水門雞飯 (厚福街)

營業中

休息中

好耐冇去過泰國，好掛住船河嘅味道，咁啱今日收工喺尖沙咀，醒起有間水門雞飯都略有名氣，諗住去一試。呢個餐廳主打雞飯同埋船河，船河有唔同款式配搭，有豬肉，冬陰功海鮮，魚同牛肉。我今日點咗雙拼，生牛肉牛肉丸 金邊粉 ，加錢$50沒有飲品。首先俾咗一碗例湯，好重胡椒味，辣辣地都OK但係味精好重，飲完會口乾。然後金邊粉送到上嚟，一睇就有啲失望首先我係叫生牛肉，但係成碗牛肉都係熟嘅，一點紅色都冇，我心目中係半生熟，牛肉丸都OK，細細粒，都彈牙嘅然後金邊粉入唔到湯嘅味道，食物同埋湯分開兩樣嘢咁，金邊粉淋過頭，又唔彈牙，比較粗嚡，我都冇食晒，唔係好掂 真係冇下次😖

今次又去咗水門雞飯嗰度食野，之前一路都係食佢嘅水門雞飯，今次試埋佢其他嘢發覺其他菜式都唔錯，睇嚟之後外賣加料又有多一個新選擇👏👏👏泰北青冬陰魚片湯蛋麵：有魚片和蛋麵，具有鮮美的味道。這道湯麵絕對會帶有鮮甜的魚湯味道，加上魚片和蛋麵的口感，最好嘅就係唔會太辣，邊個都食到水門雞：雞肉熟到，啱啱好，而且醬汁酸辣開胃，唔會好似廣東嘅貴妃雞咁咁肥，會比較瘦啲，但係充滿肉味，我會鍾意呢隻多過食白切雞😝泰式炆雞腳：使用泰式香料和調味料進行炆煮。這道菜通常具有濃郁的香料味道和柔軟的口感，而且價錢非常之平，不錯泰式腩仔：同廣東燒味有啲相似，配以泰式香料和調味料進行烹製。這道菜通常有著豐富的香料味道和嫩滑的口感，最特別係有一個酸辣汁，非常之夾

點左水門雞飯套餐，味道水準好一般。雞肉比較柴，冇雞味，雞油飯有d硬，冇雞油味。雖然套餐$62唔算貴，但整體性價比已經不如開初。同一價錢有好多小店既雞飯都比佢好食。

香港最近正午的天氣熱得誇張，在尖沙嘴厚福街找吃的，這一間之前也有經過，今天天熱想吃酸辣的泰菜，就進去嘗一下。點的大蝦炒金邊粉，店內冷氣超強，餐點上桌後很快在強風下冷卻😂我也有點分不清是因為冷掉所以有幾條金邊粉偏硬，還是有點沒煮透，不過口味還是不錯的。看大部分人點的海南雞飯，下次試一下。

🔹 水門雞半隻🔹 水門三寶雞飯雞肉嫩滑，就算外賣返到屋企都一樣咁正。水門雞飯的油飯不會太油但味道保持到我幾鐘意，雞肉份量多都幾嫩滑啖啖肉泰式炒通菜份量都幾多，最好是可以選少油少咸加分不少去骨 水門雞，啖啖肉，而且肉質軟腍，唔會「鞋」，真係好愛😃。雞皮下冇脂肪，食落爽口，本身唔係咁鍾意食雞皮都覺得唔錯，再點 食佢嘅醬汁，微辣清新開胃，好好味😋雞腸正，外賣盒乾淨企理，點醬汁非常好味，雞腎 軟淋 ，豬紅大大件👍🏻

水門雞飯，周圍都有分店，夠方便。📍地點：尖沙咀🍽️菜式：泰國菜💰人均消費：午餐 HK$50~80🔖服務費：❎🧻餐巾/ 濕紙巾：❎ / ❎🪑座位類型：方枱/ 長枱📝落單方式：侍應生落單【水門雞飯】💰HK$56雞皮Q 彈，雞肉實淨但唔鞋。飯係雞油飯，帶香茅味。富有曼谷水門市場味道。【蝦頭膏炒雜菜】💰HK$56椰菜花、西蘭花、椰菜、紅蘿蔔、草菇，好多唔同款菜，好滿足。【胡椒單骨雞翼】💰HK$44單骨雞翼食起嚟相當方便，份量又相當多，食唔哂咁多。【泰式奶茶】💰HK$22泰式奶茶錫蘭紅茶再配上多層次嘅奶，飲落味道總係十分豐富。.成日見佢排長龍，宜家尖沙咀有兩間分店，只係隔一條街，分流後繁忙時間唔駛等咁耐。.水門雞飯🏷️尖沙咀厚福街3號華博商業大廈地下2-3號舖

香港人去到泰國都必定會去食嘅泰式地道平靚正美食水門雞飯配返碗冬瓜湯，每次排隊都一定要食，就係為咗一碟雞皮脆口而沒有任何脂肪、雞肉彈牙配上一口雞油飯的美味，而家想食就好方便囉，水門雞飯喺香港已經開咗好多分店，而且仲有好多泰式美食，例如豬手飯、肉碎煎蛋飯、脆腩仔、串燒、泰式湯河、泰式傳統飲品多款美食👍🐔▪️水門雞飯 + 雞什 $ 64賣相和味道完全和泰國一模一樣，雞皮爽脆雞肉彈牙，將雞件沾上泰式香辣汁，再加一口雞油香飯，就是泰式的美味，我仲加咗雞什，有雞腸、雞腎和雞紅，喜歡吃的就會很喜歡🐷▪️泰式豬手飯 $ 52豬手炆得非常軟腍，吸盡滷水醬汁入味到不得了，一夾即散，豬皮炆到滑捋捋，肉質軟腍腍帶一點脂肪，拌上一口白飯，美味到不得了🥬▪️韭菜花 $ 36清清地想食韭菜花，鮮嫩爽脆，配上甜香醬油，清新美味🍗▪️脆炸香茅雞翼 4隻 $ 28意想不到咁好食嘅雞翼，最鍾意雞中翼連雞翼尖，炸得雞皮香脆肉質嫩滑，滿滿香茅的味道 ，香口惹味🍢▪️串燒雞/豬 3串 $ 42雞串和豬串燒至外焦肉質爽口，必定要沾上靈魂醬汁，香甜惹味的花生沙嗲醬，永遠都是串燒的最佳拍檔🍹▪️香茅特飲 $ 20香茅加上青檸汁的味道，味道酸酸甜甜

尋日👨🏻‍🦱父親節， 但係我同我家人選擇買外賣因為好多時喺香港去酒樓食飯都要食佢哋啲套餐， 根本啲嘢都唔想食🙂， 所以我哋就決定買外賣返屋企， 可以慢慢食慢慢嘆🥳屋企人同我最鍾意就係食🇹🇭泰菜當然唔少得海南雞啦🐥🌟🫶🏻， 想食海南雞一定就會去水門雞飯， 除咗佢啲雞好正又滑又有雞味， 而且佢哋個雞飯仲用雞湯整， 又唔油膩比起出面嗰啲好食好多😋除咗雞飯之外佢哋仲有好多唔同嘅小食， 而家跟餐仲可以加$10追加佢哋小食添，我哋就叫咗香茅雞翼同埋芥蘭😚另外小食我哋都叫咗串燒，滷水雞腳同埋炸泰式腩仔☺️買咗兩大袋都係三百幾蚊咋真係好坻， 而且份量又好足， 呢度除咗海南雞飯小食同飲品都好出色， 大家都可以過嚟試吓🤩

下午在尖沙咀約朋友聚舊，便在附近吃個飯。這家餐廳沒有加一，價錢合理。⭐️雞肉串⭐️豬肉肉質不錯，表層微焦，雞肉口感更好。⭐️脆炸香茅雞翼 雞翼酥脆可口，香茅香氣四溢。⭐️水門雞飯配上一小碗湯，飯菜色澤金黃，飯粒粒分明，淋灑上香濃的雞汁，雞肉很嫩，每一口都飽含馬來風味。⭐️馬拉盞肉醬芥蘭苗馬拉盞肉醬和新鮮脆爽的芥蘭苗，層次豐富，口感層次感十足。⭐️香茅特飲 味道清新解渴。⭐️熱檸水已預先加糖，清新解膩。

呢間餐廳真係好高水準，見到門口好多人排隊，就知道好有保證，而且佢哋嘅餐廳門口裝修都好精緻，好似去咗泰國風味嘅格調，所以我覺得好吸引，而且非常吸引遊客嚟食飯，我見到真係好多人入嚟食佢哋好出名嘅水門雞飯，所以我都叫咗一碟嚟試吓，果然真係好高水準好專業好好食，真係一定要介紹俾朋友食啊，而且呢度食飯經濟實惠，好抵食，分量十足，非常豐富，仲有呢一度嘅泰式男仔都好好食，比我想像中好食，好香脆，超乎我所了，而且豬肉雞肥瘦都做得非常均勻非常好食，肥瘦適中，又唔會太肥膩，我朋友都好鍾意呀，仲有餐廳佢用咗傳統嘅海南雞飯做法，所以隻雞非常鮮嫩，而且份量十足，大大件，真係好飽肚啊，而且呢度嘅衛生程度都好好，好乾淨，所以食得好安心呀，仲有呢度係有招牌嘅胡椒雞湯，胡椒味非常濃郁，仲有一嚿冬瓜配搭，所以食我真係好暖胃啊，如果經過尖沙咀嘅朋友一定要入嚟試吓😘😘❤️❤️❤️❤️

又嚟到厚福街開餐～天氣咁熱就不如食泰菜啦🥢望一望餐牌見食物種類算多選擇～仲要位於尖沙咀中心地點卻價位合理☺️☺️難怪呢間泰國過江龍人氣咁旺盛～.🔸水門雞飯 (轉雞脾肉）$64招牌雞飯點可以唔叫噃😀本人麻麻哋雞胸肉～所以加錢轉咗雞脾肉～雞肉啖啖肉又唔嚡口～配以伴隨嘅雞湯～呈現經典正宗口味🫶🏻🫶🏻.🔸香辣紅咖喱牛肉飯 $50呢個價位極抵🙌🏻牛肉醃得入味～配以紅椒,洋葱,蒜頭令食感更豐富～紅咖喱汁料啱哂撈飯食～好味道!!.🔸雞肉串燒 三串 $42必食推介❗❗燒得焦香卻保持雞肉嫩口～沾埋配以嘅酸汁同食解油膩又清爽～非常值得柯打🤩🤩.🔸泰式炒通菜 $54炒得夠鑊氣～通菜食落嫩口無渣～非常惹味👏🏻👏🏻.🔸脆炸香茅雞翼 $28🐔有四隻真係幾抵食～每隻都炸得香脆乾身～且嫩滑雞肉～兼食到陣陣香茅味道～.🔸凍泰式奶茶 $22幼滑口感～茶味香濃🫰🏻🫰🏻好飲哦～

呢間位於尖沙咀的雞飯店,竟然能還原泰國著名的水門雞飯的原汁原味。將雞肉煮至軟嫩同時吸收香香的湯汁,再放飯成一體,味道幾乎和泰國路邊小店無異。不得不讚歎,在香港這樣的地方,也能品嚐到如此正宗的泰式美食,實在令人感到意外。呢間還原泰國水門雞飯，味道幾乎一模一樣！估唔到是香港都食到泰國雞飯味道🤤🤤🤤

啱啱喺外賣叫咗個肉碎煎蛋飯，第一佢個樣一啲都唔夠深色，而且味道非常清淡，完全唔知點解佢會夠膽死賣呢一款。而且嗌多咗個炒通菜，個味道一啲唔突出，真係好失望，上深圳食都唔會好似依間咁差，希望佢哋可以改善食物質素，唯一可以讚嘅就係佢哋嘅外賣盒係做得非常好，保持到熱力。如果香港餐廳再係咁差嘅話，真係好難幫到佢哋。

lunch兜咗一圈 見呢間竟然冇人排隊 就走咗入去水門雞飯 + 鮮檸梳打 ($62）嚟到水門雞飯梗係食水門雞飯😂啲雞擺盤唔夠整齊😂賣相唔靚都唔緊要 味道先係重點 雞肉都滑 沾雞個汁都幾好味 唔會話太咸 油飯都唔會話太油 適合唔太好重口味嘅我🤭唔洗加錢就有杯鮮檸梳打 跟住仲有個冬瓜湯 算唔錯 份量足 真係好夠飽

尖沙咀厚福街出名多好野食，呢間水門雞飯平時晚上見要排晒隊，今日經過，就入去買個外賣先。價錢合理，平靚正，堂食仲吾洗加一，嗌左兩個水門雞飯（54元）同兩個紅咖哩牛肉飯(50元)，另叫多個小食香茅雞翼，都只係24元，好正呀，價錢好吸引。飯仲有湯送埋架。先講招牌水門雞飯，雞好滑，雞皮都好好食，一d都冇肥膩感，朋友一向吾食雞皮都話好好食，雞又吾會乾仲保留肉汁，正啊。飯香有雞味，份量岩岩好，湯是冬瓜湯，咸鮮味仲有幾粒冬瓜食下，呢個價已做超好了。另外紅咖哩牛肉飯又是很讚，咖哩是真辣的，非常惹味，牛肉份量都多，絕不偷工減料，配菜都有很多香料同草菇，好味道，外賣包裝都很好，會分開咖哩一碗，飯一碗咁，不怕變淋一齊，味道好，價錢先50元，想再光顧。至於香茅雞翼，很香脆，是連雞翼尖的，很惹味，味道一流。整體非常滿意，性價比很好，堂食免加一更佳，難怪咁多人排隊。