民豐粉麵行

營業中

休息中

噚日（30-6-2024 Sun）同老公食完晏去買菜，不如八吓多唔多人排隊買民豐糯米糍，嚟到睇，人龍只排到隔幾個舖位，前三叔公條巷，唔通因為啲人北上消費？咁少人就排吓啦，喺排嘅時候，有職員睇住斷開兩截嘅人龍，防止有人打尖，同俾張紙仔客人填定要咩口味，我哋填好喇，等咗唔夠15分鐘就買到啦，原來啱啱9個，由於冇識認咩味打咩味，我就自己昅實店員執糯米糍嘅擺位，執好後我同老公講，最先嗰3個係開心果，之後係榛子，腰果，花生同豆沙。店員聽到話我知係跟紙仔次序由上而下擺，咁我就放心喇。但如果買唔夠用裝嘅數量，而要膠袋裝呢？咪分唔到？拎到返去就食啦，睇見明顯係比簡品堂大個，依家度吓，直徑約6厘米，約5厘米厚，但如上篇2022年4月9日刊登嘅呢篇食評https://www.openrice.com/zh/hongkong/review/blue-%E7%B4%B0%E9%9A%BB%E5%92%97-e4353731講，一早已經細隻咗。先食開心果味，切開睇，開心果碎好細粒，亦有唔少砂糖，食落，係有開心果嘅味道，不過唔夠簡品堂嘅濃，夾咗砂糖就比較甜，糯米皮依然係軟熟，可能大隻啲，有返食糯米糍嘅感覺。3.5

幾十年老店 佢地湯丸...水餃...在區內都好出名 最近開心果糯米糍仲大熱2點半到埗，見到長長既人龍 排左50分鐘終於到我了排隊其間會有張紙仔傳過黎 可以提早劃定口味同數目，規則要注意❗️每人限購2打❗️有5️⃣個口味可以選擇:開心果 / 榛子 / 芝麻 / 花生 / 豆沙店員姐姐提醒: 1-4粒會用袋裝+5粒或以上會有盒提供，咁我就每隻味都買少少試下，好鐘意佢地紙盒裝，設計上好有老香港感覺佢地糯米皮做得好好 細滑輕軟 同時保持到彈性 口感真係一流 又有糯米香，餡料方面就真係各有所好…😅🔸開心果$12近期大熱主打 緊係要試真D，好靚嘅綠色，不過冇乜開心果味 反而糖粉味好重，咬完吞左 口腔先有少少開心果味殘留🔸榛子 $12真係有kinder繽紛樂既味道 偏甜，雖然唔係好習慣佢個非主流味 不過比想像來得多左驚喜🔸芝麻 $6甜度適中 芝麻味香濃 真皮薄餡多👍🏻佢係咁多個味道中 糯米皮包得最薄<2mm🔸花生 $6經典花生糖碎餡 炒過既花生夠香夠乾身，粗幼顆粒比例好適合我 🔸豆沙 $6軟香既豆沙蓉 食落香甜細緻唔會太甜 亦冇任何膩感，另一驚喜之選* 店員姐姐呼籲: 糯米糍要即日食 唔可以過夜*

這間遠近馳名的民豐粉麵行，其出品的糯米糍風頭可以說是一時無兩🔥無論日夜人龍都絡繹不絕👯‍♀️曾聽說有朋友等了一小時才能賣得心頭好🤯非常誇張😵———————————————————————糯米糍大小適中👌🏻外皮算薄身而且質感煙韌☺️不用擔心會因糯米皮破損而漏餡🙂脹卜卜的糯米糍入面全是真材實料的開心果碎🤩口感香脆，唯開心果略嫌炒得未夠香🤔令開心果味未算濃烈🤨另外果仁碎中混合的砂糖比例合適，甜度剛好👌🏻相信大部分人都能接受👍🏻榛子餡料味道十分香濃😋讓人有少許在吃金莎的感覺😂相比起開心果餡，榛子餡質感較為濕潤🌧️不會像開心果餡那麼鬆散，吃起上來沒有那麼狼狽😅但同時也沒有那麼香脆😗甜度亦較開心果口味高，難免令人有少許膩感😞韭菜餅不斷新鮮熱辣地從旁邊的鐵板上出爐🔥排隊時已經聞到韭菜香氣四溢🥰令人食慾大🤤韭菜餅入口時仍然非常熱燙，表面雖然煎得十分金黃✨但口感略嫌過硬🥴未夠酥脆，幸好餅皮未算太厚👌🏻帶點煙韌得來亦不會太油膩，未有帶來太大負擔感☺️內餡方面韭菜豬肉份量十足，而且兩者比例恰到好處😋韭菜味十級香濃之餘又充滿豬肉油香🐽令餡料肉汁豐富，整體味道得以大大昇華👍🏻——————————————————————

民豐糯米糍絕對係香港傳統甜品嘅代表！今次試咗佢哋出名嘅四款口味，包括花生、芝麻、開心果同紅豆，每款都各具特色，絕對係味蕾嘅享受！外層糯米團非常軟糯香滑，唔會太黏牙，但卻能保留著糯米獨有嘅彈性。內餡飽滿而香甜，花生味濃郁、芝麻香滑、開心果帶點微鹹，而紅豆嘅甜味剛剛好，唔會過膩。鍾意傳統糯米糍嘅朋友，民豐一定係必試之選，細膩嘅味道保證會帶你重溫經典甜品嘅美好時光！#民豐糯米糍 #經典甜品 #香港傳統美食 #懷舊滋味

真正皮薄餡靚，開心果香味爆燈，絕對值得排隊等候！另外溫馨提示，除咗開心果味之外，腰果味亦不容忽視👍🏻👍🏻👍🏻👍🏻👍🏻👍🏻下次幫襯應該要再試多幾隻味道👅

荃灣人氣糯米糍-民豐粉麵行終於試到呢間喺荃灣嘅人氣糯米糍，聽講每次都要排長龍，今日都唔例外，而且每人只限買24粒，想買多啲就要再排啦😀傍晚嚟到花生味已經賣晒啦🥲好彩仲有開心果味😅重點咗芝麻味、腰果味同豆沙味。開心果味唔錯，唔會太甜，開心果碎好香🤤估唔到芝麻都有驚喜，芝麻味好香濃，而且芝麻碎好分明，唔係好黏嘅感覺🤪想試晒咁多隻味就真係要早啲嚟排隊啦

-前排開心果好hit！呢間開心果糯米糍成日都大排長龍😲 之前都有食過呢間老字號嘅花生🥜同芝麻味糯米糍($6)，仲有煎韮菜餅都唔錯😛 依家就冇之前要排咁耐，平日lunch 時間都係大概10分鐘就買到😉開心果糯米糍 $12糯米糍外皮又軟糯又帶少少Q😍😍 厚度岩岩好，外皮有存在感而餡料都好豐富😋 開心果係磨左碎粒加埋糖，唔會太甜，開心果幾香不過我會鍾意西式少少開心果醬多過咁中式嘅味道🙈榛子🌰糯米糍 $12呢個有驚喜！食落有啲似金莎😋 我就鍾意呢個同花生味多過開心果味喇😛📍民豐粉麵行荃灣街市街35號地舖

呢間荃灣日日都排長龍，咁多年都無食過，今日有啲時間就排下，排左十分鐘，要寫定紙仔阿姐即時執齊比你，你都欣賞姐姐細心會將你點嘅順序排列，咁就分到咩味啦，食左開心果味同榛子味，兩個都好好味，皮薄餡多，又唔會勁甜正🤣仲有芝麻花生同豆沙腰果，但果幾個味道冇試過，所以唔知好唔好味😂但總括嚟講唔鍾意排隊既我，我都覺得係值得排嘅，下次試埋旁邊嘅餃子蘿蔔糕，個邊都要排係條龍短D,聽屋企人講佢開左起碼廿年、咁多年都係咁好生意，鍾意佢咁好生意都冇加價，都係平民價錢值得支持小店😉

近來好岀名的糯米糍，每次行過都一定排左長長嘅人龍。不過以前未有開心果味嘅時候係唔使排隊架，所以要排長龍就無再食過。今日經過竟然無人排隊，諗住問下朋友食咩味先買，點知唔夠幾分鐘，人龍又岀現了，不過幾個人就等一下。排隊嘅時候，先喺圍欄線先攞張order紙，寫低你要買嘅味同數量。今次除左我至愛嘅花生味，仲試左榛子同開心果味。買5個或以上會有盒。榛子味（$12），食落唔覺有榛子味。開心果味（$12），都係甜味多啲，都有少少開心果味。我個人覺得傳統花生味最香，其他都係偏甜，值唔值得排好耐買，我就唔會lu 。

平日3點嚟到 完全唔使排隊🫡寫紙仔要咩味 交畀姐姐就ok見職員都不斷d新鮮糯米糍出嚟▫️開心果糯米糍 ($12)個皮比一般坊間嘅糯米糍厚餡料係真開心果粒碎 超重開心果味👍🏼美中不足係個皮比餡料多😮‍💨食落7成麵粉3成開心果▫️豆沙糯米糍 ($6)超級厚 一大啖咬落去都仲未見到餡🥲豆沙偏甜好normal 建議都係試返開心果味！┄┅┄┅┄┅┄┅┄┅┄┅┄┅┄┅┄

好出名嘅糯米糍ʕ •ᴥ•ʔ即使排幾個人都等左5-10分鐘因為前面啲人都買好多lol我地遊客mode一人一粒呢個應該係我食過最好食嘅開心果產品(⁎⁍̴̛ᴗ⁍̴̛⁎)開心果碎加埋花生水好香而且糯米糍塊皮好軟熟煙韌Jeng><

已經係第二次回購啦，成為去荃灣買必食清單！真係香港食過嘅糯米糍裏便最好食！之前已經評論過一次，佢嘅水準依然保持一樣！所以照po返啲評論出嚟// 糯米糍個皮超軟熟，咬落好彈牙。佢雖然唔算薄皮，但個皮係好好食、唔甜，同個餡嘅比例係相符，因為佢個餡非常豐富、毫不吝嗇，所以個皮相對厚番少少，就可以平衡返個甜度同膩感。全部味道嘅餡都有夾雜砂糖，咬落脆脆的，豐富口感。個人覺得佢厲害之處，係啲沙糖竟然唔會溶！擺咗超過12個小時先食都可以咁好食！啲砂糖完全冇溶，個皮依然保持乾爽、軟熟、彈牙真心大癲！試過好多糯米糍會出水，個皮都爛晒。。。一係就一咬啲皮太黏，漿住喺個嘴度。。。所以呢間真係My Best Mochi by Far！！！夠膽講全部餡都好好味，真係睇你個人鍾意咩味多啲。第二次回購每款兩舊// 開心果 ＄12近期開心果甜品係必食，甜度同Nuts香拿捏得非常好！// 榛子一開始以為係Nutella醬，點知切開同花生勁似，以為會失望，但竟然食落真係超香濃榛子味！！！// 芝麻甜甜嘅芝麻餡，正常發揮地好食！反而喺食法嘅次序上可以俾多啲意見，建議芝麻>榛子>開心果(即是開心果偏甜)

下雨的假日，約了友人去荃灣食飯行下，順便去埋傳說中的民豐開心果糯米糍，但又驚好多人掛隊，當去博下，雨停左之去即去，見有人排隊但唔太多人，排隊期間寫定要咩，唔洗5分鐘就買到太好了！因為買5個先有盒之下試多2個味。開心果糯米糍，$12，個皮厚薄適中，口感軟糯少許煙韌，好鍾意個皮，內裡開心果餡料份量十足，好香開心果味，較為乾身，傳統糯米糍味道，幾好味呢。榛子糯米糍，$12，榛子都係好多餡料，濃郁味道。腰果糯米糍，$12，冇食到。好味的糯米糍。

朋友今日買左荃灣好出名既糯米糍，一直都好想試但係撞唔岩時間😂收工就去左朋友家到試下我book mark左好耐嘅糯米糍(´▽｀).糯米糍一共有六隻味，分別係開心果、榛子、腰果、芝麻、花生同豆沙。每樣都各買左一粒，咁就可以每隻味都食到。.開心果味唔太濃~榛子味就好似食緊金莎咁，平日食開花生味糯米糍，食腰果味會覺得腰果好食過花生😂芝麻好香濃好食，豆沙係紅豆蓉好實淨好漏。糯米糍煙韌，以為咁多料係入面皮會好厚，但又唔會好厚厚度適中.可惜要即日食哂，唔可以放雪櫃，真係要幾個朋友share先食得哂😂😂😂.

民豐粉麵行📍荃灣街市街35號地舖邊個呃我話民豐依家唔使排隊？！多人到sir😵‍💫🥹 目測起碼30個人 👫👭👬開心果 $12都幾濃開心果味，不過比想像中甜少少皮薄餡靚，$12嚟講係平靚正✨不過我覺得佢未去到好驚艷，反而其他味會會有驚喜多啲🤣榛子$12有啲似食緊金沙咁😂好濃郁嘅榛子味，有驚喜！芝麻/花生/豆沙$6呢三款傳統嘅味道覺得係冇得輸，同湯圓一樣，無論出幾多新味，我都係覺得傳統嘅芝麻花生最好食🙈啖啖都食到好多餡，而且CP值高！下次回購會揀返呢三隻味多啲🤣