永年士多 (屯門市廣場1期)

營業中

休息中

就在屯市！在銀行街的對面位置的地鋪，開了永年士多啦！不用去元朗和天水圍也吃到了🫢，方便了附近居民欵。新店環境雖然不大，但挺有特色感覺涼快的。也是跟其他店一樣，先付款後等叫號自己取餐的🙈。-辣串Combo HKD$39這個是新推出美食，一次過吃到4款食物，加入自家製辣醬汁調味。食物包括豬腸、陳皮魚蛋、魷魚及牛栢葉，這 幾款也是有嚼感的食物。加配醬汁吃感覺挺惹味，有愈吃愈辣的感覺。-小吃小吃也有多款選擇欵，點了淨酸齋($20)和咖喱三寶($30)，兩款也有顏色的食物，兩者味道各具特色。酸齋有爆汁的口感，質感軟滑有嚼感。咖喱三寶有魚蛋、豬皮及蘿蔔。咖喱味道香濃，這個味道不會太辣，感覺挺大眾化的口味。-雙餸麵餐 HKD$40這個是下午茶套餐，跟餐有飲品附送的，可以吃得便宜點😎。這個套餐餐的包括豬腸和蘿蔔，也可以加配其他食物，另外加了豬紅($11)和魚皮餃($9)。下午茶也可以吃到飽飽der，所以性價比可以的。-三豬麵 HKD$49是港式車仔麵常見的美食，從小吃到大覺得挺配合的組合。這款麵包括豬腸、豬紅及豬皮，也是滷得入味的食物🤤。豬腸爽脆有嚼感，豬紅質感香滑，豬皮入味爽口。麵底、湯底和辣度可以

永年士多食評服務十分之差最近去永年車仔麵的經歷讓我相當失望。首先，價格方面，$65 的車仔麵讓人覺得不太划算。更糟的是，必須先付款才能送單，咁樣肯定係驚我哋唔食都想走。送單後也非常差，根本沒有人主動幫我送餐，只是有個喇叭不停咁叫攞餐，最後還是自己去拿。此外，店內的樓梯又長又窄，自己送餐走下去的時候真的有點危險，手到震埋，簡直不知所謂。總的來說，這次的用餐體驗讓我很失望，未來不會再來永年車仔麵了。

今日發現屯門市廣場開咗永年車仔麵，終於唔駛去好遠先有得食👍🏻佢哋嘅車仔麵好出色，味道好，品質高，食物選擇種類又多，重要唔算貴👍🏻四餸麵 -豬皮勁爽口，魷魚都唔韌，好鮮味。豬血好入味，雞翼牀淋好好味，真係好食到停唔到口。串串combo - 陳皮魚蛋好好味，有淡淡陳皮的青香。爽甜牛柏葉，完全沒有煮過火，好爽口，加上醬汁，正呀。豬腸一啲都唔韌，加上魷魚，非常新鮮，加上銷魂永年咖喱辣醬，好味程度更上一層樓👍🏻車仔麵加串串Combo咁好味，飲品又點可以差，我叫了柚子蜂蜜冰，他們是用100%天然屯門原蜜去做呢杯特飲，柚子蜜清甜又可口，將口腔的辣味一一清除，重滋潤了喉嚨，非常好飲，不錯不錯😊

由買餐同攞餐，最後食完放回餐盤全自助。咁嘅價錢，完全零服務，真係有點貴。Memu 入面寫嘅餐，所謂餐就只係用優惠價加配飲品，而不是跟飲品。份量唔算多，麵底少，但酸齋同豬腸真係好味，首選。

問佢攞位，叫我自己落去睇睇。網上落單去拎嗰陣時候又冇餐具又唔出聲…全程西口西面…本身間店又唔大，啲客行上行落。啲侍應就全部喺上面吹水同玩，請咁多人少少嘢都做唔好…

大大話話食咗永年十幾廿年，由細個食腸粉幫襯到而家，尖沙咀，屯門，元朗，天水圍去過咁多分店，屯門分店服務態度係最差，所有侍應掛住傾偈，企喺收銀機叫咗幾聲啲侍應都好似唔聽唔到咁，個樣好似我阻住佢玩咁，勁唔願意幫我落單，落完單繼續喺度玩繼續喺度大笑大叫，仲要俾我聽到係度講其他客壞話，服務態度差到極點❌❌出品已經冇以前咁好食，員工嘅服務態度仲要差到咁，完全係趕客，大家真係要諗吓計唔繼續幫襯！！！！！！！！

今日係第一個客， 又係同之前一樣要起身搬位，而且態度都唔係禮貌，成間鋪都無一個有禮貌。真係唔值得幫襯食物都係好一般，而且價錢都係偏貴，轉登揸車入嚟食，但真係不值得。

店裡面仲有三四枱二人枱，要客人起身感覺太差，如果坐爆，甚至仲有一枱都說得過去，濫用客人同情心，生意手法有待改進，而且愈食愈少人豬紅雞翼唔夠淋，得豬腸味道無唔同，始終整體唔及元朗/尖沙咀，唯有去遠少少，過一排先再考慮幫襯呢間，原本都諗住做飯堂。

新開屯門「永年士多」，主打港式車仔麵，黎到新店梗食一頓豐富午餐。呢到用QR CODE自助點餐自選三餸麵(豬腸 、牛柏葉和流心蛋)，我選擇了小咖喱辣味，要多湯😍另加:牛筋 $13.00魚皮餃 $9.00豬手 $18.00麻辣豬耳 $15.00淨酸齋 $20.00特別值得一提的是豬腸和豬手，豬手軟嫩入味，令人回味無窮😆紅豆奶茶冰 $15.00紅豆大粒甜而不膩，是餐後的完美收尾🤤腐乳通菜$27 咸香味足夠，力撐本地品牌醬汁😋咖喱三寶$30🤩，有豬皮、蘿蔔及和魚蛋，每次黎必點小食!

鋪面細，枱面細，仲要有條樓梯。餐廳採用手機落單，自取嘢食，食再自己還嘢。當樓梯係必經之唔路時，噉樣行上行落都真係幾驚心動魄。多人/ 行動不便/ 有小動物就唔好揀呢度了。四寶麪有豬紅、豬大腸、豬皮同蘿蔔。四樣餸都好入味，蘿蔔好明顯食得出咖喱味添。麪底嚟講偏硬，不過符合我個人口味，大家考慮自己需要。最嬲係凍檸茶。成杯都係冰，$12嚟講，$10係冰$2係茶，檸檬都要擺冰上面，毫無篤嘅空間。嚟個反論嘅話，好處係夠凍。鋪面音樂選擇多元，40分鐘用餐時間聽到英文韓文同埋普通話歌，係冇廣東歌啫。$72一碗車仔麵嚟講算貴，但飽嘅。

原來屯門市廣場呢度開咗永年！最鍾意食車仔麵嘅我表示非常開心🥰元朗永年係中學時代回憶，成日同同學去食。依家屋企樓下都有就話可以成日食到啦～有好多款固定餸嘅選擇，唔想諗嘅時候就啱晒不過今次隔咗咁耐冇食，想叫晒所有自己想食嘅餸叫咗豬腸、牛丸、酸齋、蘿蔔蘿蔔同豬腸喺必點，非常入味好食豬腸裏面冇乜肥膏，食得放心！另外加咗小食韭菜豬紅，豬紅都好好食係比較淋身嘅質地！凍檸茶茶底好好飲覺得食港式嘢一定係配凍檸茶🍹

一聽到屯門市廣場開左永年士多,多左分店佢係商場入面即刻覺得方便左唔使係大街熱住等位！位置比較偏僻係地下衛訊附近。自撰三餸麵（瘦腸、魚蛋、芝士腸）$50永年好食眾所周知，開咗分店水準依舊，揀左魚蛋、瘦腸、芝士腸做餸，魚蛋很彈牙，份量都很多，滷水瘦腸好入味，揀左小咖喱辣，咖喱味一樣好香，辣度調味岩岩好唔過辣又或者唔夠辣！自撰三餸麵（豬紅、牛肚、蘿蔔）$56牛肚五香味岩岩好 ，蘿蔔很腍而且沒有渣，豬紅都好好食無腥味，揀左麻辣，麻辣既香令碗麵提鮮！蝦籽菜心$28菜黎講都幾抵 係自己想食蝦籽先揀左個高啲價錢，蝦籽灑滿係菜心上面，好濃蝦籽香！鹵水雞翼$30有五隻算係幾均真，送麵一流又可以當一個車仔麵餸咁食，略嫌小凍似醉雞個隻小食feel 個人口味都係鐘意熱既鹵水味！樽仔烏龍茶$17茶味好出 而且支裝上，飲唔晒都可以拎住走！

屯門分店食車仔麵由元朗開到嚟屯門啦！招牌麵 $60入面有齊豬腸 豬紅 蘿蔔 魚蛋，仲可以揀選招牌咖喱辣醬（微辣），首先講吓個招牌咖喱辣醬好惹味，然加咗落湯底度，但係都唔會令到佢成個口味淡咗，我仲特登揀咗粗麵可以令咖喱辣醬同湯底更加融合喺個面底度，佢配料份量都好足夠，蘿蔔勁腍另外魚蛋值得一提陳皮味好足好滋味！自選三餸車仔麵 $48另一個揀咗自己可以揀餸嘅車仔麵，我揀咗冬菇 魷魚（+$2） 麻辣豬耳（+$6），喺呢一個就配咗油面加埋手工麻辣醬中辣，佢個手工辣醬比較鮮香濃郁，將所有嘅配送加埋湯底都昇華咗有嗰種辣香，雖然同麻辣豬耳好似撞咗辣味咁樣，但係配合食落去更加香口濃郁咖喱三寶 $30呢一個性價比超抵食嘅咖喱三寶，入面有齊豬皮魚蛋蘿蔔仲加埋菜心做底，蘿蔔豬皮都已經入晒味好腍，而魚蛋一樣無可挑剔！紫菜丸湯 $28（丸類三選一：牛丸 貢丸 墨魚丸）呢個紫菜湯同我哋食嘅麵餐真係大相逕庭，佢個湯底真心正，紫菜香加埋湯底濃肉，其實有個隱藏食法攞嚟撈麵都係一流，加埋我哋揀咗墨魚丸勁腍勁鮮香，真係值得推介一試！港式菠蘿冰 （+$15）可樂 $10永年士多 (屯門市廣場1期) (屯門)屯門屯順街1號屯門市

💡腐乳通菜$27，份量正常，加埋餐廳特別配製嘅腐乳醬，令到成個通菜更加好食，通菜本身都非常爽口，整體嚟講都幾好食，唔差！💡麻辣孖寶，有我最鍾意食嘅牛柏葉，同埋豬耳，豬耳就非常爽脆，牛柏葉再加埋本身麻麻哋嘅味道非常好食，好入味，作為前菜嚟講非常開胃，辣辣地真係好惹味，而且份量嚟講都唔算太少，呢個價錢都真係差唔多，我覺得都算抵食！💡車仔麵，我哋就揀咗每人三個餸，牛筋非常好食，特別推介大家叫，做得非常入味，而且咬落口滑滑哋，幾鍾意呢個質感，豬皮亦都非常入味，吸收晒湯底嘅精華，而且本身調味都做得唔錯，作為配料嚟講非常好食，蘿蔔亦都炆得好林，非常入味，食車仔麵嚟講點少得叫蘿蔔，蘿蔔做得非常出色，keep到本身嘅水準，之前喺尖沙咀嘅分店食過，都覺得唔錯，呢一間分店，大致上嘅水準，我覺得都做得唔差，而且粉麵嘅軟硬度，我亦都覺得適中，唔會好似有一啲車仔麵，做得太過軟，整體嚟講我都覺得唔錯，保持到一貫嘅水準！💡抹茶紅豆冰，大大杯，非常適合夏天熱辣辣嘅時間飲，亦都非常有綠茶味，綠茶加埋紅豆配搭不嬲都係非常夾，味道條配亦都唔會太甜，非常適合一路食車仔麵一路飲，鍾意飲抹茶嘅朋友絕對唔可以錯過！

剛經過見到門外排哂隊等位原來新店係「永年」😋👍我哋一邊排隊一邊手機掃code下單當等到有位時店員就會安排入座及付款餐廳環境比較狹窄，空間感太少而且中間有上落樓梯位置～如老人家、小朋友或孕婦就要注意安全喔！等聽到號碼就自己出去取餐所有食具、碗碟及飲管也是採用自助式服務食完再自行收拾及放回收餐位置✅食物質素方面老實說是不錯👍不過人來人往嘅情況應該要考慮一下地方已經不大但同時好多人又出又入又取餐情況係有點混亂而且食得很趕急或者可能是剛剛新店試業人多試新菜的確是很正常希望下次再去會有反些少空間感🤭車仔麵都有兒童餐真係第一次見😂湯底及麪都相當不錯😋👍