影片
營業時間
星期一至五
12:00 - 14:45
18:00 - 22:00
星期六至日
12:00 - 14:45
17:45 - 21:45
公眾假期
12:00 - 14:45
17:45 - 21:45
以上資料只供參考, 請與餐廳確認詳情
#20231111 🤍📍 水戶日本料理 @mito.yongyi 大埔寶湖道1號富盈門地下3號舖 🍽️粉嶺新運路33號粉嶺中心C座地下1C-1D號舖➖➖➖➖➖➖➖➖➖➖➖➖➖➖➖➖➖➖#唐揚墨魚咀 $56💭 呢間野開左一段時間，平時經過都無乜留意到佢，今次一於就去試下佢啦😎雖然就咁睇menu要五十幾蚊有啲貴，但尼到就發現佢大大碟絕對對得起價錢，直頭抵過啲壽司店賣十幾蚊得幾粒，雞軟骨就咁食已經夠味，配埋沙律醬可以一啖接一啖咁係咁食😬不過真係有啲大碟，建議多啲人一齊開心share食😅. #清酒煮大蜆 $88💭 其實嚴格尼講係清酒煮沙白，不過啲沙白大大隻而且份量又夠多都過關啦😜除左啲沙白，個湯都好高質，落左昆布同啲蔥，最重要係有清酒既清甜同沙白既鮮甜🍶食完當湯飲都得.#海鮮茶碗湯 $50💭 熱愛茶碗蒸既🐽比個名吸引左😂上枱有啲surprise，佢係一個用茶壺裝住啲湯煮海鮮，比左兩隻杯仔好似飲酒咁慢慢嘆🫖茶壺入面有啲海鮮記得要夾尼食，要雞蛋裡挑骨頭就係佢無比個夾去夾啲海鮮出尼，用筷子有些少難夾🥢茶壺上面有塊檸檬，本身想像落啲酸味落個湯會好奇怪，膽粗粗試下發現原來超乎想像🧐可以令個湯無咁咸再易啲入口，好神奇🍋.#牛肉烏冬 #走蔥 $65💭 啲牛肉唔係平時打邊爐好多白色果啲cheap cheap肥牛，而係煮到粉粉地色，預留時間等個湯再慢慢浸熟佢🐮牛肉既份量多到令人質疑佢到底收幾多錢，話佢收八十幾蚊都真係唔過份🤑.#鰻魚炒飯 $84💭 鰻魚切得有啲細粒，撈左係啲飯入面融入左唔太容易搵到🙈不過單憑炒飯尼講佢係炒得幾好，用珍珠米粒粒分明，炒得乾身唔會太油，而且大大兜絕對夠飽😮💨.#大埔美食 #🐷在大埔 #粉嶺美食 #🐷在粉嶺 #🐷_食
繼續閱讀
我今日去咗水戶日本料理食咗佢哋嘅lunch set, K餐咖喱雞肉丼，但真係好失望 🥲食食下我發現咖喱裡面有啲紙皮，真係搞唔掂。佢哋係一間日本料理餐廳，我就期望佢哋嘅食物係經過精心製作嘅。但見到呢個問題，我就有啲懷疑佢哋對食材處理嘅方法。雖然個碟食物表面睇落好靚好吸引，但係喺製作嘅地方我就覺得佢哋唔合格。我覺得好嘅料理唔止追求外觀，仲要有好嘅口感同味道。但係呢個咖喱雞肉丼……唉😮💨呢間嘢一係唔會再去😵相比之前直係差天共地
繼續閱讀
差不多己成為我家周末飯堂，食物水準keep住高質！價錢合理！阿仔唔食洋蔥，但偏偏每次都來幫襯他的和風牛肉飯同埋他的至愛雞軟骨！魚生新鮮，大大碗，每次都好滿足地離開
繼續閱讀
粉嶺水戶已經成為我嘅飯堂，知道佢喺大埔新開咗分店，今日經過就入去食個午餐，店舖唔算好大，裝修跟返一貫日本簡約風，淺木色系傢俬，設有獨立卡坐，寬敞舒適。午市定食選擇多，一樣好抵食。#水戶魚生丼 $84有三文魚、八爪魚、鱆紅魚、帶子、赤蝦、蟹子、吞拿魚、仲有我最鍾意嘅海膽。樣樣都新鮮。八爪魚好厚切又大片，片吞拿魚肥美到呢，入口有溶化嘅感覺，呢個價錢食到呢個質素，仲要有埋海膽，性價比高。#刺身定食 $82刺身有八片，三文魚、劍魚腩、鱆紅魚、赤蝦，全部新鮮，厚切大片，仲有兩件卷物，配醋飯一碗，份量十足。#壽司定食 $74壽司有八件，三文魚、劍魚腩、鱆紅魚、北寄貝、墨魚、蟹柳、熟蝦、蟹子，件件唔重覆，可以食多幾款，仲有兩件卷物，每款定食都配有沙律，前菜同味噌湯。#水戶日本料理地址：大埔寶湖道1號富盈門地下3號舖
繼續閱讀
抵食🌕🌕🌕🌕🌕/5新鮮🌕🌕🌕🌕🌕/5服務🌕🌕🌕🌕🌗/5🎏過間日本🇯🇵料理外觀高尚店內以木系裝潢坐位都幾舒服，店員安排位置後第一時奉上一杯熱茶🍵，Lunch menu 仲有丼，便當🍱及拉麵🍜Order咗碗《切角魚生飯$54》仲即叫即做，盤子上有前菜、沙津🥗、湯🥣，飯底暖笠笠蓋上粒粒魚生肉質鮮嫩，連＂山葵＂都係新鮮一啲都唔刺鼻，加入醬油撈起身一齊食豐富極，呢個價錢絕對底食（另外仲有要加一）
繼續閱讀