江南美廚酒家 (已結業)

無諗過打得成風仲要掛八號風球掛左成日食物當然無預足夠啦未落三號風球就落去九龍城廣場求其食D野好多人比我地早黎見到江南美廚有位就入去醉雞一般啦無乜雞味好彩有D肉食下酒味都重賽螃蟹好差唔識煮好心唔好煮一D味都無西蘭花又無蛋又無賣相亦相當唔吸引一劈劈好似漿糊咁系咪打風個chef 冇心情?!嫩雞麵差到講粗口份量少湯底十級鹹小籠包就還可以起碼內裏多肉汁素菜餃子就普普通通但好乾做得唔靚唔juicy銀絲卷就選擇無炸所以是普通饅頭點煉奶如果咁都難食會叫個chef 再培訓高力豆沙香蕉味道正常但唔夠熱囉係咪番炸我唔知但一定係炸起左一段時間先拎出來

今日黎到江南美㕑吃午餐，因為九龍城廣場頂樓的兩家酒樓食到悶悶地諗住食下上海菜。黎到要等位，我地四人等左大約十分鐘就有位喇出面餐牌有個餛飩雞孖寶，好似幾吸引喎我哋就order左一個拼賽螃蟹都OK嘅味精唔算多食完唔覺口渴但唔係特別好味囉賣相一般，好彩食落都還可以總結: 食物賣相一般，味道普通無乜特別，價錢可以接受。飲茶食點心食得多想轉下食其他中菜先會幫襯。

國慶同屋企人行九龍城廣場，捻住去吉之島行下，之後發現有一間食上海野叫江南美廚酒家，佢有午市精選套餐同優惠雲吞雞孖寶，超級正，卑個讚👍，仲有京燒羊腩、孜然羊肉生菜包、海參紅燒肉、海參獅子頭、狗不理包、養生薑汁糕、蒸／煎迷你八寶飯，正到無得頂啊👍

霖咗成晚，唔知食咩，一家人就坐車來到九龍城依個地方，通街可以見到好多食泰國嘢葛餐廳啊飯店個d，但係來到Kcp九龍城廣場，發現咗一間食上海嘢叫做江南美廚葛酒家，都發覺原來上海嘢都有好多嘢食，細細間又有孖寶，又有套餐，而且宜家仲有大閘蟹套餐添，可能啱啱開始做依d大閘蟹套餐，所以每隻蟹得5兩重，但係整出來真係好好味。另外特別推介醉雞啦，炒年糕啦，粗炒都係勁好味，小籠包生煎包鍋貼仲正啊。而且d服務員態度都幾好噶！！下次一定再來，值得推介！！！！！！！！

見其他地方冇位~咁岩見到間野D宣傳食物，好似好好味～所以就試下。叫左金牌擔擔麵 配 雞絲粉皮擔擔麵我走左辣，d麵林得制唔好食。食到1半已經唔想食放棄左。雞絲粉皮，算不錯，但我唔明點解要用咁細既碟裝。雖則知道係Q版，但連碟都q版，其實真係好難撈，我要將少少夾係個碗裡先再撈。雞肉唔似雞絲^^”似雞肉多d，唔夠絲口感尚可。粉皮唔錯。整體都算唔錯。PS.職員態度見仁見智。如果係1個人唔建議去食。感覺似唔歡迎你

食物質素還可以，價格便宜。但經理及服務員態度惡劣，不太友善. 已不是第一次有這種體會。雖然價格算便宜，但食物質素只是可以。但前線管理人的態度十分不友善，頗為落伍。

其實已經係第二次買團購黎食，因為覺得抵食所以encore，上次一男三女唔太夠飽(278除四人，每人唔洗70元)，今次三個女仔食四人餐就夠有凸。老實講，就算三個人食四人餐都扺食，四人餐$278除開每人都唔洗93，已經係全包宴，食物質數唔錯，服務都算中規中舉。唯九龍城廣場地點唔太就腳以致商場人流較少，就算有間日式百貨都係咁一般。可能做開街坊生意啦，鄰近住九龍城寨公園 (近排劇集效應?!)，比上次人流多左。去一去相先，食物水準都算中上。

第一次食，係透過yahoo團購四人餐。近三百蚊嘅價錢，個人認為都幾底~前菜三選二，小食三樣，主菜三選二，甜品一樣，湯一種。可能因為兩大人一青少年一兒童嘅關係，我地係食唔曬嘅味道整體黎講都可以，溫度夠熱，上菜都幾快，而且人流唔多，所以服務還算周到。

有時出街食飯…遇到食物好味非常…心情係特別興奮…相反…假如去到一d食店...侍應態度差、食物唔好食...就真係勁把鬼最重要嘅係：浪費健康嘅quota今晚晚飯又踩雷喇～雞算滑、唔太肥膩、但酒味唔夠...～個汁反而好重酒味...即係d雞要喪點汁先好食...～酸味唔夠...辣味又太勁～條魚明明係炸…但一d都唔香口…就連無汁嘅部位都唔脆口魚肉本身無味...一定要點汁...但醬汁又調得偏淡..成碟嘢…一丁點蟹肉都搵唔到食唔出...就連蟹柳都無一條(._.) 莫講話鮮味，鹹味亦少得可憐=_= 所以一。定。要。落。醋！醬油唔濃、唔香、無乜味...碟底有一大堆油！假如你想用筷子夾起小籠包有盪鞦韆嘅體驗...sorry...係。無。嘅！如圖所見，每一粒小籠包都係無生氣內有湯汁..但中間嘅肉...一啜就同d湯汁化為一體多油！多油！好多油！鍋貼皮完全唔得！！一咬落去...皮嘅質地係糊口！甜品…中規中矩...豆沙唔算甜...茶介：$12/一位總消費：$656

是日假期，一個人週圍遊，去到九龍城商見到江南美廚，一於去試下，叫做一份素菜湯麵配鍋貼，麵幼細嫩滑，好啱素食既朋友，不妨試試，鍋貼皮薄多汁，好鮮味，簡單而滿足的一餐。

今天下午二人經過九龍城廣場的江南，見到佢門口寫下午茶，38元一位。就入去試。叫了2個餐，雪菜肉絲麵加肉餃2⃣️小隻，担担麵加葱油小小餅2件。担担麵無花生香味，麵質一般。結數119元。原來星期六、曰每位加6⃣️元，茶銭每位1⃣️0⃣️元，連加一，多謝119。真是妹仔大過主人婆 ，無下次！

難得黎到九龍城, 當然想試下食泰國菜啦~但係好可惜冇BOOK位, 間間都迫爆去完九龍城廣場買野見到呢間酒樓好似唔使排隊喎,一於試一下~套餐中有一隻吉品鮑,味道還不錯, 煮得很稔很入味,獻汁好濃, 不過太細了~滿足唔到我口腹之慾!而雲吞雞湯則好像味精湯, 雖然好飲但多飲無益...竹笙香菇羹好似去左食團年飯咁,濃濃的獻汁很滯口... 已經想食皮旦豆腐好耐啦!呢度整得又滑又香, 而且夠辣,好正喔! 不過雞絲粉皮太多花生醬囉,但朋友好似好鐘意呢終於知道點解古人咁鐘意叫陽春麵,因為有助減肥, 好清淡啊...難怪賣幾個文錢咁平啦小籠包比賣相突出喎~雖然皮唔薄但夾起唔易爛,湯汁都好熱辣辣同香~係咁凍既天氣食碗薑茶湯圓真係好暖胃呢~湯圓都好多芝麻涵~不過得2粒, 都係滿足唔到我 7成飽, 食宵夜去~~~

星期五晚又來了九龍城廣場'搵食', 四位有咩好食?   泰菜?  Pizza? (Honey用凌厲的眼神望著我...)    係喎, 佢生飛滋, 唔....無意見 ---即是'可以'!  好, 一於訂位先! Let's go, GO GO GO~~~Honey請客, 我當然唔客氣, 生煎包好好味, 外皮鬆軟包底香口, 如果南小館的生煎包有8.5分, 這兒的有8分!  小籠包、鍋貼亦係唔錯的, 葱油開陽拌麵、排骨粗炒: 麵條彈牙, 醬油香, 唔錯!   糖醋桂花魚: 見隔鄰枱叫, 賣相咁靚, $188蚊碟, Honey話: 嘻嘻...咁我柯打喇, 炸得好脆口, 汁酸甜度剛好, 但我個人意見係: 今次試咗下次都係會叫番燻魚, 因為更好味特別啲!  招呼唔錯, 普遍都有啲笑容, 會自動加茶, 遞手會埋嚟, Good!總括而言, 這間店我已來過幾次, 坐位唔算密麻麻, 而無論食物同服務的水準都平均的算幾好, 價錢豐檢由人, 可以encore! (因為敬愛的母親大人唔奉行'相機食先'...唔方便碟碟影相, 所以係咁意影幾張)

那天上班，不知為什麼三位上司和經理會一齊食飯，又不知為什麼，三位上司分別也捉埋佢地既下屬一齊出席飯局，而我是其中一位下屬，因此我就嘗試咗依間餐廳。由於我們那天是返早的，所以放午飯已經是兩點幾，兩點幾已經是下午茶時段了，所以叫既都係人既下午茶份量。由於份量少，所以我地叫既款式很多。從前見到依間餐廳，也認為他們價錢會很貴，連餐牌也不望便另頭走。在九龍城返工後，更加知道搵錢辛苦，所以更加連經過也不經過。但到那天，我才發現原來價錢沒有想像中貴，且可能比平時食的更平宜！且味道也很好吃！我最愛是它的炒年糕！味道可口！而且十分好味！！！其次它的排骨炒麵也很口吃！！使我添完再添！還炸餃子、生煎飽、小龍包、豆沙餅也十分十分好吃！唯獨不喜歡蛋白炒飯，由於我不喜歡薑，但偏偏個飯佈滿薑粒……由於同一班上司食飯，所以都沒有影相，但值得一試！抱歉，由於那天經理心情好，所以請我們兼職食飯，剛好那天我只有半小時食飯，所以不知道價錢，但一道菜大約廿幾至三十蚊，是可接受的價錢！

在網上訂了團購，要提早最少一天打電話訂位。訂位當天2點半至6點半，打了共8個電話方有人接聽，當中包括兩次被人即時cut線。未來兩週都只有8:30pm後才有位，好麻煩！來到門口，得知有張兩人台埋了單但未起身，要等。眼見有兩張四人台、大台兩三張，又無其他人等位，點解一定要等2人台呢？等了近10分鐘左右，安排我倆一張四人台…頂！白等…坐低之後，侍應問我要茶還是要豆漿，但2人淨系包一杯豆漿，要茶啦！兩個冷盤雞絲粉皮ok好味，肴肉一般。原以為糖醋排骨系熱，點知呢度唱既都系「冷盤」，入味夠堅實、又硬！酸辣麵就各展所長，不酸不辣與麵完全無關系鍋貼和小籠飽都算有水準。沙鍋雲吞雞有一雞件和一粒精致雲吞，湯本身有野味(如果唔加水的話)。甜品系杞子桂花糕，奇怪相比深色，而且有部份杞子口感物體是黑色的。