水剌韓饍 (已結業)

成班8個女同事一齊出嚟尖沙咀瘋狂購物，行到攰已經九點幾仲未食飯。唔想周圍行就由偽韓國媳婦同事帶路行咗入山林道食。安排我地座房，未坐低就已經擺好晒前菜，泡菜（唔過酸夠新鮮）、酸蘿蔔絲（食到尾佢救左我地因為可以消滯再繼續食）、醃黑豆（唔係度度有得食）。呢間其實我之前食過不過咁多人一齊食好開心可以乜都叫。見到餐牌梗係話乜都食一出嚟叫咗個$1388四人餐先之後再散叫野。餐包括牛肋骨、肉眼扒、雞肉、帶子、泡菜煎餅、人蔘雞湯、石頭鍋飯、韓式炒粉絲。另外叫咗豬手、燉牛肋骨、炒年糕、海帶湯、泡菜豆腐湯同五花肉，openrice bookmark送左我最愛既燒豬皮。芝麻葉、菜、蒜同前菜無得refill傷心死⋯⋯無包菜我食唔到咁多肉🙈以為四人餐份量會好少點知原來份量都夠。牛肋骨、肉眼、豬皮有專人幫我地燒，可能怕我哋燒焦啲靚肉掛🙄其他呢我哋就自生自滅。啲靚肉係真係好味，牛肋骨有濃郁牛肉味但唔老（姐姐燒得真係好），肉眼甜肉質軟。豬皮係我最愛梗係好重骨膠原好有彈性超級膠質。五花肉燒到脆卜卜不過同事燒到有啲乾。點提供既醬救番佢😂雞肉就麻麻哋，帶子都OK大粒嘅但唔鮮味，泡菜煎餅就多夠辣，人蔘雞湯好大隻唔夠滑，冇乜人

之前去過韓國食過醬油蟹 撈埋d紫菜飯食好好味 一試難忘，自此之後返到香港就一直想試返，但係食左好多間唔同既韓國餐廳都搵唔返正宗既味道，佢地大多都唔係用韓國蟹整。今次就試下呢間，點知一試就食到似曾相識，好似上次韓國醬油蟹既味道，原來佢地真係由韓國引人原料，原隻新鮮韓國運黎，連大廚都係韓國人黎，怪唔知得食得返正宗既味道，而且叫醬油蟹仲配有紫菜飯，食返真係回味無窮，想試醬油蟹既朋友呢間真係不容錯過！

尖沙咀韓菜多，今日就試呢間山林道既樓上鋪，裝修都幾型格！落單後，侍應送上前菜，五款選擇相當多，仲會refill! 個人認為菠菜同牛肉唔錯。叫左240蚊既牛肋骨，入味，可以肉質未算腍。下次再黎試下韓燒先！

跟幾個朋友新一年第一個飯聚，有人想食韓燒，便去了山林道的一家韓國餐廳。被帶子吸引，點了4人餐，另加一個年糕。先來幾個韓式小食，水準正常。肉眼出場，肥膏偏多，肉汁及肉味濃，包著生菜食中和了肥膩感，尚算不錯。已醃好的雞肉及牛肋骨肉，雞肉乾了些，兩者燒出來都比較鹹。萬眾期待的帶子，燒起來都嫩口，不過略欠鮮味。炆牛肋骨，炆得夠腍身，但過甜了些。海鮮煎餅，又厚又大件，份量很多。煎得不算油膩，只是裡面大多是蔥，不太覺有海鮮。另外還有人參雞湯和石頭飯，同樣是份量大，味道正常。還有另點的年糕，用了芝士焗，又一飽肚之選。韓國菜很少煮得難食，而韓燒的重點是肉的質素。這個餐以熟食的份量多取勝，肉的調味則稍為遜色。

如果想試韓國地道野食真係要去試下，一入到去就見工個韓國人既經理好有禮貌，坐低叫餐沒耐就送上前菜 有5款咁多 到正餐 燒韓燒果陣 一碟一碟既肉拿過黎睇落已經唔錯 燒落去更加係肉味香農，食落發現好入味 淡淡肉汁再點埋d醬 真係未食過咁好食既韓國餐廳 想食韓國地道風味既朋友有機會真係去試下

一直對雪糕並沒有大期望！美味又令人感印象深刻並非易事！但是，今晚的自家制人參雪糕卻令我甚為驚喜！淡黃色的雪糕於口中慢慢溶化，帶著陣陣參香，咬著粒粒參肉，卻似吃著果仁雪糕，這種口感與味道，真是第一次吃雪糕得到的感覺！加上紅棗糖漿令人參雪糕口感與味道更提升至另一層次。如果大家喜愛人參，這雪糕一定不會令你失望。

食物質素是中等，價錢也合理，唯獨是服務真的如題有待改善……由男經理到服務員也都是木冇表情，不主動招呼客人。至吊跪的是你同他們說廣東話，他們聽不明白，用韓文也聽不懂（可能小妹韓文未到家）不知是何種國籍的人…………這樣令到點餐時有點雞同鴨講的感覺！現在餐廳競爭激烈，這樣的服務水準如何令餐廳更上一層樓呢？

The food here is something you will miss after the meal. Absolutely amazing and no criticism for the whole meal!4 of us called and made a reservation at this restaurant and the staff here was really nice when we arrived as they upgraded us to a VIP room. As usual, let's have a look to all dishes in one collage first! We ordered a set for 4 people that included most of the dishes we would like to try: marinated beef short rib, boneless beef rib, prawns, chicken for Korean barbecue and Kimchi panc

上星期日媽咪生日，而佢就最鍾意食韓菜，所以身為乖仔嘅我，就帶左佢去尖沙咀山林道“水刺韓饍”品嚐一番正宗韓菜，開心一下。佢地裝潢都挺高檔，韓風味濃，而座位亦非常舒適，當晚我地點左媽咪最喜歡嘅菜式，當中包括有:1）韓式人參雞湯…………雞肉相當鮮嫩，唔會韌，而湯好清甜，好有鮮人參味。2 ) 韓式海鮮葱餅…………煎得非常香口，中間夾雜住好多葱，同好多海鮮，勁有口感。3）石頭鍋飯………………有好多芽菜，蘿蔔絲，配埋太陽蛋攪勻，飯香四溢。當晚媽咪食得好開心，因為所有菜式都係佢至愛，且味道相當有水準，確實令人難忘。

突然飯聚，麻甩素顏返工碌到場 ﹗朋友仔好想食醬油蟹，我就決定試水刺啦 ﹗朋友仔遲遲未到，稱旺角勁塞車有點阻滯呢 ﹗雖然訂左七點半，依家剛才七點，我都係上去坐住等及研究 menu 先喇。佐敦醬缸既醬油蟹雖然非常美味、大隻、爆膏，但地方實在太細，坐到頂手頂腳、迫迫夾夾好唔舒服，而且服務麻麻地。要有冒險精神，發掘多一點好去處呢 ﹗地方寬敝又密度低，空氣流通、抽風又好，完全感覺唔到大油煙或污濁氣味，環境真的不俗。侍應們都是操外語呢，只是懂一點點廣東話，大多以韓文或英文溝通。估唔到水刺有大量傳統韓國料理，部份款色仲好少見添 ﹗反而烤肉選擇就比較少，貴精不貴多。料理樣樣都試啊，今晚兩口子飯聚，不能叫太多，要慬慎一點，唔想浪費，好頭痛呀。雖然朋友仔還未到達，但我已心裡有數要點什麼菜了 ﹗高質烤肉仲勁多料理，唔係一味燒燒燒，醬油蟹、水刺頂級牛肋骨、醃龍蝦、特選黑豚柳、豆腐黑鱈魚辣湯、凍豆漿麵。今晚我兩為醬油蟹而來，當然主角係蟹呢，醬油蝦、鮑魚都要三天前預訂，無緣一見。朋友仔不食牛，我唯有自己一個擔起一整份頂級牛肋頭啦，正呀，哈哈 ﹗叫碟特選黑豚柳比朋友仔，再加多隻龍蝦。當然要飲湯，水冷麵食過多次，見有

20/4/16在yah00團䐟買了二套988四人餐，去餐廳再要加一，二套共2176。8個人去食，有三只細細的醬油蟹，4片13Cm好溥的五花腩，一碗細細的䔝菜飯，一人二啖飯。一碗細細碗的豆腐湯，一人只可以二啖。大約手咁大的雞肉，成個餐是2人份量4價錢，食唔飽。用$二千幾，食咁啲咁嘅嘢。真.火都嚟那埋。希望以後唔好有人買這個團購

因是長周末，和小朋友玩完，唔知去食D乜好。冇預早book定位，去D出名嘅餐廳又有排等位，突然諗起山林道有代客泊車，咪碰碰運氣上openrice 睇吓邊間好食。打咗幾間都話有得book，要過來等，諗住試埋呢間就唔試，可能最後買外埋就算啦。點知一打去要講英文既？原來係oppa 呢！！！個心就好希望有位，因為韓國人開嘅店應該有番咁上下啩，所為唔係猛龍唔過冮！oppa 話＂yes, reservation confirmed !"。一同4大2小，被安排到corner table，非常舒適。周圍睇吓D客人點D乜，都係一般嘅傳統韓國餸菜，我哋都隨意點咗平時常點個幾款，列如，牛肋骨，牛舌， 豬腩肉， 炒粉絲，等等。見到仲有醬油蟹，就叫咗半份試一下。D伴送小食都相當唔錯，kimchi 有似辣咗啲，味道都好好。跟著先上大大碗嘅紫菜飯（跟生雞蛋），睇落非常 吸引！小朋友一見到D紫菜，胃口大増，搶住要成碗來！D餸都未來晒，已經食哂碗飯。每道菜都好好味但唔可以唔提及下－牛肋骨，係最爆燈嘅一道菜。牛肉味非常濃郁，燒到香噴噴但肉汁仲可以保住，所以好腍。小朋友一咬就不斷話要再食多D。食到個個都飽到嘔，佢先上埋之前專

未有醬蟹供應嘅時候嚟食過一次，街坊x神介紹完嘅時候又食過一次，今次已經係第三次光顧。見到facebook有蟹promotion, 所以今次主要係嚟食蟹。 今次黎到發現左幾款新菜式，不過只有兩個人，不能叫太多，只係叫左蟹，幾款bbq肉同埋我最愛嘅葱沙律。醬蟹- 雖然不及我上次在韓國吃到嘅咁肥美，但肉質鮮甜，醃料味道一流，比起我之前吃過的更合口味！五花肉拼盤- 五花肉肥瘦適中，入口有口勁，用料上乘，豬頸肉亦有口感。炆牛肋骨- 上兩次都有食，十分美味，今次當然要encore。葱沙律- 保持水準後話-- 前菜可以refill- 是較modern又有privacy嘅韓國餐廳- 有部份係韓國waiter n waitress,需要英語溝通- 用膳後會送上果醋，非常貼心- 有代客泊車服務- 上肉嘅時候，waitress會好細心咁幫我地剪開啲五花肉，食到咁上下，又有個經理走過嚟問我地味道服務同意見。 我食過好多間韓國嘢，大部份都service欠奉，只有呢間咁西化會問意見又有service!! 讚！ -第一次黎嘅時候，應該係開業不久，無需等位。等二次book左幾次先有位，嚟到都要等！ 第三次平日嚟，又無

其實近年來香港真係開左好多韓國餐廳，我都有試過好幾間，但係講味道、服務、價錢，始終都係覺得sura最平均！由於上年8月我已經移民左去韓國，最近11月尾返黎香港玩1個月，避不了都要食下家鄉菜 hehe今次約左1位朋友仔一齊食飯，佢話想食韓菜，咁就梗係帶佢黎食sura, 因為可以book位唔駛排隊又好食！我地之前食左個tea, 加上2個女仔，所以無叫好多，叫左我至愛醬油蟹+紫菜飯+大醬湯+生牛肉！lee幾樣係我至愛，但喺韓國食的話就唔可以一次過嘆晒 ^^醬油蟹：味道比韓國大瓦房好味好多兼且價錢比大瓦房平，蟹又多膏，醬油又唔過咸 very nice!! 蟹蓋放飯落去一齊食至正！大醬湯：比我家韓國奶奶煮得更好味 wahahha！大醬咸淡度適中，加上海鮮、肉再煮唔會得咸味！豆腐比韓國豆腐更滑我更鐘意，所以唔一定要去韓國先可以食到正宗大醬湯！生牛肉；首先，牛肉感覺新鮮，唔會似剛剛係雪櫃攞出黎咁樣（我真係食過一間餐廳夠膽死攞未解凍好嘅生牛肉比我食）同埋我一向食生牛肉都一定要有大量嘅梨片，如果唔係味道會好單調，sura生牛肉會配梨片（份量比其他我食過嘅韓式餐廳為多）加埋蛋汁，甜！鮮！邊食邊同朋友聚舊真

Since my wife got a groupon ticket (for soy sauce lunch set) from her relative, we visited this restaurant.  The soy sauce crab lunch set: It includes appetizers (5 small dishes), one soy sauce crab, seaweed on rice, Korean style pork tofu soup, and after meal beverage (kind of a fruit vinegar for digestion purpose!?).  According to my wife, that groupon worth HK$200 (service charge inclusive).  A.  Soy Sauce Crab set (HK$200, services charge inclusive)5小碟 are refillable.  Their looking are not