永順沙嗲牛肉專門店

營業中

休息中

沙嗲牛肉麵關注組大推本身唔係好好嘅我哋都忍唔住嚟試吓😂星期日有好多人排隊排到出晒去等咗大概半個鐘🥲～沙嗲牛肉麵+榨菜 7/10佢有濃濃嘅沙嗲醬配埋牛肉都煮得好腍🤤沙嗲醬係幾唔錯嘅😋不過換埋個湯底就淡咗好多🥲冇咁濃烈沙嗲味榨菜方面有啲太鹹😅有少少冚蓋咗沙嗲醬如果一齊食😓加咗蟹黃麵不過個人覺得唔係好食得出同出前一丁有咩分別😂大家可以唔使嘥錢流心芝士雞蛋三文治7/10入邊夾咗芝士同雞蛋嘅三文治🥪雞蛋方面做到流心嘅效果配埋芝士都好夾不過個人認為就比較普通🙂‍↕️只係普通𤆤左嘅多士加埋留心蛋同芝士嘅三文治😅排咁耐會有少少失望😓不過其實味道係可以嘅🥹

元朗 l 沙嗲牛肉麵新裝修港式茶餐廳沙嗲牛肉/炒蛋/豬扒一丁 $54 7/10花生味濃既沙嗲，沙嗲醬好多好濃，但係又唔會太鹹，但係牛肉偏薄唔夠厚實。炒蛋炒得好香，又夠滑。炸豬扒炸得快都好juicy，豬扒厚度好夠，唔會乾柴。凍檸茶 少甜少冰 $18 5/10正常凍檸茶，不過太貴，可能未必會叫開心果西多士 $30 5/10好多開心果碎同開心果醬，打卡幾靚，但係開心果味唔出，食落同普通西多士分別唔大，食落只係一個好食既普通西多士總結唔值得專程入元朗食。永順沙嗲牛肉專門店 (元朗)元朗元朗安寧路2號冠煌樓地下F號舖

其實… 永順個沙嗲牛真係好岩我口味 排得耐都值得記得正確叫法係👉🏻 炒牛肉麵加沙嗲汁 轉蟹皇麵 再加塊炸豬扒‼️千祈唔好就咁叫沙嗲牛肉麵 好食好多架 🥹 未食就記得影 // #相機有得食先⚡️

元朗必試沙嗲牛🍲😈$47 沙嗲牛肉+炸豬排蟹黄麵味道佳！沙嗲牛花生醬味道夠濃，就係個蟹黄麵比較淋身，個人覺得同普通公仔麵冇咩分別😖🤔炸豬排夠香口夠脆，肉質啱啱好！🥺❤️🙌$30 開心果西多士令我有啲驚喜，中間堅有開心果醬加表面好多開心果粒，冇令我失望！芝士流心咸牛肉蛋治 $30+烘底$2總結：definitely worth the hype，唔怪得之咁多人，平日3點都人流一波接一波😏❤️‍🔥注意：人比較多，唔適合諗住慢慢歎嘅人～

經過成日都見門口大排長龍，有好幾次想去食，但唔想排隊所以放棄有日終於的起心肝星期五大約12:00pm去，排4，5個人左右就有位。如果去食要預咗搭枱，同埋都坐得幾close吓😅適合食完即閃🫨聽到隔離枱叫沙爹牛肉麵，要炒牛肉，就照跟人嗌😆仲叫咗份炸豬扒D牛肉炒過真係唔同d👍🏻唔同出面茶記嘅牛肉沙爹汁好香濃，仲要勁多汁😋炸豬扒我覺得正常，可能炒牛肉太出色，即時比下去整體食物都唔錯，但實在坐得太迫太唔舒服😅

喜歡食沙嗲牛肉麵的朋友，相信都吃過不同茶餐廳或食肆的出品，永順的沙嗲牛米好吃，很合我的口味👅這裏的叫餐形式像吃車仔麵，如湯麵類的餸分$8、$15及$21，$21餸可選鮮牛肉、沙嗲牛肉、炒牛肉(+$3），而麵底$8，一切可參考餐廳的餐牌👇🏼沙嗲炒牛肉銀絲米粉👍🏼$32，滿滿香濃的沙嗲汁覆蓋整碗麵，牛肉鮮嫩，份量又多，由於是炒牛肉，故每塊牛肉的邊位都有少許焦香，銀絲米粉也是我愛吃的幼米粉👇🏼凍檸茶$18，這杯茶好飲喎，茶色清澈，有茶味，但不澀也不太甜，很喜歡🫶👇🏼麵包烘得有均勻的金黃色，見到都想食😁👇🏼芝士流心蛋炒牛肉三文治🥪$35(芝士流心蛋三文治$30、炒牛肉$3、烘底$2)，鮮嫩的炒牛肉，有牛肉香，到位的流心蛋，再配搭邪惡的半溶芝士，相互發揮着不同的層次，滿足了我為食的嘴巴😋😏下次有機會再試其他的食品和飲品

講起沙嗲牛，我一定會諗起永順不過佢唯一缺點係唔就腳！今次因為實在太想食而專程入去，好彩嘅係唔洗排隊！首先唔洗諗當然就一定要叫個沙嗲牛麵。個人認為沙嗲牛一定要配公仔麵，所以就當然搭福麵🤣🤣之後其次就係同樣好出色嘅炸豬扒，係炸唔係煎！要叫清楚呀。最後見到餐廳趕上潮流咁出咁開心果產品，係邪惡到爆嘅開心果西多士。新屎坑一定要試試就叫咗份。先上係令人念念不忘嘅沙嗲牛，濃郁嘅沙嗲汁滿滿咗蓋過晒啲麵，份量超多嘅牛肉，第一啖飲咗個湯，啲回憶返晒黎！係香港人嘅回憶呀！之後上嘅炸豬扒，香噴噴熱辣辣，同埋好貼心咁切好晒！一咬落去脆皮嘅聲音，軟熟啲肉同保留嘅肉汁，必食。開心果西多士面頭係鋪滿煉奶同開心果碎，切開仲有開心果醬夾心，但食落其實都主要係煉奶味，雖然開心果味唔濃，但都係一份好食嘅西多！裝修後嘅永順闊落咗好坐咗～好似咁就無以前排咁耐隊了！

過嚟講到鍾意食佢嘅沙嗲牛肉覺得味道非常香濃，而且配埋通粉食，簡直係非常match! 冇諗過呢一間餐廳咁有驚喜！而且朋友都幾鍾意佢嘅西多士，係傳統好食嘅西多士味道！豬扒都做得唔錯，呢一間茶餐廳有機會會再返嚟幫襯！好食程度（5粒🌟）🌟🌟🌟🌟🌟抵食程度（5粒🌟）🌟🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟🌟衞生程度 （5粒🌟）🌟🌟🌟🌟🌟

之前見「沙爹牛肉麵關注組」推介過永順，一直都無機會嚟試到；今日嚟到元朗又好好彩地唔需要排隊（聽聞係人龍店）。無理由唔試吓啦...未落單前見其他客人嘅沙嗲醬落得好足，可惜麵嘅選項無大光麵；如果唔係我會簡乾撈。所以我就簡咗沙爹牛配福麵！沙嗲味濃郁、偏甜充滿花生香。牛肉唔係平時乸到腍嘅牛肉，而係鮮牛肉有彈性同有牛味。另外我仲點咗紅豆奶茶，老式茶檔嘅奶茶果然有質數保證；茶味濃而滑。紅豆亦非常好，唔甜同埋煲得透；好飲。

依間元朗老店嘅沙嗲牛肉好出名，到食飯時間就非常多人，少不免要同人搭枱，座位同枱面都比較迫，所以大家食完就會走。講返食物方面，依度嘅湯麵係逐樣餸嗌，由$8至到$21，再加埋$8起嘅麵底，價錢其實幾親民，可以平有平食、貴有貴食，麵底都有幾款揀，比較多人講嘅係蟹王麵，今次叫咗碗沙嗲牛肉通粉，湯面幾乎畀沙嗲汁遮住，沙嗲味非常香濃，本身都驚會唔會太鹹，但係食落又唔會覺得好鹹，起碼唔需要不停飲水，牛肉嘅件數感覺都算多，而且肉質都OK，明白點解會有咁多人介紹。

突然好想食沙爹牛肉麵, 一早黎到永順已經排哂長龍, 雖然呢度沙爹牛肉出名, 但其他食物都一樣出色🌸 凍鴛鴦 🌸奶茶混合咖啡, 淡淡咖啡香, 奶味濃縮。🌸 沙爹牛肉出前一丁 🌸牛肉嫩滑唔韌, 份量都不少, 沙爹醬濃得黎唔杰。🌸 西多士 🌸麵包表層焦脆,裏面有花生醬, 配埋牛油同奶油, 好惹味。🌸 芝士流心蛋鮮牛治 🌸麵包烘底鬆軟, 鮮嫩牛肉加埋半溶芝士同埋蛋, 好食。🌸 豬扒 🌸呢個真係必食, 外層炸得薄薄又適中, 好鬆脆, 肉質飽滿無乾柴感, 唔會油膩。

今天放假外出購物，順便想在外面吃完午餐才回家。剛巧經過永順附近，在想永順搬了新舖，都沒有幫襯過，反正只有自己一個，平日搭枱應該都好快有位，就決定去永順吃午餐。入到永順門口，侍應姐姐問完我幾多位後，前後不夠五分鐘，櫈未坐低，餐牌未睇，比侍應姐姐拉來拉去轉了三張枱。我明白午餐時間係多人，我都預了要搭枱進食，我是來食飯消費，一個人也是客人呀，店舖出名，食物好味，又怎樣，服務態度就可以咁差嗎？我忍無可忍，出聲同侍應姐姐講，我入左黎五分鐘都唔夠，轉了三張枱，你地有無過份D。侍應姐姐回應我，話佢唔知道。你地間舖都唔係好大啫，如果真係大到咁，你地就唔會知我係剛入黎，可以比你地轉枱啦。一場黎到，既然唔比坐低食，諗住轉外賣，又比個侍應姐姐拉左去收銀機，一邊講唔好意思，話幫我即刻落單，但又一手搶走我手上餐牌。你地覺得自己舖頭食物出名啫，但唔代表我唔駛睇餐牌㗎。最後，食左成肚氣飽晒，走人。

永順最出名沙嗲牛肉就眾所周知，但作為非沙嗲牛粉絲嘅我，喺永順最愛最愛嘅就係流心蛋三文治❤️，信我，真心好食！招牌沙嗲牛麵對我來說有點過鹹，不過如果同朋友share食都非常值得一試。另一招牌蔥油飯，搭配嘅肉類選擇份量夠大，亦都非常足夠兩人分享，但對我來說味道好但不夠特別。而我私心最愛嘅芝士流心蛋炒牛肉烘底三文治就真係非常驚喜。首先賣相一見到就夠晒吸引，而且牛肉新鮮炒加上流心蛋芝士作為餡料，爆汁得來又充滿層次。每次食都覺得邪惡，但又非常幸福🤤 建議平日下午茶時間避開排隊人流👍🏽

🇭🇰wing shun restaurant🇭🇰Went there several time when I went to yuen long. Beef satay with “crab King noodles” is a must order dish ! there are also many combinations/ingredients for you to choose from 👍There are also french toast and fried pork chop, they are really delicious 🥰 love their sandwiches too! ———————————————————————————🇭🇰永順食店🇭🇰38年歷史的老食店！ 懂得就一定要點沙嗲牛肉配蟹皇面，多種配搭任你配😍已經去過好多次啦～還有西多士，炸豬扒 真的好吃😍正！芝士流心炸豬扒三文治亦都是必叫之一！

作為沙嗲牛肉麵嘅擁躉(•̀ᴗ• ) ̑̑本豬誓要行匀港九新界尋覓好食嘅沙嗲牛肉麵對上去過荔板角新好好運同北角渣華今次入元朗探一探永順☑️呢度嗌嘅形式有啲似車仔麵要逐樣加上去✧ 沙嗲牛肉+炒蛋出前一丁🥫沙嗲醬唔太杰 好易撈落個湯不過就同好好運一樣係有落辣椒油嗰派 雖然少啲但本豬都麻麻但要讚下份量唔少無專登撈都keep住食到🍜出前一丁口感比較爽同埋掛醬啲但嚟到點都要試下蟹王麵（👇🏻詳細比較）！🐮牛肉亦用上靚料食過咁多間唯一一間無筋無肥直頭靚到可以當鮮牛肉咁賣🍳略嫌個炒蛋mmd 煮到好似煎蛋咁✧ 沙嗲牛肉+炸豬扒蟹王麵🦀另一樣impressive嘅：係連蟹王麵都有得加$4揀！果然係沙嗲牛肉專門店蟹王麵似煮到好腍嘅公仔麵入口質感比較滑啲而且吸汁能力強啲用嚟試個沙嗲醬一流Fyi 鍾意食辣嘅朋友 辣油普普通通🐷炸豬扒（+$15）係意外驚喜！外層偏厚皮 咸蒜味甚至比得上大埔熟食街市炸豬扒世記level豬肉肉質偏腍 keep到粉粉嫩嫩der但就好多肥 食得唔舒暢..✧ 凍檸茶（$18）Goshhh好耐冇試過單叫嘢飲可以走甜少冰 唔算大杯💸