我都起碼幫襯一次不論午餐、晚餐、宵夜佢都係一個方便同實惠既選擇-是日番工前一於黎食個飽肚既章魚肉餅飯 $27經濟之選～盅飯每盅都$27味道唔錯，肉餅新鮮-點心$17一款鮮竹卷一碟三件，多汁入味-到我至愛既鵪鶉蛋燒賣，因為唔係周圍都有所以每次黎民華係必點-我同友人一人一個常餐常餐黎講好夠份量，一定飽肚多士厚厚一件配上鮮牛油雙炒蛋既份量好大份，香口又滑有蛋汁唔乾身-今次同友人都不約而同揀左叉燒配粉麵-以下呢個食法係我覺得最好味炒蛋疊係多士面，一啖咬落去，幸福既感覺要再重伸多次、民華既多士真係好出色-茶餐廳黎講民華既水準好高不過大家留意番食飯時間可能要等5-10分鐘先有位同埋坐位係相對有少少逼

之前試過魚旦粉唔錯, 今次試下其他野, 清湯牛筯河, 份量比預期多, 而且味道不錯, 感覺補充了不少骨膠原, 同枱的人都在吃常餐, 我猜應該味道也不錯吧, 下回光顧又有新野試.不過要光顧的話, 就要預些時間等位, 而且坐得濟迫, 要有速吃速閃的心理準備.

先聲明、在附近的麵舗也差不多試食過、所以作了好多對比、這間服務態度算是非常好、味道其次。這間有外賣也有堂食、食過幾次魚蛋河説是非常不錯、因為附近的魚蛋河（街市某記某記或街上某葵老字號）你叫碗麵細到七彩咁細而這間只吃魚蛋河也包好多配菜放上面、可能炸魚皮放上面是這家特式了。●湯底不錯、如果你去街市食湯底通常像透明塩水、但這間湯底算是看得出有顔色（可能是骨底同調味料調合得好）令人一記在心中●一睇廚房員工都好靚仔靚女、環境清潔才令人増加安心感、（付近某某記就是環境汚糟到不想坐…）●服務員記憶力也不錯、幾個客人也能同時處理到訂單●環境陽光充足、我相信大家是重視這間的無敵天花大環境多過他的味道●四五人位或和不認識的人同台食飯時、不能自己慢慢専心食飯、也没有地方放袋放東西、無理由叫一個食客手持東西下食野、這是人類学上是非常高難度的動作。●其實也想食”正宗牛腩撈蝦子麵”、可惜看他也只有普普通通的撈麵。●●真是要説不満的地方：●●「食完有一種無形感覚叫你快點走、不要覇位、最終得到的感覚是一種連飲水消化的時間也没有的圧力。」●●「飲野太貴了、建議自己食完出街買野飲最好。」「外賣通常食量縮水」

晚餐 已經要去到宵夜時間本身黎講就唔係太喜好食飯所以通常都係選擇粉麵我尤其喜歡食茶餐揀左呢間夜晚10點幾11點都仲係坐滿人大家都要預左搭枱同坐迫啲茶餐 $38沙嗲牛肉通 餐肉炒蛋多士呢度既沙嗲牛肉同平時茶記食開既唔同 唔係現成既味道而且牛肉夠哂淋 唔會咬唔開好似香口膠咁 炒蛋香滑 牛油多士份量十足又香脆有關會可以試下 湯粉面 朋友食過都話OK

黎開大埔既人都知道呢度出名多有水準既粉麵同茶記，但由細到大都係食開洪X同蔡X記，所以真係好少去其他舖食。之前朋友介紹一定要黎呢間試下佢地個粉麵，話分量夠抵食，咁就一於搵日經過黎試下。 但最後我揀左最common既茶餐：炒蛋火腿多士加沙爹牛麵凍奶茶。個餐睇見都覺得飽，仲要黎到個分量食落都真係多。沙爹牛麵都係一貫茶記水準，但真係好多牛肉，炒蛋就真係好似啲comments咁講好滑好正，只係我個人黎講可以有多少少鹹味會好啲。總體成個餐黎講真係唔錯，樣樣都好食，而食完感覺非常飽足，剩係個厚多士食完都飽左一半。但提醒一下中午呢度真係好多人，店入面會比較迫同要預左會有人不停喺你後面行黎行去。

星期六午餐時間排隊的人會比較多，但依然選擇排隊，因為茶餐水準穩定，快靚正，即使趕時間，餐廳出餐和流動率都很高。牛油多士面脆內軟，牛油份量適中。炒蛋軟滑午餐肉不會煎得太乾。薑絲牛通，薑味唔會太重，牛肉夠淋唔會硬。

今日午餐時段想食下茶餐，但唔係好多餐廳有得食。行過見到呢間餐廳，入去試下，但好有驚喜！坐位來講，老老實實，就真是唔會坐得舒服嫁了。因為100%要搭枱，而且坐位又細又迫，係啱快食ge!叫左個餐肉炒蛋配雪菜肉絲米，配熱檸水。驚喜地，個烘多士好脆好多牛油！係我食過的茶餐廳最好食的多士！而個炒蛋都炒得好香好食！至於個米粉的湯底好濃好好味！而38蚊來講，呢個質素係超班，再加埋份量足，又食得飽！如果大家唔要求坐得舒服，又想食個快餐，呢個係好選擇！