水門雞飯 (屯門時代廣場北翼)

營業中

休息中

屯門呢間水門雞長期見到好多外賣，堂食都有啲幾full，今次咁岩經過就入去食下晚餐 。🔺水門雙併炸雞飯全雞胸，肉質滑嫩 ，點佢地嘅醬油食，味道好惹味！ 炸雞啲皮唔算好厚粉，香脆嘅，再點泰式辣醬，酸酸甜甜，味道會昇華咗 。個人喜歡水門雞多啲，始終唔太好炸野 。呢度嘅醬汁先係vip！🔺泰式燒腩仔燒得幾有驚喜，冇想像過燒腩仔係咁 。食落有炭燒味，幾香口，不過係有少少肥膏，但都接受到 。🔺泰式無骨豬手肉質好冧，夠入味，如果中意啖啖肉嘅話，呢個都幾岩架 。

今日係屯門市廣場行街，行到有d肚餓，見呢間嘅下午茶好平，就去咗試！我叫咗泰式船粉（牛），以為價錢咁平，質素應該麻麻，估唔到啲食物質素唔差👍泰式船河（牛）因為下午茶關係，所以碗河粉份量唔算多，但啲牛肉味道幾好，好滑好有牛肉味，都幾正！佢嘅河粉比較幼身，好滑，掛埋啲湯一齊食，真係好好味呀！另外，我叫左雞翼，雞翼比較細隻，但味道好好，唔會好鹹，食到雞翼既肉味，我覺得幾正！啲嘢食整體都唔錯，唔怪得下午茶都咁多人嚟食，我之後一定會繼續幫襯👍

之前係旺角都有食下水門，難得屯門都開左間，近近地所以就去左屯門店食個dinner 喇！我叫左個海南雞飯喇，個雞份量都可以既。但係呢d 肉感有少少難咬，但個雞味都仲係到既。叫左杯菠蘿沙冰，但個味好淡😂同埋呢d沙冰真係好多，飲左幾啖好似無哂咁😂同埋d 冰唔係沙狀係粒狀😂叫埋個泰式腩仔嘩 呢個腩仔不得了，真係得肥膏，似係豬扒味既肥膏，真係食左就舊就無食lu....

經過時代廣場同朋友見到新開，同埋其他區都有咁多間分店，就去左試下食下午茶，下午茶叫左個雞飯(個胡椒味嘅湯我好鬼鍾意)加香茅雞翼2隻再加杯係泰國必飲嘅泰式奶茶，咁樣只係$38真係好抵食！咁嘅價錢咁嘅質素，物超所值😋😋另外叫左串燒雞肉串，雞肉十分嫩滑，個沙嗲醬更加係精粹所在，非常惹味！！而家5點前仲可以加$10追加佢哋小食，我哋就叫咗牛舌同埋芥蘭，最後都加左個芒果糯米飯，芒果甜中帶小小酸，糯米飯煙煙韌韌，加上幾濃既椰奶，食完大滿足🥰

雖然都知呢間野間間分店都係態度差。不過呢間就一定更加差。入去問有無位。個收銀當聽到都唔會比無反應。之後入面有個女人就大大聲叫你出門口等。有枱就會叫你，外面排隧又無指引。得張紙仔貼係到排隧🔜，外面企係到根本就唔知係等位定等外賣，咁好生意排隧都搵個人安排下條隊。最好笑係佢走幾枱客。先一次過執。然後先一次過叫人入。等左成15分鐘有多。佢係安排番我坐一直無人坐吉左嘅位，仲要搭枱。當然係又迫又細啦，叫佢伙記比多小小辣椒佢就比碟豉油你，懶到一個點。最後當然野食當當麻麻啦。啲雞比以前其他分店係一啲都唔好食。退步曬。唯一最無變就係態度仍然keep到咁差

服務太度極差，有位又唔比人入，又漏單，總之唔會再走，雞又鞋又難食，個湯又無味，價錢都係平平常常，唔算貴又唔算平，總之呢間野貼錢買難受，請我食都唔去，簡直係全港最差餐廳，影響飲食業

1852落單，見餐廳大量外賣單，耐心等候15分鐘後第一次叫個男仔催單，點知原來無人理最後等半個鐘先有湯麵送上，仲要係第一次催單嘅男仔送上，一句抱歉都無只顧外賣，不顧堂食服務態度不了

第一次留食評送比你 。星期六晚6.30都坐唔滿客，唔係無原因，多外賣單（我都係其中一個） 。企喺門外等見未有，驚唔知會唔會放返係外賣枱，都係問你一次遮 。跟住拎出嚟個女人好唔高興噤，真係比錢睇你面色。雞又少又無味，嗰碗湯唔送好過送，完全係胡椒粉味精水搭一嚿仔冬瓜 。仲有啲汁次次放到勁衰，唔再放返好實倒晒 。無心做就唔好做外賣啦。炒雜菜係好食，但應該唔會再幫襯啦，去買頹飯都唔使受氣 。唔該諗下咩叫服務性行業先返工啦。

7月28日下午6點前到見到唔太多人去試一試，可能新開張未到晚市好多小食已經賣晒，叫咗一個水門雞飯一個豬手飯，一個木瓜沙律同一個炸春卷，男人口大食得快，當個飯食晒之後唔夠1分鐘就嚟收碟，如果你當時係爆場，我明白你想番枱，又冇人排隊咁勤力清場即係想趕客，個春卷醬汁都收埋，咪又係要再另外拎一碟俾我，俾人食飽先至執枱真係咁困難，食物質素已經唔係好，仲要咁樣趕客，距離閉幕禮已經不遠，去呢間餐廳前自己調整好心理準備

7點落單，要個最簡單既水門雞飯，等左半個鐘先有，中間keep住問侍應三次，例牌話整緊，之後仲唔見左張單，但外賣就一直出到，到7:30pm先黎到碟飯，我話有無搞錯咁耐先到，轉個頭，侍應姐姐大大聲話：「出快d堂食喎，比人鬧啦！」一句道歉都無，堂食都可以咁既服務態度我知好忙，但唔使咁惡下嘛？！食物又唔係好味，份量少，之前去旺角個間大碟又好味，呢間d湯又重味精，雞肉又少無味。炒通菜就還好，夠味價錢唔太貴，但比人串，仲要等咁耐，唔會再幫襯了

以前係尖沙咀成日食，覺得份量同味道都ok,而且價錢唔貴。知道屯門開都好開心，諗住可以成日食，但嗰日食完真係好失望😞呢間我咁耐以黎都係食炒金邊粉，但嗰日竟然售罄，係所有金邊粉都無。所以就轉食湯粉麵，而且都加$6要冬陰功湯底。但完全係垃圾黎，成碗野勁多番茄，根本就係番茄湯粉黎，但就無番茄味，啲味似係溝出黎咁好奇怪。如果要食湯粉，千祈千祈千祈唔好轉冬陰功！另外都有叫到雞飯，正常可以叫既。至於飲品就偏甜，無得揀少甜既。

掛住做外賣單，出完一個又一個外賣。堂食叫咗餐就老奉hea做，問完就機械式答覆話整緊。等超過二十分鐘先有食物，等咁耐食咩都冇味。食物又唔係有咩特別，雞冇雞味，仲有雪味。如果唔加錢轉雞髀，得好少件肉。個湯除咗切粒冬瓜加落去之外，都係好重口味咁，胡椒同味精味都好重。反而其他小食仲正常。但咁就唔應該水門雞係主打啦。價錢係唔貴，但如果要將貨就價，堂食「享受」咁嘅服務態度，咁不如外賣平食街邊兩餸飯仲抵，唔使有期望落差。

啱啱去完屯門市中心食完，行到去已經完到差唔多滿晒座，自己一個人諗住坐啲一個人位置，門口收錢個位姐姐要我同人搭枱，我話你呢個位都係一個，點解要我同人搭枱，之後佢話人哋兩位，跟住飛個掃碼落單餐牌過嚟，我搵個比較高級啲同事同佢講，我唔同人搭枱使唔使成個餐牌飛埋嚟，我都係食餐飯啫，食完我都走啦使唔使咁大脾氣？之後佢同事行過嚟話不如我請你飲杯嘢，我同佢講我有錢但係你啲同事唔係咁嘅服務態度，我相信唔會再有下次幫襯佢，佢同事同我講佢都係唔小心跣手，我話佢唔係唔小心，佢係直程飛過嚟以示不滿，因為我唔聽佢講同人搭枱👎🏻😫

屯門有D食肆突然關閉，過一兩個月又有新鋪開番，今次試水門雞飯，D雞都ok, 但雞味不太濃，可揀雞胸，揀雞脾才要加錢，揀大飯才夠食，點雞的醬汁少少辣都夠味，餐附送的雞湯胡椒味重都幾辣，小童唔啱飲，炸雞跟的甜酸醬都好食，沙嗲豬串醬香濃好味，但豬肉較硬，跟餐飲品好多選擇，大部份不用加錢，凍美祿夠濃夠甜。餐廳環境新淨，枱不算多，兩人通常有位，但見等位沒有派票，靠侍應記住，人多可能會有點混亂。今日沒有收加一，所以都算抵食，暫時只收現金，下午茶三點開始，下次可再試。