汕頭澄海老四鹵味專門店

營業中

休息中

今日難得一早去到九龍城，諗住可以買到澄海滷水鵝，去到見到仲有好多鵝，好開心，特登黎過咁多次都賣曬，所以空手而回。好啦，今日終於俾我買到，問阿姐有無鵝片賣，佢擰左下頭，都無打算做生意咁…咁既然無鵝片賣，唯有買原隻鵝。寫就寫$128/斤，但無得買一斤，佢話最少都起碼一斤幾，見難得買到，咁就照買，最後磅左$178。翻到屋企打開係有少少失望嘅，量係多，但睇真啲，骨多過肉，味道就ok嘅…但好多毛…而且店內環境好污糟又好多烏蠅🪰真係好失望….名過於實

念當年，這間老四在龍城區內是有兩所店的，一所是以菜館的形式經營，另一間則主要做外賣....如今那菜館沒做了，就只剩下這身處於街市對面的鹵味外賣小舖....雖說是外賣店，但若您想堂食的話，也是可以的，而且晚上還有供應私房菜，可說是這兒的best kept secret....今天小弟一支公來吃午餐，供應的只是尋常的碟頭與炒粉麵。來得這裡，自然就要點潮州鹵水物事了....鹵水鵝飯以大湯碗上，份量不少，吃畢後一定夠飽。鵝肉結實不韌，鹵水味足色沉鬱；飯炊得軟熟適中易咬；最妙的是伴菜是小弟最喜歡的春菜，其質地軟軟油脂味足而香，是一種很易嗦味的菜蔬，好吃....一個人獨自修行吃著飯，同時隔鄰座的阿姐阿哥們也吃著福食....饞嘴的我立想過去分一杯羹，正所謂隔籬飯香嘛....

某星期日，因太餓，付近又無咩特別野想食，行到間舊式飯店，比佢環境吸引住，所以入左去試下，叫左欖菜肉碎炒飯，乾炒牛河，等左一陣，比個賣相吸引，隻碟又靚，食落去好有兒時味道，回憶番晒黎咁，宜家好少係出面食到黎隻味道，雖然食食下有點咸，不過真係好食，由其乾炒牛河個汁，整得好出色，好有回憶，必叫~

途經上址，被他們的舊裝修、及餐牌吸引了，與老伴坐下拿著餐牌挑了二菜一湯、一糖水。糖醋麵、水瓜烙、紫菜雙丸湯及清心丸緑豆爽。水瓜烙味道正，加上有花生粒，食落時不覺口淡淡，紫菜雙丸湯與兒時老爸煮的一樣味道，不期然想起老爸看著我們狼吞虎嚥食他的飯菜時微笑的臉，糖醋麵軟硬剛好，糖水更正，味道剛，不會太甜，清心丸好有咬口彈牙，本想再點菜，只是碟頭份量比一般酒樓多，及食物好味，清了全部餸菜，肚已無空間了，留待下次再食。

說到九龍城，或者會先想起泰國菜。其實哩區有很多潮洲餐館，而其中這家汕頭澄海老四，出名滷水，潮州人基本上都會認識。生於潮州世家，接地氣的說，我是吃滷味長大，朋友說在九龍城試過一間潮州餐館，味道不錯，叫我一齊再去試下，看是否地道。三人行沒有點滷水菜，我們選擇了幾個比較家常我小菜，包括蠔仔粥、方魚芥蘭、椒麻雞、板麵。本來還點了韮菜餃，不過溜了單。蠔仔粥用料十足，除了新鮮蠔仔，還有肉碎、方魚，芫茜等。光看這些食材，已預計到鍋粥會鮮甜美味，可惜方魚炸到有點燶味，有點失色。我還是比較喜歡簡單家常版的蠔仔粥，不用方魚，用冬菜吊味，反而更清新醒胃。我已習慣吃得清淡，這裡整體食物偏油膩，不是人人喜歡。

非潮州人但喜歡食潮菜！自從老闆關門無做堂食，我即刻少去九龍城。上周六(27/10)終於可以再嘗「真潮菜」，老闆將日間滷味店轉成私房菜，更加有住家feel美食報告及真心推介:1）滷水鵝非常足秤，入味非常但有點瘦，不過香港依家有肥燒鵝難過登天2）凍馬友👍👍👍，唔食魚嘅我都要讚，魚嫩肥美，沾上點點普寧豆醬，魚鮮味立即昇華，令人一嚐再嚐3）四喜大拼盤蟹棗、蝦棗、豆腐、鳳尾蝦（無魚粿），好新鮮好彈牙好滑好爽，無得頂4）椒鹽白飯魚魚大大條，但有點炸過龍，呢個餸佢唔係專家5）水瓜烙好到不得了！火🔥候適中，水瓜無炸到乾口，外脆內嫩，惹味無窮6）青欖杏仁豬肺湯青欖鹹中帶酸，杏香滿溢，清潤養身7）煎蠔餅一級製作，無出水，口口蠔肉，脆脆好味8）紹汁芥蘭完美演繹，好嫩好爽好甜好青，師傅俾心機整，大人細路都啱9）糖醋麵脆脆，兩面都煎，無水出，必吃10）返沙芋頭真心無靚芋頭點整都唔會有勁爆芋香，但要炒得好芋頭上糖而不掉，真係唔易11）清心丸綠豆爽生平最好食的一碗正宗潮州甜點，清心丸有咬口又Q彈，真係清心有餘，綠豆香味四溢，跟甜而不膩的糖水融合得天衣無縫由資深大廚主理，侍應們都幹了數十載，很值得食客支持！再加上得幾

一個禮拜連去了兩次！很地道的滷水鵝，春菜煲，芋泥等等等等～老闆娘經理們都是地地道道潮汕人，他們說說來之前提前打電話訂臺，跟他們說想吃什麽菜，他們可以去對面街市買回來門口還有賣各種各種的雜鹹，菜脯，鹹菜，貢菜，好想都抱回家去～

早兩日揸車經過龍崗道汕頭澄海老四洒家見到冇做，原來喺衙前塱道老四原店做私房菜，即刻訂枱訂咗一圍同屋企人慶祝買新居入伙晚餐，家人食得好開心，超好味，樣樣餸都色香味俱全，環境清靜舒適，老闆老闆娘好好人，伙記招呼好好服務周到，十分滿意!我地叫左時令薄殼，椒鹽九肚魚，金鋰🦐，名牌鹵水拼盤，黃金伊麵，鮑魚西蘭花，梅高骨，炸大腸，潮式糖水！我們一家人好鐘意食潮州菜，正宗原始好味既，試過好多，都係老四最好味，好開心可以食番老四的味道😍！

知道老四開返私房菜, 立即訂個位慶祝生日。我地一行十幾人, 好耐無食過正宗潮州菜啦。當日老闆娘安排左幾道傳統既菜，有涵水鵝啦糖醋麵啦, 最開心見到蠔餅同高燒芋頭南瓜唔知係唔係私房菜既關係, 感覺比以前更地道, 更好味同有氣氛, 我地十幾人食得好盡興! 當日我地一致認為最正既三個餸分別係(排名分先後):1) 蠔餅! 有一定厚度但唔會有好厚麵粉既感覺而且有少少QQ 口感, 成口都係蠔2) 高燒芋頭南瓜, 聽說做法唔容易, 出面都好少見, 食起上黎好香, 唔鍾意食南瓜都會喜歡3) 清蒸蟹, 真係好甜Welcome back 老四

今天的下午茶外賣，我們挑選了一家滷店。外賣30分鐘就到了，從九龍城到九龍灣，時間控制得不錯。食物方面，最好味的都係滷鵝和滷蛋！糯米大腸幾特別，硬身，不太濃味，可以一試。

六月上旬‧大暑在家吃飯，五菜一湯，當中一味就是來這裡加菜。要了掌翼、豬利及豬頭肉的一盒。掌翼口感不錯，但鹵水不夠香是敗筆，吃起來便風味大減。豬利比較韌，豬頭肉肥美豐腴，是當中最好吃的。價錢不便宜，還可更好。

本宮媽媽o向e間老四買o左鹵水鵝，買o左超過10年，本宮媽媽去親就已經唔洗排隊，仲有由老板或老板娘親自揀o既鹵水鵝，由於大家本身都係潮州人，加上又係熟客仔... 所以，通常d鵝都係特別好味。潮州鹵鵝o既鵝，並唔係通常o既鵝，而係潮州獨有o既獅頭鵝，媽媽話e隻獅頭鵝可以好似一個bb咁大隻，不過就不堪一擊，好容易死o既。但係，佢o既肉就非常之嫩，加埋老四o既秘製鹵水，就真係好味到喊~今次強烈推薦o既並唔係鹵鵝，而係鹵水鵝肝，老四o既鵝肝，一定要襯熱食，因為佢係好嫩，一凍就開始un 喇~ 好可惜係身為熟客仔，都唔係次次都有，因為有時老四會覺得唔靚而唔整... e隻可遇不可求o既肝... 真係好味過法國o既鵝肝ga!!http://hk.myblog.yahoo.com/ultrabearhk/article?new=1&mid=516

我成日話自己做食評.俾笑臉係咪俾得太寬鬆.我要檢討下....哈的確我劣評得的食店.真係好差.....今日去左九龍城買左鹵水鵝.95元.價錢都叫貴但好好食...用左十分鍾....就消滅左的鹵水鵝.....服務一般...的店員都有介绍.....差的鹵水鵝.會有騒味,的味會好鹹.什至鹵水鵝.無味但呢樹的鹵水鵝.切得好好,細細件.汁是分開袋的.......而鵝味係甜的.鹵水汁只覺香不覺得鹹確實好食.今日去買.都大把人買好多返屋企

I am always crazy for 鹵水鵝腳. While buying crab, we stop by 老四. They were a little bit uncomfortable when seeing me up close with camera ! But since we brought a lot and I really meant a lot, they said nothing. This particular batch we brought turns out to be not as great. Taste was fantastic but the feet is way to tough, most of them don't come off the bone. I am sure they do better other times. Will go back try again in the future.

街市二樓榮記的燒味已經成為歷史,如果想加料上龍城街市熟食中心,附近有什麼選擇?在義香隔離的澄海老四鹵味店,反正未試過,是日早上就買一些鹵豬腸,豬手,鹵水蛋上去熟食中心吃.再去樂園叫奶茶,沙爹牛米,又去德記叫個腸粉,實行自得其樂.豬腸同鹵水蛋鹵得夠入味,但鹵水味道未算特別厚,豬手硬如石頭,牙力軟一點都隨時咬崩牙.其後再試過鵝片,鹵得不算軟熟,如果下次再加料上街市,去潮州鹵打包鵝肝送德記有味粥.想起都黐線.