永利茶餐廳 (已結業)

永利茶餐廳 看起來很舊式，午飯時間過來都沒有很多人。可能大家都集中在熟食市場那邊？之前來長洲有吃過，所以今次就吃吃其他吧! 沒有什麼特別的裝修，不過看起來還算乾淨，而且像是家庭式經營。套餐有跟飲品，朋友點了 益力多凍蜜 就要加錢。很有趣的配搭，朋友說覺得稍微甜了一些。我在舊式茶餐廳點的當然是 熱奶茶 吧！很香滑，茶味會比較濃，但不澀。吃的是全日特餐 - 乾炒沙嗲雞絲公仔麵 ($58)熱氣騰騰的炒得很香，沙嗲的花生味幾突出，亦夠乾身且麵條是爽口彈牙。說是雞絲，感覺更像是雞柳吧？份量頗多，配料還有洋蔥、青椒那些。朋友點的雞扒炒烏冬也是十分香！反而鮮油多士相對就不太吸引囉

話說我老婆自己去呢間鋪頭食飯，落左單叫左燒汁猪扒炒意粉，點知黎錯左茄汁猪扒意粉，即刻好有禮貌同個待應講黎錯左，希望可以換返，其實就好小事，都唔係咩大問題，如果佢有禮貌啲，落多個飯打包又有咩所謂，但點知個待應竟然目露兇光話係佢自己叫，因為我老婆有左BB,如果食太濃味既野會有機會唔舒服，所以絕對唔會主動落呢飯，但個待應堅持係我老婆既錯，而且態度好無禮貌，令到我太太感覺到好唔舒服，好委屈，大肚婆好易受到刺激,明明係個待應落錯單，又唔認，跟住個老闆見到就問個待應咩事，點知個待應好大聲咁係間餐廳度話我老婆錯，令到成間餐廳呢人都以為係我老婆唔岩，明明自已無錯比人屈到佢唔岩，最後搞到我老婆食左兩啖，比埋錢就差唔多空住肚情況下就走，長洲永利誰大誰惡誰正確，對住個普通客人都不至咁啦，何況對住個孕婦？認真野食又唔係特別好食，位又唔係坐得舒服，地方又唔係乾淨，只係個位置就腳啲，真係無下次！野食好唔好食都係其次，態度差就真係勢係假！強調不建議去呢間野食！正垃圾！

長洲做完嘢，順便食埋個lunch 先走！今次食永利茶餐廳！未到1點，唔係好多人，有Lunch set 揀！普遍50蚊度，有埋嘢飲，都算抵食！海鮮炒烏冬: 足料足量，有獅子狗，鳴門卷，蟹柳。。。原來諗住會同乾炒牛河差唔多，但原本唔係，甜甜的，又有豉油香味，係好食嘅，食到最尾有小小油！炒飯： 正正常常咁，飯炒得乾身，ok！雞肉炒烏冬：同海鮮烏冬一樣味，係海鮮轉咗做雞肉！總括黎講，係好食嘅，價錢適中，服務都幾好！

星期日，長洲人山人海，大街上到處是人。行到肚餓，下午茶時間到，找到這間內巷餐廳，話有60年歴史，便坐下試吓。叫了豬扒撈麵，加熱檸茶，都係$38，價錢尚可接受。麵餅爽口，豬排普通，行到累了，坐下抖抖，嘆下冷氣，尚算可接受。

環境： 。冷氣充足                               。坐位約60個                               。開揚 食物： 早餐款式都算多，今日試左個早餐C (另加$2轉左牛角包)                              漢堡扒夠juicy                              牛角包夠鬆化                               火腿同煎雙蛋就係一般嘅火腿煎雙蛋  推薦     ：澳洲鮑魚火腿絲通粉                                  老板真係用澳洲罐頭鮑魚，而且仲可以成罐買返屋企！                             

今天悠悠閒入長洲一日遊，到了長洲當然要醫醫肚搵野食啦，先歎個下午茶再繼續一日行程😎來到這間＂永利茶餐廳＂門面乾乾淨淨，坐位寬鬆冰氣又足，入去食咗先講啦😆香煎吉列豬扒沙律 - 大大塊吉列豬扒，不知何解他們外層的粉醬一粒粒有點硬，不過肉質嫩腍配上大大份的沙律，沙律有西芹，紅蘿蔔，青瓜，當然唔少得有薯仔咬落很爽脆清新跟餐飲品 柑桔梳打 - 夏天炎熱這杯柑桔梳打就非常解渴，梳打好夠汽👍🏻柑桔應該是果醬來的，甜絲絲很好味

昨日入左長州,之前看過一些美食推介,專登去吃,可惜失望而回,今日臨走時,本來不打算吃東西,因對大部份食店怕怕,因出品差之餘,又冇特色.本身係u去長州戲院睇吓.經過永利.初時覺得平平無奇,算,因很熟就入去吃.一入去.冷氣很涼,感覺還可以.它有很多選擇,套餐之類,叫了日式炒烏冬,味菜鮮魷飯及吉列豬扒飯.我們還跟餐叫左凍奶茶同凍檸茶,不太差.但茶份量多左D,所以只能算合格o但吉列豬扒果舊豬扒頁係令我喜出望外(雖然冇期望),唯一要改善的是D汁略咸左o老闆娘.亦很好人.本來西芹鮮魷亦可以幫我地轉左做味菜,D鮮魷唔錯.份量約有十幾舊o最後個烏冬都唔差o

上年度係長洲做左一個月手作仔,一日幾餐都係入面食,食左成個星期,走晒成個島,茶餐廳最好味都係佢,有咩最好食,就係食佢d炒粉麵,睇住老細係廚房炒炒下,夠晒火候,炒得乾身仲唔係太多油,點解會係咁....hehe...你地到時企係身望下個廚房就知午餐連飲野都係$30左右,有咁ga水準....出返香港九龍d出名老茶都未必搵到(個人心聲).所以現在每次到長洲一定會入去回味下.ps:佢地係一家庭式作業,老闆兩公婆好好人,同埋佢地多數星期一放假,

上星期同一班朋友去長洲camp , 臨走果日經過一間茶餐廳,見門面都幾好,所以入去試下。特餐裡面有個叫''日式炒烏冬'', 味道都幾特別,有別一般既炒粉麵!!! 不錯!! $$26仲有飲品送!!! 低~~凍飲又唔駛加$2~~~哈哈哈!!!!!另外我朋友叫左個鼓椒牛肉炒麵!! 特別一讚佢d麵~麵底整得好''翠''~~~GOOD!!!! 仲有佢D凍檸茶好好飲!!!