江戶前日本料理 (已結業)

7個人叫左好多好多野都係$130一個人咋相仲要太多都po唔晒！滑蛋豬扒另跟白飯，蛋好甜，好多汁，豬扒外脆內軟好正！雞軟骨其實味道唔錯，但勁多炸粉。。。希望係一時失誤。雞扒咖哩飯好似燒窿左啲，但都好味，日本咖喱正，唔辣又夠香。金菇肥牛卷麻麻地，菇好韌。味道都一般。牛肉湯烏冬好呀！ 牛肉夠多，溫泉蛋好正，撈落個湯度食一流。豆腐好滑。芝士年糕💯必食！鰻魚炒飯好多鰻魚，好好味。唔太油，每粒飯都有輕微油份包圍，香！沙律唔多蟹子，還好啦餃子超好味！脆，入面多汁。壽司好散，但佢係平價既，所以我接受。整體都好好，有玄米茶飲。服務都好好

江户前之前都食過幾次，雖然食物質素一般但性價比尚算高。今日去食lunch，明明點了滑蛋鰻魚飯，侍應竟然落錯左做滑蛋豬扒飯，仲屈人話係我自己指錯因爲我唔食豬扒，最後要自己俾多一份錢叫過。下次真係唔會再幫襯。

抵食日本餐廳，已經光顧左好多次了。order 左個牛肉鍋焼烏冬都不用一百元，而且牛肉不會太肥。如果唔食牛嘅人就可以選豚肉又或者唔想食烏冬又想order鍋物可選豚肉鍋、天婦羅🍤鍋、雜錦海鮮鍋等。而湯底更可選泡菜或者味噌或壽喜燒湯。而且有其他丼飯事食。員工有禮貌的。埋單嗰陣仲會每20蚊可減2 蚊（供下次使用） 如果午餐set好似仲抵五十幾蚊包埋餐飲，叫左杯檸檬茶都足料（有四片檸檬）而且有味得來不會苦澀。餐廳算是整潔。

近排同男朋友中意黎呢到食平價日本野，食得好飽之餘仲唔肉赤。平日午餐黎食仲有飲品送！餐廳位於一樓，要行條樓梯，店面好大好闊落，坐得鬆動，不過裝潢就冇咩特別啦。餐牌上面菜式好多款，總有岩食既野，價錢都唔貴。呢個牛肉鍋燒烏冬大概5分鐘就上菜啦。個鍋燒得熱熱地，令成碗烏冬都可以一直保持熱度，有加到分。上面半熟玉子一篤就流心，唔錯。牛肉都唔少，有6、7片，味道都可以既。烏冬都好有誠意，好多，而且都幾煙un。湯底味道好足，整碗烏冬以60幾蚊黎講，質素相當唔錯，值得推薦！呢碗三文魚赤蝦飯都好大碗，三文魚有5片，味道都可以，有三文魚香，赤蝦3隻，幾甜，用蝦膏撈飯食相當唔錯。以70蚊左右咁大碗都叫十分抵食（當然啲刺身唔可以同出面百幾二百蚊果啲比，以70蚊既standard算係咁）另外是日特價6蚊一件三文魚壽司，所以唔執輸叫左3件，三文魚味道ok,質感ok，6蚊都幾抵食。見到有啲台叫左成20件好誇張。另外帶子壽司都唔錯，帶子大件而且香甜最後軟殼蟹手卷，有成半邊蟹，炸得都香既，整體不錯。埋單每人100左右，用埋coupon唔洗一百，食得飽飽。留起張單2個月內再黎又可以當coupon用。呢個價錢黎講有呢個qu

想食日本野但又唔想太貴，江戶前係好好嘅選擇基本上講得出嘅日本野都有! e.g. 壽司 卷物 火窩 拉麵 刺身所以最開心係叫唔同野然後齊齊share食~全部都味道不錯!以上係兩個人食，但我地都食得曬! XD抵食，好食，飽!

2018年11月11日，下午4點左右入座，可即時入座，環境幽静，叫左三個午餐同一個天婦羅，加左三個芝士蛋糕，每件蛋糕跟餐加八蚊。壽司定食: 魚生好吃，壽司飯略鬆，清湯烏冬挺彈牙，附送味增湯一碗。雜錦魚生飯: 建議加醬油拌飯吃，味道不錯，怕辣人仕可先將山葵拿走，附送味增湯一碗。燒海鮮拉麵: 等候時間略長，但味道不俗，唯獨燒蝦有少許不新鮮，其餘食材皆可。大蝦天婦羅: 60蚊三隻，味道一般，主要原因為外層麵粉在炸後不太脆，個人不太推薦芝士蛋糕: 作為八蚊嘅飯後甜品唔錯附語: 每個午餐附送飲品一杯總括而言，江戶前的午餐屬中上水平，且價格較平宜($50-$70,仲收加一服務費)，如果在荃灣想吃含魚生嘅日本嘢，江户前係好選擇。

好鍾意食荃灣呢間日本野，因為價錢合理，而且位置都算方便，出左地鐵站再行5-10分鐘就到。今日夜晚6點半左右黎到，唔使等位，不過見到7點之後開始多人。北海道帶子芝士燒 本身想叫燒帆立貝，不過侍應同我地講呢隻北海道帶子芝士燒做緊折扣，由原價20蚊隻減到而家14蚊隻，而且帶子比帆立貝仲大粒，於是就叫左三隻燒帶子試下。呢道菜芝士味不算突出，但都能食到帶子嘅鮮味。蕃薯天婦羅 天婦羅值得一讚👍🏽👍🏽 炸得卜卜脆，上碟時啱啱炸起，仲標緊煙。天婦羅唔會太油膩，薄薄一層粉漿唔會太厚身，食得到蕃薯嘅香甜。旁邊仲有蘿蔔蓉同埋醬汁，可以平衡番炸物嘅熱氣感覺。燒原隻大魷魚筒 最鍾意食魷魚鬚，唔會太硬咬唔開，但又有燒過嘅焦香，帶鹹味嘅魷魚點上甜甜地嘅醬汁，係幾開胃嘅小食。火炙魚生飯 極推介火炙魚生飯👍🏽👍🏽 呢碗飯一上枱時，d魚生已經堆滿左成隻碗，魚生包括三文魚腩，左口裙邊，鰻魚，鯖魚同埋赤蝦。魚生幾新鮮同埋肥美，當中最鍾意就係三文魚腩同埋蝦。食材用上日本壽司米，加上醋香令飯粒十分有咬口十分好味，下次會再encore呢碗火炙魚生飯😍火炙盛 火炙盛有三件壽司，包括三文魚腩，鰻魚，左口魚裙邊。三樣嘅火炙味都好香，而且

以前好鍾意黎呢間江戶前食飯 尤其係晏晝但係近呢兩三年唔知點解食少左好多 今次再食係食晚餐 上去發現間鋪細左好多 不過星期三夜晚都唔算多人 啱啱坐滿倒同朋友兩個去 決定想食乜就食乜三文魚刺身 $36 立魚刺身 $40兩個刺身比較普通 三文魚唔算肥美 唔係好油立魚冇咩魚味赤蝦刺身 $11/1是日特價 11蚊1隻本身以為佢特價 未必會好食 點知食落好creamy 唔係擺左好耐個d蝦咁梅曬而且唔算好細隻 我地之後仲唔夠喉要再加每人限叫四隻燒完整魷魚筒 $62魷魚筒幾乾身 咬落好脆口 點燒汁我覺得會太重味 就咁咩都唔點已經好正脆皮三文魚腩燒 $58魚如其名 真係好夠脆皮 而且佢幫我地切開曬 魚肉冇自己碎出黎 一舊舊一啖都OK仲冇魚骨厚切牛舌青椒串 $35呢個比較失望 餐牌寫話 一條牛舌只係整到三串但係見到實物覺得應該唔係 因為牛舌都幾細舊 不過就唔係幾un 一咬就咬得開雙拼雞翼$38有蒜蓉味同鹽燒雞翼冇芝麻雞翼 就叫左呢隻 不過黎到就算食埋都分唔到個味 雞翼都比較普通吉列炸蠔 $48有四隻 啱啱炸成黎 熱辣辣好重蠔味 炸皮都唔錯 點埋沙拉醬好夾好好味芥末三文魚大阪燒 $47用鐵板上 上面層芝士可

久違了的日本料理，算是不過不失。選擇算種類多，刺身、壽司、拉麵、烏冬、定食...天氣熱，胃口不大，簡單點了個慢煮叉燒烏冬和咖哩牛肉撈烏冬。牛肉撈烏冬咖哩香濃，牛肉煮得算軟腍，配着薯仔的甜味，算是不錯，烏冬也煮得適度，留有嚼勁，但溫泉蛋卻化了，不太成形。而慢煮叉燒烏冬尚算不錯，湯底清，不太油膩。烏冬不會太腍，韌度適中。叉燒帶點黑椒的香味，但肥肉多了點。溏心蛋則煮得剛好。整體而言算一頓性價比合理的晚餐。

今日星期五放工，有3個同事（包括我）一齊揾個食日本野的地方加吹水。天氣好熱，日本野係一個唔錯的選擇。我地叫左鰻魚炒飯，豬軟骨拉麵，極上壽司，大蝦刺身加三文魚扒。鰻魚炒飯味道不俗，而且鰻魚的份量不少，都幾抵食，豬軟骨拉麵則正常，並不是太有特式。我個人比較喜愛極上壽司，即包含多款不同種類的壽司，約十件，而且每件我都鍾意食，色香味全。大蝦刺生味道鮮甜，感覺唔錯。最後的三文魚扒，以香煎的方法去製作，十分香口。整體感覺很好，美中不足的是冷氣機好似唔係好夠凍。

同朋友仔gathering~去到荃灣，食江戶前~7點幾時間，walk in都有位。 叫左3文魚刺身，火炙曼魚，火炙三文魚，牛油果軟殼蟹卷，牛油金菇，蟹子沙律，豚肉大板燒，串燒雞軟骨，雞腎。 火炙系列味道唔錯~沙律都fresh同大碟既，串燒雞軟骨都好味~

一早已訂座，7大6小，到達後5分鐘都未安排入座，更不停問我有無朋友到左?不如你打比朋友問下?會唔會係頭先入左果幾位呀？😑 入到座位已經即刻叫野食，因為明知係星期六，人會較多.....叫左5分鐘終於有人肯過黎落單，再過左20分鐘開始上刺身(冰已出水)，烏冬麵(完全唔熱)，炸物(有d上到台已經淋哂)都算，幾個侍應求其將食物放係枱就算，叫住佢唔係放呢到佢都就咁放低，喂，我地有成13個人，張枱咁長，你好聲氣d叫我幫手傳過去絕對無問題，佢地就好似好趕時間咁，一放低就走...跟手叫野飲，叫左啤酒，汽水，沙冰.....等左足足25分鐘，我就問個黑衣小姐:【唔該，我地叫左野飲，你可唔可以幫我地追追呀？】黑衣小姐答我:【哎呀～整緊架喇，咪追啦，你估淨係做你一單咩！】😤我即刻著火:【我當然知道唔係做我一單啦，但係你都唔需要咁答我架，你好無禮貌囉，我都係叫你幫手追單遮！】佢:【個個都追單，邊追到咁多呀！】我:【哦，多人追單你就可以用咁既態度對客既?】佢:【咁我都係打份工遮…】我:【咁呢d就係你既職責黎架啦！】最後佢行開左，一直都無再負責我地台食物。真係好激氣，幫襯左咁多年，由力生到而家，職員都轉左幾十批，但

江戶前係荃灣區少有嘅樓上日式料理，價錢平民但質素唔差，皆因佢係單一店鋪冇分店只此一家不得不讚侍應服務態度一流超有禮貌又有耐性鐵板燒雞扒飯雞扒燒到卜卜脆燒汁好野味，珍珠米好有咬口赤蝦三文魚飯赤蝦超新鮮爽甜三文魚不過不失但被赤蝦比左落去飯內有wasabi、青瓜絲、芝麻粒、紫菜絲唔太單調

原本同老公想食日本放題，但不是太餓，所以打消了這個念頭。第一次食江户前，因為六點前去到，只有一枱客。當日做優惠的時令壽司是海膽壽司，原先$22一舊，優惠後是$16一舊。味道算新鮮，沒有苦味，以這個價錢，不過不失。之後叫了炸軟殼蟹，肉質新鮮鬆軟，但味道頗咸。還有清酒煮蜆，牛油味頗濃，很香，但牛油味太濃，蓋過了蜆的鮮味。以$48來説，蜆數量算多。至於鰻魚飯，大份，但味道太濃，太咸，吃不到鰻魚的味道。整體來説可以接受。

呢間餐廳啲鰻魚我最鍾意食！絕對有質素！每次都叫成幾碟嚟食！！！如果你有機會經過荃灣又咁啱想食日本餐廳嘅話，可以去試吓呢度！其他嘅食物例如拉麵啊刺身啊我都覺得唔錯～拉麵我食完唔會覺得好頸渴，應該有比味精但係味精唔會太多！我個人來講好憎食一啲拉麵食完會狂飲水～啲刺身好新鮮～ 餃子叫佢唔好剪到咁窿 佢都有聽我講 環境算幾大下 唔使同人哋迫枱 !！！不過啲侍應有時會大頭蝦 會落錯單～試過夜晚去呢間餐廳都未試過無位坐～