民豐粉麵行

營業中

休息中

已經係第二次回購啦，成為去荃灣買必食清單！真係香港食過嘅糯米糍裏便最好食！之前已經評論過一次，佢嘅水準依然保持一樣！所以照po返啲評論出嚟// 糯米糍個皮超軟熟，咬落好彈牙。佢雖然唔算薄皮，但個皮係好好食、唔甜，同個餡嘅比例係相符，因為佢個餡非常豐富、毫不吝嗇，所以個皮相對厚番少少，就可以平衡返個甜度同膩感。全部味道嘅餡都有夾雜砂糖，咬落脆脆的，豐富口感。個人覺得佢厲害之處，係啲沙糖竟然唔會溶！擺咗超過12個小時先食都可以咁好食！啲砂糖完全冇溶，個皮依然保持乾爽、軟熟、彈牙真心大癲！試過好多糯米糍會出水，個皮都爛晒。。。一係就一咬啲皮太黏，漿住喺個嘴度。。。所以呢間真係My Best Mochi by Far！！！夠膽講全部餡都好好味，真係睇你個人鍾意咩味多啲。第二次回購每款兩舊// 開心果 ＄12近期開心果甜品係必食，甜度同Nuts香拿捏得非常好！// 榛子一開始以為係Nutella醬，點知切開同花生勁似，以為會失望，但竟然食落真係超香濃榛子味！！！// 芝麻甜甜嘅芝麻餡，正常發揮地好食！反而喺食法嘅次序上可以俾多啲意見，建議芝麻>榛子>開心果(即是開心果偏甜)

下雨的假日，約了友人去荃灣食飯行下，順便去埋傳說中的民豐開心果糯米糍，但又驚好多人掛隊，當去博下，雨停左之去即去，見有人排隊但唔太多人，排隊期間寫定要咩，唔洗5分鐘就買到太好了！因為買5個先有盒之下試多2個味。開心果糯米糍，$12，個皮厚薄適中，口感軟糯少許煙韌，好鍾意個皮，內裡開心果餡料份量十足，好香開心果味，較為乾身，傳統糯米糍味道，幾好味呢。榛子糯米糍，$12，榛子都係好多餡料，濃郁味道。腰果糯米糍，$12，冇食到。好味的糯米糍。

朋友今日買左荃灣好出名既糯米糍，一直都好想試但係撞唔岩時間😂收工就去左朋友家到試下我book mark左好耐嘅糯米糍(´▽｀).糯米糍一共有六隻味，分別係開心果、榛子、腰果、芝麻、花生同豆沙。每樣都各買左一粒，咁就可以每隻味都食到。.開心果味唔太濃~榛子味就好似食緊金莎咁，平日食開花生味糯米糍，食腰果味會覺得腰果好食過花生😂芝麻好香濃好食，豆沙係紅豆蓉好實淨好漏。糯米糍煙韌，以為咁多料係入面皮會好厚，但又唔會好厚厚度適中.可惜要即日食哂，唔可以放雪櫃，真係要幾個朋友share先食得哂😂😂😂.

民豐粉麵行📍荃灣街市街35號地舖邊個呃我話民豐依家唔使排隊？！多人到sir😵‍💫🥹 目測起碼30個人 👫👭👬開心果 $12都幾濃開心果味，不過比想像中甜少少皮薄餡靚，$12嚟講係平靚正✨不過我覺得佢未去到好驚艷，反而其他味會會有驚喜多啲🤣榛子$12有啲似食緊金沙咁😂好濃郁嘅榛子味，有驚喜！芝麻/花生/豆沙$6呢三款傳統嘅味道覺得係冇得輸，同湯圓一樣，無論出幾多新味，我都係覺得傳統嘅芝麻花生最好食🙈啖啖都食到好多餡，而且CP值高！下次回購會揀返呢三隻味多啲🤣

一直以嚟都好想試佢嘅糯米滋，但每次見到長長人龍就放棄，所以一直都未有機會試到，終於咁岩有朋友買左所以先有機會一嚐。有6個口味，花生/芝麻/開心果/豆沙/榛子/腰果開心果係最想試個款，但結果好失望，冇乜開心果味，同埋佢個皮比其他口味嘅皮偏厚；芝麻，豆沙同花生都係比較傳統嘅口味，都比較正常皮亦都偏薄，豆沙少甜，而花生同芝麻都會有口感啲，個人比較喜歡芝麻味；最後榛子同腰果反而比較驚豔，榛子味一食落去就係嘩kinder繽紛樂嘅感覺，完全搶左開心果風頭，而腰果味有少少咸嘅感覺，都幾特別。

民豐粉麵食品公司售賣嘅開心果糯米糍，今日終於食到啦，之前一直食唔到，因為太多人排隊又每次趕時間，唯有只有有得睇冇得食，但係屋企人買咗一盒六粒 ，終於有得試。首先價錢嚟講$12一粒，喺香港嘅價錢嚟講真係好正常，不過真係如果開心果裏面嘅餡料再多啲嘅話就會更好更開心，不過佢嘅外皮超級煙靭同埋軟滑，真係綿綿的，不過我相信真係新鮮食先至有呢一個嘅口感。 同埋有諗過請同事當小食，或者當散水糯米糍都幾唔錯🤭🤭🤭🤭翻食指數：💛💛💛💛💛💛💛💛💛🤍

8號風球將於16點40分懸掛，請市民到安全地方暫避。全香港都等緊呢個消息預備放工趕番屋企，但我就正正係呢個咁重要既時刻收到朋友話我知，佢買左民豐糯米滋同我地開心SHARE。民豐係我一直放左係我想試既名單入面。有得早少少番屋企之餘，仲可以一邊品嚐民豐糯米滋，真係幾寫意，沖番杯茶飲，呢D先係人生。 外皮真係做到好軟糯, 入餡做到好濃厚香味，不過就建議盡快食用，因為放得越耐就越影響品質，仲要記得搵個碗/碟裝住黎食，內餡真係多到會一路食一路跌。下次要試埋最近大熱既開心果口味同榛子口味先得。

公司附近有做團購，但價錢比門市買每粒貴幾元，差不多double價 ，想一想，如果一盒6粒包裝的糯米糍，我差不多團購要80~100元一盒，覺得太貴，所以沒有團購。剛好今日路過荃灣附近，便聞名到門店一遊，是日星期二，下午3點左右，人龍十幾個人，排了十分鐘左右，我是即買即食的，買了3芝麻，3開心果，芝麻味口感很滿足，爆料的，啖啖漏芝麻料，但開心果皮很厚，仲要3個開心果都皮很厚，比例像是開心果碎和皮一比一，12元一粒的開心果令我有點失望。整體口感好食 ，味道好食，不過12元的開心果，用料不足，略嫌太貴。

呢間鋪頭 係荃灣已經好一段歷史唔洗多介紹佢啲麵同埋餃子都係長期排隊既原因雖然而家都仲有得賣不過由啲仔女接手就有小小轉營最近好興就係佢地好出名既開心果糯米糍聽聞係要長期排曬長龍同每日限量供應早幾日同朋友食完飯經過見無乜人排隊 即刻去排下不過我就無試到開心果糯米糍試左花生糯米糍🥜個皮好軟熟好多涵花生味好香同埋唔太甜煙煙韌韌咪啖花生香味 好正😋我啲朋友仲推介芝麻味佢地話都係必食不過我就無揀咁多買左一盒反屋企同屋企人分享👍🏻可惜掛住食，唔記得影入邊個餡有幾足料😆

平日非飢餓時段（4:00）都要排隊，但堅信排隊就是香，烈日當空底下都要試一試！當然奔著開心果而來，近年多了許多開心果副產品/飲品，但除了原型或小加工都難以接受。重點始於糯米糍，糯米皮厚度適中，包裹着海量餡料。味道甜而不膩，開心果愈嚼愈香。每人限購兩打，需即日進食才能食出原味。個人並不嗜甜或特別鍾愛糯米糍，所以一甩或以上便開始吃不消。開心果口味雖然特別，但整體配合度會選擇芝麻，唯一挑剔之處，便是芝麻餡較乾身，口感粗糙。

老字號民豐喺荃灣扎根60幾年嘅老店，主要售賣粉麵，水餃，韭菜餅，湯圓以及糯米糍等食物。以前我已經試過豆沙糯米糍非常難忘，皮薄輕軟！估唔到近年非常火熱，要大排長龍，最近仲新推出開心果口味，專誠嚟試一試！當日正值中午，排了20分鐘以上，大汗淋漓🥵糯米糍試咗四個口味:豆沙、花生、芝麻及開心果，每一隻都圓潤飽滿，外皮依舊皮薄軟熟，細緻棉密口感QQ，非常好食，而眾多口味，我最喜愛嘅係豆沙，反而人氣嘅開心果我就一般。豆沙 $6紅豆沙餡香濃幼滑，唔會太甜，唔會膩花生 $6呢款係我第二喜愛嘅口味！花生餡香口濃郁，花生碎炒得好乾身，入邊有砂糖，咬落去有脆口嘅感覺，好似食緊糖不甩芝麻 $6芝麻炒得好香，一切開已經聞到好香嘅芝麻味，味道濃郁帶有少少甘苦，可惜砂糖較多，太甜了開心果 $12食第一啖覺得好甜，淨係食到甜味，後來才開始有微微嘅開心果味道，沒有預期的驚喜

住喺附近呢區已經好耐，之前都係黎呢到買餃子返去打邊爐用，唔知幾時興起有人講呢到既糯米糍，之前經過見到都勁多人排，同埋天氣好熱所以放棄。今次就決定排一排，試下佢，但就限每人買兩盒，其實有好多味選擇，但最尾都係買哂開心果同屋企人開心分享。但其實食完之後覺得唔係好特別，可以講既係開心果成本好價但賣呢個價錢都算差唔多，同埋都好大舊，好足料，如果黎緊無咁多人排隊，我會揀芝麻味。另外一提第一日就要食，因為第二日會發霉。

民豐粉麵行係一間60年老字號荃灣人氣店，去到必定要排隊先可以買到😵‍💫而講起「開心果💚」必定喺Ig見過👀佢地糯米磁除咗人氣開心果味之外，仲有花生🥜芝麻，紅豆🫘榛子其他口味可以揀。🍑花生🥜裡面有花生碎+砂糖+同花生粒🥜食落去就同花生酥一模一樣味✨️ 餡料喺三個入面最足料🥰多到就快滿出。但糯米糍個皮亦都喺三個入面最硬😵‍💫口感實，食落去就吾太新鮮啦👀🍑芝麻🖤裡面喺黑芝麻+同砂糖撈埋。芝麻味帶有少少苦味😵‍💫唔係太食到芝麻香。呢款麻麻地，但係糯米糍皮就比花生優勝👍🏻🍑開心果🧆因為實在太受歡迎，所以開心果味宜家變咗常駐產品🥰裡面喺開心果碎+配砂糖。味道就似食緊一粒粒開心果仁，但係就變咗碎濕濕。同時因為撈咗好多砂糖入去，味道都幾甜下🫣而糯米糍皮係三款裏面最煙韌最軟熟✨️但同樣係餡料比得最少，皮最厚嘅一個😵‍💫

星期五晚食飽晚飯😄友人話過來買糯米糍送人😚我見晚上7点多😋 有人排隊但都係得2,3個人😅可能閒日的關係瓜😃店員比紙仔我哋填數量同味道😄要左兩個開心果一個花生,然後用膠袋裝埋一袋, 回家先試花生☺️外皮好軟熟👍都好多花生餡, 但我個人認為甜左d, 到星期六晚試開心果, 外皮依然好軟熟唔硬, 開心果餡都好多😘👍但又唔係好食到有好濃的開心果味😅不過我個人就喜歡開心果多d☺️因為無花生敢甜🥰🥰 下次再來可以試下其他味道

下晝1點開賣。出名、排長龍先食到嘅糯米糍，果然完全冇失望，超驚艷！可能係全港最好食嘅糯米糍！個皮超軟熟，咬落好彈牙。佢雖然唔算薄皮，但個皮係好好食、唔甜，同個餡嘅比例係相符，因為佢個餡非常豐富、毫不吝嗇，所以個皮相對厚番少少，就可以平衡返個甜度同膩感。全部味道嘅餡都有夾雜砂糖，咬落脆脆的，豐富口感。個人覺得佢厲害之處，係啲沙糖竟然唔會溶！擺咗超過12個小時先食都可以咁好食！啲砂糖完全冇溶，個皮依然保持乾爽、軟熟、彈牙真心大癲！試過好多糯米糍會出水，個皮都爛晒。。。一係就一咬啲皮太黏，漿住喺個嘴度。。。所以呢間真係My Best Mochi by Far!!!夠膽講全部餡都好好味，真係睇你個人鍾意咩味多啲。// 開心果 $12近期開心果甜品係必食，甜度同Nuts香拿捏得非常好！// 榛子 $12一開始以為係Nutella醬，點知切開同花生勁似，以為會失望，但竟然食落真係超香濃榛子味！！！// 芝麻 $6// 花生 $6最基本嘅芝麻花生餡，正常發揮地好食！唔係講笑，認真下次會買兩打走！三餐食唔厭！終於明點解前後啲人都係每隻味10件、10件咁買