水晶晶泰國餐廳 (已搬遷) 新店位置

第一次寫食評，多多指教！今日黎左呢間水晶晶食lunch, 望住個餐牌，其實唔係好啱胃口。逼於無奈叫左個星洲炒米，心諗伏極有限吧！食過之後就覺得不得了。有豬頸肉嘅！仲有大大哋嘅蝦！淨係有呢兩樣配料都已經覺得可以再黎啦，而且啲豬頸肉同蝦都真係好食。不過啲麵就有啲唔夠鑊氣，叫做美中不足。不過整體都已經好唔錯，值得再黎食。

今日食個早午飯，好多餐廳都係啱啱開市，唔使等，即刻有位，即叫即上。入到黎水晶晶，見倒泰色咸魚雞粒炒飯。咸魚雞粒炒飯就食得多，泰色真係未試過。先講價錢，42蚊連凍飲，正常價啦，冇咩特別，係凍飲唔使加錢呢度好。碟飯方面，聞係好香，食落都唔差，咸魚雞粒都唔少。比較特別係有條已切粒嘅菜心同啲泰菜常用嘅瓜。飯嘅顏色偏啡，應該係用左一種特別嘅調味料。此外，咸魚係好有味，呢個令成碟飯加哂分。整體黎講，係好食過普通嘅咸魚雞粒炒飯。服務方面，Waitress都好有笑容，應該係因為啱啱開鋪，客未多先咁好😂。環境衛生方面，正正常常啦。

今日跟家人吃下午茶，家人提議東南亞菜，所以來到這裡。//這店下午茶價錢由於較經濟，所以都有不少人幫襯。而我有點久沒有食過肉骨茶，所以我就點了肉骨茶。//如圖所見，肉骨份量不少，我喜歡佢煮得較稔，好易離骨，又沒有煮得太老，但奈何茶底太甜，沒有藥材味，所以未能完全滿足我吃肉骨茶的心願。//但家人點了海南雞飯，油飯好味，雞都算滑，以30蛋元一個餐，真的幾抵食。//

是晚泰國菜，荃灣區食泰菜選擇不多，要揾平靚正既就更難，水晶晶間唔中都有幫襯下，雖然食物好價錢適中但因為成日爆場d座位坐得幾迫下，所以都唔會成日黎，今日揾地方食晚餐既時候路經，見到個場難得靜靜地，所以就即刻入左去，入到去我地兩個人仲俾左張4人枱我地坐，坐得最舒服既一次，亦都比平時叫得多野芒果沙冰:沙冰打得滑身，但芒果味唔太濃龍眼冰:甜度適中，唔會甜到那喉，龍眼肉頗多海南雞:通常海南雞都係凍食，但呢到個暖暖地，而且幾un下，亦都無起骨，麻麻地，但點雞個汁ok紅咖哩雞配薄餅:紅咖哩幾香椰汁味，微辣，好惹味，配飯或薄餅都一流，雞肉嫩滑而且份量都多⋯⋯薄餅較為遜色，無乜牛油香，麵粉味重，有d浪費左個紅咖哩菠蘿炒飯:炒得夠乾身，飯粒分明，配埋肉鬆同腰果食好香口，但菠蘿肉唔夠甜串燒:3串雞3串豬，沙嗲味香，燒得啱啱好，無柴皮現象，配埋沙嗲醬好惹味埋單$400幾，價錢適中，都叫左幾多野，質素亦唔錯，如果下次見到有位都會再幫襯既

難得的週末，約了studio拍攝畢業照片，卻遇上三號風球。影完相正煩惱去邊度食飯，竟然見到呢間平時頗多人既泰國餐廳有好多位，所以決定一試！先來了個生蝦，價錢沒有記錯是 ＄68，以一般泰國菜黎講，呢個生蝦價錢絕對抵食，蝦都夠新鮮配合醬料，有薄荷香味，好醒胃。跟住就係水晶晶小拼盤，雖則叫小拼盤，但如圖可見，份量絕不"小"呢。盤內有魚餅、蝦餅、春卷、雞棗及雞絲海哲，足夠4人食用，每人一件 岩岩好。水以下就係我覺得最抵食既推介 就係孖寶套餐喇～二百幾蚊既價錢包括左原隻既咖哩炒蟹同埋半隻海南雞！咖哩唔算太辣，好香椰奶味。蟹又夠肉地，唔會太削。海南雞大部份已經去骨，啖啖肉又無雪味，可以配上甜豉油或泰式酸辣醬～好味。另外，仲叫左飛天通菜同生菜包，只屬中規中舉，所以不多作介紹喇，哈哈。甜品叫左芒果糯米飯，唔記得影相，可以揀黑白糯米混合。芒果偏酸，而且價錢要＄48，不叫亦可。餐廳：水晶晶泰國餐廳 地址 荃灣路德圍65-75號運通洋樓地下S舖

早前下午約個客見面，但仍時間 去搵間特色餐廳 坐得舒服之餘，E下個肚先呢間泰國菜需要上兩層樓 麻煩左啲 但環境都幾舒服啦我點左個雞扒撈檬粉 個樣幾靚 好大碗雞扒皮脆 煎得剛好，肉唔鞋 點埋個甜酸漿 好好味 檬粉 我先加埋D酸汁一齊食 啲粉彈牙撈埋啲扎肉同生菜一齊 食口感好多層次 正飲品係凍奶茶味 味道沒有特別 但半杯都係冰 就離譜咗啲啦整體味道加環境都幾好，午餐價錢大概＄35 喺荃灣算超值吧！

入坐時間7：30pm，結賬時間未到8：30pm. 用餐不到一小時。我在吃快餐嗎？不，是在受氣😤本來跟朋友開心聚餐，選了很多香港朋友都喜歡的泰菜，此店只因位置方便， 朋友說曾光顧這食物還可，本猶豫中但見店內有坐位不用等，門口“帶位”先生醒目地叫問着小姐幾位於是便入坐了。點餐後食物很快便到，先來無骨鳳爪，再來炒椰菜苗，兩款都可以。再過約10分鐘燒烏頭魚也到了，問題便開始浮現，魚肉鬆散及沒有温度，明顯是翻燒那種外熱內暖😐未致凍（要慶幸嗎………）這我們沒有投訴，因為有更大問題轉移了我們視線，侍應小姐開始很很很関注我們，未吃完的菜想收走，打發一位，接力來一位，再講未食完呀！不到一會又來了，是不夠碟用嗎………最後我們無力再守護這碟因菜已食完，ok9秒9被收走了碟，算！攻防戰已開始了，我們要力保條魚到最後一絲肉，大家都察覺到已不能安心吃飯了😡 侍應又來想收碟，未行到枱邊，我已示意不可收走，但结果換來最後通牒。另一位女侍應拿着餐牌不友善地問你們（餸）來齊了嗎？要再點菜嗎？如沒有的，你們只餘下20分鐘。我立即反問有限時嗎？為何進來時沒說呢！女侍應沒有回答轉身走了。接下來魚.被收走了，我們當然很火啦，但都

好耐沒有食泰菜.是日中午經過， 見午市套餐價錢唔貴， 約$42-$48， 於是，同友人試試。店内環境唔錯， 樓底高，唔焗促海南雞飯皮薄,雞肉鮮嫩，沒有渣，吃下口不會感到油膩而油飯,也要一讚,飯粒有雞油香味,乾身，整體來說味道不錯咖哩牛腩飯咖哩汁很香, 微辣 ,而且有點淡淡的椰香, 沒有搶去咖哩味,反而中和咖哩的辣, 兩者的配合很好牛腩炆得很”林”, 也保持了肉汁

荃灣區既泰國菜餐廳，越開越多，呢間水晶晶由開張到而家都食過好幾次，今次終於記得影相，comments 一下。泰式咖哩蟹 - 味道都幾好既，蟹就ok啦。如果可以大隻小小就更好。泰式肉碎炒飯 - 基本上呢個無得輸，水準穩定。次次食都好好味。泰式海南雞 - 純粹個人偏愛，肉質都算滑。如果唔係太高要求，都可以接受。椰汁冰 - 椰子味好足 ，但太甜了

這幾天真夠熱，溶啦，本來要去遠d食茶餐廳，但陽光太猛烈，近近地入左水晶晶，反正未試過呢間叫左個辣肉碎豬肉飯，涷檸檬茶。這是惹味既菜，但對我黎講辣左點，而且油左D，豬肉份量和飯都頗多，仲有一隻蛋哩～印象中，除了辣，並冇咩特別味道…檸檬茶正常，冇澀味，甜味適中解渴解辣之選！

開咗account一段時間第一次寫食評，真係一肚氣！！！六點半入座，初時都無乜人，上菜都好快，亦都幾好食...泰式生蝦沙律 ---> 其實只係生蝦加一堆鋪底既(伴碟菜)，不過生蝦普普通通串燒(雞同豬) ---> 肉質都幾嫩口，特別係豬，一d都唔乾，個汁都唔錯蠔餅 ---> 見隔離枱叫好似幾好食所以又叫，都唔錯，鐵板上夠熱生菜包 ---> 菜都新鮮，不過d肉就乾咗少少涼粉冰 ---> 有驚喜，唔會一味得個甜字，有椰奶香，又夠大杯仲同朋友講咦真係唔錯bor值得再幫襯丫，點知最尾15分鐘就出事喇⋯有個叔叔侍應走過嚟話夠鐘喇要走喇你哋，我哋好愕然問下原來有時限架？阿叔叔都幾串咁話係呀隔離檯已經第三轉喇、然後一邊收走兩碟我哋未食晒嘅嘢(其實當時我哋只係食咗一個鐘左右，仲要加咗單叫飲品，邊有第三轉咁誇=.=快餐咩)我哋話由入座到宜家都無人講過有時限，餐廳又無貼出來，佢仲話係呀無貼架你哋過晒鐘架喇，我哋好無奈話飲埋杯飲品食埋少少就走啦，之後幾分鐘內有幾個人過來問我哋啲嘢要唔要，我哋都無癮再食喇，埋單期間都不停執嘢抹嘢放晒新一套餐具、企兩個侍應喺後面，出門口嗰時

其實水晶晶同隔離街間泰特色係同一間黎，menu價錢個d完全一樣，但水晶晶環境無咁好，迫左d之餘，店面氣氛都好急促，雖然都知道好忙，店員都盡哂力，但店員個種疲累同急促既感覺都傳埋俾食客，同埋都幾難叫侍應落單，一坐低連menu都無，亦因為環境迫，全部菜都要由食客自己從侍應手上面拎再自己放上枱，所以泰特色既感覺會好好多，講番d食物先，叫左4個餸牛肉煮得好香，配埋d洋蔥同菜加埋d汁好正正常，唔錯但無大驚喜都係幾正，椰汁味較濃，料都算多，飲到底發現原來有成6隻蝦頭，感覺煲湯好多精華但上菜個陣，都知環境迫，但侍應拿拿林將成煲湯放係張枱既枱邊就走左去，下面仲有d火燒緊，因為店面好忙好多人行黎行去，如果撞到張枱成煲湯一定會淋落我到，好危險，希望店員注意下不過不失，但d頭尾位就有d硬同乾芒果味唔夠濃總括:下次都係去番泰特色，雖然食物質素一樣，但個邊店員好d之餘環境都好d舒服d

生蝦刺身吾太新鮮 一般燒豬頸肉 ok 都好食大蝦粉絲煲 偏淡 但粉絲份量多既最大問題系一食飽 仲飲緊野就開始搵人收你野 隔兩分中過黎搵人幫你抹台 再吾走就會有人同你講 系米冇野加？冇野加同你埋左張單先 由坐低到食完大約20分中 個人認為趕客走有少少過份囉…既然食物一般又咁趕既 相信冇下次

看著金坊由剛開店到其門如市到現在路德圍的泰國菜館開得比比皆是可說是見證著荃灣泰菜的發展芸芸新舊泰菜館中水晶晶算是我近來比較喜愛的一家相比今時今日仍人山人海卻“味”力不再的金坊水晶晶的泰菜絕對一試無妨手藝正宗唔在講服務親切好受落平日招牌菠蘿海鮮飯和木瓜沙津必佔一角只是今日人少食唔落湯頭味道唔夠到肉，勝在烏頭夠啖啖肉蝦餅件件都好彈牙，而且次次都新鮮炸黑米煙有口感，食晒成碟好猴擒

唔知幾時講過,唔可以再係荃灣食海南雞,因為真係次次中招,今次都唔例外$42 價錢上係吸引既.雞肉起骨技術差,仲有不少碎骨存在,差點爆咀.而且完全唔滑,仲幾乾身.油飯又係以大量香料味為主,同時略為甜,反而雞油味就難以感覺到.再加上一個問題係,泰式辛辣醬中找到一條毛,實在恐怖!不論味道和衛生都不合格