民豐粉麵行

營業中

休息中

呢間鋪頭 係荃灣已經好一段歷史唔洗多介紹佢啲麵同埋餃子都係長期排隊既原因雖然而家都仲有得賣不過由啲仔女接手就有小小轉營最近好興就係佢地好出名既開心果糯米糍聽聞係要長期排曬長龍同每日限量供應早幾日同朋友食完飯經過見無乜人排隊 即刻去排下不過我就無試到開心果糯米糍試左花生糯米糍🥜個皮好軟熟好多涵花生味好香同埋唔太甜煙煙韌韌咪啖花生香味 好正😋我啲朋友仲推介芝麻味佢地話都係必食不過我就無揀咁多買左一盒反屋企同屋企人分享👍🏻可惜掛住食，唔記得影入邊個餡有幾足料😆

平日非飢餓時段（4:00）都要排隊，但堅信排隊就是香，烈日當空底下都要試一試！當然奔著開心果而來，近年多了許多開心果副產品/飲品，但除了原型或小加工都難以接受。重點始於糯米糍，糯米皮厚度適中，包裹着海量餡料。味道甜而不膩，開心果愈嚼愈香。每人限購兩打，需即日進食才能食出原味。個人並不嗜甜或特別鍾愛糯米糍，所以一甩或以上便開始吃不消。開心果口味雖然特別，但整體配合度會選擇芝麻，唯一挑剔之處，便是芝麻餡較乾身，口感粗糙。

老字號民豐喺荃灣扎根60幾年嘅老店，主要售賣粉麵，水餃，韭菜餅，湯圓以及糯米糍等食物。以前我已經試過豆沙糯米糍非常難忘，皮薄輕軟！估唔到近年非常火熱，要大排長龍，最近仲新推出開心果口味，專誠嚟試一試！當日正值中午，排了20分鐘以上，大汗淋漓🥵糯米糍試咗四個口味:豆沙、花生、芝麻及開心果，每一隻都圓潤飽滿，外皮依舊皮薄軟熟，細緻棉密口感QQ，非常好食，而眾多口味，我最喜愛嘅係豆沙，反而人氣嘅開心果我就一般。豆沙 $6紅豆沙餡香濃幼滑，唔會太甜，唔會膩花生 $6呢款係我第二喜愛嘅口味！花生餡香口濃郁，花生碎炒得好乾身，入邊有砂糖，咬落去有脆口嘅感覺，好似食緊糖不甩芝麻 $6芝麻炒得好香，一切開已經聞到好香嘅芝麻味，味道濃郁帶有少少甘苦，可惜砂糖較多，太甜了開心果 $12食第一啖覺得好甜，淨係食到甜味，後來才開始有微微嘅開心果味道，沒有預期的驚喜

住喺附近呢區已經好耐，之前都係黎呢到買餃子返去打邊爐用，唔知幾時興起有人講呢到既糯米糍，之前經過見到都勁多人排，同埋天氣好熱所以放棄。今次就決定排一排，試下佢，但就限每人買兩盒，其實有好多味選擇，但最尾都係買哂開心果同屋企人開心分享。但其實食完之後覺得唔係好特別，可以講既係開心果成本好價但賣呢個價錢都算差唔多，同埋都好大舊，好足料，如果黎緊無咁多人排隊，我會揀芝麻味。另外一提第一日就要食，因為第二日會發霉。

民豐粉麵行係一間60年老字號荃灣人氣店，去到必定要排隊先可以買到😵‍💫而講起「開心果💚」必定喺Ig見過👀佢地糯米磁除咗人氣開心果味之外，仲有花生🥜芝麻，紅豆🫘榛子其他口味可以揀。🍑花生🥜裡面有花生碎+砂糖+同花生粒🥜食落去就同花生酥一模一樣味✨️ 餡料喺三個入面最足料🥰多到就快滿出。但糯米糍個皮亦都喺三個入面最硬😵‍💫口感實，食落去就吾太新鮮啦👀🍑芝麻🖤裡面喺黑芝麻+同砂糖撈埋。芝麻味帶有少少苦味😵‍💫唔係太食到芝麻香。呢款麻麻地，但係糯米糍皮就比花生優勝👍🏻🍑開心果🧆因為實在太受歡迎，所以開心果味宜家變咗常駐產品🥰裡面喺開心果碎+配砂糖。味道就似食緊一粒粒開心果仁，但係就變咗碎濕濕。同時因為撈咗好多砂糖入去，味道都幾甜下🫣而糯米糍皮係三款裏面最煙韌最軟熟✨️但同樣係餡料比得最少，皮最厚嘅一個😵‍💫

星期五晚食飽晚飯😄友人話過來買糯米糍送人😚我見晚上7点多😋 有人排隊但都係得2,3個人😅可能閒日的關係瓜😃店員比紙仔我哋填數量同味道😄要左兩個開心果一個花生,然後用膠袋裝埋一袋, 回家先試花生☺️外皮好軟熟👍都好多花生餡, 但我個人認為甜左d, 到星期六晚試開心果, 外皮依然好軟熟唔硬, 開心果餡都好多😘👍但又唔係好食到有好濃的開心果味😅不過我個人就喜歡開心果多d☺️因為無花生敢甜🥰🥰 下次再來可以試下其他味道

下晝1點開賣。出名、排長龍先食到嘅糯米糍，果然完全冇失望，超驚艷！可能係全港最好食嘅糯米糍！個皮超軟熟，咬落好彈牙。佢雖然唔算薄皮，但個皮係好好食、唔甜，同個餡嘅比例係相符，因為佢個餡非常豐富、毫不吝嗇，所以個皮相對厚番少少，就可以平衡返個甜度同膩感。全部味道嘅餡都有夾雜砂糖，咬落脆脆的，豐富口感。個人覺得佢厲害之處，係啲沙糖竟然唔會溶！擺咗超過12個小時先食都可以咁好食！啲砂糖完全冇溶，個皮依然保持乾爽、軟熟、彈牙真心大癲！試過好多糯米糍會出水，個皮都爛晒。。。一係就一咬啲皮太黏，漿住喺個嘴度。。。所以呢間真係My Best Mochi by Far!!!夠膽講全部餡都好好味，真係睇你個人鍾意咩味多啲。// 開心果 $12近期開心果甜品係必食，甜度同Nuts香拿捏得非常好！// 榛子 $12一開始以為係Nutella醬，點知切開同花生勁似，以為會失望，但竟然食落真係超香濃榛子味！！！// 芝麻 $6// 花生 $6最基本嘅芝麻花生餡，正常發揮地好食！唔係講笑，認真下次會買兩打走！三餐食唔厭！終於明點解前後啲人都係每隻味10件、10件咁買

見社交平台經常彈開心果糯米糍出嚟，今日趁晚飯前有空檔，特登去試下。可能真係晚飯 時間（6點尾），等咗兩三個人就買到了。由於佢糯米糍寫明即日食用，所以即食試三款就算。三粒糯米糍都幾大粒，甚至大過維記雪米糍，粒粒都足料嘅。皮算薄，都滑同煙靭。開心果糯米糍 $12一口咬落去，唔知係咪受顏色影響，覺得食緊綠茶味，唔太甜。食咗一兩啖後，心諗，唔係開心果咩？再咀嚼下，後段有開心果味喇。坦白講，開心果味唔算濃，可以再炒香口d。蔴蓉糯米糍 $6超香，足料，芝麻夠乾身，佢撈埋砂糖甜度剛剛好。花生糯米糍 $6同蔴蓉感覺差唔多，都係足料香口，簡單講，好味道！再買嘅話都係揀返傳統，一樣咁大粒，但平成半，最重要係，仲好味d!

假日必排隊，排隊的時候先寫手寫單，取貨付款很快，排十幾個人大約十五分鐘就買到了。🍡糯米糍 🖤芝麻 💚開心果 🤎榛子外皮較軟身，皮薄，內餡多到瀉；最傳統的芝麻是最好吃的，芝麻味香~開心果味果仁也多，喜歡開心果的可以一試；榛子果仁味也是香濃的。

民豐 - 開心果糯米糍😄😄 $12終於有機會試到開心果糯米糍啦不嬲都勁多人排隊好彩佢而家大肚婆可以免排隊🤰🤰🤰大家記住享用呢個福利🥳🥳不過就最多可以買六粒🥰🥰糯米糍味道有👅👅開心果 。榛子。腰果。芝麻。花生。豆沙都幾多味道揀喎😍😍開心果近排咁hit 梗係試吓開心果啦🫢🫢個皮都好薄☺️都好有軟綿綿嘅感覺俾我想像中唔係好重開心果味但係餡料真係好多👍🏻👍🏻自己就覺得如果有啲開心果碎會更加有咬口感覺會再好食啲🤣🤣

天氣轉 #小秘書 嘅老毛病又發作😕 今日終於忍唔住走咗去 #荃灣 見 #醫師😅 回程嘅時候，順路行去 #人氣店 #民豐粉麵行 諗住八吓卦，好好彩當時人流唔算多，估唔到只係排咗3分鐘左右就買到連 #教主 #AnsonLo 都推介嘅 #開心果糯米糍 🤩#糯米糍 個皮好軟熟，但係我就覺得 #開心果餡料 做得甜咗啲、而且比較粗粒😅 我呢個老人家都係比較傳統，#芝麻餡料 有佢獨特香氣😉 價錢亦比新口味平成半，屬 #性價比高系列 🤤🤤📍民豐粉麵行 (荃灣)荃灣街市街35號地舖

中學讀書時期就成日經過呢間70年老字號餅店💭估唔到賣傳統港式小食都會突然爆紅‼️開心果糯米糍熱潮持續多時 依然人氣不斷 忍唔住試試✨.📌開心果糯米糍 $12一出就喺「開心果關注組」引起極大迴響 最高峰日賣6000粒 大癲😨內餡超飽滿 開心果仁鬆碎有咬口 啖啖獨特堅果香氣💚糯米皮軟糯Q韌 微微甜味🍡但略嫌皮厚左啲 果仁味都唔算太濃👀感覺被過分吹捧 個人認為可以一試 但要排隊就諗諗先🙈.📌芝麻糯米糍 $6傳統經典口味$6粒 價錢超親民 CP值好高😍呢款出色好多 皮薄爆餡 黑芝麻甘香味濃醇🩶如果砂糖比例低啲 冇咁甜就perfect💯.相關食物相片可參考以上載的影片🎦

親測榛子開心果糯米糍 。芝麻口味依然王者民豐粉麵廠自從推出堅果味的糯米糍後就吸引了不少食客特意去買，排隊時間動輒半小時到1小時，熱度一時無兩先說優點，糯米皮的質感一如既往柔軟彈牙，問題出在內餡上。榛子和開心果這果仁香氣不如預期來得濃烈，反而被偏甜的餡料蓋過了本應有的細膩味道 。內餡比例太多，吃起來有點狼狽對開心果控來說，應該有點差強人意我的最愛經典的芝麻口味依然出色，香濃的芝麻餡料在口中綻放出層次分明的堅果香氣，甜度恰到好處，炒得好香 ，而且只是$6/個，性價比高同事試咗不同味道厚度，一致認為芝麻味完勝，但如果要排太耐就不了 ，建議買民豐原本嘅韭菜餅更出色，不用排隊ᵕ᷄≀ ̠˘᷅ 一盒放咗咁多隻，完全分唔到唔同味道—————- 芝麻 》 紅豆 〉 榛子 》 開心果

呢排勁HIT呢個糯米糍，長期排隊！天氣咁熱日頭真係唔好搞，收工路經見條隊少人啲，5分鐘左右搞掂！🔶即製糯米糍 $12/粒★★★☆☆佢有好多種口味，最熱門應該非開心果莫屬，但覺得食落同所想有分別，唔係個隻。芝麻餡料都幾香口，唔會話太甜，粒粒都幾飽滿，個餡皮比較上厚身啲，煙糯煙糯咁。榛子味都幾唔錯，鍾慕食金莎嘅應該都會鍾意食，食落幾濃郁！花生味元朗個間明顯勝出，個間真心做到皮薄餡多，個花生餡仲炒到好香濃！🌟總括：其實食落就係一般糯米糍口感，但勝在比傳統得花生、芝麻幾多口味選擇，味道OK但排隊超過5分鐘以上就唔值。

今晚同屋企人打邊爐佢地好鍾意食雲吞同埋餃所以我去咗荃灣買俾佢哋食之前其實我都成日去買佢啲雲吞同埋餃真係好足料同埋個味道好好味喺其他地方食唔番所以次次打邊爐都會去買我個人最鍾意食最普通嘅上海菜肉餃