水上人自家製糖水小食

營業中

休息中

第一次買住附近朋友個個讚既粒粒芝麻糊 ($29)🫶🏻同再次回購既生磨合桃露 ($37)糖水真係好濃好濃🥹滿滿自家製味道，比錢既時候見到一堆芝麻喺後面處理中😂就算外賣返屋企凍左再叮返熱都好好食🥹芝麻糊打開一眼睇得出真材實料真功夫 🙂‍↔️香得黎又唔會額外加糖加甜 🤤🤤🤤🤤合桃露 堅果味好濃大推👍🏻👍🏻食到一半已經飽 2個人share食岩岩好🥰🥰

話說好少食中式糖水，今日去咗鴨脷洲嗰邊食海鮮，經過一間中式糖水外賣店，買咗兩碗糖水返屋企食個價錢尚合理，糖水價錢大致都係二、三十蚊左右，款式亦都幾齊備，應該係家庭式經營腐竹雞蛋糖水$29糖水用左高身膠碗，都偏大碗份量足腐竹蛋糖水甜度岩岩好，腐竹煲到溶溶地蓮子同白果煲得夠腍，再加左隻雞蛋，食完好滿足

星期日夜晚叫咗糖水同一家人食，見到佢個煎釀三寶個樣都唔錯，點咗一份、點知個煎釀三寶非常好食，魚肉真材實料，外賣嚟到都係唔會腍啤啤, 唔係好多油, 會再支持。糖水都算唔錯，綠豆沙同杏仁糊足料，芒果布甸就一般，相比之下，煎釀三寶比較出色，會繼續幫襯，支持小店

好少特別寫食評，除非特別難忘經歷。呢間係其中一間，說實話，甜品質素唔錯，唯一就係某個女員工阿姨的態度問題，真係好差。一去到，先睇下餐牌選擇點什麼，佢由頭到尾一直無視顧客，企係廚房低著頭，到決定點什麼就開聲同佢講，佢照低著頭，眼睛完全沒有望過我哋，又唔答ok／知悉等。我哋初初仲懷疑佢聽唔明定係聽唔到，之後見佢先慢條斯理咁拎每樣食物打包。其中一款甜品賣哂，佢終於開口話：冇呀。我哋都幾無奈，原本想點其他甜品，不過都係算數了，好不爽。最後比咗錢，多謝都無講一聲，的確幾無禮貌，全程好似得罪咗佢咁，非常之唔舒服。如果老闆見到意見，希望可以提醒一下員工服務態度真係好影響食客回頭率。雖然深深明白係香港外賣店唔會有什麼服務可言，我哋並沒有奢望有什麼真誠殷勤嘅員工，只係至少比返基本尊重同禮貌客人吧。加上本身食物唔錯，但係遇著咁嘅員工對待客人，真係一肚氣。

食完野便在鴨脷洲中隨意走走，天氣很好行得好舒服，不經不覺居然沿島行了一圈，又回到利東站，食晚飯又太早，咁不如食下甜品啦。之前食午餐已經見到水上人糖水舖，價錢貼地款式又多，揀幾樣試下先。最後揀左兩碗糖水同兩支飲品，天氣咁好去公園慢慢嘆。⭐粒粒芝麻糊好香芝麻味，微甜，如其名般真係有粒粒芝麻㗎😋⭐生磨合桃糊另一款揀左合桃糊，同樣係微甜，入口好香合桃味，仲好滑好杰身，正喎😋⭐楊枝甘露飯品裝嘅楊枝甘露，其實都係甜糖水黎，哈哈，呢款相對較甜，芒果香甜西米有咬口，柚子肉也不酸，整體好甜美好飲👍⭐紫貝天葵朋友話要解渴揀左紫貝天葵，但飲完糖水飲佢覺得特别酸，哈哈，飲多幾啖就正常返，酸酸地又冰凍確實係解渴嘅😆呢間啲糖水份量好大碗，見佢細細一個外賣盒，原來好深好大碗㗎，兩個人分食都夠，而且微甜啱口味，正👍

嚟到鴨脷洲食飯咁啱想食個飯後甜品🍬見到呢間主打水上嘅特色小食好似幾有特色🌊決定外賣試吓糖水價錢好合理👍🏻大大碗用料都好實在食得出幾用心可以試吓🩷⭐️ 南芋西米露 🎃南瓜同芋頭都好真材實料🤪入口棉密又有口感🍠甜度啱啱好唔會太濃🤍⭐️ 蛋花馬蹄沙 🍳呢道傳統甜品已經比較少見到💛 馬蹄口感好清爽加上蛋黃自然既清甜好配合🥹⭐️ 楊枝甘露 🥭芒果味夠濃夠鮮甜同椰汁感覺好平衡🥥 一飲落去勁足料❤️

今日去友人家中作客，無理由兩手空空。行經友人家附近，見到一間糖水店，款式有好多，大多數以中式甜品為主，還有煎釀六寶，陳皮魚旦，淮山麵……剛好三點左右，下午茶時間，一於買糖水作為下午茶。腰果露質感非常杰身，厚厚的，入口綿滑如絲，果仁嘅香味表露無遺，相信是自家磨研的，甜度又適中，不錯。咋喳材料十足，啖啖口感，質感另人滿足。貪食嘅我又買了兒時常吃的砵仔糕，細細件，巧可愛，勁多豆豆，煙靱有彈力，兒童回憶返晒嚟了。

- 難得放假，就去左朋友屋企玩，不嬲都有聽講鴨脷洲係港島南區著名既避風港。- 但講到美食，就真係全靠朋友推介。朋友話今次呢間糖水鋪係老字號，佢同屋企人都食左好幾年。- 呢度糖水以外賣為主，等待既時候都不乏熟客仔幫襯。而且店鋪除左糖水，仲有好多熟食同零食售賣，包羅萬有！- 睇到Menu果時，我比較好奇水上人糖水係咩？所以都同朋友叫左黎試，另外仲叫左鮮奶燉花膠、生磨合桃糊配花生湯圓、椰香摩摩喳配芝麻湯圓同麻蓉薑湯圓。- 先講水上人糖水，呢款對我黎講真係好新奇，因為坊間係無得食嫁！呢款糖水係由生熟地、玉竹頭、鳥豆、雲耳同雞蛋煲既，據說有烏髮養顏、瘦身補血同促進腸臟蠕動既功效。而且全部藥材都煲稔哂，全部都食得！雖然話佢係由藥材煲成，但食既時候真係好易入口，完全唔覺係中藥🌿。- 而鮮奶燉花膠就唔洗講都知養顏啦，相反呢碗糖水花膠唔會煲爛哂，加上鮮奶係滑上加滑。- 至於生磨合桃糊配花生湯圓，簡直深得我心！因為味道濃厚得黎唔會太膩，果仁類係我至愛💖！我今次仲忍唔住加埋花生湯圓，食落暖笠笠同煙煙韌韌，大滿足！- 椰香摩摩喳係朋友叫既，朋友話呢款口感非常豐富，有唔同豆類同芋頭，再加上椰汁，飽肚又滋味。-

- 難得放假，就去左朋友屋企玩，不嬲都有聽講鴨脷洲係港島南區著名既避風港。- 但講到美食，就真係全靠朋友推介。朋友話今次呢間糖水鋪係老字號，佢同屋企人都食左好幾年。- 呢度糖水以外賣為主，等待既時候都不乏熟客仔幫襯。而且店鋪除左糖水，仲有好多熟食同零食售賣，包羅萬有！- 睇到Menu果時，我比較好奇水上人糖水係咩？所以都同朋友叫左黎試，另外仲叫左鮮奶燉花膠、生磨合桃糊配花生湯圓、椰香摩摩喳配芝麻湯圓同麻蓉薑湯圓。- 先講水上人糖水，呢款對我黎講真係好新奇，因為坊間係無得食嫁！呢款糖水係由生熟地、玉竹頭、鳥豆、雲耳同雞蛋煲既，據說有烏髮養顏、瘦身補血同促進腸臟蠕動既功效。而且全部藥材都煲稔哂，全部都食得！雖然話佢係由藥材煲成，但食既時候真係好易入口，完全唔覺係中藥🌿。- 而鮮奶燉花膠就唔洗講都知養顏啦，相反呢碗糖水花膠唔會煲爛哂，加上鮮奶係滑上加滑。- 至於生磨合桃糊配花生湯圓，簡直深得我心！因為味道濃厚得黎唔會太膩，果仁類係我至愛💖！我今次仲忍唔住加埋花生湯圓，食落暖笠笠同煙煙韌韌，大滿足！- 椰香摩摩喳係朋友叫既，朋友話呢款口感非常豐富，有唔同豆類同芋頭，再加上椰汁，飽肚又滋味。-

剛好去開利東一帶吃晚餐，就順道去買這間人氣糖水店回家給家人嘗嘗。之前吃過一次這間糖水店，是在住在鴨脷洲的朋友的家中。當時我們是叫了delivoroo外賣，order了芝麻糊，印象非常深刻。.這次來到，本想再order芝麻糊，怎知因為是週六，人流太多，8點半已經sold out。只好放棄芝麻糊，order其他試試。.看過餐牌後，叫了一大堆回家與家人一起分享，包括有陳皮紅豆沙、樹記腐竹蛋、芒果布丁、水上人糖水、海帶綠豆沙、椰香摩摩喳、重量馬豆糕和楊枝甘露等。.整體來說，他們的甜品水準都非常不錯，果然人多總是有原因的。甜度全部都很適中，不會過甜令人感覺不健康那種。.陳皮紅豆沙陳皮味道很突出，海帶綠豆沙清熱消暑、樹記腐竹蛋腐竹味道濃郁，下面還有粒粒薏仁添加口感。芒果布丁芒果份量挺多，水上人糖水就非常特別，裡面有點黑木耳，還有一個雞蛋，和著感覺很滋補，有點神似桑寄生蛋茶。椰香摩摩喳咬口十足，楊枝甘露則甘甜潤喉，不錯。～～～📍水上人自家製糖水小食 🔍鴨脷洲鴨脷洲大街84號興富樓地下E號舖

由利東港鐵站A1出口過對面一條馬路見到「水上人自家製糖水」他和隔離「漁港艇仔粉」是同一位老闆，出品與價錢合理，份量十足為賣點。今日想吃得輕盈點，小食和糖水就最啱我。生菜魚肉打開蓋子，麻油香味直撲出來，先喝一啖湯，胡椒粉味夠； 急不及待試吓有厚度的魚肉，彈牙不腥，證明魚肉夠新鮮，青菜翠綠爽口，作為小食份量啱啱好。蛋白杏仁糊用匙羹撩吓感覺濃稠，入口有沙沙的口感，冇咁滑但雙對較有質感，杏仁味超香已經完全地和蛋白融為一體，甜度偏低，所以更感受到杏仁香味，絕對真材實料！再食埋份量十足「椰汁馬豆糕」拎起已經感覺好墜手，偏向實淨的質感，馬豆都頗多，不過吾太夠稔；椰汁味很出，甜度適中，食完會令人覺得好飽的甜品。

識我嘅都知我平時唔會食街頭小食好難得屋企人買到啲我覺得好食嘅返嚟加餸❣️煎釀六寶 即叫即炸點解唔係三寶？因為店家已經fixed咗有六款配料 唔係一般小食店咁可以任揀有兩件豆腐、兩件鯪魚肉紅腸、尖椒、青椒🫑、茄子🍆各一件大概等十分鐘左右就有得食大大件配埋店家秘製豉油勁正生菜鯪魚球湯🥬一般小食店賣生菜魚肉湯啲魚肉真係白雪雪撈咗麵粉鴨脷洲果然有主場之利用鯪魚肉做魚肉湯感覺更奢侈鯪魚肉充滿胡椒同蔥嘅香味就算暖咗食都一啲都唔腥其實呢度仲有好多糖水嘅外賣～本身諗住買砵仔糕點知我放工去到已經冇晒叫咗一件懷舊芝麻卷芝麻卷偏彈牙重芝麻香唔會好甜

和朋友去了鴨脷洲食飯，食完飯想食啲糖水，就去咗附近的「水上人自家製糖水小食」買糖水外賣。店舖雖小，但糖水款式很多，看得我眼花撩亂。杏仁蛋白茶係即磨杏仁，好香，而且食到有磨出來的杏仁，食得出好多杏仁磨成，所以食到一半已很飽（有點‘’留‘’）。腐竹雞蛋薏米腐竹味好香濃，加埋薏米雞蛋，料足，好滿足啊。芒果布丁啖啖芒果肉，布甸滑溜，芒果香味濃。正🤤木瓜雪耳糖水木瓜和雪耳都好多，糖水好清甜，木瓜夠熟夠甜，好滋潤養顏。😍楊枝金露 有西柚、西米露、芒果肉，奶與芒果汁均勻，好香，喝每一啖都有料，正😄馬豆糕椰奶香濃，馬豆夠淋，正😄

位於鴨脷洲大街的甜品小食店，只作外賣，小食有魚蛋、燒賣、手包餃子、糯米雞、粢飯等；甜品方面則是懷舊的中式糖水、糕點，如蕃薯糖水、芒果布丁、砵仔糕、馬豆糕、紅豆沙、湯丸等。甜品：懷舊芝麻卷懷舊的酒樓點心，還原菲林卷的形狀，口感如腸粉般滑溜，上面灑上了白芝麻，整體帶濃郁馥香的芝麻香。糖水：粒粒芝麻糊芝麻糊，入面有粒粒芝麻，非常香滑，而且很烏黑濃稠的糊狀。糖水：楊枝金露以樽裝盛載，特別方便飲用，入面有粒粒西柚果肉，還有些芒果果蓉，酸酸甜甜，整體感覺清新且解渴。小食：粢飯配豆漿粢飯足料，長方形一大個，糯米飯包裹著油條、榨菜、肉鬆，口感彈牙、豐富。另外還配一支裝的豆漿，帶大豆味，不過若然甜度稍為低一點更佳。

食完晚飯，突然想食甜品，屋企附近有一間糖水店，經常經過但沒有幫襯過，一於試吓。糖水款式有不少選擇。還有煎釀茄子，青椒….，碗仔翅，魚肉生菜，砵仔糕.. 等等。南瓜芋頭西米露份量夠足。質感濃稠，南瓜味清甜，芋頭綿綿有口感。綠豆沙好香嘅海帶味，清熱消暑最佳甜品。馬拉椰香喳咋材料豐富，各類豆豆非常有嚼口。椰香滿溢，滋味。煎釀五寶豆腐，青椒，尖椒，紅腸，魚肉釀料十足，散發魚香，懷舊小吃。尤其是青椒外爽脆，餡料魚肉滿滿。