永樂茶餐廳 (已結業)

作為一間茶餐廳, 杯奶茶好緊要, 這間的奶茶都唔錯, 而且食物選擇多, 又好味, 我通常幫襯早餐, 下午茶和晚餐, 有時下午茶會叫福面餐, e.g., 沙爹牛面, 餐旦面, or 雞翼沙律, or 奶醬厚多士 or 西多士 or 公司三文治等, 都係廿幾蚊咋, 至於晚餐, 每晚都有幾款選擇, 有時蒸肉餅, 有時蒸滑雞, 仲有蒸魚, 冬天有煲仔菜&煲仔飯, 如晚餐唔啱食, 唔緊要, 餐牌仲有幾十款小菜任您點, 都係四十蚊咋, 又有油菜, 又有中湯, 又有嘢飲, 兩個人, 一人一個餐, 好豐富呀! 我最欣賞這間餐廳的服務態度, 老闆很熱誠, 如有卡位, 一定給客人坐卡位, 如未有, 也會著客人先坐圓枱, 一有卡位即刻換俾人客, 兩個人也不會叫您坐埋一邊, 不用與其他人搭枱, 人客坐得舒服, 食得開心, 這才是待客之道, 而且這裡的環境乾淨企理, 令食客食得安心!

近來常到裝修街看這看那，連帶也多了幫襯該區食肆；其中，搬位後營業時間長了許多的永樂，是幫襯得最密一間，當中有些水心還真不錯：　奶茶-永樂的奶茶無論冷熱，都是奶味偏重，稱之為元朗最好有點過譽，然而其口感幼滑又夠香，又有陣濃濃茶記風味，喜歡奶味的二口子都幾欣賞的~　厚多士-不比跑馬地，元朗並沒昌記的五星水準厚多，永樂的出品算是厚多、多醬又令人滿足了!最令人高興是，$16的厚多士餐全日都供應，隨時麵包癮起都可以來償願啊!　菠蘿油-單叫$6，配上飲品又是$16，又是全日的供應，但當然趁早趁新鮮吃妙得多，其實遲了很多時也會沽清!冬天對卡路里的顧忌減低不少，試了幾次的出品都外香脆內軟，溫度恰如其份令牛油半融，美味啊~~　自選配搭早餐($20)-嫩口煎蛋與脆口脆皮腸挺好吃，多士則顯得平平無奇了；配了五香肉丁麵油香充盈，味道也不錯的!　中式粥餐($20)-永樂選擇眾多，除了傳統港式配搭早餐，又有中西式早餐；寒冷的一天，以皮蛋瘦肉粥及蘿蔔糕開始一天，雖水準誠不及專門粥店，但可以換來熱暖感覺，還附熱飲一杯，很滿足。　鼓汁排骨蒸豆卜($32)-晚間來訪，一般點吃是客飯套餐，附例湯及熱飲，份量合宜，味道也可以

4/OCT這幾天小妹眼睛患上角膜炎，醫生給了3天病假給妹子~很辛苦呢~雖然第2日妹子已滴了醫生開的眼藥水，眼睛沒有發紅了，但是依舊爭不大眼及見強光…睡到日上三竿的妹子於是乎找媽子來個下午茶好了，剛好媽子放工，妹子吃飽後繼續長途列車上學去…哈哈~天衣無縫呀！本著媽子又說去老地方，妹子嫌那裡沒甚麼好選擇，來來去去都是炸雞肶~薯條~西多士~雞翼之類煎炸食物，加上$2x多元並不便宜…媽子就將個選擇權交給妹子喇~正當妹子運用腦袋想想附近有甚麼茶記之際…便想起永樂來，還記得妹子前陣子來吃個豬扒包，很不錯耶！好~就那裡吧！約好媽子後便前往那裡，喜料妹子先到一步！見到阿姨喎！她一見妹子就說：妳媽媽未到喎~哈！即時有種熟悉的感覺，她是媽子朋友之一。安排妹子坐好卡位之後，妹子就看電視打發時間…剛好餐廳每張枱子都坐了人，見妹子獨自一人坐佔卡位，老闆都很適趣地沒叫妹子移開玉步，妹子於是乎很安心看妹子的電視去~等到媽子來了~阿姨推介食公司三文治，現在做優惠，原價$25，現$20，超值喎！就這個好了，餐飲要了熱奶茶。一客4件的公治，面頭放了3片薯片。公治挺為豐富~有叉燒粒~火腿~煎雞蛋~片生菜~沙律醬~生蕃茄~芝

其實食物就有些好食.有些ok問題係無一種食物係熱的....楊州炒飯.蝦大大粒..乾身....料都ok...好食义燒意....的味好淡...個湯好似水咁....但义燒多.但不新鮮

和友人打完牌，便到這裡吃晚飯。 湯好味，夠水喉 咕嚕肉炸得好脆豆腐班腩煲斑腩好得，好脆又夠味 叉燒蝦仁炒蛋蛋炒得好滑 豉汁蒸鱔，我不太愛食鱔，但朋友說上次好味d，豉汁味濃d這裡的老闆好好人，又有禮貌，服務又好。現在好少茶餐廳還有這樣好的服務了，真的令人食得開心又舒服。

本人喜愛三文治，平時多幫襯兩間大型連鎖快餐店及兩間西式三文治餐廳外，還想試不同餐廳的公司三文治。很久之前Search到元朗這間茶餐廳的公治似乎不錯，便特意在早幾個輕鐵站下車一入去，剛巧有個女人看到，「一位」，「坐個個卡位丫。」一位都有得坐卡位真不錯下午茶公治餐 $25等了好一會兒送上，看公治賣相不錯，有兩片疑似"鬍鬚佬"薯片，麵包有烘過且烘得剛好，拿上手整份三文治都是暖的，確是新鮮整出來。內裡有煎蛋、火腿、沙津醬、菜絲、蕃茄、芝士(應是卡夫)、叉燒。煎蛋煎得剛好，有點蛋汁，薄薄的已是不錯，火腿雖有點油，但不俗，不像是劣貨。沙津醬不會太過多，蕃茄與菜絲都算新鮮，不過分量不多。芝士雖然不是溶的，但暖暖的已很不錯。至於叉燒，四份三文治中只有兩份有，而且只得一小片這間餐廳的三文治是有水準的，看得出是誠意之作，不過餡料方面可以有更大的進步空間，可以加入更多餡料如吞拿魚、其他肉類等，相信在元朗茶餐廳間能夠更"煞食"!至於凍檸茶，同樣做得出色，要少冰雖然還有好幾舊冰，但甜度實在非常適中，檸檬亦沒有吝嗇，正服務、環境方面，雖然獨坐卡位期間侍應不時叫新到的客人搭我枱，但一有空餘卡位便將他們調走，不知是照

今晚和男友晚飯，男友提議去永樂，好耐無去了，對上一前係食下午茶。依舊點小菜食飯，小菜好得喎，請看相片描述。值得一讚的是個湯，中湯好清甜，唔會有好重的味精味，而羅宗湯好濃味，正!!這裡的服務超good，老闆主動幫我們換卡位，而且仲好好禮貌，連侍應都好好禮貌。我去洗手間出來後，有個侍應叫我小心地下滑，好warm!! 我們食完飯後，再比兩杯茶我們，以為我們會坐多一陣，這個舉動令人覺得好warm!! 而且老闆凡事都親力親為，走時仍然好得禮貌地說多謝!!以前也不覺得這樣好，而家又成為另一間心頭好了。始終，服務好真的會加分不少。

早幾日出去元朗飲飲食食，無端端比我搵到間好食又抵食既茶餐廳，就係今個網誌既呢一間嘞！下午茶時間去茶餐廳食 Tea，平就一定架啦，不過平得黎，既好食又抵食就真係唔係咁易撞到。而且地方乾淨、冷氣又夠。我食既係公司三文治，有蛋、火腿、蕃茄、芝士同埋叉燒。加埋好好味既凍奶茶一杯，埋單只係 $22！由於行到鬼死咁攰，又熱，呢杯好好味既凍奶茶好快就已經化為烏有。所以我叫多一個餐，三文治打包返屋企食，凍奶茶即刻對埋佢！所有圖片及文字來自：http://hk.myblog.yahoo.com/stewart-too/article?mid=4039

早陣子很愛和老公週日中午來這裡吃A餐和E餐, 老公很愛她們的白湯, 很有懷舊的味道,每次喝都會想起讀書時代的我們。其實ABCDE餐每天都不同, 當天吃了牛扒餐肉飯, 牛扒餐肉都是大路貨色, 但她們的飯很好吃,屬於硬飯那裡, 每粒都有咬口, 不會腍身。這裡的焗豬扒飯亦是我很喜愛的, 好大份, 每次食都很飽, 豬扒夠軟腍, 炒飯底蛋下得多, 所以特別香, 色水特別靚, 增加食慾。餐茶反而覺得一般, 不是太突出, 茶走會好一點, 不過她們的凍飲杯子經常覺得好黏, 不知是杯子清洗得不夠清潔或是糖水經常滿瀉, 總之感覺不好, 望有所改善。服務很好, 一有卡位便會轉給我們, 送餐收碟都很快, 態度親切友善。

2008年9月13日，嚟過呢度，果日，天文台發出酷熱天氣警告，食唔落飯，我嗌咗客豬扒包，唔夠飽，再追加一客西多士 ... 兩個字加多個標點嚟形容：好味！2009年1月17日，天文台剛收起寒冷天氣警告，風吹埋嚟，依然有刺刺嘅感覺，加上肚餓，更加寒 ... 途經元朗，諗起永樂，肚子咕嚕咕嚕 ~~ 於是走咗入去 ... 天寒地凍，都係食飯最好，煲仔飯 ... 咁早未有，於是主攻焗飯，要咗個鮮茄汁焗鴛鴦扒飯 + 羅宋湯 ... 焗飯有幾種汁揀，咖哩汁、白汁、燴汁 ... 竟然冇茄汁！但侍應都肯應要求，落個鮮茄汁比我 ~^^~羅宋湯冇咩特別，但對於鍾意食湯渣嘅我嚟講，算合格 ... 等待期間，雙眼焦點冇掟放，最後降落喺電視上面，播緊卡通片，都唔知係咩 ... 等呀等 zzz 等到啦 ... 焗飯！一定要炒飯底，呢個基本功夫佢做到啦，茄汁唔係連鎖快餐店嘅茄醬，而係真正鮮茄，最鍾意係有粒粒蕃茄喺裏面，Rich，鴛鴦扒係豬扒同牛扒，大大塊之餘，仲口感鬆軟 ... 夠讚 ... 食完之後，暖笠笠 ...

琴晚同媽咪家姐去左食,我同媽咪一人一個煲仔飯 我個個係排骨 媽咪個個係xx雞家姐就叫左一個小菜連飯煲仔飯要等四個字到 咁就等啦先黎湯 湯都幾好飲之後家姐個小菜係西芹腰果蝦仁 都幾好食之後就上煲仔飯 先發現原來佢唔係瓦煲 係咩砂鍋(冇睇門口個招牌)跟住個煲完全唔掂 係咁郁黎郁去 因為個底唔平d飯都幾好 d排骨就真係完全唔得 好難食係冇味道(我媽咪話係已經調好味 但我想講係一d味都冇)條spoon又有勁大陣漂白水味 好似未洗乾淨咁 想嘔好彩都唔係好貴$35

OpenRice 真係好幫得手, 隨時隨地可透過OR 食評網取得美食資訊。今次又係多得OR, 我哋兩公婆先知道元朗有間超讚茶餐廳。地方唔算大, 但勝在卡位夠多, 亞姐又唔會將啲食客迫埋一齊坐, 所以都坐得好舒服。裝修唔算新淨, 但係環境尚算乾淨企理。午飯時間抵達, 我哋點咗A餐同E餐, 老婆話想食沙爹牛肉包, 咁就叫多個茶餐一齊食。午餐附送餐湯, 有忌廉湯, 羅宋湯同是日中湯可任擇一款。我飲忌廉湯, 而老婆則要了羅宋湯。忌廉湯幾好飲, 好有舊式扒房如金雀或金鳳白湯的風味, 老婆的羅宋湯味道偏淡, 唔夠酸又唔夠味, 比較差。A餐係田園雞扒飯, 又估唔到田園汁味道係咁清新, 醬汁裡頭由甘荀粒同西芹粒煮成, 雖然我唔喜歡食呢兩種蔬果, 但係味道的確與香煎雞扒幾夾得來, 而且飯粒分明, 飯煮得唔會過軟, 保留少少硬度有嚼頭, 係我杯茶, 所以好快就掃晒碟飯。E餐係鮮茄餐肉焗豬扒飯, 呢個製作需時, 因為要焗, 所以要耐少少先來。新鮮焗起熱辣辣, 味道仲好味過大家樂, 份量又大, 仲多咗兩塊餐肉, 炒飯底又夠蛋香, 真係抵食夾大件, 超讚!老婆點名話想食嘅沙爹牛肉包, 係用焗香嘅甜餐包整, 甜餐

走入元朗一趟，當然要問下地膽Yan，邊間茶記值得推薦。我以為是舊式的茶記，原來室內很光潔，是一間新式茶記。豬扒包-簡簡單單的，只有一塊薄薄的豬扒及少許洋蔥粒，豬扒很單薄沒有口感之餘，梳打粉咮很重。豬仔包身是經烘過，當然是又熱又脆。 太陽蛋叉燒飯-兩隻靚靚的太陽蛋十分吸引，原來用來掩飾下面勁少的叉燒，而飯分量又多，基本上第二碗已經是做豉油來送飯，幸好白飯是夠硬身粒粒爽口分明，就算是豉油撈飯，也好食。另外奉送的忌廉例湯，罐頭加入大量的水，要額外大灑胡椒粉來吊味。羅宋湯通粉-雖明知是金寶罐頭湯，又沒有再加點蔬菜令客人增加食慾，只是一個淡淡的湯底及腍腍的通粉，幸好這個不是我負責包底。奶茶-我要的少奶，奶味仍很重「充足」，全無茶味可言，另一杯正常的，幾乎是茶版「latte」。

今日天氣真係好熱，走到元朗更加係熱上加熱，平時好少走嚟元朗，好日唔嚟吓，竟然熱成咁...走咗入嚟，格局似似哋小時候嘅茶餐廳，而且要搭枱，睇過menu，都幾多嘢食喎，最後都係點咗一份豬扒包...麵包好脆，豬扒一食就知係啱啱炸起，新鮮熱辣，非常之好食，但略嫌細份咗啲啫...見唔多夠喉，就嗌多份法蘭西多士，唔同快餐店，佢哋會成樽糖槳遞埋嚟，哈哈...要幾多落幾多...但味道就嘛嘛啦，似乎冇豬扒包咁正喎...

一排冇o黎, d 食物加晒價呀......不過都會繼續幫襯o既~今次介紹豉椒牛肉炒麵 - 炒麵的脆脆感覺非常正呀!豉椒牛肉的味道剛剛好, 少少辣好惹味! 牛肉仲炒得好滑, 好夠鑊氣添!仲有芙蓉蛋飯, 好大好大的芙蓉蛋, 加上甜豉油, 雖然係簡單的配搭, 但都令人懷念的味道~